السبت، 17 فبراير 2007

احساس أحلى من الأمومة!!!...........(قناعتى)0



طبعا انا بكتب الكلام ده وممكن محدش يقراه الا انا مش مشكلة
لان نصف الموجودات هتلاقى الكاتب راجل هتقول أخييييييه...ياااااااااااااااااع
وتقرف بقه ومتقراش والنصف التانى طبعا نفسهم حلوه بس هيقولوا ده راجل مش مثلى هيفهم احساسنا ازاى بس انا كلى امل ان واحده تقرى كلامى وتقول لنفسها اشوف الحمار ده بيقول ايه........
انا بس عاوز اسأل فى حد يبيع غالى ويشترى الرخيص
فى حد يقدر يقولى فى حاجه اقوى من حب الام وحنانها
بعد حب الله...اللى بيؤمنوا بالله طبعا
حد يقدر يرفض نعمه كبيره اووووووووى علشان شئ اقل منه بكتير
ازاى المثليه ترفض تعيش الامومه علشان خاطر مثليتها!!!!!!!
وحبها لانسانه مهما كانت الانسانه فيها
انا لو طبيعتى تحرمنى من شئ المفروض انه هيسعدنى ارفضها
طبعا اى امراه حتى لو مش ام تعرف الحب بين الام وبنتها بيكون اد ايه لا يساوى اى حب فى الدنيا فى راى..مش راى بس راى 99%من البشر
تعالى نجرب تجربه بس نظرى بتفكيرنا ونشوف ونسال نفسنا بعده......
لو امك جرحت حبيبتك تقدرى تزعلى منها اد ايه حتى لو جرحتها مش هتقدرى تزعلى منها ولو زعلتى هيكون زعل بسيط ووقتى ومن ورا القلب...صح
لو حبيبتك جرحت امك تفتكرى سهل تسمحيها لو بتعشقيها حتى.. مش هتعرفى تسمحيها أكيد واقلبى الموضوع واعكسيه لو الام مثليه وحب امك اكبر من حبك ليها الف مره وحبيبه امك زعلتك هتعمل ايه امك طبعا عارفه الرد.....صح
ممكن ذكيه وبتخدع نفسها بكلام وهمى تقول اعتبر نفسى عاقر بالذمه ده كلام
دى زى اللى فقعت عيونها وقالت اعتبر نفسى عميا...مجنونه اكيد اللى تعمل كده
لو انتى عاقر خلاص اراده ربنا لاكن طالما كويسه وسليمه يبقا احرم نفسى ليه....ليه....ليييييييييييييييييه معلش بتشنج وانا بقلها
واوعى تقولى اى واحده فيكم انها مش عاوزه تكون ام لو معزتشالامومه دلوقتى هتحتاجيها بعد سنه بعد خمسه بعد عشرين بس هتحتاجها ..هتحتاجيها مفير مفر لانها متعه ولذه وحياه تتعاش وعلاقه خاصه واوو..جميله بجد
بس اه تقريبا فى مشكله انتى متحبيش راجل يلمسك.متطقيش راجل يلمسك
ممكن الذكيه مش الاولانيه ذكيه تانيه ومعندهاش اخلاق اسف ده راى.. تقولى اشوف راجل شهم وجدع يتبرعلى انا وحبيبتى...شهم بجد بالذمه!!!!!
ويبقا عندنا طفلين منها ومنى ونبقا امهات وحبايب من غيررجل ما يلمسنا
مش هتكلم عن الشرع انا بكلم مثليات من اللى بيعبدوا النمل...
علشان متعتك وحريتك تحرمى طفل من انه يكون ليه اب
ده كائن صغير بلاش تخليه يتولد فى الكون غير بقيه الناس
خليه يعيش ويختار حياته من غير اى عوامل تضيقه
الاخلاق والمثاليه تفرض عليكى كده..هو المثليه ليها علاقه بالمثاليه حد يعرف
طيب الحل ايه نفكر شويه مع انى عارف بفكر لوحدى ومحدش معبر كلامى
بس هفكر واقول كام حل على ادى ................ يمكن الاقى
اول حل للى مش بتقرف من الرجاله وتقدر تستحمل يلمسها رجل
تتجوز وتجرب سنه اتنين المهم تجيب عيل حبيت تطلق تطلق وتشوف حبيبه ليها وتكمل حياتها بالطول والعرض زى ما هى عوزه
ده شئ مش اخلاقى تفتكرى ..مش عارف..يعنى احنا مش ملايكه.. لا اخلاقى لانها هتسيب الرجل لو مرتحتش معاه وده طبيعى اى واحده بتتجوز مش مرتاحه مع جوزها لازم تسيبه..يعنى التجربه محدش يعرف ممكن يحصل فيها ايه
طيب اللى بتقرف من الرجل هتعمل ايه دى مشكله تعمل ايه تعمل ايه
تعصر على نفسها لمونه اقصد عليه وتحاول تستحمل..... علشان فى حاجات رفضنها كتير فى حياتنا بنضطر نعملها علشان شئ اكبر..عملتى حاجه رفضاها من جواكى قبل كده...اكيد لو معملتيش يبقا يا بختك
اعتبريها تضحيه علشان.... مش علشان حد غيرك علشانك
انتى مش عندك استعداد تضحى بشئ علشان وطنك او اهلك او اصحابك
ضحى علشان نفسك.. اللى لازم تكون اغلى شئ عندك
وشوفى الامومه تسوى التضحيه دى ولا لا شوفى كده
بعقلك او بقلبك او باحساسك الامومه تسوى...أكيد تسوى
انا عارف انا مش هقدر عمرى احس باللى انتى بتحسى بيه
ولا المشاعر الجسديه والعاطفيه اللى جواكى
لاكن انا راى مفيش ادام كفه الامومه كفه اعلى منها دى كفه ملهاش وزن
فى ام بتتنازل عن شرفها علشان امومتها بيحصل كتير
مش ام واحده معظم البغايا امهات وعلشان اولادهم..بيعملوا كده وهما قرفانين
اسف لو اسلوب كلامى مش حلو ولا منظم مش مهم
ظبطيه فى دماغك انتى دوريه وشوفى مع نفسك
ومش هفكرك انتى بتحبى امك اد ايه مهما كانت قاسيه بتحبيها شوفى لو ليكى ابن يحبك كده زى حبك ليها ايه المتعه دى واو
وهى بتحبك اد ايه تفتكر حد يقدر يحبك زيها ولا مليون رجل ولا امره هيحبوكى نصف حبها دى حبها طبيعى زى لبنها مش صناعى زى حب اليومين دول بكلمه ينتهى ولا حتى بجرح... يموت ويتنــســا...

هناك 11 تعليقًا:

[PartOfWhole] يقول...
أزال المؤلف هذا التعليق.
احساس لسه حى يقول...

PartOfWholeعزيزتى
انا مش مضايق من المثليات خالصوكده يبقا فهمتى كلامى غلط لانى لما بتكلم على الامومه يبقا بشوف مستقبل لانسانه وبقلها عليه وهى حره
اما الجنس انا شايفه وسيله لامتاع الروح والاحساس بس والقرف ده بقله علشان سمعته من مثليه
اما وتر الامومه ده مش بلعب عليه لانه شئ عزيزى زى الشهوه اللى جوانا ممكن نموتها اه فيه ناس تعرف تموتها زى الراهب او الراهبه لاكن هى المثليه رهبانيه عن الامومه
وفسرتى حب الانسان انه يكون عنده ابناء بحب الإنسان لذاته والرغبة فى بقائها غريزة الخلود وحب البقاء
مع ان الموضوع اكبر من كده بكتير الموضوع حب شئ يكون منى يعيش معايا واكبره اسعد بيه وافرح شئ مش محتاج اتكلم فيه اساسا وانا مش بتكلم عن انقراض لان عدد اللى مش متزجات عوانس اضعاف اللى المثليات يبقا اولى علشان الانقراض نشوف العوانس
وبلاش تتكلمى عن امثله اللى بتقتل ابنها ولا بنتها ولا ترميه واللى بيغتصب بنته ولا مش عارف ايه
بلاش نتكلم عن حاله قصادها مليون حاله كويسه ومبتعملش كده
وعن نعمه الامومه اكيد نعمه والمال والبنون زينه الحياه الدنيا
اللى بتاحرم منها كانه فقد نعمه من النعم انتى عمرك ما هتحسى بسعاده الم الحمل والوضع الاما تعشيها
اى هم ووجع قلب بتتكلمى عليه وجع القلب ده احلى عند الام من متع كتير اوى انتى عيشاها واسالى امك تقولك
للاسف انتى خليتى الامومه شئ صغير اوووووووووووووووى اظن انتى مشكلتك ان مثليتك افقدتك شئ جميل فى المراه
مش انك مش عاوزه تكونى ام بس كمان الشعور بمعنى ايه الامومه

Lava يقول...

صديقي صاحب القلب الجميل..
أولاً مبروك على المدونة ..
ثانياً : الموضوع اللي أثرته مهم ، بس خلي بالك اننا مش كلنا زي بعض ، ومش احنا بس كمثليات ، لكن عموماً النساء مش كلهم زي بعض ، الا ول هجاوب على شوية حاجات قلتها وبعدين هقولك انا رأيي الشخصي ايه..
طبعاً انا مش من الناس اللي شايفة الراجل يع ومقرف ، لكن فكر معايا انت كرجل غير مثلي ، لو فكرت في علاقة مع رجل مثلي هيبقى ايه؟ نفس الشيئ بالنسبة لنا للي فينا هويتها الجنسية مثلية فقط ، بيبقى ليها نفس الاحساس ، دا مش معناه انك بتكره الرجالة ولا ان احنا بنكره الرجالة لكن الراجل اخ وصديق فقط لا غير ..
مين قال ان نعمة الاطفال (دا باعتبار طبعاً انهم مش هيطلعوا عنينا زي ما احنا بنطلع عين اهالينا) مين قال ان نعمة الاطفال اكبر من نعمة الحب والاستقرار مع حد بجد بتحبه وبيحبك؟
اختلف معاك ..
هو اصلاً مفيش وجه مقارنة ، يعني كانك بتقارن بين مميزات عربية وامكانيات كومبيوتر حديث ، يعني ايه العلاقة؟ دي مشاعر ودي مشاعر تانية خالص ، بس هقولك حاجة لو واحدة بتحب وا حد بجد وطلع مش بيخلف ، يا ترى بتقول ازاي ارفض نعمة كبيرة اووووووووي عشان حاجة اقل اني افضل مع زوجي وحببيبي؟ بالذمة دا كلام؟ لو بتحبه واكيد شفت نماذج كده بتفضل معاه وبيبقى هو حبيبها وابنها ووجودهم مع بعض نعمة ملهاش مثيل..
طبيعتي مش هتحرمني من شيئ انا عايزاه وممكن احصل عليه بالطريقة الملائمة واللي تتوافق مع طبيعتي ومع حبي لانسان عايزة اعيش معاه ..
طيب نشوف موضوع جرح الام والحبيبة ، الصراحة محبش حد يقع في الموقف دا وانا عن نفسي اتحطيت في الموقف دا ، والصراحة زعلت من اللي كان فعلاً غلطان في حق التاني ، ومع الاسف الحد دا كان امي ، لاني بحبهم هم الا تنين ، دي مش باختياري لكنها اعز الناس على قلبي امي وحبيبتي ، والتاني باختياري هي اعز الناس على قلبي حبيبتي وحياتي ، مقدرش انحاز لحد غلط على حساب التاني ، ووو.. ياللا بلاش فضايح الحمد لله كله بيعدي..
نيجي لرأيي الشخصي ، اللي بيتفق في اجزاء كتير مع تعليق
PartOfWhole
لاني من صغري اوي وانا كانت فكرة اني اجيب اطفال في الزمن اللذيذ اللي احنا فيه .. فكرة مرعبة لدرجة اني كنت بفكر لما ماما تقولي بكرة هتكبري وتبقي عروسة ان لو هبقى عروسة اتجوز راجل مش بيخلف ، حرام نجيب اطفال في الزمن دا ، دا غباء.. ما علينا
دي افكار شخصية طفولية وقتها ..
دلوقتي تفكيري يقتصر اساساً اني مش هقدر اتحمل مسئولية اطفال ، خصوصاً ان انا طفلة جداً ، يعني يمكن محتاجة اللي يتحمل مسئوليتي وشقاوتي .. :)
تعليق خفي : (لو لاقيت بيت مستعدة أكون جودي اللي ترجع تخبط على بابها و تعتذر لها وتقول ناخد فرصة تانية.. وساعتها هحب الاطفال وهبوس صوابع رجليها لو كانت انجليكا بنت بيت ) واللبيب بالاشارة يفهم..
ياللا اديني صدعتك بس معلش استحمل اصدقاء بقى ونطلع عين بعض..
مبروك مرة تانية على المدونة ومنتظرة منك المزيد يا غير مثلي لكن بتحاول تفهم المثليات وتكون صديق واخ مخلص ليهم ..

محض روح يقول...

انا متفقه معاك جدا بس انا مش مع ولا ضد المثاليه بس شيفه ان الموضع صعب جدا ازاى حد بيحلم عكس البشر وبيفكر غير طبيعه الكون ربنا خلق الرجل والست علشان يتجوز وعمرو الارض انا بحترم اكيد مشاعر المثلين بس ازاى انتين يكملو مع بعض بنتين او ولدين ازاى انا الى اعرفه ان علاقات المثليه مش بتكمل اصلا علشان الرباط الى فيها قايم على الحب والرغبه ومفيش فيه اى نوع من انواع الاستقرار قصدى بيت وحياه واحتكاك يومى ومشكل وهموم مشتركه واسئلو اى حد متجوز هيقولك العشره هيه الى بدوم وده طبعا غير متوافر فى حلات المثلين ده لو بنتكلم على الى قى مصر طيب ليه ميدوش لنفسهم فرصه انهم يغيرو نفسهم يحولو اكيد ربنا مخلقش حد وحش واكيد ليه حكمه فى كده ممكن ده يكون ابتلاء منه ولزم هما يحول مش يسلمو انهم مثلين وخلاص انا شيفه
مرجعه النفس مهمه اوى بدل مهيجى عليهم وقت مش هيلاقوا حد معهم
من الغباء من وجه نظرى اننا نستبدل متعه ذائفه ومش هدوم بمتعه اكبر متعه البيت والاستقرار وكمان الامومه زى ما قال حسام
وحب الناس برضه احساس انك شاذ ولو حدك هيخلك منعزل عن العالم
بجد ربنا يهديهم ويرجعو نفسهم
ويهدينا احنا كمان
وشكرا اوى يا حسام على البوست ده واهلا بيك فى عالم المدونين وقلت كلام كنت عيزه اقوله من زمان

احساس لسه حى يقول...

عزيزتى محض روح
انا بتكلم طبعا وانتى بتتكلمى بوجهه نظرنا واحساسنا بس مهما هنفكر ونحس عمرنا ما هنعرف ايه اللى بيخليهم يميلوا لبنى جنسهم لان جواهم احساس جميل اوى ورقه عاليه علشان كده صعب نقيم اللى بيحصلهم كمان المثليه عندى مش بتفرط فى احساسها ولا متعتها باللذه بس بتغير اللى بيحسسها بيها لان هى هى النشوه واماكنها مش بتتغير غير المثلى طبعا السالب بيغير احساسه
اما موضوع البيت والحياه هما ليهم احلامهم برضوا بيفكروا فى بيت وحياه بس للاسف اللى بيشوفه فى راى اسف انهابتخسر حاجات كتيره اوى قصاد ده
وانا شايف كل شئ يهون الا خسارتها للامومه لا تتعوض ابدا
على العموم الانسان لازم يفكر دايمن فى اللى فى مصلحته واللى يضره انا طالب منهن التفكير فقط لا غير
لانى شوفت فيهم انسانيه جميله واحساس جميل على الاقل محتاج ابن يذوق حلاوه احساسهم ده من رجل ابن
ومتشكر ليكى على راى الهادى ده
سلاااااااااااام

Methleya يقول...

يا حسام يا عزيزي
عمرك متفهم الامومة عشان انت راجل و لا تفهم المثلية عشان مش مثلي
و بجد زي مقالت لافا (اللي طنشت و مردتش عليها) ده احساس و ده احساس
مفيش وجه مقارنة اساسا واقولك حاجة احساس الامومة ده بيتولد طبيعي مع البنت مش بتكتسبو لما تخلف عشان كدة بتلافي البنات عندهم رحمة و حنية زيادة
يعني مش ضروري اخلف عشان اعيش احساس الامومة ومع ذلك نفسي فيه بس فكرة اني استحمل ان راجل يلمسني عشان احقق ده لا مرسي انا كدة تماااام قوي
و كمان يعني البشرية مش هتوقف علينا يعني مهو فيه بلاوي كتير تهدد البشرية زي التلوث و ارتفاع حرارة الارض و ثقب الاوزون و الحروب و هلم جرا
معملتش بلوج تناقشها ليه خوفا على البشرية

احساس لسه حى يقول...

عزيزتى
Methleya
انا اللى عاوز اقوله انك كمثليه بتحرمى نفسك من شئ جميل ومينفعش علشان احساس جوانا نموت احساس تانى جميل زى الامومه ومين قالك ان الرجل ميعرفش احساس الامومه مكنش ليه ام وعارف احساسها نحيتى يعنى انا اللى بتمناه دايمن ان اى مثليه تحاول بس تحاول تشوف الم انه يسلمها راجل يساوى انها يكون عندها ابن والا لا اللى متقدرش خلاص زيك كده مش هتتهد الدنيا علشان مش عاوزه تجيب طفل انا لما بتكلم مش علشان البشريه عاوزه اطفال منك انتى انا بتكلم علشانك انتى محبش حد يحرم نفسه من متعه كبيره زى الاطفال بمزاجه
شكرا ليكى على اهتمامك وردك
سلام

محمد يقول...

صديقي حسام

ألف مبروك مدونتك الجديدة

نورت عالم التدوين

الحقيقة أنا مستغرب ليش أول موضوع كتبته عن المثلية؟

مع أنك غير مثلي ولكن على ما يبدو أنت مهتم بالتعرف على عالم المثليين والمثليات وتدعوهم لإعادة التفكير بتوجههم الجنسي

عزيزي صدقني لا يوجد مثلي أو مثلية إلا وفكر ألف مليون مرة قبل ما يقرر أن يتقبل ذاته ويعيش حياة المثليين

أعرف أنك تقرف من المثليين الذكور
أكثر بكثير من المثليات الإناث

ولكن أرجو أن تتحمل كلامي قليلا

عزيزي نحن لسنا فقط آلات بدون إحساس
ونعيش كل حياتنا نلهث وراء الجنس

بالعكس تماما نحن نعيش حياتنا بشكل طبيعي مثل كل البشر

فقط نرغب بالارتباط مع نفس جنسنا

بالتأكيد عندنا حاسة الأمومة والأبوة مثل كل البشر

كلنا نحب الخلود بأبنائنا

ولكن سنضحي بهذا الإحساس من أجل أن نعيش الحب
لا يمكن أن أعيش فقط من أجل الإنجاب

من أكبر ميزات الإنسان أن له مشاعر
والمشاعر أهم في رأيي من عملية الإنجاب بدون مشاعر

وكذلك يا عزيزي بإمكان المثليين والمثليات إشباع غريزة الأبوة والأمومة التي في داخلهم

عن طريق تبني الأيتام أو الأطفال المشردين الذين يعيشون في ظروف مأساوية في الملاجئ

وهكذا يا عزيزي نضرب عصفورين بحجر نشبع غريزتنا من ناحية الأبوة والأمومة وننقذ الأطفال المشردين من حياة الشقاء وبإمكاننا أن نعيشهم حياة الملوك معنا

أشكرك عزيزي لأنك تناقش موضوع المثلية في مدونتك وهذا يدل على تنورك فموضوع المثلية يجب أن يطلع للنور ويتحدث فيه الناس حتى نصل لفهم وتقبل له في مجتمعنا

شكرا لك ولإحساسك الصادق عزيزي حسام

ودمت بخير

احساس لسه حى يقول...

عزيزى محمد
اول شئ انا مش بقرف من شئ خلقه ربنا بس صحيح تفرق معاكى كتير مثليه المراه عن الرجل لاسباب كتير ان المراه بتستمتع فى مثليتها بكل عضو من اعضائها وتحس بيه اما مثليه الرجل السالب بالذات هو الغاء لعضوا من اعضاءه وده شئ ضد غريزته الطبيعيه المراه لا بتمارس غريزتها مع امراه تانيه اما انك فكرت الف مره لحد ما تقبلت مثليتك مقدرش احكم انك بتفكر باى طريقه ممكن تفكر مليون مره بس فى اتجاه يخليك زى ما انتا وممكن تفكر مره مش انتا طبعا مثلى تانى ويقدر يتغير تقريبا اظن كده اما الاحساس والمشاعر انا متاكد انها موجوده فى المثلى زى اى انسان واظن انها اكتر شويه كمان
اما كلامك انك تعوض احساس الابوه عن طريق البنوه ده شئ والاحساس التانى شئ اخر بلاش تقارن احساس باحساس تانى
انا بس عارف ان لازم فى يوم اى مثلى او مثليه هيحتاج ابن وهيتمنا الاحساس ده فى وقت ما مش عارف امتا بس اكيد هيحصل فى يوم فى شهر فى سنه
سلاااااااااااااااام

Aya يقول...

ابــــــــحرت مع كــــــــلماتك الــــــــــى مــــــــدى ليس لـــــــه شواطئ

وسافرت مع بــــــــوحك كــــــل مــــــــدن الحـــــــب والعشق

سلمــــــــت وسلــــــــــمت اناملك وبوحك الراقي والرائع

لك منــــــــي ارق واعـــــــــــذب تحية وبإنتظار الجديد من إبداعك


خالص ودي

غير معرف يقول...

الامومه معناها الحنيه واجمل احساس تشعر بيه اي بنت مهما كانت قاسيه فلا مانع من امومه عن طريق الحلال ويارب مايحرمش اي حد من الاحساس ده

مدوناتى واللى فيها أتفضلوا (حسام)

يا ..... عالم