الجمعة، 31 أغسطس 2007

الجنة هى روضة......(أحلى من الحلم)1000




ساعات نعيش حقيقة


أحلى من ألف حلم


نعيش العمر كله نقول لنفسنا




هوكان حلم ولا حقيقة




مش قادرين نتصور انه كان حقيقه










صدفه بتقابلنا وصدفه تفرقنا


لاكن فى صدفه فى ذكرانا موجوده




صدفه تفرحنا وصدفه تجرحنا




وصدفه تخلى الحياه ورده بيضة



صدفه تكون صدقتى وصدفه تكون حبيبتى



وصدفه سمتها انتى



انتى قمر على الأرض



أنتى فى الجنة روضه



مش مصدق نفسى


أن فى أمرأه فى الدنيا زيك


مش مصدق أن


فى أحساس وقلب زى قلبك


كلامك حنيتك


أحساسك بيه اكبر من سنك


روحك بقيت روح قلبى


بعدها أى روح مرفوضة


أنتى قمر على الأرض


أنتى فى الجنة روضة


عيشة دنيتنا أحنا ليه


روحى عيشى وسط الحور


عاوزة تعملى فيها أيه


تملى ظلام الدنيا نور


يا بخت يا سعد اللى تحبيه


لحظه معاكى تسوى دهور


كفاية نظره منك تخليه


يعيش فى احلى حدوتة


أنتى قمر على الأرض


أنتى فى الجنة روضة


لو انتى حكاية مش عاوز تبقا ليها نهاية


لو أنتى حلم عاوز أنام وأصحا يبقا معايه


لو أنتى نجمه لو أنتى نسمه هيفضل عبيرها ويايه


قولى أنتى أيه


أنتى نصفى اللى كانت مفقوده


أنتى قمر على الأرض


أنتى فى الجنة روضة



نفسى يوم امسك ايديكى ابوسها


نفسى المس خدودك برموشى المسها


نفسى دموعى تنزل على صدرك محولش احوشها


نفسى قلبى ميتحرمش


من عيونك السوده







أنتى قمر على الأرض



أنتى فى الجنة روضة





مهما أقول عنك


مش هيكفى الكلام



أنتى حقيقة بجد



ولا خيال واحلام



أديتى للدنيا طعم





بعد الجراح والألام



بحبك وبموت فيكى


عهد أروحنا شهوده



أنتى قمر على الأرض





أنتى فى الجنة روضة


هناك 36 تعليقًا:

one true thing يقول...

ياخبر أنا اول واحده في البوست الفظيع ده
بجد كده ساعات الواحد من كتر جمال الحاجه
بيبقى مش لاقي كلام وانا بجد مش عارفه اقول غير انها فوق الكلام
لحن جميل هادي بتعزف ادام عينك
وصوته بتحس طالع من ايديك
هو دا البوست بجد رائع

صدفه بتقابلنا وصدفه تفرقنا

لاكن فى صدفه فى ذكرانا موجوده

صدفه تفرحنا وصدفه تجرحنا

وصدفه تخلى الحياه ورده بيضة
بجد الحته دي فلسفه غريبه في حياتنا نفسي افهمها مش عارف ليه
بس بجد احساس البوست عالي جدن
تحياتي يافندم

Ert3ashat يقول...

جميل جدا
ايه الرومانسيه ديه :)
انا اتغلبت :)

رائع

sahr يقول...

كلمات جميلة جدا
واحساس اجمل يطلع بيك السماء
بالتوفيق

semsem يقول...

اجمل ما فى سمع الزمان هى كلمه الحب واجمل ما فى الوجود ان تحب وان تكون محبوبا

Heart Beat يقول...

انا قلت برضه ارد عليك في عقر دارك يعني زي ما شرفتني هناك و برضه هارد عليك عندي و عندها

استغربت انك بتقول انك مش بتقرا التعليقات عشان ماتتأثرش بيها و في نفس الوقت بتاخد بالك من تعليقاتي في المدونات التانية يعني بتقراها غريبة و الله الحكاية دي مابتقراش و بتقرا في نفس الوقت مش انا قلت لك ان كلامك متناقض

ركز شوية في اللي بتقوله عشان ماتغلطش في الكلام والاقي جمليتن عكس بعض في نفس الموضوع

طبعا النفاق اللي انتي اتكلمت عليه ده ماعرفش انت جايبه منين يمكن ماعندكش فكرة عن ان في حاجه اسمها ذوق و ادب يمكن لانك دايما مابتفكرش قبل ما تعلق و بتشوف نفسك بس

و تاني بتقول كلام مالكش دعوة بيه من اصله مين اللي قال لك انها ماخدتش بالها من ان صاحب الكلام هو فاروق جويده

يمكن بقة انت سألتها و لا حاجه

اللي بياخد بظواهر الامور بالشكل ده بيبقى انسان عقله فارغ و ليه المظاهر و بس مايهموش بقى ايه المعنى الحقيقي و لا ايه الحكاية بالظبط

و برضه فاكر ان رأيك هو السليم و هو الصح على طول ماعنديش فكرة مين اللي قال ان رأي عن السياسة مش مقنع و مالهوش معنى ، مافيش غيرك اللي قال كده و عشان كده مش بعتبره رأي من اصله لان مابحبش عدم مناقشة المواضيع بموضوعية وحكاية الاخذ برأي الفرد الواحد دي حاجه غبية فعلا لما ناس متير تقولي ان رأي مش مقنع اكيد هاقتنع انما فرد منهم دي مستحيل طبعا

انك تتكلم عن نفسك و رأيك انت بس و في نفس الوقت تقول عكس كده طبعا ماعرفش دي تسميها ايه غير فرض رأي بالعافية و طبعا تزعل لما حد يقولك ايه اللي انت بتقوله ده او يعارضك فجأة تقلب الكلام و تقول ده انت بتكلم عن المجتمع ككل

بصراحة يعني لغاية دلوقتي ماسمعتش ان المجتمع عينك ممثل عنه عشان كل اما تتخطى حدودك في تعليقاتك تروح تقلب كلام و تقول ان بتكلم عن المجتمع ككل.

لما تقول رأيك يبقي تلتزم حدود الادب في الكلام من غير تفرض رأيك بأسلوب مش متحضر .

اللي شايف حاجه غلط و عايز يعمل فيها مصلح اجتماعي يقول رأيه بأدب عشان الناس تسمعه مش يجي و يعلق بمنتهى قلة الذوق و بعدين يقول هو انا زعلتكم في ايه يا جماعة ده انا بقول رأي بس

تلزم حدودك في الكلام و التعليق اهلا وسهلا بيك زيك زي كل الناس اللي بتعلق في المدونات

متهيألي انك عارف كويس ان اي حد بيعلق عندنا حتى لو كان بيشتم بنرد عليه بمنتهى الادب و الاحترام و لا بنرد بشتيمة و لا اي حاجه انما انت بقى زودتها اوي

راجع نفسك و ياريت بلاش مسألة فرض رأيك دي و اسلوب النقاش دايما بيفيد في الاخر لكن الهجوم ده مابيعملوش غير اللي عارفين ان ماحدش هايسمعهم و في الآخر بنطلب منهم انهم يلزموا حدود الادب في الكلام او مايتكلموش خالص احسن

Heart Beat يقول...

و ده صورة من ردي على تعليقك عندي

عزيزي احساسه لسه حي

و لا تضطر و لا حاجه لان كل واحد فينا لازم يرد اذا كان يحب يناقش
اراء الآخرين طبعا

و اهلا بيك و بردك في عقر داري يا سيدي و طبعا انا رديت برضه عندك
في عقر دارك و في عقر دار اجندا و هارد عليك هنا كمان بختك بقى اني
فاضية النهارده عشان ارد على كل ده في نفس اليوم

نشوف بقى انت قلت ايه و ارد عليك

بنهلل لبعض ....جميل جدا ان انسان احساسه لسه حي زي ما بتقول على
نفسك ان يقول على التعليق بأسلوب راقي انه تهليل طيب فين بقى الاحساس
اللي لسه حي عندك ده مش تختار كلامك افضل لك يعني

واضح برضه كده انك مافريتش بقية التعليق بتاعها زي ما قلت لك انك بتاخد
بظواهر الامور بس و بتعلق و تحكم من اول حرف تقراه
كنت اتعب نفسك شوية و كما قراية تعليقها هاتلاقيها بتقول كلمة اختياراتك
و ماقالتش كتاباتك و كمان قالت انها حسيت انها سمعتها كأغنية من اغاني
الرائعة نجاة

يعني كلمة اختياراتك اللي هي قالتها دي انت ماخدتش بالك منها و جزئية انها
ممكن تكون سمعتها بصوت نجاة برضه ماخدتش بالك منها يعني انا هاكتب
حاجه و كمان نجاة تغنيها

مش بقولك بتاخد الامور بسطحية جدا من غير ما تقرا كويس

و كلامك طبعا جميل جدا انك بتوصف الكلام بأنه نفاق و برضه كعادتك
رأي شخصي بحت مالوش علاقة بأي رأي تاني غير نفسك انت و بس و اللي
انت شايفه و بس مين قالك انه نفاق و الله لو في حد تاني هايقول ان كلامي ليها
و لا كلامها ليا نفاق هاخد بأراء الناس و هاعدل من ردودي و تعليقاتي عشان
ماتبقاش نفاق

لكن يمكن لان انت بتعلق باسلوبك الغريب ده اللي هو نظام فرض الرأي
فمتهيألك يعني ان اما يكون في مجاملة بسيطة تبقى نفاق مع ان الابيات الشعرية
فعلا جميلة و مافيهاش نفاق اننا نقول عليها حلوة خصوصا ان اجندا قالت كلمة
اختياراتك يعني عارفه كويس انه موضوع تم اختياره مش تأليفه يعني عشان
تنافقني

و دنيتك انت لوحدك اللي مليانه نفاق لان الدنيا بخير طول مافيها ناس طيبة
و محترمة و بتحافظ على مشاعر الناس

و شوف التناقض اللي بتقوله ده يعني انت مش بتقرا اي تعليق قبل ماتعلق
طيب انت عرفت منين التعليق بتاع اجندا هنا لما انت مابتقراش التعليقات
و لا هي تعليقات اجندا بس اللي بتابعها يعني

تناقض ده اعتقد في الكلام زي برضه ما قلت لك قبل كده انك بتقول عبارتين
عكس بعض في نفس الموضوع

و الكلام الفارغ ده برضه عندك انت بس لان زي ما قلت لك ان السياسة
مابقتش تخوف اوي كده عشان تفضل في مثلث الرعب اللي يخاف منها بس
هو اللي مابيفهمش فيها و يقعد يهلل بس انه بيفهم و لما نيجي للجد يكون اول
واحد يجري يستخبي فالانسان ده بقى هاتفضل السياسة في مثلث الرعب عنده

و انا عارفه ان المقصود بمثلث الرعب هو مصطلح بيطلق على المجتمع
و ارائه و اراء الناس اللي عايشه فيه لكن السياسة مش مرعبة اوي للدرجة
دي برضه

و لتاني مرة بقولك احفظ حدودك في الكلام و ماتقولش تعليق من غير تفكير
انك تقول ان كلامي فارغ دي انا بقول عليها منتهى قلة الذوق ممكن تقول رأيك
بأدب عشان احترمك غير كده هارد عليك بنفس اسلوبك ده

و انا مش من النوع اللي اقول طيب يا جماعة نعتبر ان المثلية نسبتها في المجتمع
5% و اجي ازود من عندي براحتي زي ما انت قلت انا عندي احصائيات و حقايق
قاراها قبل ما اتكلم في اي حاجه ماعنديش فكرة عنها و بعدين مش انت قلت ان
النسبة في المجتمع قليلة مين اللي قالك كده يمكن انت بتسأل المجتمع كله واحد
واحد و هما جاوبوك بصراحة يعني فبناء على كده قلت كلامك ده

يهمني مصدر الكلام الاول و بعدين ابقى ارد عليك لكن رأي شخصي في موضوع
عام مستحيل اتحاور معاك فيه ابدا

و طبعا برضه رأيك لوحده هو المفروض يكون صح كأن اي حد يقول كلمة جنس
تبقى حياته كلها متركزة على الكلمة دي وبس

بعيد كلامي تاني مرة تانية تقول لفظ مستفز و بيعبر عن رأيك الشخصي انت
بس تبقى تقول بإحترام و بأدب من غير قلة ذوق و تعالي عشان ماتسمعش كلام
يضايقك

الناس المفروض تتكلم مع بعضها باسلوب مهذب و مقنع عشان نعرف نتحاور
كويس من غير تجريح في بعض

بس برضه زي ما هاتتكلم هارد عليك بنفس اسلوبك

و برضه تاني بتقول انك بتقرا تعليقاتي مع انك قلت انك مش بتقرا تعليقات
عشان ماتتأثرش بيها في تعليقاتك

غريبة الحكاية دي بجد مش عارفه انت عايز ايه يعني بتقرا التعليقات و لا لأ
برضه مش فاهمه من كتر التناقض اللي في كلامك

و مش بتتكلم عليا انا بس لا ده انت تطاولت كمان على الناس اللي بتعلق عندي
و بتقول عيلهم بيردوا تهليلي بتهليل اكبر

يعني كمان بتبجيب سيرة ناس انت ماتعرفهاش و بتقول انك بتتكلم و تقول
رايك من غير ما تجرح في حد طيب و ده تسمية ايه

مش بقولك بص لنفسك الاول و خلي بالك من كلامك عشان ماتسمعش كلام
يضايقك ده اذا كان احساسك لسه حي فعلا

كريم بهي يقول...

حلواوى يا حسام
انتى فى الجنة روضة

بجد احساسك صاحى
وخلى الاحساس صاحى
وان نامت الدنيا
ابقى مع احساس صاحى

جميل وحى كل اللى بتكتبه
كريم بهي

gohayna يقول...

ربنا يهنيك يا حسام والله

ويكتبلك السعاده والحب وتلاقي الي بتحلم بيه عشان قلبك الطيب دا واحساسك العالي

واكيد الي بتوصفها دي لو كانت موجوده تبقي ملاك والله وحظك من السما بجد


ربنا يهنيك ويسعدك يارب

تحياتي ليك جدا

احساس لسه حى يقول...

عزيزتى
one true thing
يا حبيبتى بلااش التهويل ده والكلام الكبير اللى بتقوليه عن الكلام
انا بحاول اخرج الجوايا على قدى
وموضوع الصدفه ده هو القدر اللى مكتوب وساعات الصدفه المكتوبه دى تغير حياتنا يا تخليها احلى يا تخليها اتعس
انتى وقدرك ومكتوبلك
تحياتى وشكرى على كلامك الجامد ده
سلام

احساس لسه حى يقول...

عزيزى
Ert3ashat
يا باشا الرومانسيه جوانا كلنا والحب بس النصيب ساعات بيتعبنا علشان نلاقى اللى ندهاله
شكرا على زيارتك
سلام

احساس لسه حى يقول...

عزيزتى
sahr
اه بيطلع بيه السما بس لما بفوق من الاحساس ده بعرف انى على الارض
وعمرى ما هوصل للسما
سلام

احساس لسه حى يقول...

عزيزتى
semsem
طبعا اجمل شئ ان تحب وتتحب
بس ساعات تكون فى معوقات كتير تمنعنا نعيش الحاله دى سواء مقبلنهاش او معرفناش نعشها من المشاكل بتاع دنيتنا
سلام

احساس لسه حى يقول...

عزيزتى
Heart Bea
دى صوره من ردى عندك اظن كفايه ومش محتاجه كلام تانى

شكرا على اهتمامك وردك واحب اوضح حاجه تفهميها متفهمهاش يبقا عملت اللى على وبس
انتى اخدتى الموضوع حرب وهجوم وانا بالنسبالى راى وقناعة
اوريكى ازاى انك بتخدى الموضوع بسطحيه مش انا
لما قولت انا مش بحب اقرى التعليقات علشان متاثرش كنت اقصد لما اكتب فى موضوع البوست
وانا كنت بعالق عندك مش علشان موضوع البوست اللى عندك وقريت تعليق اجندا علشان كده يعنى مفيش تناقض
هتاثر بايه فى تعليقى بدل مش هعلق على البوست الموضوع واضح اظن
واضح ليكى ولاجندا اللى برضوا مخدتش بالها تانى شئ انا كنت عارف ان اجندا عارفه انك نقلاه بس اللى اقصده مش ابداع منك انك تنقلى موضوع او قصده او شعر او اى شئ الابداع اللى يخرج منك حتى لو مش بجمال اللى بيكتبه الاخرين جماله انه منك
كلامها بقه كان زياده شويه شوفى كده
الله عليكي ياهارت بييت يارقيقه انتي

ايه الكلام الحلو ده؟لا و لأغنيه روعه بجد

كل شويه كده تتحفيني ببوست اروع من اللي قبله

اختياراتك بجد تخاللي اللي مايعرفش يعشق يتعلم و يعشق
خلاص نقلك هيعلم الناس ازاى تعشق
ياست اجندا روحى اشترى كتابين لفاروق جويدة تخدى ماجستير فى العشق وبلاش تستنا بوست تنقليه يعنى
يا بنتى فرق مبير بين المجامله الطبيعيه وانى اقول اختيار جميل
وانى اقول قصيدة شعر فى الاختيار لاكن دى حريتها بس طالما بتدخلوا وبتردوا مكان بعض على التعليقات بالهجوم ده
حبيت اوضح طريقه تعليقتكم ازاى مع بعض مش اكتر ودايمن يارب يدوم المحبه بينكم طالما من قلبكم
اما دنيتى اللى مليانه نفاق ودنيتكم اللى مليانه خير ربنا يخلهالكم ويدجينا شويه من دنيتكم الجميله دى
مش عارف بتلفى وتدورى ليه حلوين انى قريت التعليق ما انه واضح انى قريته علشان انا مش ناوى اعلق على الموضوع المكتوب بتاع البوست مش محتاج ذكاء يعنى
اوك انتى مقتنعه ان السياسه مبقتش تخوف
وانك حره بدرجه كبيره انك تهجمى اى حد وتنقشى اى حد فى بلدك بلا اى خوف
يا بختك معلش احنا مش من بلدك اللى مليان حريه سياسيه وعندنا محاكم عسكريه وبلاوى ادعلنا بقه الرعب يروح مننا طبعا اجندا زيك السياسه ولا بتخوفها ولا حاجه لانها معترضتش على ردك طبعا ولا هتعترض على اى كلام تقوليه
حتى لو قولتى انك تقدرى تنزلى الشارع بلبوس فى بلدك هتصدقك
اما لما اتكلمت على نسبة المثليه مكنش ليه مصدر هشوفلك اى مصدر قريب بس انا بقول حسب تعاملاتى فى مجتمع المدرسه والشغل والمجتمع هتقولى اصل فى نسبه كبيره مش بتصرح ما اناضاعفت النسبه اللى قبلتها فى حياتى بس طبعا المجتمع ده مش النت بس هو القريه والصحرا والمدينة كل المجتمع اللى بتعامل معاه
مش عارف كل شوية تقولى اسلوب مهذب انا قولت لفظ خادش لحياءك ولا شتمتك
انتى بقه بتعيدى للمره العاشره انى قريت التعليق وقولت انى مش بقرا تعليق
معلش التكرار بيعلم الحمار
انا بقرا ممكن تعليق بعد ما اكتب تعليقى على اى موضوع بقراه
ماعدا موضعوك لانى مكنتش بعلق عليه هو
على العموم مش لازم نفهم بعض اوى وممكن اشوف حاجه بعين وانتى تشوفيها بعين تانيه بس فى حاجات لازم تتشاف بعين واحده هى الصح والغلط والحق والعدل والحرام والحلال سؤال صريح
هى مثليتك حرام ولا حلال فى كل الديانات
منتظر الاجابة اللى انا عرفها ومتاكد منها
خدى بالك ممكن اكون اوسخ منك فى حاجات كتير بس الحمد الله عمرى ما بقول على اى شئ وسخ بعمله انه حلال
انا ممكن اتقبلك واتقبل اى شئ تعمليه بس مقدرش اكدب على نفسى واغالط نفسى واحلل اللى اشوفه حرام
سلام

احساس لسه حى يقول...

عزيزى
كريم بهي
والله بحاول اخلى الاحساس صاى على اد ما بقدر بس فى دنيتنا لازم نخليه ينام مع الدنيا النايمه دى
شكر يا كيموا على الزياره
سلام

احساس لسه حى يقول...

عزيزتى
gohayna
يارب يسعدك على اد دعوتك الخالصه ليه دى واكتر منها الف مره
هى موجوده اكيد بس مش عارف ده حلم جوايا ولا حقيقه صدقينى
ساعات الواقع بيكون متلغبط لدرجه اننا منعرف ان اللى عيشينه وحسينه حقيقه ولا خيال
شكرا على زيارتك مع انها متاخره شويه اتمنا الاقيكى دايمن واشوف عندك بوستات جديدة على طول
سلام

فى القلب يقول...

الله يا أحساس لسه فعلاً حى
زى ما ديماً بقول عليك
فعلاً ممكن صدفه تودينا طريق تانى خالص مكنش على بلنا
رائع ديماً ومبدع يا أحساس لسه فعلاً فعلاً حى

احساس لسه حى يقول...

عزيزتى
فى القلب
متشكر على رائيك اللى دايمن بتقوليه واللى ياريت ميتغيرش
اه الصدفه دى والقدر هى اللى بتعلى الانسان وبتضيعه ممكن
ولو القدر والصدفه مخلناش نقابل اللى مممكن نحبهم هنعيش من غير حب هنرتبط بس الحب اللى بنتمناه ممكن ما نلقهوش
شكرا يا جميل على الزياره
سلام

Unknown يقول...

يا سلم يا سيدى يا سلام امتى ربنا الواحد ينعم عليه بلحظات زى بتاعتك دى

voice of love يقول...

لالالالا أنا مقدرش على كده
ايه الرقة دى كلها
خالص تحية وأمنيات لك بالسعادة الدائمة

yas يقول...

حلوة جدا

Mirage يقول...

يابختها ان حبيبها بيموت فيها كده

~ Bato0ot ~ يقول...

:d ya bakhtaha :D w ya bakht 7abebha beha ;)

قيـ ـثارة يقول...

ماشاء الله احساس حضرتك طاغي على كل حاجة والكلمات حلوة
ربنا يوفقك
طبعا دي اول زيارة ليا وان شاء الله متكنش الاخيرة
تحياتي

mimi يقول...

دخلت كذا مرة وفي مشكلة في
التعليق
الكلام جميل قوي ومحسوس جدا
لو في حد من البشر يستاهل الابيات دي يبقى يا بختك ويا بختها
تحياتي

Marwa Friday يقول...

صباح الورد
حلو الكلام
واحساس حلو
لسه حي؟
ربنا ينولك
وأشكرك لزيارة مدونتي

احساس لسه حى يقول...

عزيزتى
عاليا حليم
يا جميل للاسف الحاجات دى مش بتحصل الا لحظات مع انها المفروض تكون معانا على طول بدل فى فى حياتنا حب بس دايمن الحب يحصل فيه مشاكل ووصعاب
ويعنى فى صعاب ملهاش اى حل
يعنى دايمن اللحظات دى احساس وقتى بعدها حصره
شكرا على زيارتك
سلام

احساس لسه حى يقول...

عزيزتى
voice of love
انا احب ابدى احترامى واعتزازى بيكى
وده طبعا علشان البوست بتاع صديقتك
قليل اليومين دول اللى يقدروا الصداقه بطريقتك وباحساسك
ومتشكر على كلامك والرقه مهما كانت مش هتيجى جنب احساك حاجه
انا بس بكتب احساسى وبحاول يكون كويس اللى بكتبه
سلام

احساس لسه حى يقول...

عزيزتى
yasmine
انتى احلا يا ياسمين
بس انتى يا بخيلة يا وقتك مشغول جدا
انتى عارفه المصرين بيحبوا اللت والعجن
شكرا على زيارتك
سلام

احساس لسه حى يقول...

عززيزى
Mirage
قول يا بخت ويا سعد اللى يلاقى واحده تستاهل الحب ده فى الزمن الوحش ده
سلام

احساس لسه حى يقول...

عزيزتى
~ Bato0ot
اه يا بخت حبيبها بيها لانها حاجه جميله ورقيقه وحنينه
لاكن بختها الله اعلم هيكون ايه مش دايمن الشئ الجميل بيكون نصيبه كويس فى حاجات تانى بتتحكم فينا وفى قدرنا
سلام

احساس لسه حى يقول...

عزيزتى
سمسمه
متشكر يا قمر
واتمنا تقرى اللى قبلهم واعرف رائيك لو عندى وقت
واتمنا تتكرر الزياره ودايمن رائيك يكون صريح
سلام

احساس لسه حى يقول...

عزيزتى
mimi
حظى الوحش ان تعليقك مكنش بيوصلى
دايمن اتمنا رائيك
هى من جهه تستاهل تستاهل واكيد بين البشر كتير يستهلوا بس للاسف الزباله مغطيه على كل شئ جميل
وصعب نقبله ونلاقيه الا صدفه
سلام

احساس لسه حى يقول...

عزيزتى
mimi
حظى الوحش ان تعليقك مكنش بيوصلى
دايمن اتمنا رائيك
هى من جهه تستاهل تستاهل واكيد بين البشر كتير يستهلوا بس للاسف الزباله مغطيه على كل شئ جميل
وصعب نقبله ونلاقيه الا صدفه
سلام

احساس لسه حى يقول...

عزيزتى
مروة جمعة
مساء الفل
يا رب دايمن الكلام يعجبك
ودايم هتلاقينى بزورك دايمن
تحياتى
سلام

محض روح يقول...

ياه ايه كم الرومانسيه ديه
ليك كتير مكتبتش بحب اوي كده
عجبني كلامك اوي يمكن علشان حساه مكتوب بصدق اوي
تحياتي يافندم

احساس لسه حى يقول...

عزيزتى
محض روح
وعدتى فنفذتى متشكر
هى الرومانسيه جوانا كطلنا بس فى اللى بيلاقيها بسرعه وفى بيفضل يدور ازاى يعشها
وياريت يعرف يعشها اصلها صعبه فى المطحنه بتاعت الدنيا دى
وحياتك انتى ...كله مكتوب بصدق
بس ساعات بيكون صدق حالم شويه
تحياتى يا جميل
سلام

مدوناتى واللى فيها أتفضلوا (حسام)

يا ..... عالم