الأربعاء، 4 يوليو 2007

وجعين تانين............(اوجاع مدفونه)0

عينى على زمن

مش لاقى فيه رجاله

كل شئ وليه ثمن

حتى الصداقه والزماله

وانا عايش دنيتى

ياما بتشوف العين

الراجل دايمن يمتهن

والسيد دلوقتى اللمامه
ليلة
سهر نادى القمر

وقالى تعالى نتمشا

عشت معاه حلم جميل
مع قمرى بتمشا
أتارى القمر زعلان

فى الدنيا كان غرقان
عاوز النجده لاقانى
لاقانى انا القشه

هناك 21 تعليقًا:

غير معرف يقول...

هيا الدنيا كده يا حسام الزمن فيها اتغير الناس مش الناس والحياة مبقتش تماام على اي حال كلها تمانين سنه ونرتاح ههههههه المهم نقدر نعيش ونتعايش مع الزمن ده

دنـيـــــــــــا

احساس لسه حى يقول...

عزيزتى
دنيا
ما انا عارف الدنيا كده وانا عايش اهو بس صعب اوى ثمانين سنه
الهم بيقتل ساعات ومفيش حد عنده احساس وبيشيل الهم الا وبيموت صغير
سلام

Unknown يقول...

حساس جميل جدا
فعلا الانسان الى فعلا انسان بجد ملوش احترام
والناس الى مش ناس ليها مكانة

عين ضيقة يقول...

حلوة جدا اللوحات دى

حاول تكون اكبر من القشة
يعنى تقرا كتير علشان تكتب حلو كتير


سلام

shahy يقول...

تاني وجعت قلبي

بس انت لية شايل الهم قوي كدة
سيبها على الله شوية

لا تفكر فلها مدبر

تحياتي

احساس لسه حى يقول...

عزيزتى
ايويه
اه ساعات الانسان المحترم بيتهان لما يكون وسط ناس متعرفش معنا الاحترام
سلام

احساس لسه حى يقول...

عزيزتى
عين ضيقه
انا عاوز اكون قشه ومتمناش اكون اكتر منها بس ياريت كل الناس تعرف ان للقشه مشاعر واحساس حتى لو انها مجرد قشه
سلام

احساس لسه حى يقول...

عزيزتى
shahy
انا سايبها على الله وراضى بكل شئ اما اللى بكتبه هم مش شايله بالعكس انا بخرجه بكلامى لانى لو سبته ممكن يموتنى
وجع القلب كويس فى حالات الشجن وسعات القلب بيموت من قله الوجع وكتر الفرح
سلام

Lemonada يقول...

كل دي احاسيس
اول مرة اشوف راجل يكتب الكم الهائل دة من الاحاسيس ومعندوش مشكلة يطلعها
اصلنا في الوطن العربي الراجل لازم ما يعطتش
مايحسش
ويكون جامد
يا ناااااااااااس
الراجل في الاول والاخر انسان عند مشاعر واحاسيس
خلي يعبر ويفضفض

جميل خالص كل الي كاتب مش بس البوست دا
تحياتي لك ولإحساسك الجميل

احساس لسه حى يقول...

عزيزتى
Lemonada
معاكى حق ساعات الضعف الانسانى بيعتبروا مش من الرجوله مع انى شايف ده شئ طبيعى انه يكون ضعيف لانه انسان والانسان ضعيف اوى
ليه يكاير وميخرجش ضعفه ادام الناس
صحيح فى ناس بتستغل الضعف ده بس الضعف مش غباء ولاخوف الضعف روح سيبه نفسها على رحتها غير مقيده باى شئ
سلام

gohayna يقول...

عاجبني احساسك جدا

صحيح مليان وجع وهم كبير احسنت التعبير عنه
بس بجد جميييل


صحيح الدنيا مش بتدي الانسان كل الي هو عايزه
ولا بيقابل الناس الي بيتمناهم

اتمني انك تكون في احسن حال يا حسام

تحياتي

احساس لسه حى يقول...

عزيزتى
gohayna
شكرا على كلامك وانا زى كتير من الناس موجوعين ومين قالك انا عاوز الدنيا تدينى كل اللى عاوزه انا اساسا مش عاوز من الدنيا كتير هى بتدينى اه بس مش اللى عاوزه وبتمناه
اما الناس بكون بظن انهم اللى بتمناهم بس للاسف باين على اعمى البصيره وبشوف بقلبى وبحس بى زياده يعنى مش بفهم الناس كويس
سلام

Dalia يقول...

جميله اوى
اوله فكرنى برباعيات صلاح جاهين
انت شكلك متأثر بيها جامد

على فكره الدنيا مش وحشه اوى كده
نعيب زماننا و العيب فينا و ما لزماننا عيب سوانا

احساس لسه حى يقول...

عزيزتى
Dalia
انا متأثر بس بدنيتى اللى عايشها جوايا هى اللى تعبانى اما الدنيا مش وحشه ناسها هما اللى وحشين شويه مع انهم ضعاف وهشين الحمد الله ان الناس كده بضعفهم ده بيوجعوا وانا لو فيه عيب يبقا انى انا ومش عارف اكون الا انا
سلام

صاحب البوابــة يقول...

كل شئ وليه ثمن
حتى الصداقه والزماله

----------

كلمات موجعة لكنها معبرة

تحياتي

احساس لسه حى يقول...

عزيزتى
صاحب البوابه
اه كل شئ وليه ثمن لو مش مادى هيكون اعصابك واحساسك المهم الثمن
سلام

محض روح يقول...

احساسين متناقضين
توليفه تشد
الاحساس الاول
عتاب
على ناس خدو ومدوش
بس اكيد فيه ناس وكويسه وفي ناس وحشه بس المشكله ان الوحش بيبان اسرع
يمكن علشان احنا ديما بنتظر الأسوء

الاحساس التاني عامل زي متكون ماشي رايح للقمر
بس اتكعبلت في الطريق
عنيك عليه وقربت تلمسه
وقفت تاني تنجد ناس مسكو فيك كانو خيفين يقعو
يمكن مخترتش تبقى قشه بس قبلت
تكون طوق نجاه
على انك تكون غريق


معلش انا حسه ان الكلام شويه متلخبط
الساعه 4
بجاهد مع الكلام

بس اتمنى تكون فهمتني

احساس لسه حى يقول...

عزيزتى
محض روح
هعلك على انى اللى روحت للقمر بالعكس اقصد القمر جالى بس انا فرحت بيه ومخدتش بالى انه جالى بس علشان محتاج قشه مش علشانى
سلام

غير معرف يقول...

بجد يا حسام ربنا يحميك وبجد انت بتوصف حاجات بتكون فينا بس مش بنقدر نقولها بس بنلاقى ناس تحسها غيرنا زيك كداويارب فى استمرار كدا على طول ومعلش كل حاجه اتغيرت من حولينا بس ياريت الناس تعامل بعضها معامله كويس مش يكون فى كذب او خداع او غش علشان نقدر نعيش معاهم وميرسى جدا انك قابلتنى اكون صديقه معاك ومع الناس الجميله دى كلها

احساس لسه حى يقول...

عزيزتى
دنيا الاوجااااع
انا بحاول اخرج شوية من اللى جوايا يا ريت اعرف اخرجه كله
طبعا صعب الناس تبطل كذب وخداع بس انا عاوز على الاقل اللى بنحبهم وعارفين اننا بنحبهم بلاش يكدبوا علينا ولا يخدعونا
سلام

قبلة الحياة يقول...

يا سيدي اهو الحمد لله ان القمر لقى قشه غيره مش لاقيها .. حتى لو غرق وماله ما اديه هيموت شهيد هو هينهب

فعلا ان دلوقتي بقينا في زمن التافه هو السلعه المطلوبة انما الراجل والانسان اللي بحق اللي بيراعي ضميره وحقوق غيره اصبح سلعه رخيصه تباع بالاسواق بأبحس الاثمان وتمتهن

حروفك دايما جميله وتمتعنا بيها الى الامام دايما باذن الله

مدوناتى واللى فيها أتفضلوا (حسام)

يا ..... عالم