قناعتي
مهما تضيق بنا ديانا
دائما في الأفق ضوء
بهذا الضوء نحيا
فحافظ على هذا الضوء
مهما كان خافت
إذا ضاقت بينا الدنيا
وخانتنا أمانينا
ولن نفعل فيها شيئا
في حاضرنا وماضينا
ولم نبنى لنا بيتا
من الأفراح يأوينا
وصار العمر قاتلا
يقتل أحلى ما فينا
ووجدنا في الدنيا شرا
يظلمنا ويؤذينا
وأحرقنا قصائدنا
وخلصنا حكاوينا
وجرحنا مشاعرنا
وأسكتنا أغانينا
وأصبحت الحياة بحرا
تقذف كل ما بينا
ونبحث ولا نجد دواء
للأحزان يشفينا
سيكون في الأفق ضوء
سوف يأتي ينجينا
سيبقى القلب منارا
إذا أظلمت ليالينا
وسيجد الحب طريقا
لو تاهت خطاوينا
33 comments:
العزيز حسام
كلنا تضيق بنا الدنيا فى وقت من الأوقات ولكن يبقا الامل دائما موجود
وده من نعم ربنا علينا
وما ضاقت الا مّا فرجت
بصراحه صعبه قوى الصورة الاولانيه
لا شك ان بداخلك الكثير من الألم وهذا واضح جدا جدا
تمنياتى لك بكل التوفيق
والمزيد من الامل بعيدا عن الالم
تعقيب على الرد السابق فى البوست الماضى
هو ليه دايما الراجل حاسس انه وصى على الست؟
يعنى الشرف يا حسام ما بيتجزأش
سواء لست او راجل
حاسألك سؤال وفكر فيه مع نفسك
لو واحده خانتك وانت ما عرفتش حتتضايق؟
طول ما انت مش عارف ومش حاسس مش ممكن تتضايق
حتضايق بس لما تعرف انها خانتك
ما حدش يقدر يمنع اى حد انه يعمل اى حاجه
لو فى نيته يخون حيخون مهما حصل
الحياه فيها الحلو والوحش
تحياتى لك
هيه ديه الدنيا ياحسام بنقوم وبنقع
الدنيا بتمشي
سوء كنا عيشين فيها
او هربنا منها
ياعني في فكره في دامغي اليومين دول لو انا مكنتش موجوده ايه الي يحصل
انا او غيري مفيش حاجه
الدنيا بتمشي وعمرها مابتقف على شخص واحد ولا حكايه وحده
سؤال ليه حاطط0
يارب يكون الي في دماغي صح
على العموم ربنا معاك يافندم
سلام
انا حسى بيك وباللى بتمر بيه
بس احلى حاجة فيك رنة الامل اللى فى كلامك
انا بحب اوى التفاؤل
والناس اللى زيك
اللى مهما داقت الدنيا بيهم عندهم امل
سبها على الله وقول ياااارب
فيه ادعية لتفريج الكروب
تحياااتى ليك يا حسام
معلش انا كنت مشغولة فى امتحان وحبة ظروف كده الكام يوم اللى فاتوا
اتاخرت عليك بس غصب عنى
تحياااتى ليك
الصورة اللى انت حاططها فى البوست تحفة
علفكرة صورة البنت الى انت حطتها شوفتها قبل كدة وكنت نفسى احكها على البلوج بتاعى واكتب عن حالتها الواضحة
بس بجد كويس انى معملتش كدة
لحسن كنت قولت بتغش منى
محنا باين من نفس العائلة
المهم
فعلا الكلام كنت محتاجة حد يقولة قدامى
اصل الحياة مظلمة شويتين عندى
بارك الله فيك يااخ حسام
تعلمت من كثرة بكائى ان ابتسم فى وجة اعدائى..
واااااااااااااو بوست جميل
على فكرة انا اسمى حسام برده
انا مدونتى جديده ونفسى تزورها
باى باى
اشوفك بعدين
"سيبقى القلب منارا
إذا أظلمت ليالينا
وسيجد الحب طريقا
لو تاهت خطاوينا"
أحلى كلمتين لخصوا الدنيا وما فيها
وأحلى شعار ممكن الواحد يخليه قدام عينيه واكيد حياته هتتحسن وهيلاقي الطريق تاني
تحياتي
عزيزي حسام
الدنيا فيها الحلو وفيها الوحش
وياما حتشوف من الدنيا
لكن شوف الدنيا بعين التفاؤل وخليها حلوة
اما كلماتك بجد فهي رووعه
ماشاءالله عليك ونتمنى منك المزيد والاحلى
حلوه نبره الامل جدااااا وياريت نقدر نعيش بالامل يا حسام المشكله انها بطول قوى فى ضيقتها :)تحياتى
جميل جدا جدا
بعد ما سودت الدنيا في وشنا ظهرت بارقة امل
ههههههههههههه
دايما الحب بيلاقي طريقه في النهاية
تحياتي
احساس جميل احييك علية
دائما هناك امل
فعلا
بوست جميل
تحياتى
ماشاء الله
كلامك رائع رائع .ورغم الألم لكن فى
امل وطول مافى امل الحياه تبقى اجمل
وان شاء الله ربنا حا يفرجهاواللى جاى يكون افضل ودى قناعتى انا كمان
اسلوبك جميل جدا ربنا يسعدك
تحياتى
يدعوكم موقع مدون خانه (تحت الانشاء)الى الاجتماع من اجل الاتفاق على الخطوات النهائيه لنشاء مجمع المدونين (مدون خانه)وذلك يوم السبت القادم الموافق 28 / 7 / 2007 وذلك الساعه 6 مساء يوم السبت فى مركز العربى للدرسات العنوان 23 شارع باهر زغلول من شارع المنيل
حسام ألف مبروك على المدونة
معلش انا عارفة انى متأخرة جدا
المهم من أول ما عرفتك و انت مليان اوجاع
بس صدقنى كل اللى اقدر اقوله خليها على الله.....
جميلة أويييييييييييييييييييييي
مليئة بالأمل
ودة أكتر حاجة عجبتني بجد
بجد عجبتني أويييييييييييييييييييي
من كتر ما هي عجباني مش عارفة أقول اية
تسلم إيدك
عايزين من دة كتير بقى
:)
نوني
عزيزتى
loumi
معاكى الامل لازم يكون موجود وكل ما بتضيق بعدها بتفرج
والصوره صعبة بس ممكن الضيق والالم يوصلوا الانسان لكده بس انا اعتبر ده غباء وضعف بس فيه ضعاف كتير
اما موضوع الرجل حاسس انه وصى فده صحيح وكمان بيحس انه مسئول عنها كمان
من ايام زمان ما كان بيحميها من الوحوش والحياه وظروفها بقوته وطبيعتة
وحتت الشرف انا عارف ان حد الزنا واحد وربنا مميز الرجل فى اى شئ فى الحدود عن المرأه بس انا بتكلم عن الاحساس واوعى تقولى لما تعرفى ده راجل بيخون بيكون نفس احساسك زى ما تعرفى دى امرأه بتخون بيفرق ودى طبيعة الانسان ومش موضوع دينى خالص
وانا عارف محدش بيحوش حد عن الغلط الا الضمير وضمير المرأه فى موضوع الخيانه ارق واحسن واكبر
سلام
عزيزتى
محض روح
طبعا الدنيا بتوقعنا وبتقومنا واحنا راضين بكده اما لو مكنتيش موجوده كانت هتفرق حاجات كتير اوعى تفكرى وجود انسان ملهوش قيمة كل انسان وليه دنيته اللى حوليه وانتى دنيت حد حوليكى وتفرق كتير لو اللى حواليكى مش موجودين او انتى مش موجوده حوليهم بس كانت الحياه هتمشى برضوا بشكل تانى
سلام
عزيزتى
Hadota .. حدوتة
حسه بيه اوك بس ده صعب محدش بيعرف احساس حد مهما كان يعرفه بس يمكن حسه بكلام فيه شئ جوايا مش كل اللى جوايا
وسيبها على الله طبعا انا ليه الا هو
ولا يهمك عذر مقبول مع ان مش من حقى عليكى تقوليلى اى اعزار متشكر يا باشا
هما 3صور تقصدى ايهم
طبعا اللى بيتحرق دمويه انتى
سلام
عزيزتى
soso
الصوره عنية ليكى اشلها وحطيها عندك يا اما لازم اعرف ايه الحاله اللى كنتى هتقوليها عليها واحساسك بيها
واحنا طبعا من عيله واحده ابويا ادم وامى حواء انتى مش برضوا كده
ليه بقه الدنيا مضلمة الدنيا نور بس مش بيخشلك اليومين دول افتحى شبابيكك وبيبانك يمكن تنور
وانا تعلمت من بكائى ان لا استحمل اعدائى واصبر عليهم لكى ينتهى البكاء
سلام
عزيزى
شىء من خيالى
وااااااااو انا روحت زوتك
واااااااو متشكر على زيارتك
واااااو اشوفك بخير قريب
سلام
عزيزتى
shams
صح دول من احلا الكلام اللى كتبتة بس فى حاجات تانى فى الحياه يتعملها الف بيت وبيت علشان ينور الطريق لينا
شكرا على زيارتك
سلام
عزيزتى
رانيا
الدنيا فيها الحلو والوحش بس الحلو بيفرحنا والوحش بيجرحنا
يبقا هنحس بايه مش احساسنا حسب ما نلاقى منها بس نحمد الله على اننا جوانا نفس قادر يعيش
سلام
عزيزتى
سهر الليالى
صح المشكلة انها بتطول اوى فى ضيقتها وبتخنق وبتتعب اعصابنا
بس هنعيش ونحاول ونستحمل
سلام
عزيزتى
mimi
كويس انى مسودتهاش للأخر علشان لو سودتها للأخر فى وشوكم هتسود فى عنيا انا كمان خلينا عايشين بامل
سلام
عزيزتى
ايوية
شكرا على التحيه
اصل احساسى لسه حى
سلام
عزيزتى
semsem
اه دائما فى امل
بس يا ريت يعجل شويه وبلاش يكون بطئ
سلام
عزيزتى
klmat
اه رغم الألم فيه امل
اما اللى جى محدش يعرف افضل ولا لا
اتمنا يكون احسن من اللى فات
سلام
عزيزى
امام الجيل
لو كان سعد زغلول اسكندريه هجيلك هوا
سلام
عزيزتى
رانيا -بورسعيد
ليه تسيحى وتقولى من يوم مع عرفتينى
مليان اوجاع ومين معندهوش اوجاع مدفونه كلنا وحياتك
شكرا على زياتك وحشانى جدااا
سلام
عزيزتى
Noony
اه فيها امل بس خايف مستحى ممكن
بس عوزه من ده صعب لان الامل بعيد شويه بس هحاول
سلام نونى
حسام
سؤال قبل ما اعلق
انت عرفت منين ان الحاجات دى هتعجبنى جدا كده ؟
:)
الكلام سهل يا حسام
كلنا بنؤمن بالضوء ده مهما اشتدت بينا الظلمه
بس المشكله
لما تجرى على الضوء وتفرح انك لقيته
تلاقيه ضوء قطر جاى علشان يدوسك
تخيل كل ما تلاقى بصيص ضوء فى عز الظلمه
تفرح وتجرى ناحيته
تلاقيه بيجرك لظلمه اكتر من اللى انت فيها
يبقى فى الاخر هتستسلم
وترضى بالظلمه اللى انت فيها
وهتخاف تروح لاى ضوء تانى بعد كده ليشدك لمكان اكثر ظلاما
وتلاقى نفسك غصب عنك بتقول
الظلمه اللى نعرفها احسن من الضوء اللى ما نعرفوش
جميل البوست يا حسام
وعاجبنى
ويمكن رجعلى شويه امل ان يكون فى نور بيودى لنور اكبر
مش لظلمه
عزيزتى
شرين
فيه ميت حاجة بتقولى انهم ممكن يعجبوكى ولو ظنى خاب فى عشرين منهم عمر ما احساسى هيخيب فى الباقى
طبعا عارفه وفاهمه ان ده مش غرور
عارفة الضوء ده بعيش بيه اه ساعات لما اروحله يتحول لظلام اكبر
بس على الاقل بيقولى ان فيه ضوء تانى ممكن يظهر ويخرجنى من الظلام اللى عيشه
والانسان ليه يستسلم
علشان مين يستسلم
علشان ايه يستسلم
تفتكرى فى حد يستاهل انه يخلينا نعيش فى الظلمة
اوعى تخافى من اى ضوء ساعات بنخاف من الشئ اللى للاسف هو الضوء اللى هينور عمرنا
وبخوفنا بناخر ونتاخر عن حاجات جميلة كتير
عارف حالة الاحباط والغضب اللى بيحصل بعد كل ضوء امل
بس الدنيا مهما شقا هى كده صدقينى على كل الناس وظلامها واوجعها اكتر من نورها وفرحها
يارب النور البسيط اللى رجعلك يكبر ويودى لنور اكبر
دعوة ليه وليكى دى
منورانى يا افندم
سلام
إرسال تعليق