السبت، 24 فبراير 2007

احساس مكتوب.......... (احساسى)0







انا لما جيت اكتب خواطر حبيت اكتبها بشكل جميل ولقيت ان الشكل الشعرى بيجذب وبيعجبنى ما انى صعب اكون شاعر ومش بقرا شعر كتير ومعرفش احفظ شعر وقولتى دلوقتى ليه مقراش اللى بكتبه واحاول اعرف كتبت ليه الكلام ده بسبب ايه شئ مسنى انا ولا حاجه وجعتنى ولا شئ سمعته اثر فيه ابتدى بحاجه بجد مش اثرت فيه حنقتنى ونفسى تنتهى من الدنيا هى الخيانه وانا بكره كل انواع الخيانه خيانه الاحباب والاصحاب والكلمه حتى والوعد اظن كل انسان بيكره الخيانه حتى لو خاين




يا امراه كيف تحبين
انسان خائن وترضين
ياتى اليكى من احضان عشيقته
تعطيه احضانك وتسكتين
يا امراه ما هذا الهوان
هل تعتبرين حبيبك انسان
فليس من الرجوله
ان يخون انسان انسان
يا امراه اين كرامتك
الخلاص هو حريتك
مهما كنتى تحبينه
لا تضحى بعزتك




دى كتبتها بعد ما كلمت كذا امراه ولقيتهم خاضعين لخيانه الرجل اللى تقول انا بحبه اوووووووى وفى الاخر بيرجعلى واللى تقول الاولاد لازم استحمل واللى تقول اخونه زى ما يخونى واللى تقول محتاجه ليه ماديا واللى واللى الف واللى بس ازاى بتقدرى


تعطيه احضانك وتسكتين




ازاى بتستحملى انا اقدر اقول ان المراه من اهم الاسباب فى زياده خيانات الرجال الرجل بيشوف صديقه يخون ومراته بتسكت يقول اعمل زيه ولو عرفت ارضيها واصلحها




مهما كنتى تحبينه
لا تضحى بعزتك




كتبت الكلام ده يمكن اى امراه لما تلاقى ان الخيانه اهانه لكرامتها واهانه لعزتها تفكر تترك الانسان اللى يخونها مهما كانت درجه محبتها ليه بالكلام ده




يا امراه ما هذا الهوان




وكمان




يا امراه اين كرامتك
لا تضحى بعزتك




اتمنا كلامى يكون عبر صح وراى واضح ومضبوط
وكمان مش راى ان من حق انسان يبعد عنن انسان ببس الخيانه راى كمان لو كمان خدعه وكان بوجه غير وجهه
يعنى الانسان يحبك على اساس اراء وتفكير وحنيه ودلع معين وبعد كده تلاقى الوجهه الحقيقى ليه ده مش غش وخداع ليه منكنش واضحين مع الناس اللى بنعرفهم وبالذات اللى بنحبهم ليه بنرسم شكل غير شكلنا


نشوف كتبت ايه






اتركيه رغم انكى تحبيه اتركيه
فليس هذا الشخص الذى كنتى تنتظريه
تذكرى فتى احلامك هل هو هذا الشخص
كان هو فتغير كل ما فيه
تذكرى كلماته التى قالها ليكى
تذكرى همساته نظراته تعلقه بيكى
جعلك تحبينه فى صوره غيره
واظهر حقيقته بعد ان ملكى
انتى الان تقدرين على السكوت
ستنتظرين احساسك ان يموت
فلم يموت احساس امراه ابدا
تموت هى واحساسها لا يموت
لا تضيعين عمرك فى الانتظار
الحياه قصيره اتخذى القرار
فاما ان تعيشيها كما تحبيناو ان تحيى فى النار




تكونى تحلمى بشخص وتلاقيه بعد كده شخص تانى يوجعك ويالمك الحلم يموت بالمفجاءه


تذكرى فتى احلامك هل هو هذا الشخص
كان هو فتغير كل ما فيه



تفضلى تستحملى وتستنى وتحولى لامتا المحاوله انا مع المحاوله بس مكنش بس لاماتت الاحساس


ستنتظرين احساسك ان يموت
فلم يموت احساس امراه ابدا
تموت هى واحساسها لا يموت



حولى واذا فشلتى متخفيش اتركيه هتحبى تانى اكيد هتلاقى القلب اللى مش هيخدع القلب اللى هيوريكى الوحش اللى فيه قبل الحلو وانتى يا تقبليه على عبله عبطه يا ترفضيه


الحياه قصيره اتخذى القرار
فاما ان تعيشيها كما تحبين
او ان تحيى فى النار



بلاش نضيع حياتنا مع انسان مش شايفين السعاده عنده ولا معاه الدنيا مش انسان بس واكيد فى غيره يستاهل اننا نحبه وهنعرف نحب بدل واضحين مع بعض
ونكمل وقت تانى








هناك 8 تعليقات:

Yasmine Adel Fouad يقول...

حسام
احساسك حلو اوى و سلس
انا متفقه معاك
جدا

محض روح يقول...

كلامك يمس القلب ااوى ياحسام
بس انا مش متفقه معاك فى نقطه مساحه التسامح بتختلف من حد لحد فمش كل الناس ممن يكملو حيتهم بعد خيانه حد فيهم للتانى
واكيد برضه الدنيا مش انسان واحد وعمر الدنيا مابتقف على شخص واحد بس تعرف المشكله اننا ديما بنكتشف متاخر اوى انه مش هو ده بعد مابنكون ضيعنا وقت ومجهود وهتمام
والى بيعزينا ديما فى الاخر احسسنا اننا الضحيه او الاحساس الى بنحاول نصنعه علشان نعزى بيه نفسنا على الوقت الى ضيعناه
مستنين الباقى متاخرش علينا

احساس لسه حى يقول...

عزيزتى محض روح
التسامح ممكن يكون فى كلمه اتقالت موقف اتعمل لاكن الخيانه ليه نتسامح فيها انتى عارفه التسامح فى الخيانه دايمن بيزودها ويوسعها بلاش تسامح فى خيانه على الاقل يكون درس للخاين قاسى
اما الوجهه اللى بيبان بين الاحيه مع حبيبهم واللى دايمن بيكون وجه جميل وكويس وكله تفاهم وبيبان على حقيقته بعد كده المشكله ان ساعات بيكون تغير كبير اوى وده بيتعب مش معقول اروح اشترى تفاح افتح الاقى كوسه بصراحه الوضوح جميل ما ان الوضوح ساعات الناس متفهمهوش وبتخلى الواضح يزههق من وضوحه بالذات المراه بتحتاج شويه كلام حلو على عسل بكش يعنى
سلاااااااااااام

احساس لسه حى يقول...

عزيزتى انا حرة
بجد انا بشوف كلامك الرقيق وبتبعه بس انتى عندك زحمه كتيره وردود كتيره معجبينك كتير اما الاحساس ده شئ حسيته جوه قلبى وبكتبه اتمنا يكون كويس بجد مرسى على ردك مع انه موجز اوى بس شكرا اوى اهتمامك
سلاااااااااااام

غير معرف يقول...

صديقي العزيز
الخيانة كلمة صعبة جدا والأصعب منها فعل الخيانة
ازاي ممكن اي انسان في الكون سواء امرأة أو رجل بيعشق انسان آخر ويعرف ان الانسان التاني دا اللي بيحبه واداله مشاعره وعمره وقلبه واسمه بيخونه ومع ذلك يفضل معاه
المسألة مش كرامة او تشجيع على الخيانة
المسألة اكبر من كده
تخيل الاحساس نفسه ، دا حد انا بحبه ، حد غيري لمسه ، حد غيري اتعمق في تفاصيل جسده ازاي اتخيل ان الانسان اللي انا بحبه عريان في حضن حد تاني وقادر يمارس معاه علاقة من أرقى وأعلى درجات التعبير عن الحب واكتمال المشاعر ، الانسان اللي بحبه قادر يبص ف عين حد تاني وهو بيمارس معاه الجنس ويقوله كلام وحوار ويلمسه ويقبل لمساته
الانسان دا لو بيحبني فعلا مكنش قدر يعمل دا
الانسان دا لو انا بحبه فعلا مش هقدر استمر معاه
مفيش مبرر للخيانة
مفيش حاجة اسمها ضعف او تحدي او زلة او كبوة او .... مفيش اي مبرر للخيانة
والمرأة اللي متعايشة وراضية ومستمرة مع زوجها او مع حبيبها برغم خيانته وفر على نفسك وقتك ومجهودك
لانها اما خاينة زيه وبالتالي لا غضاضة
واما انها انسانة ارتضت على نفسها انها تعيش دور المقهور المظلوم الخاضع الخانع وبتحب تفضل عايشة في الحرملك وصدقني الدور دا اختيارها وارادتها يبقى ميتحزنش عليا
-------
الجزء التاني من كلامك عن الانسان اللي تعرفه بوش وكلام وحوار وشخصية وتتفاجئ ان دا كان مجرد قناع وكل ما تفتكر انه خلاص خلع القناع يظهر قناع غيره وغيره وغيره
فيه ناس كتير مبتقدرش تعيش من غير اقنعة
ودا بيكون غالبا لقبح وجههم الأصلي

وزي ما انت قلت الانسانة اللي تحب انسان وتكتشف انه من النوعية - وخلي بالك النوعية دي مبتعرفش تحب يعني هي بتحب من طرف واحد - الانسانة دي زي ما انت قلت لازم تاخد قرار وفي جميع الاحوال القرار دا هيأثر اولا واخيرا عليها
وفيه ناس كتيرة ومع الاسف انا منهم مبينفعش معاهم نصيحة في امور الحب لازم يقعوا وتتكسر رقبتهم عشان يتعلموا..
واخيرا عشان انا عايزة افتح خط النار عليك
سمعت من صديق عزيز عليا جملة معجبتنيش
بيقول ان المرأة عندما تعشق فهي تعشق انسان واحد فقط
اما الرجل فهو قادر على ان يعشق أكثر من امرأة
انا بقى في رأيي ان دي برضه خيانة ومش بس خيانة لأ .. دا انسان مبيعرفش يحب اصلا
ولا انت ايه رأيك؟

احساس لسه حى يقول...

عزيزتى
Lava said...
اكيد الخيانه شئ صعب اوى مش بس الخيانه الجسديه اللى اتكلمت عليها فى خيانه احساس ومشاعر وامانه وصداقه بس للاسف الدنيا علمتنى ان فى انسان بيحب ويخون واوعى تقولى لا وبالذات لرجاله عيونهم زيغه اوى اما موضوع الوحش اللى بتتعملى معاه وتلاقيه بعد الارتباط وحش تانى ده بيحصل كتير اوى وكل ما نتعمق فى شخصيه نكتشف فيه حاجات كتيره اوقات قليله نلاقيها حلوه واوقات كتيره نلاقيها وحشه بس على رائيك اللى بيتخدع يستاهل لانه بيسمع الف نصيحه من اللى حوليه ولا بيهتم الحب اعمى يا بنتى بس فيه ناس بتعرف تتعلنم وهتتعلم اكيد مع الايام
امال موضوع عشق المراه عشق باخلاص وحب لانسان واحد وعشق الرجل وحبه ممكن يكون لاكتر من واحده ده واقع مش خيال وهكتب موضوع فيه يمكن تصدقى وتقتنعى مع ان اليومين دول الانسان صعب يقتنع الا باللى فى دماغه مهما نهقت فى وشه ودماغه مفيش فايده
سلاااااااااااااااااام

غير معرف يقول...

صديقي حسام انا اسامح اي شئ الا الكدب والخيانه حتى لو بموت فيه

أحساس لسه حى...كلام من جوه روح لكل روح يقول...

عزيزتى
د . نونا

المراه بتستمح اى شئ من الرجل اللى بتحبه

حتى الكذب والخيانة

معظم النساء على الاقل

تحياتى

سلام

مدوناتى واللى فيها أتفضلوا (حسام)

يا ..... عالم