الخميس، 23 أغسطس 2007

هبتدى تالت بداية..................(صعبه أيامنا)0


الدنيا بدايات ونهايات
المهم نختار امتا نبتدى اى بداية
و نحدد امتا لازم تكون النهاية






حبيت وأنجرحت مرة





وقولت هى دى أخر مرة




لاكن قبلته وحبينى ووعدنى




مفيش جرح تانى صدقينى هذه المرة




ليه سمعت كلامه ليه




صدقته ووفقت أكون أنا ليه




لما بقيت جنبه وملكه




ظهرت حاجات تانى فيه




نفس اللى كان بيقوله الاولانى قاله




كان جوايا خوف بكلامه شاله




قولت حياتى من جديد معاه أبتديت




مش عارفه ليه بسرعه اتغير حاله




هى الحكاية أتكررت ليه معايا




أسيبه ولا أصبرده مفيش نهاية




هى أحلامى بسرعة ليه بتنتهى




لو انتهت مش هتكون لى تالت بداية




قولولى هو طبع الرجل ليه أصبح كده




وعوده قبل الزواج وهم.... انا متأكده




يا أعيش اتألم يا أسيب وكلام الناس أتحمل




يا أخون ومن العذاب أعيش موجوعة متنكده





هناك 53 تعليقًا:

فى القلب يقول...

دائما بدايه
بوستك
احسه حكمه
فعلاً الدنيا بديات ونهايات
أم أختيارنا صائب ولا خائب
حسك بالحياه رائع لك أسلوب فلسفى

smraa alnil يقول...

دائما رائع

واحساسك ولسان المراة بيدل علي مدي براعتك
بس هي عندها حق
انا كمان بحس ان الكلام وهم

تحياتي

اه صور القطة تحفة

Unknown يقول...

أشكرك على زيارة مدونتى يا صاحب الاسم الجميل :)
كلماتك جميلة رغم انها بلسان امرآة ده ابداع على فكرة و عجبنى برده بوست حبيبتى انقذتنى
مدونة جميلة حقيقى
تحياتى :)

catroz يقول...

احساسك حلو اوى
والله مهما يقولوا بحس انه وهم

صور القطه جامده موت

Unknown يقول...

لان الحبيب انسان
بس احنا مش بنحس بدة بنفتكرة ملاك ولما بتظهر الحقيقة بنتخض
بس هو انمسان بكل عيوبة ومميزاتة ولازم نحبة على كدة
احاس جميل احييك علية

احساس لسه حى يقول...

عزيزتى
فى القلب
هى مش حكمة ولا حاجه هى واقع وانا بفكركم بية
بس ليه مردتيش تبتدى تالت بدايه ولا لا
مهم عندى اعرف
سلام

احساس لسه حى يقول...

عزيزتى
smraa alnil
دائما رائيك جميل متشكر
انا لما بكتب لانسان بكون مكانه ونفس احساسه ومشاعره
اه كتير منه وهم
بلس برضوا مردتيش على السؤال تبتدى تالت بداية ولا تستحمل وتستنا
تحياتى
سلام

احساس لسه حى يقول...

عزيزتى
عاليا حليم
هزورها دايمن لانها جميلة
هى بلسان احساس امراه ومش لازم نحس بس بجنسنا مش ممكن نحس بقطه او كلب وهما غيرنا خالص
المهم نحس بالروح اى روح لو مش بالكلام ولا الفعل يبقا بقلبنا
حبيبتى انقذتنى بموت فيها لانى كتبتها فى لحظه كانت من اسعد لحظات حياتى
بس كنت مستنى تردى تبتدى تالت بدايه ولا لا رائيك ايه
سلام

احساس لسه حى يقول...

عزيزتى
catroz
نورتى ومدونتك جميله ورقيقه
ايوا انتى صغيره وخدى بالك من الوهم
ايه رائيك تبتدى تالت بدايه ولا تصبر شويه ولامتا
سلام

احساس لسه حى يقول...

عزيزتى
ايوية
ايوا دايمن بيحاول يكون باحلى صوره لاكن مش بتفرق معاه اى صوره يكون عليها بعد الزواج مش لازم يكون ملاك بس اللى بيتعب انه يوعد بشئ ومينفذهوش انه يخلينا نحلم بشئ وبعدين يموت الحلم ده
بس برضوا مردتيش تبتدى تالت بدايه ولا تصبر ولامتا تصبر
تحياتى يا جميل
سلام

فى القلب يقول...

تبدى طبعا تبدى
طول ما فينا أحساس
مش لازم أى حد يقضى عليه
يمكن الثلاثه تابته
لازم أحساسنا يفضل حى

أهو جوبت على السؤال يا أحساس لسه حى

catroz يقول...

لا
متبتديش تالت بدايه
ادى لنفسك وقت تسترجعى فيه نفسك
و بعدين ممكن نبتدى تالت بدايه

انا عن نفسى هعمل كده ...:)
عشان مضيعش و مقتلش
حاجه جواى حلوه..

الاغانى اللى عندت جميله اوى
و حزبنه اوى
:):)

NeRmeeN يقول...

عارف بجد انت جيبت المفييد
وفعلا عرفت تتقمص مشاعر و احساس البنت
البنت صعب اوى عليها انها تبتدى للمرة التالتة...فعلا صعب اوى

لان البنت عامة لما بتحب بتحب بكل مشاعر جواها و بتحس خلاص ان حياتها و دنيتها و كل حاجة متوقفة على اللى بتحبه و بتحس انه احسن حاجة حصلتلها
ولو انجرحت منه.. بتتعذب اوى لحد ماتنساه و بصعوبة ممكن تبدا مع حد تانى وتديله بقية مشاعرها كلها ...لكن ماعتقدش ان ينفع تبتدى تالت مرة خالص..هتكون انكسرت خلاص

Unknown يقول...

جرب وابداء تانى بعد وضع اسس للعلاقة بدون خداع بدون زيف

شمعة أمـــــل يقول...

طبعا الكلام جميل اوى واحساسك عالى
ودايما كده فى الحب بيكون فى وعود قبل الجواز وبمجرد الاحساس بالامتلاك كل الوعود دى بتختفى كأنها سراب
احييك على البوست الجميل ده

Hayam يقول...

الحالة دي حياتنا بنهرب منها وبنرجعلها تاني بنطلق وعود لأنفسنا اننا قد لا ننجدب لأي كلام مرة اخرى ولاكن سرعان ما ينخطف القلب ويجر ورا سحر الكلمات وقد نعتاد عليها ونستفيق فجأة اننا قد نعيد الكرة بنفس البداية ونفس النهاية .. إلا ان تصدف ويتغير المسار

klmat يقول...

الحكايه دى فعلا بتحصل
وانت عبرت وكأنك بتشعر بمشاعر الحيره
اللى فى الحاله دى
تبتدى تانى ولا لأ
فى ناس ممكن تغلط مره واتنين
ونقدر نسامحها
لاحساسنا بصدقها
وفى عجينه بطبعتها
كلام معسول وصياد
مش بيحب يصطاد
لحبه فى السمك لأ لحبه
لعمليه الصيد نفسها
وبطبيعته الغدر
فى الحاله الاولى ترجع بعدفتره
للتأكد من نيته
فى التانيه
تهرب وتكون كسبانه
بوست رائع
واسلوب جميل تحياتى لك

R.O.U.R.O.U. يقول...

ra2e3 ra2e3 ra2e3

Egypt Rose يقول...

Hi
دى هورمونات في الذكر .. التعددية والملل السريع .. حب المغامرة والتغيير في دمه .. والست الشاطرة اللى تفهم وتتكيف وتستوعب وتكون محددة اهدافها

Unknown يقول...

انا اسفة ان السؤال سقط منى سهوا المرة الى فاتت بس ده اكيد عيب النت عندى دايما مغلبنى كده يا احساس يا اخويا:)
أعتقد ان الانسان لازم يستخير ربنا عند بداية اى شئ مع تحكيم عقله و راحته النفسية و الضميرية اما النهاية لما يكون الى ابتداه فشل مثلا او طلع حاجة فيها اذاء لحد و برده يستخير ربنا

semsem يقول...

كم لنا من بدايه ما دمنا موجودين فى هذة الحياه
بدايات لكل شى
كم ان هناك ايضا بدايات للنهايات

sahr يقول...

اقولك انا لما انجرح مرة ومااتعلمش منها وانجرح تاني مرة هافكر بعدها الف مرة عشان ماتكونش تالت مرة
واحلامي خلاص اعملها ايه ان كان نصيبها كده تموت ماهي برده مش بتموت لوحدها

الزهراء يقول...

احلي حاجة في البوست نفسه انك حطيت نفسك مكان تاني مش مكانك وحاولت تكلم بلسانه


وبجد كتبت بإحساس عالي

دي حاجة جميله جدا

فكرت مرة اني اكتب كدا

بس لسه مكتبتشش :)

طارق هلال يقول...

بصراحة يا حسام
اللغة صدمتنى
معلش دى أول زيارة ليا عندك

لكن اللغة والكلام مش عاجبنى

وأ،ا طبعا حر فى اللى يعجبنى

ولكن انت عندك المشاعر والفكرة..، بس لغتك؟؟ مش عارف تراكيب الجمل غريبة ومش مخليانى أحس بالمعانى أصلا


ربنا يوفقك وتكون أفضل وأفضل

غير معرف يقول...

جميل ياحسام
إحساسك فعلا حى


ومش تزعل انا بس البلوج اتمسح منى هرجع اكتب تانى

http://www.blogger.com/profile/09026672324213256063



سلام يازميلى

كريم بهي يقول...

احساس ودايما حى
او حبيبنا حسام

الكلام فعلا كله احساس ودى مش مجاملة لانك انت المجاملة ن القدر لينا بيك

تحياتى ويارب ما اكنش دزعجتك

كريم بهي

احساس لسه حى يقول...

عزيزتى
فى القلب
تبتدى اوك انا معاكى بس تصبر لامتا على التجربة التانيه وتستحمل لاى مدى
هى دى النقطه
لانى قولت ممكن توصل لايه لو فضلت كده
فهمانى يا قمر
سلام

احساس لسه حى يقول...

عزيزتى
catroz
يعنى تنهى التجربة التانيه وتستنا
ده اكيد هيحصل لو نهيتها
بس السؤال تنهيها امتا وتستنا لامتا وتستحمل اد ايه
اصل العمر بيجرى
والمشاكل بتكبر
تحياتى
سلام

احساس لسه حى يقول...

عزيزتى
NeRmeeN
لو على البنت الامر اسهل
لاكن ده جواز وتجربه تانيه
وانتى عارفه لو اطلقت مره تالته
اد ايه الناس هتتكلم
وهتجيب اللوم عليها
يعنى قرار الافتراق عنه مش سهل
اما انها مينفعش تبتدى تالت بدايه ده قرار بالاعدام لاى انسان
لازم مع وقعتا حتى لو الف مره
نقول ونكمل
ولو انكسرنا نكمل مكسورين
المهم منمتش فى مكانا ونرضى بموتنا
ليه كده الاراده الضعيفه دى
خليكى اوقوى من كده فى حياتك
واوعى تستسلمى بسهوله
سلام

احساس لسه حى يقول...

عزيزتى
ايوية
اسمها جرب وابدا تالت
بس اسس ايه
الاسس بعد الزواج بتتنسا وبيبتدوا اسس جديده
سلام

احساس لسه حى يقول...

عزيزتى
شمعة أمـــــل
تصدقى احيكى اوى
فهمانى وفهمتى كلامى بالضبط
بس للاسف مجوبتيش
تبتدى تالت مره
ولا تصبر ولامتا
هو الحلو مبيكمملش ليه
سلام يا افندم

احساس لسه حى يقول...

عزيزتى
youma
صح دايمن بننخدع ومش بنتعلم
بس يمكن الامل هو اللى بيخلينا نقول ان التجربه دى الختام
وكمان بهارة الكلام من الطرف التانى
بيقدر يخلينا نصدقه وبيعرف
مش عارف العيب فينا احنا اللى بنصدق
ولا فى ناس لازم نصدقها
صعب ما نصدقش كلامهم واحساسهم
سلام

احساس لسه حى يقول...

klma
اه بتحصل كتير
فى اول تجربه
والتانيه
والعاشره ممكن
طيب الحل ايه تبعد ولا تحاول
هى دى المشكله
سلام

احساس لسه حى يقول...

عزيزتى
R.O.U.R.O.U
انتى مستعجله اوى باين
بس غير الكلام كنت احب رائيك تعمل ايه
ماذا تفعلى لو كنتى مكانها
سلام

احساس لسه حى يقول...

عزيزتى
Egypt Rose
يا حبيبتى هرمونات فى الانسان ذكر وانثى
بس لو رجل ارتبط الف مره مش بيقا عنده مشكله انه يسيب اللى ارتبط بيها
لاكن المره دى مشكله وبتصبر دايمن
بس عاوز اعرف تصبر لامتا
سلام

احساس لسه حى يقول...

عزيزتى
Egypt Rose
يا حبيبتى هرمونات فى الانسان ذكر وانثى
بس لو رجل ارتبط الف مره مش بيقا عنده مشكله انه يسيب اللى ارتبط بيها
لاكن المره دى مشكله وبتصبر دايمن
بس عاوز اعرف تصبر لامتا
سلام

احساس لسه حى يقول...

عزيزتى
عاليا حليم
طبعا نستخير ربنا ونشغل عقلنا واحساسنا
انتى بقه كنتى هتعملى ايه انا عاوز رائيك وهى نستخير ربنا فيه
ومش لازم الانسان يمشى على هواه ورحته النفسيه
لان ساعات النفس اماره بالسوء
تحياتى
سلام

احساس لسه حى يقول...

عزيزتى
semsem
ايوا طبعا لنا بدايات كتير
بس مش بسهوله ننهيها
تنهيها بقه ولا لا
وامتا تنهيها
سلام

احساس لسه حى يقول...

عزيزتى
sahr
ايوا كتر الجراح بيشكك الانسان ان فيه صدق وصراحه
وبيخاف يعمل علاقه وارتباط تانى
بس هو جرحها مش كبير لو سبته بس الجرح من الفشل التانى
والخوف اللى هيكون من التالت
تحياتى
سلام

احساس لسه حى يقول...

عزيزتى
الزهراء
ايوا حتيت نفسى مكانها واحساسها
بس قولت اللى جوايا برضوا
مردتيش على سؤال موجوده تبتدى تالت بداية
جربى اكتبى تانى
وورى لحد بيحبك اللى بتكتبيه
وشوفى رائيه
اكيد هتنجحى لو هتكتبى احساسك بصدق
سلام

احساس لسه حى يقول...

عزيزى
Arabic ID
لو هرد عليك الكلام هيطول هختصر ليك
طبعا انتا حر فى رائيك
بس انا بكتب مش علشان احس انى شاعر ولا موهوب ولا اى شئ
ومش بحاول اوزن وادقق
انا بكتب احساس حبيت اكتبه
والكلام اللى بيعجبنى هكتبه بره الوزن او جواه
اجمل شئ اننا نكتب حاجه تريحنا وتعجبنا
وتعجب غيرنا برضوا
ولو حد حس باللى بكتبه
يبقا حاجه كويسه
ادامك اختيارين
كلام شعر موزون بس مفهوش احساس
ولا خلطبيطه زى اللى بكتبها
بس مليانه احساس
تختار ايه
مستنى ردك
سلام

احساس لسه حى يقول...

عزيزتى
princessdodo
احساسى حى وبيوجعنى اوى بس نحمد الله
يا ريت تكتبى باقصى سرعه
تحياتى وتقديرى
سلام

fawest يقول...

ممتاز

احساس لسه حى يقول...

عزيزى
كريم بهي
كيموا الكلام ده كتير على
وانتى انسان احساسك كبير
ورائيك بيهمنى
اما حكاية تزعجنى ده
بايخه منك اوى
لانى بعتير تعليقك حب واحترام لكلامى
يعنى بلاش الكلام ده تانى
اوك
سلام

احساس لسه حى يقول...

عزيزى
fawest
متشكر
بس مش ترد وتقول رائيك تعمل ايه
ولا ايه
سلام

طارق هلال يقول...

علشان يوصل الاحساس
لازم الكلام يكون مرتبط والجملة تكون صح

يعنى مش أخترع تركيبة من دماغى وأقول ده عربى

وأنا مش قصدى على الوزن ولا معانى كلامك وكمان مشاعرك واحساسك كل ده واضح

لكنى وأنا بأقراه بلاقى نفسى عامل زى مدرس العربى
أقول لا الجملة دى المفروض تبقى كده
مش من باب البلاغة ولكن من باب انه علشان تكون بتتكلم صح
يعنى ممكن تقول لواحد: "يا أحمد انت عليا هاترد لما أقولك كويس انت؟؟؟"
قصدك مفهوم ومعنى الكلام مفهوم بس اللغة عايزة تتحسن

فاهمنى

احساس لسه حى يقول...

عزيزى
Arabic ID
انتا مش بتتكلم عن الوزن ولا المعانى
لاكن المشكلة انك بتلاقى جمل تقول المفروض تبقى كده ومكنش كده
ما انا لوكتبت زى ما انا عاوزه كده مش هيكون حسام اللى كتبها هيكون انتا اللى اخترت الجمله على مزاجك
هو سؤال ينهى الحوار
انتا فى الاخر فهمت انا اقصد ايه ولا لا
لو مفهمتش يبقا انا معرفتش اوصلك احساس كويس بس وصلت لحد تانى فهم
ولو فهمت يبقا مش هتفرق تركيبة الجمله تفرق بس اغنك فهمتها ولا لا او عجببتك ولا لا
احنا ليه عاوزين ريتم واحد وصيغه واحد نكتب بيها
اهم شئ اننا نكتب اللى نحسه وبدل فى ناس بتحبه وبتعجب بيه خلاص
اعدله ليه واحسنه
اعتبرها مدرسه جديده اسمها
فكر فى اسم اسميها بيها
وانا هفكر معاك
مش لازم نتكلم بلغه كل الناس تحبها وتعجب بيها المهم تعجب اللى كتبها وتريحه ولو معاه حد تانى يبقا خير
شكرا على النصيحه
وهحاول احسنها شويه مش كتير
سلام

carol 2002 يقول...

كلامك معبر بجد
و إحساسك بيصل بسهوله للناس

وعلى فكرة, مش فى البوست ده بس
انا أقصد أيضا كل البوست

و بالاخص الصور ;)

بالتوفيق دائما
تحياتى :)

احساس لسه حى يقول...

عزيزتى
carol 2002
متشكر يا جميل على الكلام ده
ومتشكر انك قريتى بوستات قديمة وعجبتك
والر بصراحه انا بقعد وقت كتير على ما اختار صوره تعجبنى فى البوست تكونى مع الموضوع وتتمشا معاه
لاكن للاسف دايمن مش بلاقى اللى بتمناها بس بحط الاقرب لللى فى خيالى
تحياتى وشكرى
سلام

احساس لسه حى يقول...
أزال المؤلف هذا التعليق.
محض روح يقول...

فعلا الدنيا بدايه ونهايه ماتعرفش امتى مفروض تبداء وامتى مفروض تنهي
مع كل نهايه بنعديها فيها في حيتنا بنفتكر انها النهايه بس بنرجع تاني
نحب ونعيش
مفيش حاجه بتخلص
ومفيش حاجه بتنتهي
كله بيتولد من جديد الحب والكره
واحنا نفسنا
:)

تحياتي يافندم
تمام كده

احساس لسه حى يقول...

عزيزتى
محض روح
يا جميل الدنيا مليانه بدايات ونهايات
بس فى بدايات صعب نبتديها ولازم نفكر كتير قبل ما نبتديها ولازم قبل ما نبتديها ننهى شئ ونقول نبتدى بعدها وساعات نندم على اللى نهيناه ونحزن من اللى ابتديناه
وانتى مجوبتيش
تصبر ولا تنهى الحكاية وتبتدى تالت بداية
تحياتى
سلام

محض روح يقول...

مجوبتش علشان كتير بيكون الموضع مش باختيرنا
احنا مابنخترش نبداء امتى او نتهي امتى كتير الحياه بتختار عندنا
ولا انته ايه رايك

مدوناتى واللى فيها أتفضلوا (حسام)

يا ..... عالم