السبت، 27 أكتوبر 2007

روحك ساكنه جوايا....(الى قلبى وروحى وعمرى)1






فى حب يضيع ويتنسا

وحب لازم يحتاج سنه

وحب مهما تمر السنين

بنفضل بيه حاسيين

هنحب ونحب وبرضوا نحب

ومكانه مقفول خلاص

بقه جزئ من قلبنا






ياترى يا غايب عن عينية


لسه شايل اللى كان جواك ليه


ولا الأيام قسيتك ونسيتك


أن قلبى مكنش عاوزمنك


غير ذرة حينية


أحاول أفكرك ولا لسه فكرانى


صوتك وضحكتك بترن فى ودانى


كنتى وخدانى معاكى فى جنتك


رمتينى منها ليه


فى دنيا مكنتش شريانى


مطلبتش منك أننا نكون لبعض


مطلبتش لأنى عارف


اننا عايشين فى الارض


كان أتفقنا أروحنا مع بعض أبدية


هعيش أزاى من غيرك من غير نبض


الحب بينا كان كبير أد أيه


ولا اللى بينا ده كان أسمه أيه


اللى بينا شئ ملهوش فى دنيتنا أسم


كنا بنحتار ومش عارفين نسميه


أحبس دموعى اللى بتموت من بعادك


هحبسها بس قولى فؤادى لسه بيحضن فؤادك


طب بلاش ...هفضل ذكرى جواكى


وردة فى وسط أوراقك


نجمه بتمر فى خيالك


على العموم على متخافيش


بحبك من غيرك بيه هعيش


حتى لو عمرنا تانى ما اتقبلنا


اللى ادتهولى


لو انكتبلى الجنة


فيها برضوا ميتنسيش


هناك 60 تعليقًا:

mohamed emera يقول...

السلام عليكم
جميله اوى دى على فكرة
بحبك من غيرك بيه هعيش عندك حق
لانك حبيت حد وحبيت حبك ليه
ممكن بعد كدة بقى الحد دا يطلع مش الحد اللى كنت متخيله بس بردة لسه بتحب مين بقى حد قديم فى دماغك وبرضه حبك ليه مينفعش يتنسى
كلام غريب شويه
فهمتنى صح
اشوفك فى بوستك الجديد
سلام ياباشا

كلام من القلب يقول...

بوست حلو ياحسام

جميلة اوي جملة فى حب مش بيتنسي وحب لو عدى عليه سنين عمره مايتنسي وده حقيقة فعلا

وجملة بحبك من غيرك بيه حعيش
دي برضه صح فى ناس بتقولك مفيش حد بيموت ورا حد ايوة صح
مع ان فى ناس بتموت فعلا ورا ناس بتحبها بس انت عارف ايه اللى بيموت فعلا المشاعر الجميلة اللى انت بتبقى شايلها جواك لما يطلع الانسان ده مايشتاهلش حبك بيموت جواك مشاعر حلوة اوي بيموت برائتك وصدقك فى الحب ده تفتكر لو حبيت تاني حيبقى بنفس قوة الحب الاول ممكن يكون اقوى وممكن يكون اقل
بس لو كان كذا تجربة حيبقى صعب انك تحب تاني

مش عارفة اقولك ايه غير ان البوست بتاعك حلو اوي
ودايما كده تكتب مواضيع تنكد علينا وتخلينا نتفتح فى لكلام ماتنقفلش ابدا

تحياتي ليك ياسمسم

الدمعه يقول...

فعلا برافو برافو برافو هايل كلام جميل جدااااااا واحساس عاااالي اوي وفعلا حي انا بجد بشكرك على كلامك الاكثر من رائع بارك الله فيك
ومرسي على مرورك عندي

حواء يقول...

كل دى مشاعر ؟؟؟ اكيد مش ممكن تتنسى .. تحياتى

Desert cat يقول...

الحب شئ جميل
بس لو لاقى اللى يرعاه ويحافظ عليه
تحياتى

البنت الشلبية يقول...

كلام جميل
والاجمل الاعتراف بالجميل للزكريات الجميلة
سلام

WhItE HeArT يقول...

جميله فكرت البوست قوي بس الاكيد انها مش ممكن تنسى ابدا لو كانت المشاعر بالقوة دي

غير معرف يقول...

اد اية كلامك جميل اوي ومؤثر اوي
الحب الحقيقي فعلا عمرة ما يتنسى ممكن نحاول نتناسها عشان نعيش بس هو بيفضل جوانا مش بيروح سؤاء الشخص الي حبناه يستاهل الحب دة او لاء
مش ممكن ننسى حبنا لية

Unknown يقول...

يا ترى يالى غايب عن عنيا حتفضل تفكر فيا ؟

حلوة دى

بس مش عايزة أنا الحب الى يستنى سنة ده الوقت بيجرى و السرعة من سمة العصر

هو انت أسمك حسام ؟

مدحت محمد يقول...

فكرتنى بالحب الذى مضى
كلامك نابع من احساس قلب مازال نابضا الحب
تحياتى ليك ياباشا

truelove يقول...

ايه يابني الاحساس العالي
ده كلمات تمس القلب بدون اي مقدمات وبجد لو متوجه لحد يبقي يابخته تحياتي ليك ولكماتك الي في الجون وللامام ياحسام

Doba يقول...

انا رأيى الشخصى

الموضوع جميل فى كتابته
لكن من حيث الواقع - اه صعب الفراق لكن الواحد مش هيقعد يبكى على الأطلال

اللى فات ربنا قسم بيه واللى جاى اكيد احلى فبص لقدام احسن ونقف صح علشان نروحله بسرعة

تقبل مرورى ولك منى كل تحياتى
هبة

حبيبة الرحمن يقول...

السلام عليكم

الى احساس لسه حى مدونتك طبيعيه وتلقائيه ومدونة احساس برضوا حى عجبنى اوى بوست نور وقريته بس للاسف مالحقتش اعلق

وكمان كنت محتاره جدا فى رايى فى الموضوع بس كل اللى انت كتبته واقعى ميه فى الميه

تحياتى لك

اتمنى زيارة مدونتنا ونشرها

www.nor-el-islam.blogspot.com

غير معرف يقول...

عزيزي حسام

كلماتك مميزه عزيزي تقدر تقول انك جمعت فيها كل المشاعر و الأحاسيس اللي ممكن تتقال مع الحالات المزاجيه كلها و بتالي لقيت نفسي مشدوده جدا لكل عباره كتبتها

الجرح ممكن في اوله يكون صعب لكن مع مرور الوقت صدقني بنتعود عليه و مفيش حد بيموت لو حد سابه بيفضل عايش ممكن يكون حاسس انه عايش و ميت من جواه بس اهو عايش
الحب الصادق عمره مايجرح حتي لو ماقدرش له النجاح بيفضل سايب ذكريات حلوه لكن الخداع بأسم الحب لا يسمي حب

تحياتي ليك علي الكلمات المعبره

sa7arkash يقول...

الصورة....تحفة

اما عن الحب الاول
كل مشاعرة واحاسيسة غير مكررة..وغير قابلة للنسيان....وممكن وانشاء الله تحب تانى...بس دايما الحب الاول لة بصمة فى القلب والمشاعر والذكريات...حتى لو الانسان نفسة اللى كنت بتحبة نسيتة هو تماما...بتفضل فاكر مشاعرك انت

NeRmeeN يقول...

السلام عليكم

ازيك يا حسام؟؟؟معلش عارفة انى مقصرة فى المتابعة

مازلت عند رأيى ان مفيش حد يستاهل :ي
ومازت مصرة انك شاعر جامد:ي

تحياتى

catroz يقول...

ياترى يا غايب عن عينية


لسه شايل اللى كان جواك ليه


ولا الأيام قسيتك ونسيتك


يا ترىىىىى
حلووووووووووووة بجد ...

shahy يقول...

كلامك واقعي جدا
يعبر عن حب كبير مدفون في القلب

وزي مانت قلت بالضبط

وحب مهما تمر السنين

بنفضل بيه حاسيين

هنحب ونحب وبرضوا نحب

ومكانه مقفول خلاص

بقه جزئ من قلبنا

وهذة هي الحقيقة

تحياتي لك على كلماتك الرائعة

غير معرف يقول...

ايه كل شوية افوت مش القي جديدي ايهفينك

Unknown يقول...

كان في بيت شعر بيقول
اليك والا لاتشد الركائب ::::ومنك والا فالمؤمل خائب
وفيك والا فالغرام مضيع :::وعنك والا فالمحدث كاذب
فهمت بيت الشعر ولالالالا؟
ربنا يجزيك خير

hamsaa يقول...

الحب ممكن يتنسي في سنين وممكن يفضل ذكري جميلة و بها بعض الالام و ممكن منقدرش ننساهه لانه تعمق جوانا دة بيختلف حسب الحب نفسه و مدي صدقة و مداه
مدونتك للرائعة جدا و هذه هي زيارتي الاوليو لاسم هايل احساس لسه حي رائع بجد
اسعد بك و اعدك بتكرار الزيارة و انتظرك ان شئت
همسه
تحياتي للمدونةالرائعة

linda يقول...

الحب الحقيقي عمره مايتنسي يمكن يبهت مع الأيام ومع حب تاني بس عمر الحب التاني ماحياخد قد الحب الأول
أنا مؤمنة ان لكل شيء مكان ووقت
يعني يمكن تحب تاني بس لكل حب فيهم مكان بقلبك بس الأول هو الأول وعمرك ماحتنساه

حتفتكروا وانت بعيالك ومراتك
حتفتكرو وانت نايم او انت صاحي عشان هو حيزورك لو انت نسيتو

دا يلي مؤمنة بيه

شفت كتير ناس حبو تاني بس فضل الحب الأول مسيطر على الوهج الأول واللمعة الأولى

اسفة عسان طولت عليك وعشان كلامي مش مرتب

تحياتي

قطوف يقول...

عجبنى أوى طريقك الكتابه واختيار الكلمات
بجد أسلوبك جميل
أحييك على جمال البوست دا
ومحتاج رأيك فى البوست الأخير عندى
رأيك يهمنى
وبكرر إعجابى بالبوست
برافوووووووووو

غير معرف يقول...

احساس لسه حى
واضح فعلا
ان احساسك بيها حى
هعيش أزاى من غيرك من غير نبض
الحب بينا كان كبير أد أيه


ولا اللى بينا ده كان أسمه أيه

بجد كلماتك واضحه
صريحه ومباشره و بسيطه

بتعكس حيرتك
وعدم فهمك لحقيقه احساسها فى هذا الوقت





أحبس دموعى اللى بتموت من بعادك


هحبسها بس قولى فؤادى لسه بيحضن فؤادك


بجد انا عارفه معنى الاحساس ده
ياترى هى بتفكر فيا زى ما انا بافكر فيها؟
يا ترى هى حبيتنى اد ما حبيتها؟
يا ترى دموعها بتنزل فى بعادى
ولا هى ولا فكرانى؟

عارفه الاحساس
عارفه الحيره


حتى لو عمرنا تانى ما اتقبلنا


اللى ادتهولى


لو انكتبلى الجنة


فيها برضوا ميتنسيش


كفايه بس ان انت لسه شايلها اللحظات والذكريات الحلوة اللى قضتوها مع بعض


تحياتى لاحساسك الحى

وانا على فكرة على الاستفتاء اللى انت حاطه

اخترت

عمره ما هيتنسى

أحساس لسه حى...كلام من جوه روح لكل روح يقول...

عزيزى
mohamed
شوف يا جميل اه اكيد اللى اقصده انى من غيره بحبه هعيش بس اختلف معاك انه ميكنش زى ما كنت متخليه
بالعكس هو لازم يكون اجمل من خيالى بس للاسف فى حاجات تانيه بتقف ادام الانسان علشان يرتبط بحبيبه حاجات ملهاش حلول دائما
وزى التصويت ما بيقول فى حب عمرنه ما هننساه حتى لو حبينا تانى هيفضل الحب ده معانا وجوانا
تحياتى يا باشا
سلام

أحساس لسه حى...كلام من جوه روح لكل روح يقول...

عزيزتى
كلام من القلب
المهم يا حبيبتى يكون الحب ده يستاهل الكلام ده وانه يستحق ما ينساش ده المهم واكيد من غير اللى بنحبهم بنعيش بس حبهم لو معانا جميل زى ما هو هنعيش احلى لاكن لو كان ذكرى وحشه ده اللى مش عاوزينه يعيش ولازم يتمحا من الذاكره اتفقنا فى كده اكيد
شوفى مش هيفرق الحب الاول او التانى المهم الحب الحقيقى فيهم اللى من النحيتين مش ناحيه بس
واكيد لو حب جميل وذكرى حلوه هنحب تانى بقوة الحب الحقيقى ده اكيد
هو ده نكد ده عشق وحياتك وحب
تحياتى يا جميل
سلااام

أحساس لسه حى...كلام من جوه روح لكل روح يقول...

عزيزتى
الدمعه
شكرا يا قمر البركة فى اللى تستاهل الكلام ده وكتبته ليها
اتمنا كلامى دايمن يعجبك يا رب
مرورى عندك علشان اعرفك من موضوعاتك
واكيد دايمن موضوعاتك محترمه وجميله
سلاااااام

أحساس لسه حى...كلام من جوه روح لكل روح يقول...

عزيزتى
bocycat
اه مش ممكن تتنسا وتستاهل انها عمرها ما تتنسا بجد تستاهل
تحياتى يا قمر
سلام

أحساس لسه حى...كلام من جوه روح لكل روح يقول...

عزيزتى
Desert cat
اكيد الحب اجمل الاشياء اللى فى الدنيا
بس المهم بين طرفين ويراعوه ويعرفوا قيمته كويس
تحياتى يا جميل
سلام

أحساس لسه حى...كلام من جوه روح لكل روح يقول...

عزيزتى
البنت الشلبية
اكيد مش هتتنسا ابدا لانها تستاهل ما تتنساش تستاهل الكلام واكتر منه كمان
تحياتى يا قمر
سلام

أحساس لسه حى...كلام من جوه روح لكل روح يقول...

عزيزى
WhItE HeArT
هى تستاهل بجد كل كلمه واى احساس
بس الظروف بقه ربنا يفرجها
سلام

أحساس لسه حى...كلام من جوه روح لكل روح يقول...

عزيزتى
لولا
اكيد الحب الحقيقى عمره ما يتنسا اما بخصوص يستاهل او لا هو لو ميستهلش اظن مش هيكون حب حقيقى الحب الحقيقى لطرفين بيحبوا بجد ويستهلوا المشاعر بجد
تحياتى يا سكر
سلام

أحساس لسه حى...كلام من جوه روح لكل روح يقول...

عزيزتى
عاليا حليم
هو مش فكرته ان الحب يستنا سنه هو اللى مقصود بيه الحب لو ضاع لاى سبب وهو حب حقيقى ممكن يتنسا
لو هو حب اتظلم علشان دنيتنا
ممكن يتنسا
يا ريت تيجى على سنه او خمسه صدقينى
اه حسام يا جميل يعدى ولا لا
تحياتى
سلام

أحساس لسه حى...كلام من جوه روح لكل روح يقول...

عزيزتى
doha
لماذا مضى
لو مضى بارداته فلا تتذكرينه انه ليس حب
اه نابضا بالحب وبقه فى دمى
تحياتى ياجميل
سلام

أحساس لسه حى...كلام من جوه روح لكل روح يقول...

عزيزتى
truelove
متشكر يا جميل على احساسك بالكلام
ومتوجه اكيد لحد بس مش يا بخته
شكرا على تشجيعك واتمنا دائما اكون عند ظنك فى كل شئ
بلاش الى الامام دى
احسن قالوها لروميل خسر الحرب
تحياتى يا عسوله
سلام

أحساس لسه حى...كلام من جوه روح لكل روح يقول...

عزيزتى
Doba
مش بعيد عن الواقع ولا بكاء على الاطلال بس الذكر للشئ الجميل ده والعرفان ليه عمرها ما هتتنسا مهما طال العمر والحب الحقيقى صعب يموت
اكيد لازم نهتم باللى جاى بس لازم ما ننساش حلاوة اللى فات
اللى ملهوش ماضى ملهوش حاضر
مرورك شرفنى
سلام

أحساس لسه حى...كلام من جوه روح لكل روح يقول...

عزيزتى
kitty
ايا قمر متشكر على رائيك ولا زم تعرفى انتى تعلقى فى اى وقت وانا هرد عليكى برضوا لان رائيك يهمنى اوى
وكمان الموضوع مفهوش حيرة لانى اللى بقوله واقع واى شئ غيره بيحصل بيكون لاسباب مسعدتش او مهياتش كده
وطبعا هزور مدونتك ونشرها هشوف بصراحه ممكن ولا لا
تحياتى
سلام

أحساس لسه حى...كلام من جوه روح لكل روح يقول...

عزيزتى
اجندا حمرا
شكرا على كلامك اللى مش بعرف اردهولك دايمن خيرك على كلام واحاسيس
شوفى لو جرح لازم يتنسا لانه جرح
لاكن لو حب صادق ومش حكاية قدر له النجاح حكاية ظروف لازم يفضل جوانا وعلى اد صادقه على اد ما يطول جوانا طعمه وجماله اما الخداع ده شئ تانى انا الحب عندى شئ واحد
حب بين طرفين بنفس القوه والمشاعر والصدق والعزه هو ده الحب
وشكرا ليكى على زيارتك ويا رب متزعليش منى خالص وتفضلى صحبة مدونه
لو ربنا صبرك وقدرك وفتح قلبك على قصدى ومقصدى دائما
سلام

أحساس لسه حى...كلام من جوه روح لكل روح يقول...

عزيزتى
sa7arkash
اه الصور كلها عجبانى اوى وبالذات اول واحده بحبها اوى
شوفى انا مقصدش الحب الاول انا اقصد الحب الحقيقى الصادق
وهو ده اللى هيفضل بصمته موجوده فى كل كيانك ومشاعركواكيد مش هننسا الانسان لانه هو اللى ادانا المشاعر دى
بنفضل فاكرين مشاعرنا واحساسه اللى ادهولنا
شكرا على مرورك يا قمر
سلام

أحساس لسه حى...كلام من جوه روح لكل روح يقول...

عزيزتى
NeRmeeN
انا عارف لكل انسان ظروفه متقلقيش
انا اختلف معاكى
فيه كتير يستهلوا بس العيب دايمن اننا مش بنعرف نختار صح وده اهم شئ
وحتيت شاعر دى وكمان جامد صعبه اختلف معاكى بجد بس احساسك هو اللى جميل وفاهم وشاعر بيه وبالكلام
تحياتى يا سكر
سلام

أحساس لسه حى...كلام من جوه روح لكل روح يقول...

عزيزتى
catroz
غياب الحبيب بيوجع اوى
بالذات الحب الصادق الحقيقى
الله يخليكى انتى احلا
سلام

أحساس لسه حى...كلام من جوه روح لكل روح يقول...

عزيزتى
shahy
اكيد وصلك المعنى الصحيح والمظبوط لكلامى حب مدفون فى القلب وهيفضل مدفون بس صدقينى هو فرحته اكتر من وجعه ومهما كان بعيد بس كان وجوده لازم لاحساسنا ومشاعرنا
شكرا على وجودك ومرورك
سلام

أحساس لسه حى...كلام من جوه روح لكل روح يقول...

عزيزتى
قلوب حائرة
انا موجود وكمان فى بوزست على احساس برضوا حى هتقدرى تقولى رائيك بصراحه فيه
اتمن شكرا على سؤال
سلام

أحساس لسه حى...كلام من جوه روح لكل روح يقول...

عزيزتى
hamsaa
الحب الحقيقى ميتنساش خالص لانه زى ما قولتى تعمق جوانا وبدل حب حقيقى لازم يكون صادق وبجد وغير كده هيتنسا لانه مش حب حقيقى
شكرا على كلامك الجميل واتمنا اكون دائما حى فى احساسى وصادق
اتمنا زيارتك دائما ورائيك
وطبعا هرد الزياره قريبا
تحياتى يا جميل
سلام

أحساس لسه حى...كلام من جوه روح لكل روح يقول...

عزيزتى
linda
انا اؤيدك عمره ما هيتنسا حتى لو حبينا تانى حب حقيقى هنفضل فكرينه وحاسين بيه لانه علمنا الحب ايه
وصحيح زى ما قولتى لكل حب مكان فى قلبك
اه مهما هنكبر هنفتكره لازم يزورنى كل شويه بذكرى جميله بكلمة حلوه
لو فضل مسيطر يبقا كان حقيقى المهم انه يستاهل لو ميستهلش يبقا غلط
طولتى ايه بس انتى لحقتى تقولى حاجه طولى برحتك بدل كلامك هيكون بالجمال ده
تحياتى يا قمر
سلام

أحساس لسه حى...كلام من جوه روح لكل روح يقول...

عزيزى
سى السيد
الحمد الله لانه اسلوب مختلف وممكن ميعجبش ناس كتير مش وصلهم
ودخلت عندك اهو وعلقت على بوستك
مع اختلافى معاك فيه
شكرا على كلامك
سلااام

أحساس لسه حى...كلام من جوه روح لكل روح يقول...

عزيزتى
shreen
بدون اى مجامله بجد من احلى التعليقات اللى عجبتنى فى كل موضوعاتى
تحليلاتك لكلماتك كانك عرفه انا اقصد ايه وبتكلم عن ايه
وبالذات ملاحظتك لحيرتى ده
لانها كانت موجوده بجد وكتبت البوست كله علشان الحيره دى هو الاساس
طبعا بعد شرحك مش هتكلم هطلب بس دايمن تشرفينى بوجودك
تحياتى يا سكره
سلااام

أحساس لسه حى...كلام من جوه روح لكل روح يقول...

عزيزى
الفاتح الجعفرى
كنت مش هاخد بالى منك بس ربنا ستر
فهمته على ادى طبعا انا مش شاعر كبير وكل كلامى عمى مش عربى
بس المعنى واضح ومفهوم
ويمكن متفق معايا فى شئ غلاوه المحب لمحبوبه ويمكن انا كاتب تفصيلات اكبر من كده شكرا على وجودك
سلام

one true thing يقول...

ازيك يافندم
اخبار الاحسايس التى لا تحيا الا في هذه المدونه
بجد فظيع اروح وارجع الاقي لسه الاحسايس زي ماهي ربنا يوفقك ويحققلك الي فيه الخير ليك
البوست فظيع عاجبني اوي الحته بتاعت
بحبس دموعي في غيابك
وكمان حتى لو الجنه هو برضه
مش هينسى فيه
جميل اوي الاحسايس اللي في البوست
تحياتي ياقندم

gohayna يقول...

دايما احاسيسك حيه

ودايما علي المستوي المطلوب

دايما كلامك بيعجبني
سهل وسلس وبسيط

ويتحس بيه جدا

فعلا هو احساس لسه حي

وهيفضل حي لاخر الزمان

ربنا يهنيك ويسعدك
ويكتبلك الفرح والهنا وتلاقيهم يارب
قريب

تحياتي ليك جدا

klmat يقول...

كلام جميل
واحساس مرهف
طبعا مش من احساس
لسه حى
فكرتنى باغنيه فريد
الحب من غير امل
اسمى معانى الغرام
تحياتى لك

غير معرف يقول...

بدون مجاملة كلماتك رائعة فعلا احساس لسه حي

بس في زمانا ده احنا فقدين الاحساس ده دلوقتي الحب بيجي وبينتهي وبيتنسي بسرعة تفتكر ايه السبب ياريت الناس كلها تفضل احساسها لسه حي بجد

تحياتي

احساس لسه حى يقول...

عزيزتى
one true thing
انتى فينك من زمان ليه الغيبه دى
اه صعب اغير احاسيسى حتى لما بحاول اغيرها مش بقدر البوست ده بالذات مش عارفه انا حسه اد ايه ربنا العالم
انا ملقتش مكان اكتر من الجنه واحلى اقوله علشان ساعات الناس لما ربنا بيديها بينسوا البعيد والقريب كمان والنعيم اللى عيشينه بينسيهم ناس كانت جنبهم وبتحبهم فقلت ايه نعيم اكتر من الجنه وفيها مش هنساها لو لربنا رحمنى وكتبهالى امين انا والمسلمين جميعا
شكرا على مرورك
وبلاش الغيبه دى تانى
سلام

احساس لسه حى يقول...

عزيزتى
gohayna
يا رب يخليكى كلامك جميل واحساسك بكلامى اجمل شئ بيسعدنى انى الاقى حد بيفهمنى
هو اكيد سهل وسلس ععلشان انا بتكلم على رحتى خالص ولا بيهمنى اوزان ولا قافيه بصراحه لانى بكتب اللى بحسه بس
اتمنا يفضل حى لاخر الزمان ساعات بتمنا يموت شويه او يتغير حبه
ربنا يديكى على اد دعوتك يا رب انتى وكل الناس اميين
شكرا يا قمر
سلام

احساس لسه حى يقول...

عزيزتى
klmat
ربنا يخليكى على كلامك وبدل حسيتى بكده يبقا الحمد الله كلامى واحساسى وصلك صح فى البوست ده بالذات لانه مهم اوى لشئ جوايا وكلامك عن اغنيه فريد صح
بس هو شئ متعب ومجهد على القلب بس اوقات الظروف تكون مستحيله ان الحب بين اتنين يتكلل بالارتباط
شكرا يا سكر
سلاااام

احساس لسه حى يقول...

عزيزتى
ايامنا الحلوة
اهم شئ بدون مجامله بكرها موت
شوفى هى صحيح الماديات غطت على مشاعر كتيره اوى وفيه مشاعر كدابه بنخدع بيها نفسنا كتير علشان كده بنقول على مشاعر انها حب وهى مش حب الحب اللى بجد عمره ما هينتهى واديكى شايفه التصويت كله مع الحب الحقيقى لا يتنسا ابدا بس حطى عشر خطوط تحت الحقيقى
صعب الناس كلها يكون احساسها حى
علشان احنا فى دنيا بخيرها وشرها
شكرا على وجودك
سلاام

Hayam يقول...

الحب لما بيكون صادق قوي وعايشين فيه بلا عراقيل ومسلمين فيه بكل مشاعرنا غالباً ما بيتنسيش ابداً لو مهما عملنا حتفضل حلاوة في قلبنا ع طول العمر وغالباً بيكون هو ده الحب الأول الي ما بنقدرش نكلل بأي منصب غير انو الحب الأول

غير معرف يقول...

حلوة الصورة
والكلام ياحسام

احساس لسه حى يقول...

عزيزتى
ندى
شكل الصور عجبتك اكتر من الكلام

بصراحه الصور جميلة بجد

معاكى حق
نورتينى يا افندم

سلام

غير معرف يقول...

لم أكن أؤمن أن الحب قد يصنع المعجزات على أرض الواقع

لم أكن أعرف أنه قد يكون قوة بقدر ماهو ضعف

لم أكن أجد للحب تفسير أو تحليل

ولكن هذه الكلمات فسرت مشاعر مبعثرة ومختلطه

أنطلقت من قلب مشبع بالحب

أستمر في الحياة..حتى لو أبتعد مصدرها

أمنياتي بأن يزدهر قلبك ويشرق بروعة إيمانك وقوة حبك

عاشقة الحياة

مدوناتى واللى فيها أتفضلوا (حسام)

يا ..... عالم