السبت، 29 سبتمبر، 2007

حاجات مضيقانى.. فراق.توبة.عطاء.تجربة .فارس(اوجاع مدفونه)0






فراق.....(هروب)1


وجعنى ناس ساعة الفراق

تتوجع شوبه ولا تنجرح


ووجعنى أوى أكتر ناس

تصرخ وتتألم وتنجرح

ووجعنى اكتر قلبى ياناس


مع أنه ولا صرخ ولا انجرح

أدام عينية فى صمت

بسكينه تلمه مات وأنذبح


توبة.....(محاولة فاشلة)2







يادنيا بطلب منك المغفرة



دوسى معايا على حياتى السافره

ولما أقف دوسى على فوقينى

عاشت القلوب والعقول فى الدنيا حائره




عطاء.....(العين بالعين فى الخير والشر)3




قلبى تقل من الوجع اللى فيه


حد يشيل شويه عنى


كل أنسان برضوا فيه اللى مكفيه



ومحدش عن قلبه مستغنى


مش معنى انى عمال أشيل هموم الناس


لما يحتاسوا معاهم بحتاس



لما يقاسوا معاهم فى الكاس

ألاقيهم فى ألمى
أه يا أبن أدم دايمن أبن... فلاس

تجربة.....(دى التجربة ال.....وما أتعلم)4



عدى على المنجم

وأدى الجراب لو ناوى

مد أيدك وأتعلم

لو كنت انسان غاوى

مديت أيديه قرصنى

من جوه الثعبان

التجربه هى المعلم

وياما فى الجراب يا حاوى

فارس.....(احلم على قدك)5



فارس ظهر فى الافق

جى زمانا

لما ظهر اتحرق

من احولنا

اخدت انا الرماد

وجمعتهم وشربتهم

أصبحت فارس رسالتى

أحاول
أغير عالمنا



ممكن تقيم لكل واحد بدرجه من 10مهم بالنسبالى

هناك 45 تعليقًا:

sahr يقول...

اسجل حضوري كأول تعليق وراجعه تاني

sahr يقول...

بوست جميل
واللي عجبني اكتر فراق وتوبة
عشرة على عشرة

soso يقول...

السلام عليكم
بوست فعلا حلو
بص
هقولك على تقيم كل واحدة بس مش على اساس انة جيد او لا
على اساس انى فعلا حاسة انى نفسى اطلع احساس زى كدة ولانى عجبنى تعبيرك فية
1- فراق.....(هروب)1
بنسبة 8 على 10
لكن اجمل حاجة لما قولت

ووجعنى اكتر قلبى ياناس

مع أنه ولا صرخ ولا انجرح

كان نفسى تتكلم اكتر
الفراق فعلا صعب اوى وى ومؤلم لدرجة الموت وممكن يكون الموت فى الصمت
2-توبة.....(محاولة فاشلة)2
بصراحة الصورة عجبتنى اكتر غريبة جدا
الناس واقفين يتفرجوا على اية
سبحان الله
3-عطاء.....(العين بالعين فى الخير والشر)
10 على 10 اجمل ما فى البوست فعلا
خلينا كدة بتشيل هموم الناس وكأننا معندناش هم نشيلة



باقى البوست فية نصيحة مقبولة منك ياحسام
اشكرك كتير بس حاسة انى نفسى اشوف حاجة اكتر روعة
تقبل مرورى

soso يقول...
أزال المؤلف هذا التعليق.
am i kind يقول...

سلام عليكم ..بجد عجبني اوي الكلام وحسيته عميق اوي
اول حاجة الفراق ..لو انت مش كنت غلطان فاللي فارقك هو الخسران والمهم تنسي الم الجرح وتكمل8\10
اما بالنسبة للتوبة حاول تفوق انت بنفسك الدنيا قدامها حاجات كتتتتتتتتتتير اوي دلوقتي7|10
معني العطاء العين بالعين في الخير ماشي, اما في الشر فنحاول نغيره اكيد هنستفيد..وبالنسبة8|10
للتجربة فقيمة ان الانسان اتعلم حاجة بجد اكيد تغطي علي اي الم9\10
اما بالنسبة للفارس فرايك جميل جدا مش هينفع نستني الفارس يجي يفوقنا لان مش في فارس يقدر يفوق كل الناس الي عايشة دلوقتي
في حلة اغماء لازم يبقي كل واحد مننا فارس لعل وعسي100000000\10......بعتذر جدا علي التطويل وكمان علي اني قلت رائي وانت متعرفنيش,بس حبيت اقول رائي..وكل سنة وانت طيب

البنت الشلبية يقول...

ازيك اخبارك ايه
شوف انا هحط التقييم بالترتيب
اول واحد فراق وهروب 9 من 10

توبة محاولة فاشلة
بصراحة معجبنيش اوى 4 من عشرة

عطاء عجبتنى اوى
10 من 10

تجربة عجبتنى
9 من عشرة

فارس عجبنى
10 من 10

ده رأيى بصراحة..سلام

محض روح يقول...

الفراق
مممم
انا نسيت هو ايه اصلا
يمكن من كتر ماعشته فيه اتعودت عليه

التوبه
الدنيا مفيش حد يطلب منها توبه
هتلف بيه وعمرها ماهتوصله
الدنيا زينا متمكلش حاجه فينا
بتتفرج علينا

عطاء
عارف الي اتعود عليه غصب عنه هيفضل يدي من غير مايحسبها ولا يفكر
حاجه زي لعنه سيزيف
طول حياتي حساه ميزه مش عيب
لكن اليومن دول حسيت انه اتحول لعبئ
لزم تعمله علشان لو معملتوش غيرك هيطلبه

تجربه
طول ماحنا عيشين لزم هنعلم
هيه ديه الحياه

فارس
كله بيحاول يكون فارس في الي بيعمله في حياته
يمكن علشان ديما يحس نفسه فوق مستوى الجنود الي حوليه
كلنا بنتحول لفرسان رغم عننا
:)

بالنسبه للتقيم
انته عارف اكيد اني بحب اقراء الي بتكتبه
بس معلش مقدرش اقيمك

تحياتي يافندم

فى القلب يقول...

حقيقى يا أحساس لسه حى كلهم ذو حس عالى و كلهم فى نظرى يستهلو الدرجه النهائيه

فعلاً راقيين جدا

NeRmeeN يقول...

السلام عليكم

ازيك يا حسام..واخبار العشر الاواخر معاك ايه :)

بص يا سيدى
ولو انى مش بفهم اوى فى التقييم الشعرى و كده لكن برده هحاول افتى شوية عشان انت طلبت اننا نقيمك

اكتر اتنين عجبونى هما
هروب و بديها 9
وتوبة و بديها 8

اما عن عطاء و فارس بديهم 7

بالنسبة لتجربة فبديها 5 او 6


تحياتى ليك يا شاعر يا كبير

bocycat يقول...

البوست جميل بس كان ممكن تعمل كل فقرة فى بوست لوحده عشان التقييم يبقى اصدق .. بس عجبنى الجع والفراق وعجبنى كمان توبة 10/10

klmat يقول...

كل سنه وانت طيب
البوست كله جميل
بس انا حسيت قوى
بفراق وعطاء
الدرجات النهائيه
تحياتى لك

carol 2002 يقول...

هو فعلا كلامك جميل
و بجد كل المواضيع جميلة

إلا موضوع
فارس.....(احلم على قدك)5

حاساه موشوش قليلا
عدم تجانس الكلمات
تشتتنى حين أقرأها
غير ذلك جميل بجد

انا بعتذر إذا كنت تأخرت
فى الرد على تعليقك عندى
فعلا لم أقصد ان أتجاهله
الحكايه الزاهايمر مش أكثر
يعنى مش رقابه ولا حاجه

تسعدنى دائما زيارتك
و بالتوفيق
:)

رئيس جمهوريه نفسى يقول...

بصراحه كلهم 10/10 الى الامام يا باشا وننتظر المزيد

truelove يقول...

بوست في الجون يا حسام لو هعلق على كل فكرة يبقى عاوزة اكتب مقالة وبصراحة كفاية عليا مقالات الشغل

نسرين - أمة الله يقول...

كل سنه وانت طيب
عيد سعيد على الامه الاسلاميه اجمع
وحرجع تانى عشان اشوف البوست
بس يا ريت ميكونش لسه فى زعل

princess dodo يقول...

ايه يا جميل
يعنى معقول كل ما اعدى من هنا
الاقيك زعلان كده ياسمسم

على فكرة حتى لما بنمر بتجربة
ساعات ممكن نكرر الغلط
حتى لو واخدين الحذر

اتعلم انك تعيش لوحدك
اتعلم تتكيف مع العالم وحيد
علشان لو فى لحظة محدش وقف جمبك
تقدر تقف وتكمل


كل سنة وانت طيب يا حسام
ربنا يسعدك


تحياتى

كلام من القلب يقول...

كل سنة وانت طيب ياحسام باشا معلش انا جيت بس اقولك عيد سعيد عليك ياجميل
ومستنية منك العيدية على فكرة

احساس لسه حى يقول...

عزيزتى
sahr
مش مهم اول تعليق
المهم اللى جوه التعليق
سلام

احساس لسه حى يقول...

عزيزتى
sahr
مهما كان البوست عجبك
كان نفسى تديهم درجة
وكمان بلاش عشرة على عشرة
اظن كتير على
شكرا على الزيارتين
سلام

احساس لسه حى يقول...

عزيزتى
soso
عارفة تقيمك عجبنى بس انا ليه تقيم تانى غيرك
لان احساسى بالحاجه بذكرى اكيد
تحياتى يا افندم
وكل سنه وانتى طيبة
سلام

احساس لسه حى يقول...

عزيزتى
am i kind
بجد عجبنى قوى تعليقك
وشكلك بتحبى الخطوط المستقيمه
تقيمك مع انه عالى شويه بس على الاقل قيمتى كل واحده ونفذتى رغبتى
شكرا على وجودك اول مرة
واتمنا متكونش اخر مره
تحياتى
كل سنه وانتى طيبة
سلاااااام

احساس لسه حى يقول...

عزيزتى
البنت الشلبية
كل سنة وانتى طيبة
انا تمام الحمد الله
متشكر على راى الصريح يا افندم
واتمنا دايمن صراحتك معايا على طول
فى كل بوستاتى
سلام

احساس لسه حى يقول...

عزيزتى الغالية
محض روح
بجد تعليقاتك احب احطها فى بوست لوحده
فصصحتى المجموعه برائيك الجميل
بس زعلان علشان محططتيش تقيم بدرجه
كان مهم عندى جدا الموضوع ده
شكرا يا وجودك الدائم
وكل سنة وانتى بخير وطيبه
سلام يا افندم

احساس لسه حى يقول...

عزيزتى
فى القلب
كتير يا جميل الدرجه النهائية دى
انا عمرى ما جبيتها فى حياتى
لازم غلطة
متشكر على احساسك بيهم
ويارب دايمن
كل سنه وانتى بخير وطيبه
سلام

احساس لسه حى يقول...

عزيزتى
NeRmeeN
ازيك يا افندم
والعشرة الاواخر بصراحه مقصر اووووووى فيهم دايمن مقصر فى عبدتى
ربنا يعفوا عنى يا رب ويرحمنى
عارفه تقيمك تقريبا نفس تقيمى
اقرب تقيم بحسه قريب من احساسى
شكرا على وجودك
وعيد سعيد يارب
سلام

احساس لسه حى يقول...

عزيزتى
bocycat
يا افندم ما انا بقول التقيم يكون لكل واحده لوحدها
انا لو عجبتك واحده بس منهم ودخلت قلبك واحساسك
ده شئ كبير عندى
كل سنه وانتى طيبه وبخير
سلام

احساس لسه حى يقول...

عزيزتى
klmat
وانتى طيبه وبخير
والاتنين دول بجد اقربهم ليه
ولقلبى بصراحه
تحياتى ليكى على وجودك
سلام

احساس لسه حى يقول...

عزيزتى
carol 2002
هو فارس جواه شئ يمكن محدش يعرفه اوى
الا انا لانى بكتبه وجوايا افكار كتيرة
انتى اى تاخير ليكى بعذر اكيد
وميهمكيش الزهايمر مش سايب اى حد الايام دى
كل سنه وانتى طيبه وبخير
سلام

smraa alnil يقول...

من غير مجاملة ولا لف ودوران

مش هقولك عشرة من عشرة لان كلهم اجمل من بعض

بس مش عارفة ليه لما بقرالك بحس انك عايش حاله كبيرة اوي
حاله غيرالكل عايشها
بتبقي انتلوحدك ودة اللي بيميزك
بحس انك شايل هموم وغموم كتيرة اوي
شايل عشق وفراق

شايل كميةمشاعر متناقضة كتير اوي


بس مش نفاق والله كلهم عشرة من عشرة

انت انسان رائع

وبحتم كلامك اللي بيخليني دايما مذبهلة


الي الامام يا روميل
:))

شفت بقي نسيتني

كل سنة وانت طيب يا مان

احساس لسه حى يقول...

عزيزى
رئيس جمهوريه نفسى
رئيس الجمهويه بس اللى بيتقاله 10/10والى الامام المزيد عاوز فيه صراحه اكتر
كا سنه وانتى طيب
سلام

احساس لسه حى يقول...

عزيزتى
truelove
كل سنه وانتى طيبه
وشكرا على كلامك
كان نفسى بس تقيمك مش لازم ربع مقاله
تحياتى
سلام

احساس لسه حى يقول...

عزيزتى
نسرين - أمة الله
كل عيدد وانتى بخير وكل سنه وانتى طيبه
مرجعتيش يا نسرين
انا فى انتظارك
سلام

احساس لسه حى يقول...

عزيزتى الرقيقه
princess dodo
تفتكرى فى حد سعادته اكتر من حزنه مظنش الا لو احساسه شبه ميت
اكيد التجربه هى كل دنيتنا والحذر لا يمنع قدر وبنحاول ناخد بالنا ونتعلم
تفتكرى دى عيشه ودنيا لو عشناها لوحدنا
ده موت يا قمر
بس بحاول استغنى عن الناس حتى لو بتةوجع بس اتحمل
شكرا يا قمر وكل سنه وانتى بخير
سلام

احساس لسه حى يقول...

عزيزتى
كلام من القلب
وانتى طيبه يا قمر
عيونى ليكى عاوزه العيديه كلام ولا شعر ولا نثر ولاعنب انتى لسه بتخدى عيديات انا بقالى كتير اوى مخدش عيديه من حد
وكمان فين تعليقك على الموضوع
اقولك مش هقولك الا لا تعليق
وسلامين وحته

احساس لسه حى يقول...

عزيزتى
smraa alnil
كل سنة وانتى طيبه
ايه الشرف ده وجودك يا افندم هنا شرف ليه وكمان عجبك البوست ده دفعه للامام بجد
اصلك من الناس اللى ليهم معجبيين كتير ومحبوبه من الكل يعنى شهادتك وثام على صدرى زودتها شويه بس بجد شكرا على كلاامك بس كان نفسى تقولى رائيك بدرجه لكل واحد علشان اعرف ايهم اعجبك اكتر وايهم اقل
سلام

shahy يقول...

ازيك يا حسام

انا حاولت اقيم كل موضوع لوحدة صدقني مقدرتش كلهم حلوين وحكمي عليهم هايكون باللي انا حسيتة قوي واللي بيوجعني ويأثر فيا

فراق وعطاء

اما توبة وتجربة وفارس
برضة حلوين بس انا تأثرت اكتر بفراق وعطاء

تحياتي

عاليا حليم يقول...

قلبى تقل من الوجع الى فيه حد يشيل شوية عنى

دايما احساسك حاضر و معبر و بسيط فى نفس الوقت يا احساس حيفضل حى

همسات دافئه يقول...
أزال المؤلف هذا التعليق.
همسات دافئه يقول...

بارتاح للمدونه ده
من غير اسباب ومن غير ارقام
بس
شيماء

احساس لسه حى يقول...

عزيزتى
shahy
ازيك وكل سنه وانتى طيبه
اول شئ كان نفسى التقيم بالدرجة من عشرة بس كويس انك حددتى اتنين منهم
وبجد دول اكتر اتنين مأثرين فيه وتقريبا دول اكتر اتنين فيه ناس كتير متاثره فيهم
شكرا على ودجودك
سلام

احساس لسه حى يقول...

عزيزتى
عاليا حليم
انتى كمان قلبك تقل من الوجع
أظن معظم الناس قلبهم تقل من اوجاعهم
فيين التقيم يا ستى
هو انتم متجوش الا بالامن المركزى يعنى
يا ريت تسمعى الكلام وتحطى تقيمك بدرجة
تحياتى يا افندم
سلاااام

احساس لسه حى يقول...

عزيزتى
همسات دافئه
كلامك حلو وجميل شوشه
بس مينفعش الراحه تجتمع مع التقيم والدرجه اتمنا ذلك
شكرا على وجودك اللى ناسينى من مده
سلام

shreen يقول...

حسام
رغم دور البرد اللى عندى
ما قدرتش ما اجيش بعد ما بعتلى اللينكات
وان شاء الله هاعلقلك عليهم كلهم النهارده

------------------
اولا : عن فراق.(هروب)
تخيل والله انا اللى قلبى انوجع
احساس رهيب وضيق فى صدرى
شعرت فعلا انك تتألم عندما خطتت هذه الكلمات
وخاصه

ووجعنى اكتر قلبى ياناس
مع أنه ولا صرخ ولا انجرح
أدام عينية فى صمت
بسكينه تلمه مات وأنذبح

الصمت عن الالم قمة الكبرياء والعذاب
يكون صراخ الصمت
اشد واعلى صوتا لانه يتردد بين جنبات روحنا نحن
فيزيدنا الما على الم

عندما نصرخ على الملأ قد نرتاح قليلا
لكن فى حالة الصمت
تظل اعماقنا تردد الصرخه طويلا

تقيمى على هذه الجزئيه واحساسها الدرجه النهائيه


--------------------------
ثانيا : توبة.(محاولة فاشلة)

اعتقد ان جمله يا دنيا اطلب منك المغفره
كانت تصبح اكثر واقعيه وملائمه للعنوان
ان كانت
يارب اطلب منك المغفره
او يا دنيا اطلب منك الرفق بى او شئ من هذا القبيل


تقييم 8\10
-----------------------
ثالثا : عطاء.(العين بالعين فى الخير والشر)

احيانا ينسى الانسان نفسه وهو يحاول مساعدة الاخرين وحمل همومهم عنهم ومشاركتهم اياها

وحينما يثقل قلبه هو بالهموم لا يجد من يحمل عنه عمومه هذه

وبالرغم من ذلك يعذر من تخلوا عنه لانشغالهم فى همومهم

قمة الرقى والانسانيه

تقييم : درجه نهائيه
------------------
رابعا:
تجربة.(دى التجربة ال..وما أتعلم)
كلام بسيط ومعبر
لن يستطيع الانسان ان يعلم نتيجه شئ ما الا اذا اختبره اولا
وحتى ان كانت النتيجه فى النهايه لدغه او اذى
فسيعينه ذلك فى تجارب قادمه
تقييم : درجه نهائيه عن الفكره
--------------------------------
فارس.(احلم على قدك)
دى يمكن ما يعجبكش ردى فيها يا حسام
انت اصبحت فارس على انقاض ورماد فارس تانى
وده انا برفضه تماما
نحن اما فرسانا بطبيعتنا اما لا
لكن لا نتحول او نتغير على انقاض سوانا

والفارس اللى بهرك ده
اتحرق فى الاخر

فليه ما تبقاش انت فارس لوحدك غير قابل للاحتراق

ممكن اكون انا فهمت قصدك او كلماتك غلط

علشان كده خلى التقييم متوسط

اشوفك فى البوست التانى

احساس صريح و حى يقول...

عزيزتى
شرين
الف سلامة عليكى من البرد يا قمر

بس عادى كنتى خلتيها يوم تانى انا ادتهملك تقريهم اما التعليق تخليه برحتك

شوفى تعليقك على اول واحدة السر فى انى بعزك جدا

وبحب تعليقك جدا

لان اول واحده بالذات بتوجعنى قوى وهى اكتر واحدة بتمسنى ومستنى وسبب كتبتها اعمق من غيرها بالنسبالى

كفايه كلام عليها ونخش فى التانية

انا مقولتش يارب لانى بطلب من الناس والدنيا اللى صعب تغفر وبقولها انتى زى بتغلطى لازم تدوس معايا

اما ربنا بحاول اكون من الناس اللى مكتوبه عنده ان قلوبها بيها خير كتير رغم اخطاءها الكتير

وهى بجد كانت حالة وزهق من تكرار الغلط


عطاء دى بقه زهق لانى بدى ومش باخد فى حالات كتيرة ومش ببطل خالص واتعلم

ورغم كده بصراحه اقولهالك ملقتش فى دنيتى اللى يدينى اد ما ادتيته خالص
الا امى وابى طبعا لان دول ما نديهم مش بيخدوا ربع حقهم علينا


التجربة والنصحية دى لنفسى بس تفتكرى بتعلم مش بعرف

اه الفارس الحلم

هو الفارس ده مش شخص معين

ده اخلاق وشخصية وطباع وطبيعة
اللى مليانه فروسية وشهامة اللى متستهملش تعيش فى زمانا

يبقا ازاى بعد ما تتحرق وتموت

احاول اعيش بيهم تانى

ولو حبيت اكون فارس غير قابل للاحتراق

لازم اغير طبيعتى ومكنش الفارس الحلم ده

وضحت اكتر اتمنا

على العموم تاكدى انى مش فارس ولا ملاك

بس عمرى ما هكون زبالة برضوا

سلاااام

قبلة الحياة يقول...

بجد ليك اسلوب مميز وجميل جداااااا في الكتابه ربنا يوفقك وكل قطعة فنيه رسمتها وعزفتها بجد ابدعت فيها ربنا يوفقك دايما وعشر على عشرة دايما

تحياتي اخي الفاضل

مدوناتى واللى فيها أتفضلوا (حسام)

يا ..... عالم