السبت، 23 يونيو، 2007

لازم ألحق نفسى....(احلامى)0




الحياه فيها الآلم وفيها الفرح

بس لما الاوجاع تكتر

وتطول مدتها ونلاقى العمر بيجرى

بينا ونفضل نستناها تنتهى

ما تنتهيش لازم الواحد يلحق نفسه

ما يستسلمش يحاول يغير يتغير

يجدد حياته يعمل أى تغير فيها

مش مهم يكون راضى عنه كل الرضا

بس التغير هديها معنى وحركه

واحساس بنفسه وبكيانه وروحه

قبل ما روحه تموت ...يموت وهو حى



مش عاوز اكون مع نفسى

جوايا صراح ما بيخلصى

لو سبت دموعى كل ما تعوز تنزل...تنزل

عينيه من كترها ما تنمشى

انا عايش وسط الناس بس لوحدى

والاحساس جوايا بيكبر وعمال يحبى

نفسى فى قلب يشده بحب ويخليه يجرى

كل ما يقرب حد امد ايديه.. يلف ويمشى

هو الورد ليه مزروع مع الشوك

هو اساسا ليه الشوك مخلوق

ليه بالجرح دايمن قلبى موعود

علشان هو صحيح ضعيف مولود

نفسى فى حد يدوق احساسى

صراع بين مر ومر ومر فى راسى

اصل المر مشروبى اساسى

عماله تدور الساعه وعمرى بيجرى

والمستقبل ايه هيكون.. اكيد قاسى

انا لازم الحق نفسى بسرعه اتغير

واعمل كل اللى عاوز أعمله وانا صغير

مش هحرم نفسى واضيع عمرى علشان ناس

جاين يلمونى.. كانوا فين وانا كنت هموت متحير


هناك 17 تعليقًا:

محض روح يقول...

فعلا لزم نلحق نفسنا
بس تعرف كتير
منا مابيخدش باله من العمر الي بيمر
نفضل مسكين شعار احنا لسه صغيرين
ايه ياعني لو مضحكناش النهرده نضحك بكره مفرحناش العمر طويل اكيد هنفرح فيه
وبعد كده نكتشف اننا ضيعنا كتتتتير اوي
حبسنا نفسنى بين جلودنا
ورفضنا نعيش
والمشكله ان فيه كتير حساين الاحساس ده
ورافضين التغير
زي مايكون حاببن مساحات الالم والوحده
والحيره الي صنعوها
وحبسو نفسهم جوها

تحياتي يا فندم

7aga-3ageba يقول...

عجبنى اوى كلام البوست ده

والتعبيرات اللى فيه ...حستها اوى

وزى ما قولت لازم نلحق نفسنا

اهم حاجه ان الانسان ميستسلمش لاحزانه

لانه لو استسلم مش هيخلص وهيخش فى

فى دوامه احزان ويبص يلاقى عمره

ضاع ومأنجزش اى حاجه

فالاحسن اننا نحول حزننا ده لعمل

نشغل وقتنا بأى حاجه اكيد

هيفضل احساسنا هو هو بس ع الاقل

مدة التفكير فى حالتنا دى هتقل

عكس لو بنفكر فى وقت فراغ

هنلاقى نفسنا اكتئبنا اكتر

:)

احييك بجد على الموضوع ده

اروح الحق نفسى بقى

:D

Hosam يقول...

عزيزتى الغاليه
محض روح
ايوا فى ناس حبين يفضلوا زى ما هما ومهما تحولى تغيرى فيهم حتى ملى يرفضوا ويعتبروا ده تدخل فى حياتهم مع ان ليه ما نحولش نجرب مره واتنين يمكن نلاقى السعاده فى تجربه كنا رفضنها
سلاااااااام

Hosam يقول...

عزيزتى
حاجه غريبه
شكرا على كلامك الجميل وانك حسيتى بكلامى بس مش اللى اقصده الاستسلام للاحزان بس اقصد الركود للحياه حتى لو كانت بيها افراح وسعاده كتيره بس مفهاش تغير للاحسن الانسان مهما كبر اوعلا هو لسه صغير لازم يشوف ويوقف وينظر لدنيته ايه فيها لازم يتغير ويحاول وطبعا فى ناس بترضى بحزنها ويتعودوا عليه ويرفضوا اى تغير فيه
سلام وشكرا على مرورك

إنـســانـة يقول...

إلحق فعلا وبجد
إلحق واتغير وحقق احلامك وافرح
الدنيا اقصر من انها تضيع فى الام ممكن نغيرها بنفسنا


بوست راقى اوى
:)
تحياتى

Hosam يقول...

عزيزتى
انسانه
مش مهم التغير يضيع الالم اللى عيشينه التغير بس علشان نحقق شئ من اشياء كتيره نتمناها شئ بس حتى بدل بالتغير ممكن يتحقق
شكرا على مرورك

Lost Love ( Found it now ) يقول...

عزيزي حسام...

لو هانفضل نسمع كلام الناس اللي ممكن تكون افكاره هدامة يبقى مش هانتحرك من مكاننا ، الناس مش حاسه بينا و لا باللي احنا عايزينه يبقى نسمع كلامهم ليه زي ما قلت بالظبط.

طالما عزمت على ان تغير حاجاتك في حياتك بدل الرتابة اللي ممكن تقضي على معنى الحياة الجميل ، يبقى خلاص كمل مشوار التجديد ده و ربنا معاك

الشفافية يقول...

أهلا عزيزي

بالنسبة لي ..

الإنسان قادر على إتخاذ قراره بيده

حينما يشعر بالحماسة

أي يكون شعلة حماس

والصبر مفتاح الفرج

أكتب أهدافك عل ورقة .. وحققها

سلامي لك

Hosam يقول...

عزيزتى
Lost Love
مين قال انى اقصد ان الناس السبب بالعكس ممكن ناس بتحاول تزقنا لادام بس احنا مش بنرضا نتحركانا اقصد نفس الانسان اللى دايمن بلاش دايمن اوقات بتكون عدوه ليه وبتوقفه عوزاه ميتحركش عارفه انا بصراحه مش كتبها كنت لنفسى لانسانه كنت احب تغير حياتها من رتبتها اما انا مش هكدب عليكى حاولت اغير من نفسى كتير ومن حياتى بس للاسف محاولاتى كانت بتفشل فقررت احاول برضوا واسيب الفشل يقوينى على حياتى على الاقل اواسى نفسى بمحاولاتى
متشكر على مرورك
سلاااااااااااااام

Hosam يقول...

عزيزى
الشفافية
الانسان قادر على اتخاذ قرارات كتير بس مش قادر على تنفيذ 99%من القرارات دى المهم قدرة الانسان على التنفيذ وده شئ صعب فى احيان كتيره
وادينا صابرين
سلااااااام

yasmina يقول...

حسام

كلام رائع فعلا
معبر جدا
وانا بقراه حسيت انك بتقول في لكل واحد مش عارف يغير بحياته

اللي بتقوله صحيح بس مش دايما بيكون في اليد التغيير احيانا بيكون فات الاوان اما بالنسبة لك فاصنع التغير
وربنا معاك

انا عايش وسط الناس بس لوحدى
عجبتني جدا
فعلا احيانا بتحس انك وحدك حتى بين الف واحد

سلامي
مدونة جميلة

Hosam يقول...

عزيزتى
yasmina
مفيش حاجه اسمها فات الاوان لان احنا مش عارفين هنعيش اد ايه تفتكرى فى سن يكون فيه الانسان مش محتاج يعيش ما اظنش اهم شئ لو حسين اننا مخنقين من حياتنا ومش راضين عنها فى اى وقت نحاول بقدر ما نقدر ومنستسلمش
سلاااااام

قلوب حائرة يقول...

حسام بوست رائع جدا ومفيد لناس كتيرة وانا معاك قوي في الموضوع ده لاني انا من وجهة نظري احنا اللي بنصنع حياتنا احنا اللي بنخليه سعيدة او حزينة احنا من الاخر اللي بنخلي الحياة حياة

علاء يقول...

أنا محتاج رأيك بخصوص الموضوع ده

تجمع مدوني مصر .. حقيقة قابلة للتنفيذ أم حلم بعيد عن الواقع

علاء يقول...

أنا محتاج رأيك بخصوص الموضوع ده

تجمع مدوني مصر .. حقيقة قابلة للتنفيذ أم حلم بعيد عن الواقع

Hosam يقول...

عزيزتى
قلوب حائرة
مش معاكى مش احنا اللى بنخلى حياتنا سعيده وتعيسه ساعات حاجات اقوى مننا تخليها سعيده وتعيسه بس سواء كانت سعيده او تعيسه نحاول نغيرها مش مهم نحول ىالتعاسه لسعاده المهم نحاول نجمل التعاسه شويه ونحاول نلاقى اى جمال فى حياتنا علشان نقدر نعيش
سلام

buffy يقول...

انت لفت نظرى لحاجات اول مرة الحظها وافكر فيها بس بجد انت عندك حق احنا لازم نتغير ونتقبل التغير لان ممكن يكون فيه سعادتنا وممكن يكون فيه حزننا بس لما نفتكر احنا كنا ايه هنفرح من تانى وشكرا ليك يا حسام

مدوناتى واللى فيها أتفضلوا (حسام)

يا ..... عالم