الأحد، 24 فبراير، 2008

الليلادى عيد ميلادى......سنه غير اى سنه


ملحوظة1

قبل ما تقروا المكتوب

احب اقولكم ان دى كاتبتها من 14سنة تقريبا

ولسه ضايف ليها مقاطع

علشان السنة دى غير كل سنة

سنة اتولد فيها البلوج والدنيا اللى حوليه


وكاتب الجديد بالاحمر

عنب

طبعا مش فى السن ده كتبتها


ملحوظة2


البلوج التانى اليتيم


مش عارف ليه قليلين اللى بيخشوه


مع انى عاملتله افتتاح كبير


وكمان موضوعاته


فيها نفس الاحساس اللى هنا


وكمان الموضوع الاخير


احب ناس كتير تشوفه


وتقول رائيها

شوفتوا البلوج قاعد غلبان ازاى


ملحوظة 3


الاغنية اية رائيكم فيها


بجد عجبانى قوى
شكرااا

الدنيا بجد متعبة


الليلادى عيد ميلادى


وعديت بسرعة سنة


أتمنا يكون الأتى


مليان يارب هنه


فاكر أحداث السنة


بحلوها ومرها


واللى أتقال بالألسنة


خيرهاوشرها


فاكر وبفتكر


قبل ما أبتدى السنه


فاكر حب راح وكان

فاكر صديق جرحنى وخان


فاكر وأقول للزمان


ده كله فان..فان


الليلادى عيد ميلادى


وعديت بسرعة سنة


أتمنا يكون الأتى


مليان يارب هنه


فاكر كنت بحلم بأيه


كنت بحلم والله يا دنيا


ده كل واحد حلمه فيه


أمتى يا دنيا تكونى جنة


فاكر وبفتكر


قبل ما أبتدى السنه


فاكر فى يوم اتمدتلى ايد


فاكر كام يوم عدوا كعيد


فاكر كام وعد وميعاد أخدتهم


هم مزقوا عهدى ولغوا المواعيد


الليلادى عيد ميلادى


وعديت بسرعة سنة


أتمنا يكون الأتى


مليان يارب هنه


فاكر نفسى كام مرة غلطيت


فاكر اد اية ظلمت وشكيت

فاكر كام الف مرة ضحكت على

بعد الغلط بدموعها ندمت

فاكر وبفتكر

قبل ما أبتدى السنه

فاكر كام بوست شوفتهم معجبونيش

فاكر أصحابهم لما قالولى عندنا متجيش

فاكر انى دخلت وقولت راى بصراحة
رغم كلامهم برضوا قولت مهمنيش

الليلادى عيد ميلادى

وعديت بسرعة سنة

أتمنا يكون الأتى

مليان يارب هنه

أدينى افتكرت كل حاجه خلاص

أفتكرت كل الاحداث كل الناس

أدينى هبتدى سنة جديدة بالاخلاص

هبتديها باحساس جديد غير نفس الاحساس

أفتكرت وبفتكر

قبل ما ابتدى السنة

أفتكرت كلامى فى كل السنين

نفس الكلام بس راح لفين

راح فى دنيا مبقاش فيها كلمة

حتى مع نفسنا بقينا مخادعين

الليلادى عيد ميلادى

وعديت بسرعة سنة

أتمنا يكون الأتى

مليان يارب هنه
....
..
.
اضافة للعلم احسن حصل التباس
انا عيد ميلادى لسه فاضل عليه شهر
وانا مش بحتفل بيه اساسا بس بفتكره بينى وبين نفسى
نقول ده عيد ميلاد مدونتى فاتت عليها سنه بالضبط

هناك 98 تعليقًا:

موجة يقول...

كل سنة و انتا طيب
ومدونتك طيبة
و انتا بخير
و هيا في تألق دائما

خالص تحياتي
احمد

appy يقول...

;ل سنه وانت طيب والله يخليك ويبارك فيك واشوف حد زى الفل فى الدنيا اكتب البوست بالطريقه العاديه لانى كده مش بفهم حاجه وبيبقى متعب قوى ممكن علشان خاطر ربنا

walaa يقول...

كل سنه وانت طيب يا حساه
وعقبال مية سنه
وتحقق كل احلامك يارب واللى انت بتتمناه كده يا رب

كلام من القلب يقول...

صديقي العزيز حسام

كل سنة وانت طيب ياجميل وكل سنة ومدونتك دي جميلة ودايما مليانة افكار وموضوعات جميلة وتكون سبت الناس ورحمتهم من نقدك يارب

كل سنة وانت طيب وعقبال 150 سنة كفاية كده عليكي عشان نكون منطقيين اكتر مش صح بذمتك هههههههه

تحياتي ليك ياقمر

اه وسلمى بتقولك كل سنة وانت طيب بس طبعا هيا حتدخل بنفسها تبلغك الرسالة دي بقى بنفسها

محض روح يقول...

كل سنه وانته طيوب
:)

WhItE HeArT يقول...

كل سنة وانته طيب ياحسام

الاغنية جميله والشعر جميييل فيه احاسيس حلوة ويارب تفتكر كل جميل وظريف يارب

تحياتي

همسات دافئه يقول...

ايه ده ايه ده ياعم حسام
احنا طلعنا فى نفش التاريخ ولا ايه
كل سنه وانت طيب يارب
بجد من غير مجامله بلوجك من البلوجات الى بتعجبنى جدا وبحترمها وسعات كنت ببعت كمان اللينكات بتاعت البوستات بتاعتك لناس تانيه
كل سنه وموضوعاتك أجمل
كل سنه وانت طيب :)
شيماء

Salma يقول...

HAPPY BIRTHDAY TO UU :)
w 3o2bal meet sana ya pasha:)

goodman يقول...

كل سنة وانت طيب ومدونتط طيبة
وعلى فكرة عجبتنى الاغنية

ايوية يقول...

كل سنة وانت بالف خير

raspoutine يقول...

كل سنة وانت طيب
بوست طويل جداً

عاليا حليم يقول...

كل سنة و مدونتك الجميلة الحساسة جدا طيبة و كل سنة و انت نفسك كمان طيب مقدما
حتم كام سنة باه ؟ و لا ده من المحذورات ؟
-----------------
أدينى هبتدى سنة جديدة بالاخلاص
.
.
هبتديها باحساس جديد غير نفس الاحساس

نفسى اعمل كده

كل سنة و انت دايما كريم كراميل بالمكسرات

احساس لسه حى يقول...

عزيزى
موجة
بس الموجة مؤنث ولا مذكر خليها موج هنعدها

نقول احمد

شكرا وانا بسبب التعليقات قولت عيد ميلادى فضله شهر

اتمنا اكون متالق بجد دايمن

شكرا يا باشا
سلام

احساس لسه حى يقول...

عزيزتى
appy
وانتى طيبه بس لسه بدرى بقى شهر بس الدعوة بقه ادعيهالى دايمن يا ريت متشكر عليها

اتمنا اكون زى الفل دنيا واخره

مش عارف الطريقه العادية ازاى بس هحاول اظبطه عن كده معلش اتعبى شويه هو انا بنزل بوست كل يوم يعنى

علشان خاطر هحاول

نورتينى يا قمر
سلام

احساس لسه حى يقول...

عزيزتى
walaa
مع انه مش عيد ميلادى بس وانتى طيبة يا افندم

ميت سنه صعبه بصراحه ده انا والجيل كله كسر والاكل بقه كله هرومونات هتيجى ازاى الميت سنه دى

يا رب احقق ربع احلامى بس انتى عارفه الانسان بيكون طماع فى الاحلام

ربعها حلو وكتير على كمان

شكرا يا افندم قوى
انتى الوحيد اللى سمعتى الكلام وزورتى البوست اليتيم الغلبان
محدش عبرنى وسأل فيه

تحياتى

سلام

احساس لسه حى يقول...

عزيزتى
الغالية كلام الالب كلوا
بفكرك بحد عارف

وانتى طيبة وبخير ومدونتى تكون بخير يا رب والموضوعات تكتر وتكون اكتر وضوحا وصراحة

وانا تقريبا خفيت فى نقدى اهو وبقيت اكتم واسكت علشان ترتاحى

ايه حكايتكم واحده تقولى 100والتانيه تقولى 150انتى مش عوزانى اموت بدرى ليه شكه ان الجنة مستنيانى وحياتك بدعى كل يوم انى اخشها

تفتكرى دعايا ده كله هيروح بلاش

لو على المنطق كبيريك تشيلى ال100 انتى يا بنتى مش عارفانى كسر خالص

وايه يا قمر دى انتى عارفه شكلى مش هنبطل مجاملات ولا ايه

سلمى ده غاليه لرقتها وروحها وعقلها

نورتينى يا افندم

بس انتى مقولتيش رائيك فى الكلام ولا الجمل ولا اى حاجه هو انتى قريتى ولا لا

سلام يا جمر اقصد يا قمر

احساس لسه حى يقول...

عزيزتى
محض روح
انتى عارفه مفيش كلام هقوله الا
زعلان منك قوى
كل دى غيبه
وكمان كروته فى التعليق

ولا اللى بيلاقى احبابه

بينسا اصحابه

انا قولت كده من زمان على الستات
شكرا على مرورك
سلام

احساس لسه حى يقول...

عزيزى
WhItE HeArT
معاك حق الاغنيه جميله ومعانيها جميله

الشعر بقه احساس بحاجات

وصعب نفتكر الحاجات الجميلة والحلوة بس

حتى الاوجاع ذكراها بتعيش اكتر جوانا

شكرا على وجودك

سلام

احساس لسه حى يقول...

عزيزتى
همسات دافئه
معلش بقه مطلعناش نفس التاريخ

بس على الاقل تحتفلى مع مدونتى بعيد ميلادكم مع بعض

وكل سنه وانتى طيبة وبخير يارب

شكرا على رائيك الجميل ده وتصدقى انا بفرح بكلامك وبتمنا دايمن يعجبك اللى بكتبه مع انك ممرتيش على البلوج التانى

بجد مضطهد البلوج ده وحياتك انا اللى بكتبه برضوا

وموضوع التسويق ده لو ربنا اكرمنى متقلقيش اكيد هفتكر دورك فى التسويق

شوفى انتى عارفه انك مش هتبعتى لحد شئ يجرحهم او ياذيهم وانا بحاول اعمل كده بقدر المستطاع

متشكر يا شيماء اوى
نورتينى
سلام

احساس لسه حى يقول...

عزيزتى
Salma
خدى بالك ده تانى مره اكتب التعليق
اصل النور قطع منه لله

اول حاجه لسه شهر على عيد ميلادى بس ولا يهمك وانتى طيبة يا جميل

دى مدونتى اللى بترد عليكى

يا قمر مش مهم 100سنه هما كام سنه بس اللى عاوزهم زى ما بحلم بيهم

ما انا مش عاوز ابقا عايش ومش عايش
فكره ولا لا
نورتينى يا افندم
سلام

احساس لسه حى يقول...

عزيزى
goodman
وانتا طيب وبخير بس ايه رائيك فى الكلام بصراحه

الاغنية عجبتك وعجبانى موت

نورتنى ومستنى رائيك دايمن فى اللى مكتوب

تحياتى
سلام

احساس لسه حى يقول...

عزيزتى
ايوية
وانتى طيبه وبخير

بس عيد ميلادى بقيله شهر وانا اساسا مش بحتفل بيه بفتكره بس

بس رائيك ايه فى الكلام المكتوب

طيب الاغنيه

عوضيها المره الجايه

نورتى
سلام

احساس لسه حى يقول...

عزيزى
raspoutine
انا لما قريت الاسم قولت هخش مدونه مليانه قسوة وصريخ وصراع

بس لقيتها بالعكس مدونه هادئه حساسه انا قريت موضوعات فيها

بوست طويل بذمتك ده طويل

طب خش على اللى قبله ولا اللى قبل اللى قبله كنت قولت ايه

ده بالنسبالهم مقطع بسيط
نورتنى يا باشا
سلام

احساس لسه حى يقول...

عزيزتى الرقيقه
عاليا حليم
وانتى طيبة بس انا لسه شهر يبقا الكلام لمدونتى اقرب لانه اتمت سنه بالضبط

كام سنه نقولك مع ان السنين جريت ومحستش بيها ولو حسبتها هشيل نصفها على الاقل

مواليد يا ستى
24مارس1972
مفيش شئ محذور عليكى يا افندم

اما بقه البدايه بالاخلاص واحساس غير الاحساس

ما بعدها قولت

أفتكرت كلامى فى كل السنين
.
.
نفس الكلام بس راح لفين

ما احنا بننوى على حاجات كتير وناخد الحسنه

بس ناخد العشرة حسنات واضعافها قليل قوى

نفسى بجد مره اقدر اعيشها باحساس

اجمل احساس

وانتى كل سنه وانتى فول بالزيت الحار وباليمون وجنبه بصلة

مش بذمتك الفول احلا وسبب سعادة ناس كتير

منورانى دايمن يا قمر

سلام

love يقول...

إحساس لسه حى


كل عام وانت فى سلام مع نفسك أولآ وإذا حدث فستكون فى سلام مع الآخرين
تمنياتى الطيبه بمستقبل هادىء ولسان معسول يجعل كل الناس العام القادم يقولون لك نحبك ونتمنى دوام صداقتك

انين الحزن يقول...

يعني انا اقولك كل سنه وانت طيب
ولا استني الشهر الجاي

علي العموم كل سنه وانت بخير مقدما اهوه
محدش عارف الشهر الجاي هيكون فين

تقبل تحياتي ......... وزة

احساس لسه حى يقول...

love باشااااا

معاك حق انا مش فى سلام مع نفسى ومين فى الدنيا ملاك ممكن يرضا عن نفسه

انا فى خناق وصراح ومشاكل مع نفسى

اما الاخرين بقه فحسب شخصيتهم وارائهم بيكون كلامى معاهم وانا مش بكره حد خالص الحمد الله

بس بعرف اقول رائى كويس وبعرف مسكتش على اى حد يحاول يشوه شئ غالى عندى ويمسخه

ومش كل الناس تفرح بكلامك المعسول وترضى منك اهانة دينها

خلى البرنسيسات والاميرات يفرحوا بيك بس

شكرا على امنياتك

وبتمنالك دايمن شيئان يأتيك شئ منهم

يا ربنا يهديك لو قلبك جواه البذره الطهارة ونظيف من جوه

يا يخدك ويوريك عذابه وانتقامه لو قلبك البذرة اللى جواه نجسه ووسخه ومتستهلش تخش رحمته

ودى كلمة كتبتها للمدونين اتمنا تفهم منها انا بعلق على اى اساس عند اى حد وكمان متنساش المقطع اللى هنا على التدوين اقراه كويس

فى الدنيا قولت رأى لناس كتير

فيهم قطط فيهم كلاب فيهم حمير

فيهم ملايكه تفوقنى من جهل صابنى

فيهم ملايكه بجهلهم شيطانى غلبنى

فيهم نفاق وكدب وشوك لابس حرير


واخر شئ واعظم شئ افهم معنا الاية دى كويس

قال تعالى بسم الله الرحمن الرحيم
(ان الذين كفروا سواء عليهم ءانذرتهم ام لم تنذرهم لا يؤمنون ختم الله على قلوبهم وعلى سمعهم وعلى ابصارهم غشاوة ولهم عذاب عظيم)
صدق الله العظيم

سكــر يقول...

كل سنه ومدونتك طيبه

وكل سنه وانت طيب

مقدما اهوه يا باشا

تقبل مرورى
احمد سكر

احساس لسه حى يقول...

عزيزتى
انين الحزن

قولى كل سنه وانا طيب علشان المدونه وعلشانى مفيش مشكلة وكمان الشهر الجاى برضوا كله بثوابه

وكل سنه وانتى طيبه وبخير يا رب

ومعاكى حق محدش عارف بعد 5دقايق هيكون فين وبيعمل ايه وعايش ولا لع

بس الكلام معرفتش رائيك فيه

تحياتك اسعدتنى ونورتنى

سلام

احساس لسه حى يقول...

عزيزى
سكر
وانتا طيب دى بتاعت المدونه

وانتى طيب وبخير وسعيد دايمن يا رب ده بتعتى

بس مينفعش فى الحاجات دى المقدم لازم يومها للدفع اقصد للتهنئة يا فات الميعاد

نورتنى يا افندم

سلام

Heba يقول...

كل سنة والمدونة متميزة

كل سنة وأنت بخير واحساسك لسه حي

تقبل مروري الأول

Salwa يقول...

كل سنه وانت والمدونه بخير وسلام

وإن شاء الله السنه دي تكون كلها خير وسلام
إن شاء الله

تحياااااااتي

linda يقول...

كل سنة وانت طيب

وكل عام والمدونة بخير

ومش بالضروري تشوف للماضي خليك بالي جاي

Rania يقول...

ايه دة ؟
دة انا جيت متاخر بقى
كل سنه و انت طيب يا رب انت و هى و ديما تكتبلنا حاجات حلوة ديما
على فكرة الى انت كابته تحفة بجد
تحياتى

سقير السلام يقول...

كل عام وانت بخير وصحه وسلامه
والمدونه متميزه وان شاء الله من أحسن لأحسن

خبيب يقول...

كل سنة وانت بلوجر قد الدنيا يا سيدي

وعقبال المدونة ما تكبر وتبقى موقع وله أبواب كمان

dina يقول...

ايه الكلام الجاااااااامد دا
يا بخت عيد ميلادك اصلا
ههههههه
بجد كلام جامد جدا و معبر جدا و يا رب تكون سنة اجمل و اسعد يا رب

R.O.U.R.O.U. يقول...

kol sana wenta tyb we bes7a we slama
ya rab dy tkoun 2a7san sana wely gay 27la we medwantak b5eer ma3ak bl mara
isa dayman 2a7san 2as3ad we medwantak 2agmad
we mestanyia ra2yiak ba2a 3andy
tenawar;)

احساس صريح و حى يقول...

عزيزتى
Heba

كل وسنة وانتى بخير وياريت تكون متميزة بجد دايمن

واحساسى بقه هيفضل حى طول ما انا حى ان شاء الله

منورانى فى مرورك الاول اتمنا ميكنش الاخير

تحياتى يا افندم
سلام

احساس صريح و حى يقول...

عزيزتى
Salwa

كل سنة وانتى بخير زطيبة ومدونتك دايمن فى تالق تسعدك وتسعدى الناس بيها

اتمنا السنه الجية تكون بخير يارب

تحياتى
سلام

احساس صريح و حى يقول...

عزيزتى
linda

وانتى بخير يا جميل

والمدونة بخير يارب وتكبر بموضوعتها

ولازم اشوف الماضى اتعلم منه واخد منه دروس المهم اقبله وارضا بيه

وربنا يسهل ويستر فى اللى جاى

تحياتى
سلام

احساس صريح و حى يقول...

عزيزتى
Rania

يا قمر ولا متاخره ولا حاجه ده الميعاد المكتوب حد بيتاخر على المكتوب

وانتى طيببة يا افندم وانتى بتقولى انت وهى قولت تقصد مين هى مين افتكرت بقه ان المدونه مؤنث كويس انا بعتبرها مراتى مؤقتا

اتمنا اللى تقريه عندى دايمن يعجبك
ويدخل احساسك ويعجبك

نورتينى يا قمر
سلاااااااام

احساس صريح و حى يقول...

عزيزى
سفير السلام

مع ان السلام مبقاش ليه اى سفير خالص

كل سنة وانتا بخير وطيب

واشكرك على اثنائك على المدونه ووصفها بالتميز

واتمنا بقه اكون لاحسن فى كل شئ احسن الحال مش احسن اوى

فى كل شئ بجد

نورتنى
سلام

قبلة الحياة يقول...

حسام كل سنة وانت طيب وبخير ولا استنى ااقولها لك بعد شهر

وكل سنة وانت دايما يارب موجود بينا وفي وسطينا مدون جميل وقلم صادق

بجد ليك اسلوب جميل اوي في الكتابه
ياااااااااه لما الانسان يبص على سنين عمره اللي فاتت يودعها بحلوها ومرها ويبتدي مع نفسه صفحة جديدة وسنة جديدة

تقبل اول زيارة اول مرور وان شاء الله هتتكرر كتير

احترامي لحروفك ولشخصك

احساس صريح و حى يقول...

عزيزى
خبيب

وانتى طيب يا باشا من بقك لباب السما يا رب اد حتى ربع الدنيا

لا يا عم مدونة كويس موقع ايه بس
ده مدونه وطالع عينى عاوزنى انشل بقه لو موقع

تحياتى
سلام

احساس صريح و حى يقول...

عزيزتى
dina

الكلام جامد لانها مشاعر بجد حقيقيه وحاجات بنمر بيها ولازم نفتكرها

يا بخت عيد ميلادى ايه انا بفتكره بالعافيه وبعيشه وحدى

شكرا على كلامك واتمنا كل الكلام دايمن يعجبك

ويارب السنه تكون بجد اجمل واسعد على نفسى سنه حلو بجد فى كل شئ

اتمنا
نورتينى يا جميل
سلاااااااااااااااااااام

احساس صريح و حى يقول...

عزيزتى
R.O.U.R.O.U.
وانتى طيبة يا جميل وبخير يا رب

اه اتمنا اللى جيه تكون حلوة بجد مفهاش وجع ولا الم ولا قلق

والمدونه طبعا تكون فايدة على ناس ويحسوا باللى فيها وبجد بتخرجنى من حاجات وحالات كتير

واكيد انا هزورك حالا اشوفك بعد طول غياب كانوا 3علقوا من شويه اشوف هكون الكام

تحياتى
سلاااااااااااااااااام

احساس صريح و حى يقول...

عزيزتى
قبلة الحياة
كل سنة وانتى بخير يا رب
قفوليها دلوقتى والشهر الجاى وكل شهر المهم الامنية تكون من القلب
واكيد منه طبعا

بحاول اكون صادق لدرجه الصراحه الكامله مع ان ده مش بيخلينى مدون جميل لبعض الناس اللى مش بترضى باى نقد وبتزعل منه

والله يا افندم ولا اسلوب ولا حاجه بس بكتب احساسى بصدق باى شئ اتمنا يعجبك دايمن

اه كويس طبعا اننا نشوف السنه اللى فاتت واللى قبلها عملنا ايه وحصل فيها ايه وحصل فينا احنا ايه ونحاول نتقدم ونتعلم

بس للاسف بترجع ريما لعادتها القديمة وتقريبا مش سهل الانسان يتغير

بالذات لو شئ طبع فيه ومن شخصيته

لاكن اهو بنحاول

طبعا نورتينى بزياتك
كفايه انك ورتينى مدونتك وبوستك الاخير الرائع

اتمنا دايمن كلامى يعجبك واللى مش هيعجبك تقولى ميهمكيش

اسلوبك جميل ورقيق جدا فى التعليق

تحياتى
صحيح ليه مدخلتيش البلوج التانى

سلام

أيامنا الحلوة يقول...

بعد ده كله يطلع مش عيد ميلادك ياراجل امال في عيد ميلادك هتعمل ايه يلا على العموم كل سنة وانت طيب مقدما ومدونتك طيبة كمان

تحياتي

على الطريق يقول...

كل سنة وانت ومدونتك طيبين ويار الآتي مليان دايما هنا

كلماتك بسيطة لكنها بتعبر عن اللي جوة اي انسان بيحلم ان الجاي يكون افضل

تحياتي

shreen يقول...

حسام
كل سنه وانت طيب مقدما
وكل سنه ومدونتك طيبه
ومفتوحه للجميع
ودايما مليانه ببوستات جديده

ويارب فعلايكون مليان هنا

نفرتيتي يقول...

كل سنة ومدونتك مليانة موضوعاتك جميلة وصريحة ودايما مفتوحة بلمسة ايديك علي الكي بورد وفي ناس بتحب ان الناس تدخل عندها البلوج وتتكلم بصراحة وعمرها ما هتقولها امشي لكن هتحترم رايها كل انسان فينا له رايه الخاص بيه فلازم كل واحد مننا يحترم راي الاخر اتمني زيارتك

فراشـة يقول...

السلام عليكم
.......................
أدينى افتكرت كل حاجه خلاص

أفتكرت كل الاحداث كل الناس

أدينى هبتدى سنة جديدة بالاخلاص

هبتديها باحساس جديد غير نفس الاحساس
.........................

حلو انك تتفكر عيد ميلاد مدونتك و تعملها بوست خاص
حلو انك تتفر كل الذكريات الحلوة و المرة إلي مرت عليك في العام

بس ما تغير إحساسك في الكتاية
ما احب انك تغيره
طوره
ممكن ناقصة شوية تطوير و يصير احسن من الأحسن
لكن ما تغيره
و خليك تكتب بنفس الاحساس

سلامي

محض روح يقول...

انا قولت كده من زمان على الستات

ليه بس انا قولت ايه
اصلي بجد مش عارفه اعلق على الكلام

عاليا حليم يقول...

انا فول بالزيت الحار و كمان معاه بصلة يا حسام ؟؟؟؟؟؟

دا انت خليتها خل :)

احساس لسه حى يقول...

عزيزتى
أيامنا الحلوة

اه مش عيد ميلادى انا كتبها تقيم للسنه ومش فارقه تكون عيد ميلادى ساعتها ولا لا المهم هى وقفه لاحداث سنه ماضية فى اى وقت بفكر فى الكلام ارجع سنه عنه بس

فهمتينى

يوم عيد ميلاد مش باخد بالى منه قوى احسن علشان ما ازعلش

وكل سنه وانتى طيبة طبعا ودنيتك كلها بخير وسلام وسعادة

مرحوتيش البلوج التانى ليه

نورتينى يا افندم

وانتى تغيرى اغنية العنب الى الجزر الجزر الجزر


سلاااااااااام

احساس لسه حى يقول...

عزيزتى
على الطريق

وانتى طيبة وبخير وسعادة وراضية دائما

اتمنا يكون فى شوية هنا مش لازم مليان للاخر

وتقصدقى انا حاسس بيها كده اى انسان فى الذكرى هيتذكر كل اللى قولته او بعض اللى كتبته

شكرا على اثنائك لكلامى واتمنا دايمن يعجبك

مرحتيش البلوج التانى ليه هيعجبك

تحياتى يا افندم

سلاااااااااااااااااااااااااااااام

احساس لسه حى يقول...

عزيزتى
شرين
مع انه تعليق مكروتانى فيه

وانتى عارفة انتى بالذات مبحبكيش تكروتينى

بس هعديها المره دى وافوتها

وانتى طيبة وسعيدة يارب دايمن

ومدونتى مفتوحة للجميع وعمرى ما مسحت تعليق حتى لو اهنى

ومليانه اهو انتى مش شايفه الخير كتير

اصل انا غنى كلام بس

وايه بقه

يارب فعلا دى تقصدى ايه!!!!

تحياتى يا جميل

بس فهمينى برضوا

سلاااااااااااام

احساس لسه حى يقول...

عزيزتى
نفرتيتى

متشكر على كلامك الجميل ده بصراحة

وياريت اللناس تفهم ان الصراحة ممكن تزعلهم اوقات بس مش مقصود بيها لاساءة ليهم فى الاخر

وصدقينى انا بسبب صرحتى ناس كرهتنى وناس بقيت مش بتحب اخش عندهم وناس بطلت تخش عندى

اصلك مشفتيش الخناقات والهجوم اللى بتعرضله ساعات هنا

وانا معاكى لازم نحترم اراء الاخيريت بس لو الامر يخس اهانة الدين بقه ما اظنش اللى ده فى اراء مختلفه

ولازم اى حد فى اى دين ميسمحش حد يهين دينه ده المفروض

معلش دخلت فى موضصوع شاغلنى جدا

وكاتب بوست عليه

نورتينى ودخلت عندك

اتمنا افيدك براى بعض الشئ

تحياتى يا جميل

سلام

احساس لسه حى يقول...

عزيزتى
فراشة

انتى اخترتى جزئ بحبه قوى فى اللى كتبته

طبعا لازم افتكر كل شويه اللى عملته فى سنه وقبل سنه

عارفة غصب عنى بيتغير من حاجات حولية كتير بتاثر فية

البراءة بتموت جوايا ومش قادر احافظ عليها

ده فى حياتىلا

اما فى الكتابة هحاول اطوره وبحاول اطورة بس على ادى بقه معلش

وان شاء الله متغيرش تغير يغير احساسى ويمحيه

نورتينى وعجبنى تعليقاتك

تحياتى

سلااااااااااااام

احساس لسه حى يقول...

عزيزتى
محض روح

اوعى تزعلى انا بس بتكلم برحتى وبصرحتى

اللى اقصد ان المراه لما ترتبط وتحب تنسا الصديق والقريب

لان حبيبها هو كل حياتها

دى طبيعة المراه

وانتى امراه فمتزعليش من راى

وده تعليقى على اختفائك المفاجئ رقم واحد

وعلى تعليقك المختصر جدا جدا جدا ده رقم اتنين

وانتى عارفة معزتك عندى فمتزعليش

نورتينى يا افندم

سلام

احساس لسه حى يقول...

عزيزتى
الغالية
عاليا حليم

انا حطيك فى مكانه كبيرة قوى وشبهتك بشئ غالى مش على انا بس

على الشعب المصرى كله

والبصلة كمان تبين متانة المعزة

والخل نسيت احطه فى طبق الفول معلش فوتيها المره دى

ولا عاوزه اشبهلك ببيتى فور بيحبه ويخس جزئ بسيط من الشعب

عاوز الاغلبيه العادية البسيطة

ولا الاقلية المميزة المعقدة

فول

ولا

بيتى فور

تحياتى

سلاااااااااااااااااااااااااااام

مروة الزارع يقول...

السلام عليكم اخبارك اية

انا قولت اجى ارد علي سؤالك هنا لظروف معينة هو انى مش ملاحقة ارد على تعليقات عندى عشان ظروف معينة بردة

اولا كل سنة وانت طيب

ثانيا هرد عليك يا سيدى

لكل حد ايمانة الخاص بحاجات معينة

انا مش متناقضة خالص

انا فعلا ضد المقاطعة خالص

ومحدش يزعل منى

انا دخلت فى نقاشات مع ناس كتير بخصوص المقاطعة ومقتنعتش

انا ضدها لسببين

اولا : مفيش اى منتج محلى بنفس الجودة ومحد عاوز يجيب بدائل بنفس الجودة ومحدش يقنعنى مثلا اغسل هدومى برابسو عشان تطلع وسخة ولا اشرب لبن ام سحلول اللى فى مصر اللى هو مزيج من اشياء تانية غير اللبن ولا أكل جبنة بلاستيكو بتاعة مصر .. يعنى مفيش بدائل ولا جودة بنفس الجودة اللى مطلوب نستغنى عنها

ثانيا : طالبين مننا نقاطع معظم الشركات الكبيرة .. طيب الشركات دى زى اريال وكوكاكولا وكنتاكى مثلا ياترى شغال فيها كام واحد مصرى وكام واحد يهودى زبالة
طبعا كلهم مصريين ومحدش اجنبى
يعنى بيطلبوا مننا نخرب بيت ملاييين من الناس ونشردهم فى الشوارع ونجوع عيالهم ونزود نسبة البطالة
مثلا شركة زى شركة كوكاكولا وبيبسى
هنخرب بيت من اول عامل المصنع لحد الكشك اللى بيبيع فيها
وعقبال ما يكون فية بديل تكون خربت مالطة
وثم اصلا مش احنا اللى هندمر اقتصادهم
ولو خلانهم يقفلوا هنا وهزينا اقتصادهم بنسبة 10% إقتصادنا احنا هيتهز بنسبة 1000% وهما هيفتحوا فى اى حتة تانية فى العالم
عارفة انهم ولاد ستين فى سبعين
بس لازم نفكر بعقل ومنعملش زى بتوع المظاهرات اللى بيكسروا فى بلادهم فى المظاهرة

يارب تكون فهمتنى

تحياااااااااتى ليك وبجد دايما بتشرفنى

shayma يقول...

كل سنه وانت ومدونتك طيبين وبخير

وعقبال عيد ميلادك كده
:))

inksarat يقول...

يعنى اول تعليق ليات يصادف عيد ميلاد المدونة ...
ان شاء الله اتابع بقى مع السنة الجديدة
ــــ
تحياتى

فارس يقول...

اخي الكريم
ارجو منك زياره مدونتي ومناصره الشعب الفلسطيني
ولك التحيه

سيكولوبيا *حكايات من العيادة النفسية يقول...

كل سنة وانت طيب
وكل سنة ومدونتك طيبة
وكل سنة واحساسك لسه صاحى

غير معرف يقول...

أعجبني الحوار البسيط الذي يمثل نفس بشريه صارخه

والمعاناة والتضاربات الذي يعيشها الفرد في عيد ميلاده

مابين طموحات واهداف..وبين ندم وحسره على مافات من وقت

لك كل التقدير والاحترام

ودعواتي وأمنياتي بأعوام ملؤها السعادة والرخاء والهناء

عاشقة الحياة

klmat يقول...

كل سنه وانت طيب ومدونتك الجميله
متألقه وناجحه
وان شاء الله السنه دى تكون انجح
وربنا يحقق كل امانيك ياااارب
سنه سعيده ياااارب

bocycat يقول...

بذمتك بقى مين اللى بيكروت دلوقت انت دخلت عندى عشان تقوللى انتى كروتى التعليق ومعرفتش رأيك فى البوست ايه ؟؟ اولا البلوج التانى لك انا علقت وانت رديت عليا فى كل كلمة قلتها والبلوج ده ما أخدتش بالى منه بس معلش ... كل سنة والبلوج ونت طيبين اما اشوف السنة الجديدة هيكون فيها ايه بقى يارب تكون حاجات حلوة ومختلفة ... تحياتى

nour3eny يقول...

احساس لسه حى كل سنه ومدونتك بخير وتعبر من خلالها على احساسك تقبل مرورى المتواضع وفعلا مدونتك حلوه اوى والصور معبره جدا على موضوعاتك

احساس لسه حى يقول...

عزيزتى
مروة الزارع

شكرا على اهتمامك وزيارتك وده بيبين اد ايه انك انسانه محترمة وبتهتمى باى انسان

وانتى طيبة يا افندم وبخير دايمن يارب


معلش انا علقت عندك هناك وكمان بحط نفس التعليق هنا بس هزود شئ تانى فى الاخر

نرجع بقه لموضوع المقاطعه

اللى انا شيفه اضعف الايمان

وانتى شايفه انه ملهوش لازمه

طيب سؤال موضوع اساءة الرسول تفتكرى المفروض نعمل ايه فيه

ايه الشئ الايجابى الممكن نعمله

بقولك الممكن بس مش المستحيل

ده لينك فيه فايدة اللى المسلمين بيعملوه لما بيحصل اساءه للنبى

واتصورى لو كان الموضوع عدى بسهولة كانوا ممكن يعملوا ايه

حكومة هولندا بتحاول تمنع الفليم المسئ للاسلام

اظن ده شئ مكنش يحصل من غير المقاطعه والاحتجاجات

اوعى تقللى من مجهود ناس بتدافع عن دينها باقل سلاح تقدر عليه

من حقك متشركيش فيه
لاكن ترفضيه
اظن شئ صعب جدا
شوفى اللينك
وردى عليه
واعرفى فايدة واحده من اللى بيحصل

umhttp://www.masrawy.com/News/Various/Reuters/2008/March/3/437136.aspx

ياريت متزعليش من الحوار وتمسكى بافكارى
بس انا بتمسك بيها وبجيب اسبابى
واظن الشركات الدنمراكية لو خسرت مش هتخسرنا كتير وتقطع عيش ناس كتير مسلمين

ولو الموضوع ده ايه رائيك نتعامل مع اسرائيل اكتر واكتر وامريكا تشغلنا كام الف عاطل

دى مدونه فيها كلام عن مقال ابراهيم عيسى

http://sotelhoria.blogspot.com/2008/02/blog-post_27.html

وشئ تانى احب اقولهولك

انتى لو فيه اى تاثير وفايدة من المقاطعه دى يبقا كويس مهما كان حجمة

اسالك بقه المقاطعه ملهاش اى فوايد فى نظرك ابحثى فى جوجل ودورى اى فوايدها
وردى على

تحياتى
تقلت عليكى صح

سلاااااااااام

احساس لسه حى يقول...

عزيزتى
shayma

وانتى طيبة والمدونات بقه مش مدونه بخيروهيد ميلادى يعدى ويمر بشئ جديد يسعدى يا رب

ويسعدك طبعا يا قمر

تحياتى يا افندم

سلااااااااام

احساس لسه حى يقول...

عزيزى
inksarat
يا باشا انتا شرفتنى باول تعليق ويارب دايمن تعلق كده وتلاقى الشئ اللى يعجبك تعلق عليه

وعقبال عيد ميلاد كل اللى بتحبهم
تحياتى
سلااااااااااااام

احساس لسه حى يقول...

عزيزى
فارس

ماذا سافعل

سأشجب

سأدين

ضعفنا بقه اهدار لكرامتنا

وانا مشارك فى هذا الضعف

ربنا يكرمك ويقدرك على مناصرتهم

وربنا معاهم ويقويهم

تحياتى

سلااااااااااااااام

احساس لسه حى يقول...

عزيزتى
سيكولوبيا *حكايات من العيادة النفسية

ايه الاسم النفسى دى بس كويس

انا هخش اشوف بقه يمكن الاقى حاجه تهدى الاعصاب ولا وجع يريح وجعه

كل سنة وانتى طيبة ومدونتك فيها احسن موضوعات

والاحساسى ينام ساعات بس مش بيموت ولا هيموت

هيفضل حى

نورتينى

سلام

احساس لسه حى يقول...

عزيزتى
عاشقة الحياة

انتى اختصرتى اللى كتبته

ندم وحسرة على اللى فات

وطموحات واهداف للى جاى

بس للاسق

ده بيتكرر كل سنه

شكرا على تعليقك اللى دايمن بيقول شئ جميل

واتمنا دعواكى تعم العالم كله بالذات العالم الثالث الغلبان

اللى انا منهم طبعا

تحياتى يا افندم

سلااااااااااااااااام

احساس لسه حى يقول...

عزيزتى
klmat

وانتى طيبه وبخير يارب
وكل المدونات تكون بخير وصدق وصراحه

واتمنا السنه الجيه تعوضى عن سنين فاتت كتير يا رب

واحقق عشر امنياتى حتى مش كلها

اصل الانسان طماع وامنياته كتيرة قووووووى

نورتينى يا جميل
سلاااااام

احساس لسه حى يقول...

عزيزتى
bocycat

اظن انا روحت وشوفتى مين اللى كروت وانتى مش واخده بالك

اعترفى يلا بالحقيقه

والبوست كنت معلق عليه وتاه منك تعلقى

وميهمكيش انا بس حبيت تشوفى البوست ده

وكمان انتى بتعلقى هنا برضوا شكلك بتفكريهم بلوج واحد

وكل سنه وانتى طيبة وبخير يا رب

واتمنا تكون حلوة السنه الجيه بجد

محتاجها تكون كده جدااااا

والحمد الله على كل شئء

نورتينى ومستنى الاعتراف

سلاااااااااااام

احساس لسه حى يقول...

عزيزتى
nour3eny
بجد متشكر قوى على كلامك وقتك

وانا بعبر عن احساسى فيها طبعا بكل صراحه ووضوح

ويا رب تعجبك دايمن موضوعاتى

تصدقى انك سكر

لانى بختار الصور بعناية جدا

وبقصد اقول بيها شئ

انتى بقه اللى متغبيش كده علينا

اتمنا دايمن تحطى موضوعات

وتنورينى على طول
والبلوج التانى كمان روحيه

ممكن
سلااااااااااااااااام

ra7eel يقول...

حسام كل سنه وانت طيب

تعرف انا كمان كل ماسنه تعدى افضل افتكر كل اللى فات كل حرف كل موقف كل كلمه وكل تفصيله صغيره والدنيا بتعدى بسرعه والايام بتجرى
وادينا عايشين عشان نحسب اللى فات ونحلم للجاى

ربنا يسعدك ويوفقك
تحياتى

shreen يقول...

انا مش مكروته يا حسام ولا حاجه
واقصد يكلمه " فعلا "
انه يكون مليان سعاده وهنا حقيقى
مش اننا نرسم بسمه على وجوهنا قدام الناس
ونخليهم يفتكروا اننا سعدا
واحنا من جوانا بنبكى

اقصد هنا حقيقى
داخليا وخارجيا

اظن كده بقى كله تمام

ما فيش اى كروته

ربنا يارب يوصلك للسعاده والهنا الحقيقى
:)

mohamed hesham يقول...

عموما كل سنة وانت طيب وبخير ان شاء الله ...

احساس لسه حى يقول...

عزيزتى
ra7eel

وانتى طيبه يا افندم

لازم نفتكر حتى لو مش هنتعلم على الاقل نتالم لاننا مش بنتعلم بس انتى كده بتتعبى نفسك لما تفتكرى التفاصيل كده

افتكرى اللى ساب علامة ووجعك قوى

واللى ساب علامة وفرحك قوووووى

وعارف ان الدنيا بتجرى والوقت بيعدى بسرعه رهيبه ومعاكى حق

نفتكر اللى فات ونحلم باللى جاى

ربنا يكرمك وبشكرك يا قمر

كلامك اسعدنى

سلااااااااااام

احساس لسه حى يقول...

عزيزتى
shreen

شوفى انا عارف ان كلمتك جميلة وجواها معانى كتير ومقدر كده

بس انتى عارفه انا بحبك تعلقى على الكلام نفسه وما وراء الكلام كمان
انتى السبب ارجعى لاول تعليق ليكى عندى خلانى استنا اى تعليق منك استحملى بقه

هنعمل ايه ما لازم نبتسم وونحسس اللى بيحبونا اننا فرحنين بس اللى موجوع من جواه وجعه بيفضل وساعات وجعنا مش علشان شئ وجعنا بس لاكن لشئ محتاجينه ومحتاجين يكون جنبنا

يا جميل كل شئ منك حلو
بس الانسان طماع بقه طبيعته كده

يا رب كلنا نفرح ونوصل للسعادة اللى بجد الحقيقيه

تحياتى

سلام

احساس لسه حى يقول...

عزيزى
mohamed hesham

عموما..وانتى طيب وبخير وربنا يكرمك

وربنا يقوينا على دنيتنا دى ونتحملها

يارب

تحياتى ونورتنى

سلاااام

لولا يقول...

كل سنه و انت طيب
ومدونتك طيبه
ويارب الى جاى احسن من الى فات
وعلى فكره البوست جميل جدا

نور الزمان يقول...

عزيزى

احساس لسه حى

بصراحه انت كتبت موضوع رائع ربنا يوفقك و انشاء الله للاحسن دائمآ

وكل سنه وانت طيب

ساره البحر يقول...

كل سنه وانت طيب يا احساس لسه حي
واتمنالك فعلا انها تكون سنه كلها هنى
وسعاده وتحقق احلام نفسك تحققها
تقبل مروري
والنص تحفه بجد وكلماته جميله موووت وبسيطه

غير معرف يقول...

جميل جداً إحساس لسة حي ياحسام وربنا يوفقك فى الباقى

بنت الاسلام يقول...

كل سنة وانت طيب

عيد ميلادك

وعيد ميلاد مدونتك

لما تكتب بالجمال ده من 14 سنة

حاليا بتكتب ازاي

بسم الله ماشاء الله

ربنا يحميك

مش بحسدك والله

لكن


HAPPY BIRITH DAY

صالح سعيد يقول...

اللى جابنى مدونتك اعجابى بتعليقك فى مدونه اخرى
ولما جيت لقيت ان مدونتك تستحق المشوار
ربنا يزيدك
تقبل تحياتى

أنا مش موافق يقول...

عزيزتى
لولا

وانتى طيبه دايمن يا رب وبخير

واتمنا ربنا ينور طريقى كده

والبوست بجد كتبته باحساسى وبحاجات دايمن احس بيها كل شويه مش كل سنه

نورتينى

سلام

أنا مش موافق يقول...

عزيزتى
نور الزمان

شكرا على كلامك ودعوتك

وهروح عندك اشوف انتى بتكتبى فى ايه

وكل سنه وكل الماس بخير وسعاده

تحياتى

سلام

أنا مش موافق يقول...

عزيزتى
سارة البحر

وانتى طيبه يا استاذه

وربنا يسمع منك عاوز شويه هنا وسعاده بجد

وعاوز احقق عشر احلامى اللى حلمتها مش كلها يا ستى اصل الانسان طماع واحلامه دايمن كتيره قوووى

وانتى نورتينى بجد

وشكرا على اطرائك للكلمات

على ادنا بقه

سلام

أنا مش موافق يقول...

غير معرف

شكرا على التعليق وعلى الدعوة

بس اسمك فين مش تقوله

بس متشكر

سلام

أنا مش موافق يقول...

عزيزتى
بنت الاسلام

وانتى طيبه يا رب وبخير

وربنا يوفقك دايمن

انتى عارفه ساعات الزمن بيموت الحاجات الحلوه اللى فينا

ومن 14سنه كنت اكيد برئ عن كده وقلبى كان نظيف عن كده

بس بنحاول نقول احساسنا بكل صراحه حلوه ووحشه

وربنا يرحمنا ويغفر لينا

وشكرا عل كلامك الجميل

هتحسدينى على ايه بس

خلى الطابق مستور يا بنتى

اكيد فى قلوب صعب تحسد وانتى اكيد منهم

نورتينى

سلاام

أنا مش موافق يقول...

عزيزى
صالح سعيد

اول حاجه نورتنى
وانا برضوا تعليقات بتخلينى اخش مدونه

يا تكون حلوه اوى

يا تكون وحشه قوى برضوا

بس ممكن اعرف اى تعليق علشان اقراه

وشكرا على اطرائك على المدونه بجد بكتب اللى بحسه وبس

وفيه مدونتين تانين واحد زى دى وواحده للخناق تقريبا

شوفهم يا ريت

ربنا يخليك ودعوة مستجابه يا رب ليه وليك ولكل انسان نظيف

نورتنى

سلام

مدوناتى واللى فيها أتفضلوا (حسام)

يا ..... عالم