الأربعاء، 1 أغسطس 2007

صدقت..اخيرا سبتها........(كانت قرارات)0







ياريت قبل قريت البوست ده
نقرا تانى اللى قبله

.
.
.


دلوقتى90%من قرارتنا مع اللى بنحبوهم
بتكون قرارات


انفعاليه

ومش بنقدر ننفذها



وقال أيه صدقت


مع أنى بحبها

أخيرا سبتها

ومش زى كل مره

هسيبها وارجعلها


انا كل ما أفكر اسيبها


روحى معاها تسبنى


وقلبى يخاصمنى


وعقلى يحاسبنى


فتأكد وأعرف انى


مش قد حبها


ولا قد بعدها


وميحسش بالنار الا


الواقف وسطها


وقال أيه صدقت

مع أنى بحبها


أخيرا سبتها



انا عارف خلفتنا كتير


خلفات مفهاش تفكير


ما العقل بيبقا صغير


فى الحب عمره ما يبقا كبير


وميحسش بالنار الا


الواقف وسطها


وقال أيه صدقت


مع أنى بحبها


أخيرا سبتها


انا عارف من غيرها ممكن اعيش


واخلى الحقيقه حلم مينيمنيش


وتكبر معايا


وتشاركنى احلامى وغنايا


بس بعدها ألم


مينتهيش


وميحسش بالنار الا


الواقف وسطها


وقال أيه صدقت


مع أنى بحبها


أخيرا سبتها


انا ليه هحارب نفسى


على قلبى انا مقدرشى


هستحمل نارها واعيش لخاطرها


لحظات العشق متتعوضشى


وميحسش بالنار الا


الواقف وسطها


وقال أيه صدقت

مع أنى بحبها

أخيرا سبتها


هتقولوا أنى ضعيف


وسيبك ليها كان تخويف


مش هنكر ما الحب لينا


أذلال لكل عجريف


وميحسش بالنار الا


الواقف وسطها


وقال أيه صدقت

مع أنى بحبها

أخيرا سبتها


انا كل ما أفكر اسيبها


روحى معاها تسبنى


وقلبى يخاصمنى


وعقلى يحاسبنى


فتأكد وأعرف انى


مش قد حبها


ولا قد بعدها

هناك 32 تعليقًا:

ريـــانه يقول...

هتقولوا أنى ضعيف


وسيبك ليها كان تخويف


مش هنكر ما الحب لينا


أذلال لكل عجريف


وميحسش بالنار الا


الواقف وسطها


وقال أيه صدقت

مع أنى بحبها

أخيرا سبتها

-------------------

لا أظنه ضعفا

بل مشاعر جميلة

وكلماتك جميلة


تحيتي لك

شمعة أمـــــل يقول...

بجد كلماتك جميله اوى احييك عليها

shahy يقول...

يا ريت هي تكون تستاهل كل الحب دة ومش تستغل حبك ليها

ومفيش حاجة صعبة قوي بس هو التعود

والا على رأيك
ميحسش بالنار الا الواقف وسطها

تحياتي

وربنا يهديك للخير ان شاء الله

Ert3ashat يقول...

انا عارف خلفتنا كتير


خلفات مفهاش تفكير


ما العقل بيبقا صغير


فى الحب عمره ما يبقا كبير


لجزء ده رائع
كلها حلوه..انت شاعر جميل :)
استمررر

سهر الليالى يقول...

قرار صعب مش سهل ابدا انك تبعد عن حد بتحبه لكن الاصعب منه انك تفضل تحبه وهو مايستهلش الحب ده وقتها بس يبقى قرار الفراق سهل عليك جدا ومالوش لازمه الندم بعدها مع انك بتحبها:)))تحياتى البوست رائع

gohayna يقول...

هقولهاك للمره الالف
كل كلامك وتعبيراتك واحساسك بيدخل دماغي جدا جدا

بتعبر عن حجات مش عارفه اقوله

صدقني الحب الي بكون من القلب ان ماكانش لحد يستاهله يبقي قلته احسن والله

اوع تزعل علي قرارك

خلي قلبك اقوي ودايما ادي حبك بس للي يستاهله

ربنا يسعدك ويهنيك يا حسام

تسلم ايدك بجد

تحياتي

همسات دافئه يقول...

أخيرا سبتها
ومش زى كل مره
هسيبها وارجعلها

صح ربنا يقويك
عجبتنى قوى

كلام من القلب يقول...

قرار انك تبعد عن حد بتحبه اصعب قرار بتحس ان روحك معاه وكل مايبعد روحك بتبعد معاه تخيل ما تشوف قدام عينيك روحك بتتاخد منك ومش قادر تعمل حاجة
بس الأصعب بجد انك تفضل مع حد مش بيحبك مع حد كل همه انه يهرب منك ويخونك حد يقولك انه محتاج وجودك وهواكتر انسان كاره وجودك
ساعتها احسن قرار تاخده هو البعد بجد انت حتتعذب اوي بس بعد كده حترتاح اوي وتحس انك ضيعت عمرك مع حد مايستاهلش كل حبك ده واكيد ربنا حيعوضك بلي احسن منه

truelove يقول...

تفتكر انك هتقدر تنساها اتحداك الي تفرق معاه قوي كده فراقها يبقي صعب عليه نسيانها تحياتي ليكي

one true thing يقول...

بجد مدونه فظيعه اوي
شفت الاسم عاجبني جدا فقلت ادخل اشوف ايه الكلام
فلقته فوق الخيال
والاغنيه كمان فوق الاحتمال
بجد انا قريت البوست ده واللي قبلهكمان
بس بجد ايه الاحساس ده حلوه
اوي
تحياتي يافندم

غير معرف يقول...

العبد لله عامل محاولة تحتاج للدعم
لتأصيل وعي حقيقي بالهوية المصرية
من خلال سـرديات مصرية نلقي الضوء على التراث المصري ومفاتيح الشخصية المصرية بقراءة غير منحازة لهذا التراث
التجربة لسه في أولها ستتدعم بكم

gohayna يقول...

انت فين يا ابني؟

soso يقول...

اذيك يااستاذنا الفاضل
اخبارك اية
حسام فعلا كلامك حلو جدا
مش عارفة لية بيطلع حلو كدة معاك
فعلا قراراتك اعتقد انها فى وقتها
احييك جدا
دعنا نتعلم ولا تبخل علينا

احساس لسه حى يقول...

عزيزتى
ريـــانه
خلينا نعترف ونكون صرحين
الحب ضعف
ومش عيب اننا نعترف بكده
اللى بيحب بيفقد كتير من قوته مع اللى بيحبه
حتى لو كان الضعف جميل
بس اسمه ضعف
سلام

احساس لسه حى يقول...

عزيزتى
شمعة أمـــــل
متشكر على تعليق الحلو واتمنا الجى يعجبك كمان بس لو لينا عمر
سلام

احساس لسه حى يقول...

عزيزتى
shahy
اللى بيحب مش بيشوف اللى بيحبها تستاهل ولا لا هو بس بيحبها
وبيتمنا يكون معاها دايمن
اهم شئ انها تحبه
ده بس الطلوب واى شئ تانى ممكن يتحل
وربنا يهدى الجميع ...يارب
تحياتى
سلام

احساس لسه حى يقول...

عزيزى
Ert3ashat
متشكر اوى على كلامك والاستمرار حسب الحاجات اللى جوايا واعرف اخرجها
ربنا يسهل واعرف
سلااااااااااااام

احساس لسه حى يقول...

عزيزتى
سهر الليالى
معاكى حق اللى ميستهلش الفراق والبعد عنه اسهل
بس فى حاجات اسهل من حاجات بس هى صعبة اوووووووى وبتوجع
ومفيش اوجع من الفراق بين الاحباب
سلام

احساس لسه حى يقول...

عزيزتى
gohayna
متشكر اوى يا قمر
بس يارب يدخل كمان قلبك
يبقالى بقى الروح وده يبقا احلى شئ ان مشاعر تخش عقل وقلب وروح انسان ويحس بيها ..مشاعر حد ما يعرفهوش
هو المفروض اى حيب يكون من القلب
وغير كده مش بسميه حب
ومعاكى نحاول نديه لللى يستهله بس اللى بيخش القلب صعب يخرج منه
الحمد الله قلبى قوى وبقدر يبعد ويسامح
ولو حصل وجع ليه هيفضل الوجع مدفون جوه قلبى
وربنا يخليكى تدعيلى دايمن كده
متشكر اوووووى على كلامك
سلام

احساس لسه حى يقول...

عزيزتى
واحدة من الناس
ياريت اللى جاى يعجبك
وتشوفى اللى فات كمان
وتقولى رائيك فيه
اتمنا
شكرا ليكى
سلام

احساس لسه حى يقول...

عزيزتى
كلام من القلب
شوفى يا قمر القرار اه صعب بس بدل حصل بعاد وفراق يبقا فى خطأ
واكيد لو الغلط غلطى هتوجع لانى ضيعت حاجه حلوه منى بحبها لاكن لو زى ما بتقولى.....حد مش بيحبك مع حد كل همه انه يهرب منك ويخونك حد يقولك انه
محتاج وجودك وهواكتر انسان كاره وجودك
ده بقه الوجع بيكون لانه اخد مشاعر ما يستهلهاش بس
اما هى المخادعه ما تستهلش لحظة تفكير
لانها خدعتنى دى اكرها بكل ما فى
ما اوسخ العلاقه اللى تنتهى بالفراق بخيانة كمان
دى مصيبة
سلام

احساس لسه حى يقول...

عزيزتى
truelove
اللى عاوز يقدر هيقدر المهم يكون مقتنع انها متستهلهوش وتستاهل يبعد عنها حتى لو تفرق معاه لازم اللى تديله حب...تاخد منه حب برضوا
سلام

احساس لسه حى يقول...

عزيزتى
one true thing
الحمد الله صدفه جميلة وسعيد بيها لانها اسعدتك وخلتنى اسمع الكلام الجامد ده منك
خفى شويه الكلام الحلو انا مقدرش على كده اتمنا اللى جاى يعجبك
شكرا على زيارتك
سلام

احساس لسه حى يقول...

عزيزى
ســــــردية
موضوعك للاسف مش بيهمنى اوى
بس هلقى نظره عليه
علشان خاطرك بس
سلااااام

احساس لسه حى يقول...

عزيزتى
gohayna
انا موجود
بس مش عاوزكم تزهقوا منى بكتاباتى فبتاخر شوية
ومش برد على التعليقات الا لما انوى احط بوست جديد
اتمنا يعجبك
متشكر على سؤالك
ودايمن على البال صدقينى
سلام

احساس لسه حى يقول...

عزيزتى
soso
اتمنا اللى اكتبه يعجبك دايمن
اما ليه بيطلع حلو
يمكن جوايبا حلو فبيطلع حلو
او يمكن حاسس بيه اوى وبيطلع حلو
ويمكن انا وحش بس شاطر اوى وبيطلع حلو
ويمكن ربنا عاوزك تحسى بيه حلو وهو مش حلو
واتمننا انا كمان اتعلم من كلامى
ساعات الانسان بيقول كلام كتير بس مبيعرفش ينفذ ولا يحس بيه حتى
شكرا على التقدير الكبير ده منك
سلام

smraa alnil يقول...

اولا

انا عارف خلفتنا كتير

خلفات مفهاش تفكير


هي مش بتتكتب كدة

هي اسمها خلافتنا

خلافات


انت بقي اخترت اصعب القرارات

بس اياك تندم عليه

خليك جامد

احساس لسه حى يقول...

عزيزتى
smraa alnil
معلش على الاخطاء
اما حكاية القرار ده كان فى الموضوع اللى قبله
هنا الغى القرار
شكرا على الزياره
سلام

الدرويش المرووش يقول...

إحساس جميل
و شعور متدفق

بس يا جميل الشعر مكسور و مدغدغ

ده ما يمنعش إنه كلام حلو
بس الأصل ف الشعر إنه يكون موزون

ده ممكن يتظبط مع القرايه

تحياتى

احساس لسه حى يقول...

عزيزى
الدرويش المرووش
انا عارف انه مكسور ومدغدغ
بس انا اللى يهمننى انى اكتب على حريتى اوزن موزنش ميهمنيش
اسميه شعر نثر خواطر خلطبيطه ميهمنيش
المهم عجبك
ده المهم بس عندى غير كده ميهمنيش
سلاااام

محض روح يقول...

ما العقل بيبقا صغير

فى الحب عمره ما يبقا كبير

وميحسش بالنار الا

الواقف وسطها

فعلا ميحش بالنار الي فيها
كل واحد في الدنيا ديه حاله
صعب يكون ليها شبيه

تحياتي يافندم

احساس لسه حى يقول...

عزيزتى
محض روح
طبعا ميحسش بالنار الا اللى جواها
وممكن احنا اللى بنعيش نفسنا فى نار ملهاش لازمة
كل انسان طبعا ملهوش شبيه
وكل انسان حسب تحمله بقا
تحياتى ليكى يا هانم
سلام

مدوناتى واللى فيها أتفضلوا (حسام)

يا ..... عالم