الأحد، 11 مايو 2008

أيامى ماتت أنتهت..(الى من أذاقتنى الحب وتركتنى العق ذكرى حلاوة ومرارة هذا المذاق)



أحلى أيام عمرى

أنقضت

أنتهت

من غيرك أنتى

أحلى سنينى

ماتت

روحت

مفهاش حبيبتى






أنتى فين


جوايا بركان


أشتياق


للمسة أيديكى


أنتى فين


ده كل حب بعده


فراق


حتى عينيكى


أنتى فين


أنتى فين


أحلى أيام عمرى


أنقضت


أنتهت


من غيرك أنتى


أحلى سنينى


ماتت


روحت


مفهاش حبيبتى


مبقاش فى جوايا احتمال


انا صبرى بيصرخ


غيابك طال


مش كل ليل ليه نهار


تعبت والله من الانتظار


كل ما أطفى جوايا نار


أفتكرك


الاقى نارى تصبح نيران


الاقى ما فى كله


انتفض وثار




أحلى أيام عمرى


أنقضت


أنتهت


من غيرك أنتى


أحلى سنينى


ماتت


روحت


مفهاش حبيبتى


وسط الايام والزحام


حاولت انسا


حاولت اخلى قلبى


يقوى ويقسا


قولت راحت


وياما راح راح كتير


من الحلم فاقت


وشافت واقع مرير


بجد لسه محتاجك


فهمانى وبيه حسه


أنتى فين


جوايا بركان


أشتياق


للمسة أيديكى


أنتى فين


ده كل حب بعده


فراق


حتى عينيكى


أنتى فين


أنتى فين


أحلى أيام عمرى
أنقضت
أنتهت
من غيرك أنتى
أحلى سنينى
ماتت
روحت
مفهاش حبيبتى

هناك 62 تعليقًا:

رشا يقول...

انا عاوزه اقولك انو لو واحد يضحي ويتعذب من اجل انسان يحبو ويستاهل اليحبو فمامن حب اعضم من ان يبذل الانسان نفسه من اجل حبيبيه براي ممكن انتضر العمر كلو لاجل اعيش لحضه حب صادقه

love يقول...
أزال أحد مشرفي المدونة هذا التعليق.
احساس لسه حى يقول...

عزيزتى
رشا

اكيد اللى يضحى ويتعذب علشان اللى بيحبوا ممكن يستناه العمر كله وينتظره

حتى لو كان الامل ضعيف انه يكون ليه

بس انا راى الانتظار لو فيه مشاكل والم ووجع قلب من عوامل خارجية يبقا الافضل نسبها للنصيب

والمراه صعب تنظر علشان الضغوط الخارجية والعوامل الاجتماعية

والرجل اكيد برضوا محتاج لحضن حنيين وقلب يحبه والانتظار مش هيديله ده

فالانتظار بلا امل وجع للقلب والروح ولازم يكون فى شئ واضح ليه يخلينى انتظر اللى بحبه امل حقيقى مش كاذب ووهمى

نورتينى يا رشا

سلاااااااااااااااااااااااااام

dodo يقول...

انا رائي مع الاخت رشا انا ممكن استنى العمر عشان الاقي لحضه حب وحنان احتاجها كل يوم كمان انت بلاش نبره الحزن والالم ديه عشان لو تسمع مصيبه غيرك تهون عليك مصيبتك والدنيا اخد وعطى ولازم الرجل يدي زي الست متددي حاول تكتب حاجه تفرح العشاق كمان ؟ مش بس تبكي المتفارقين وتجدد عليهم جروحهم عشان الكل محتاجين الفرحان والحزين

love يقول...
أزال أحد مشرفي المدونة هذا التعليق.
love يقول...
أزال أحد مشرفي المدونة هذا التعليق.
love يقول...
أزال أحد مشرفي المدونة هذا التعليق.
elsa7era يقول...

احب اقولك حاجة اليومين دول مبقاش فى الحب الى يستاهل التضحية الى انت بتوصفها دى الحب اخرة سنة بعد الجواز ودا لو استحملو بعض واتجوزو اصلا
كلامك حلو علشان منك
سلاامى ليك

احساس لسه حى يقول...

عزيزتى
دودووووووو

شوفى الكلام حلو استنى العمر كله علشان تلاقى لحظة حب وحنان

بس افرضى اللحظة دى ممكن تلاقيها مع حد من غير انتظار

هتعملى ايه مش صعب الانسان يتحمل الانتظار ممكن ينهار ويتعب

ولو الانتظار ليه اسباب معقولة ووقت محدد ممكن ننتظر اما اذا بقه مكنش ليه وقت وممكن يطول ده شئ صعب بصراحة

ومعلش على نبرة الحزن والالم كل ما احاول اغيرها الدنيا مش بتساعدنى

بس هحاول

عارف ان غيرى بيشوف كتير وبيتوجع كتير

بس انا بجد بتأثر وبتعب اعمل لاايه بقه

واكيد معاكى لازم الطرفين يدوا زى ما بياخدوا

وهحاول يا دودو يا مسهل يا افندم

طيب تفتكرى اكتب ازاى حاجه تفرق العشاق

وانا مش سعيد وفرحان فى الحب

احاول علشان خاطرك

متشكر على وجودك

سلام

احساس لسه حى يقول...

يا لوووووووووووووووووف
يا حقيرررررررررررررررررر

بطل تخش عندى بقه زهقتنى

وانا اساسا اخش عندك ليه هو انت فاتح التعليقات

ومواضيعك اساسا متهمنيش

ولو بخش ملكش دعوى برضوا

على الاقل اشوف حقرتك

ايه انت ما صدقت وهتخدها حلوانة فى سلوانة

طظ فيك

احساس لسه حى يقول...

عزيزتى
elsa7era

انتى بجد هتحيرنى كده مبقاش فيه ولا فيه بس مش لقياه ونفسك تلاقيه

على العموم اكيد حب نضيف وطاهر ومحترم وفى حب ناقص حاجات كتير

واكيد الحب اللى بجد بيكبر بعد الجواز وبيعلا ولو قل وانتهى بعد الجواز يبقا مكنش حب بقه

ايه النبرة دى يا جميل اهدى شوية

وكلامى حلو علشان منى

ربنا يخليكى وشكر على المجاملة

اتمنا دايمن تشوفنى حلو كده

وميتغيرش احساسك ده ببساطة

نورتينى

سلام

love يقول...
أزال أحد مشرفي المدونة هذا التعليق.
love يقول...
أزال أحد مشرفي المدونة هذا التعليق.
Martha يقول...

عن جد لوف خسارة فيك هيك اسم

"ان كنت اتكلم بالسنة الناس و الملائكة و لكن ليس لي محبة فقد صرت نحاسا يطن او صنجا يرن و ان كانت لي نبوة و اعلم جميع الاسرار و كل علم و ان كان لي كل الايمان حتى انقل الجبال و لكن ليس لي محبة فلست شيئا و ان اطعمت كل اموالي و ان سلمت جسدي حتى احترق و لكن ليس لي محبة فلا انتفع شيئا
المحبة تتانى و ترفق
المحبة لا تحسد المحبة لا تتفاخر و لا تنتفخ
و لا تقبح و لا تطلب ما لنفسها و لا تحتد و لا تظن السوء
و لا تفرح بالاثم بل تفرح بالحق و تحتمل كل شيء و تصدق كل شيء و ترجو كل شيء و تصبر على كل شيء المحبة لا تسقط ابدا"

أخ احساس لو فيك تمحي هالتعليقات منشان مايصير المحبة تتدنس هيك

love يقول...

أخ مارثا أو إحساس مابتفرق
ياريت تحس ويكون عندك إحساس..شفت نبضات قلب
خليتك تحس بنفسك إزاى؟؟ياريت تحس وتبقى بنى آدم
ياساتر عليك ده أنت ...ولا بلاش
صدقنى إنت صعبان على الناس إللى عرفت حقيقتك
بجد خسارة نتكلم عليك مش معاك لأم الكلام معاك تضييع وقت
إلى لقاء زى وشك..ياإحساس

مصطفى يقول...

انا رايى من راى الاستاذة رشا واحب ان اقول ان تعليقها رائع ومبدع وجميل

ساره البحر يقول...

ياريت يكون في حب كبير وصادق للدرجه دي اوقات كتير بحس انه مبقاش موجود او يمكن بقى نادر جدا الحب ده
اما على حكايه الانتظار اكيد الانتظار بيكون صعب واليم جدا
ولو كان الانتظار ده انتهى منغير فايده كمان بيبقى جرح كبير جدا في القلب بس اكيد جميل اوي انه الانسان يستنى حبيبه العمر كله بس لو كان في امل في الحب ده
مرسي اوي بجد يا احساس كلامك بجد وبكل امانه روعه اوي
ومحسوس جدا ربنا يوفقك في حياتك وتلاقي اللي تستاهلك
تحياتي الخالصه ليك

مصطفى محمود يقول...

اكيد يارشا انتى انسانة رائعةوجميلة ومبدعةعلشان تقولى كلام زى دةتبقى حساسة جدا وشعورك بالحب عميق انتى انسانة نادرة وساحرة من الصعب ان الانسان يلتقى بانسانة مثلك ياسلام على نبرات كلامك وعلى ادائك القيم الساحر حقيقى بشكرك من كل قلبى واتمنى ان التقى بكى كثيرا مصطفى محمود

قلب الشبح يقول...

جميله يا حسام بجد ابدعت
واتمني لك شفاء من جرحاك والله اعلم بجراح لا تشفي بسهوله
اللهم اعني علي جروح نفوسنا وقلوبنا
حسام رجاء يعني امسح التعليقات المنفره دي الي انت كاتبه جو والناس الي مش عارفه اسميهم دول جو تاني يا ريت تمسحهم

اخيرا ليك بوست عندي تعالي عشان تخدة و زورني ومستنيه تعليقاتك لانها فعلا بتهمني

رشا يقول...

عزيزي مصطفى محمود... الإنسان قبـل الحب شيء وعنـد الحب كل شيء وبعـد الحب لا شيء الحـــــــــب ... الحب مرآة الإنسان يعكس ما بداخلنا من عمق الوصف والخيال الحــــــــــــــــب ...
بيطلع من القلب فيعبر عنو واكيد لو ماكنت اروع من ارائع ماكنت بتحس بالكلام اللي قولتو وبشكرك على ذوقك الجميل في التعبير وربنا يخليك

مصطفى محمود يقول...

عزيزتى رشاما التقيت بكلام احلى واجمل وااروع من كلامك ولاكن الحب احساس بالدفءوالانسان اذا احب شخص شعر بالسعادة كما يشعر انة يريد ان يجعل كل ما حولة سعيد الحب اجمل شىء فى الدنياوانا اتمنى ان اراكى سعيدة دائما لانك انسانة جميلة ورقيقة وحساسة جداواحساسك بالحب عالى جدااتمنى لكى التوفيق فى حياتك العملية والعاطفيةالى اللقاء (مصطفى محمود)

احساس لسه حى يقول...

Martha

من امتا الاسامى ولا الشكل بتعبر عن اللى جوه الانسان من خير او شر

وبجد الكلام جميل

للى يحس بيه ويعرف قيمته

واهو فكرنى انا اللى كاتب الكلام وبنتحل اسم

لم يرى جمال الكلمات وراى السواد اللى بيدور فى دماغة

وفكر انى اللى كتبت الكلام

انا بمسح تعليقات كتير بالشكل ده

واسف لانى مش موجود دايمن على النت

وعلشان كده بيفضل التعليق مدة يجرح ويوجع القلوب الجميلة الحساسة

شكرا لكل كلمة

ولأحساسك

سلام

احساس لسه حى يقول...

لوووووووووف

انا سبت تعليقك

يمكن ترتاح ونبطل تعلق

وعلشان يعرفوا ان قلبك مش بيعرف يفرق بين الحق والحقيقة

وكفاية انك فكرت ان انا... مارثا

دى عقليتك ودى افكارك

احساس لسه حى يقول...

عزيزى
مصطفى

ايوة انا معاك ان كلام رشا جميل وكله احساس

بس الانسان ليه احتيجاته وممكن ميقدرش يضحى وقت كبير

ساعات التضحية تموت فيه حاجات حلوة

نورتنى

سلام

احساس لسه حى يقول...

عزيزتى
سارة البحر

شوفى الحب موجود بس الزمن صعب وساعات مش بنقدر نعيش الحب ده ونفرح بيه

والناس جواها حاجات حلوة بتموت كل يوم

والانتظار لما يكون من غير فايدة بيفتح الجرح ويزود الالم وجميل ان الواحد يستنا حبيبه ويتلاقا بيه

بس المهم الانتظار يكون بحد معقول

اجهاد الانتظار بيموت الواحد

ومرسى على كلامك يا ساره بيسعدنى رائيك جداا

وربنا ينور طريقى ويريح قلبى وقلبك

شكرا يا سكر

سلام

احساس لسه حى يقول...

عزيزى
مصطفى محمود

معاك حق رشا انسانه حساسة جدا

واكيد لما هتحب هتحب بجد وهتدى حبيبها كل المشاعر الجميلة

بس كده هتخلينى اغير منها

انت نسيت اللى كتبه وركزت مع اللى رشا كتباه

بس رشا تستاهل كل شئ جميل

نورتنى يا مصطفى

سلام

احساس لسه حى يقول...

عزيزتى
قلب شبح

يا قمر انتى اللى مبدعة دايمن

انتى بس بتحسى بالكلام اوووووووووووووى

شوفى مفيش جرح بنشفا منه لازم يسيب علامة بس ربنا مدينه نعمة النسيان

وربنا يعنا على النسيان ويدينا اللى نستحقه دايمن من الحب

وبمسح التعليقات يا قمر

بس لما بشوفها ما انا مش على النت دايمن

وروحت وشوفته وجوبت عندك يا افندم

شكرا على اهتمامك وكلامك

سلاااام

احساس لسه حى يقول...

عزيزتى
الغالية
رشا

ما ان الكلام لمصطفى

بس جماله مخلينى مش قادر اسكت وهرد عليه

معاكى حق قبل الحب شئ واحساس وخلاله شئ واحساسه ولما يكتمل الحب شئ تالت واحساس

بس جماله واحلا احساس انه يكتمل

ساعات الحب يكون الم ووجع لينا لما الحب ما يكتملش ويكونوا لبعض

والحب اللى بيخرج الاشياء الحلوة اللى جوانا

وكلامك من قلبك دايمن يا رشا

سلام

احساس لسه حى يقول...

عزيزى
مصطفى محمود

هو انت عندك بلوج

يا ريت تخش باسمه لو عندك

علشان اخشه

ورشا كمان تخشه


تحياتى ليك

نورتنى

سلام

love يقول...

ده قليل من كثير ياذو الهمةو.......المضافة
إنت ياد يتضحك على مين
تعمل مارثا تهمل مرثية إنت طلعت ولا نزلت
شىء مكشوف ومحروق
تانى مرة متطاولش على ناس الناس عارفة إنهم أفضل منك..وياريت تكون إستوعبت الدس


إنتهى الدرس يا......غبى

احساس لسه حى يقول...

لوووووووف يا حقير

برضوا هسيب تعليقك ده

علشان اقول اد ايه خيالك مريض

والحقيقه عمرها ما هتكون ادام عينيك

لانك اعمى القلب والبصيرة

وقريب هتعرف اد ايه

انت انسان كنت غبى

بيتنا القديم يقول...

"..فالانتظار بلا امل وجع للقلب والروح ولازم يكون فى شئ واضح ليه يخلينى انتظر اللى بحبه امل حقيقى مش كاذب ووهمى..."
.
.
.
الحتة دي عجبتني في ردك على رشا..يعني لخصت اللى كنت عاوز اقوله..!!
الحق اقول لك داوي الجرح بالنسيان..!!
هذا ان استطعت..!!
دمت طيباً

(green eyes) يقول...

أكتر حاجه عجبتني
ما كل حب بعده فراق
فعلا كل حب بعده فراق
وبعد الفراق بيجي لقاء
ولكن الى متى اللقاء
....................
كلامك حلو اوي وبيمس القلب وبيفكرني باللذي مضى :)
تحياتي

طارق الغنام يقول...

اخى
كلمات راقية
واحساس رائع
تقبل تحياتى واعجابى بمدونتك واتمنى التواصل
وادعوك لمدونتى المتواضعة
متعك الله بالحب والصحة والعافية

كوارث يقول...

جميل قوي الموضوع ده ..
احساسك عالي قوي ونجحت في توصيل نارك لينا
لكن كعمل شعري كان محتاج شوية تركيز عن كده مع انه مش وحش بالعكس كويس جدًا ومتناغم مع نفسه
بس فيه الاحلى
وانتا ممكن تكتب الاحلى !

حنين محمد ابو هيف يقول...

انا سعيده بلاراء المختلفه مع انى غير موافقه على كلها لان الحب اصبح عمله نادره فى هذا العصر
حنين

m m يقول...

انا سعيد بيكى يا استاذة حنين شرفتينا جدا ونورتيناونتمنى لكى حياة سعيدة وهادئة
m m

NeRmeeN يقول...

ازيك يا حسام

انا جاية اسلم عليك

تحياتى

احساس لسه حى يقول...

عزيزى
بيتنا القديم

اه لازم يكون معنى لاى شئ فى حياتنا والانتظار بجد شئ بيوجع يبقا لازم يكون مقابل للوجع ده يسعدنى فى المستقبل

والنسيان نعمة لازم نحترمها ونحبها

ونحاول وهنقدر بس هنحتاج وقت

تحياتى

سلام

احساس لسه حى يقول...

عزيزتى
green eyes)

اه بس انا اقصد حالة بعينها

فى كلمة كل حب بعده فراق

واللقاء امتى هيجى اللقاء

الانتظار بيتعب اوى

شكرا على اطرائك للكلمات

بس ليه الذى مضى

مهما كان اللى مضى كتير

مش عارفيين اللى جاى اد ايه

حولى تسعدى بيه لو حتى يوم وبس

ربنا يسعدك دائما

نورتينى

سلام

احساس لسه حى يقول...

عزيزى
طارق الغنام

شكرا على كلامك وكويس انك مشفتهوش كشعر فقط

انت شوفت الاحساس اللى فيه

وان شاء الله هيكون بينا تواصل

وربنا يسعدك ويقبل دعواتك كلها

نورتنى

هزورك اكيد دايمن

سلام

احساس لسه حى يقول...

عزيزى
كوارث

انا اساسا قايل من زمان انى مش شاعر واللى بكتبه ده احساس حيته وبكتبه زى ما هو

مش بدور على وزن ولا كلمات معينه

انا بقول اللى جوايا وبس على طبيعتى

وهتلاقى كتير زى كده فى الموضوعات السابقه

وبجد مش عاوز احاول اكتبه كشعر واركز على كده

يمكن اخليه على طبيعتى بكلماتى البسيطة الغير معقده احلى

بالنسبالى على الاقل

شكرا على كلامك

ويمكن فى المستقبل احاول اخلى كتباتى كعمل شعرى

لاكن دلوقتى ده مش شعر

دى خواطر واحاسيس وبس

ليه سميت نفسك كوارث

ده انطباع عنك

ولا عن اللى بتشوفه وحوليك

نورتنى

سلام

احساس لسه حى يقول...

عزيزتى
حنين محمد ابو هيف

اختلاف الاراء ده طبيعى ومش لازم نتفق فى كل شئ بس فى اشياء لازم كلنا نتفق عليها

ومعاكى حق الحب (الحقيقى)عملة نادرة مش فى الزمن ده بس فى كل العصور

نورتينى يا افندم

صحيح يا حنين انتى عندك بلوج

ولا زائرة للمدونات

علشان ازورك يعنى

تحياتى

سلام

احساس لسه حى يقول...

عزيزى
m m

حضرتك بترحب بحنين بس ليه وبقيت الزائريين لا مش معنا حنين يعنى

وحضرتك يعنى بترحب على اساس انك اخويا او مراتى مثلا

طيب عاوز ترحب رحب بالكل ممكن

معلش يا حنين

انا كمان اتمنا ليكى حياة سعيدة وهادئة

بس لكل الناس برضوا بتمنا كده

وليك كمان يا

m m

نورتنى

حضرتك بقه مدون ولا زائر

تحياتى

سلاااااااااااااااام

احساس لسه حى يقول...

عزيزتى
NeRmeeN

شكرا على سؤالك وسلامك

بس يعنى البوست وحش للدرجه دى

مفيش كلمة عليه حتى

على العموم كفاية انك فكرتى تسلمى

ده شئ كبير وغالى عندى

نورتينى يا قمر

سلااام

smraa alnil يقول...

بعيدا عن الموضوع

ياريت تشاركوني في موضوع علي مدونتي
وتنشره معانا
تحياتي

كيكى يقول...

مش بجامل صدقنى..بس فعلا كلامك جميل وحساس...والصورالى انت حططها...منظر اليد الى فهاش حياة..والبق الى متخيط..صور مؤلمة...وبتدل انت عايز تقول اية اختيارتك حلوة اووووى بالذات بتاعت الايد...تحياتى ويارب كنت ضيفة خفيفة...تحياتى بجد

كلام...للستات يقول...

عزيزتى
smraa alnil

كان نفسى تخشى فى الموضوع برضوا

بس ولا يهمك

انتى جدعه وبعزك

وروحت وقولت راى فى موضوعك

تحياتى
سلام

كلام...للستات يقول...

عزيزتى
كيكى

اه الصراحة حلوة ولو حتى بتالم شوية

واتمنا دايمن الكلام يعجبك

والصور بختارها بعنايه وبقصد بيها شئ دايمن شئ جوايا

واليد اللى محتاجه حياه والبق اللى متخيط ده لمدونتى التانيه بتاعت المشاكل بلاش تخشيها احسن


وفى كلام كتبته عليها وتحتها وبكمله

وكل بوست صوره بتتكلم عنه

وانتى ضيفه خفيفه جداا

انا بس بليت واعجن كتير استحملى

عندك بقه


نورتينى يا افندم

سلام

دعاء مواجهات يقول...

آآآآآآآآآآآة

تنهيدة لابد منها

فعلا احساسك لسةحى

ربنا يديمة عليك نعمة

ع فكرة هيما رد عليك رد جاامد وجميل

نورت البلوج

تحيااتى لييك

سمية يقول...

اصعب حب هوا الحب اللى على كفة الانتظار

رغم انه بيبقى مر لكن انا بحس ان ليه طعم حلو

كفاية احساسك بان قلبك بيدق اما بتشوف اللى بتحبه
بجد بيبقى احساس لا يضاهيه شئ
كأنك فى كل مرة بتشوفه فيها قلبك بيتهز من مكانه عشان يقولك انك لسة حى


لكن لابد من عدم انكار ان النوع ده من الحب بيخسف بصحة البنى آدم الارض

خلتنى اتكلم بصراحة عن حاجات دفنتها جوايا من سنين

تحياتى لك و لمدونتك الرائعة

رشا يقول...

الحب الحقيقي : هو أن تحب الشخص الوحيد القادر على أن يجعلك تعيسا

الحب لا يقتل ا حد إنما يعلقه بين الحياة والموت

الحب سلطان ولذلك فهو فوق القانون

أنت لا تعرف قلبك حتى تفشل في الحب

الحب كالقمر له وجهان: الغيرة هي الوجه المظلم

الأعمال أعلى صوتا من الكلام-إلا في الحب

الدموع تروي الحب والبسمات تنعشه


الحب هو أن تبالغ في قيمة من تعرف ، والغيرة هي أن تبالغ في قيمة من لا تعرف

الحب بئر عميق اشرب منها فقط واحترس من أن تقع بها


اللعبة الوحيدة التي يشترك فيها اثنان ويكسبان فيها اثنان أو يخسرا معا..الحب

الحب كالحرب من السهل أن تشعلها..ومن الصعب أن تخمدها


بالحب لا نعقل وبالعقل لا نحب


بالقلب نحب .. وبالعقل نكره .. بالاثنين نصاب بالجنون

روح المحب تعيش في جسم من يحب

في الحب خطابات نبعث بها وأخرى نمزقها وأجمل الخطابات هي التي لا نكتبها

قد يولد الحب بكلمة ولكنه لا يموت أبد بكلمة

من يحب ..يحب إلى الأبد

كلام...للستات يقول...

عزيزتى
دعاء مواجهات

شوفى يا دودو التنهيدة ساعات بتكون مرتاحه وساعات بتكون موجوعة

اى تنهيدة بقه اللى تنهدتيها

وشكرا على احساسك بيه وبكلامى

اه شوفت رد هيما ورديت عليه كمان

رد جامد برضوا

نورتينى يا دودووووو

سلام

كلام...للستات يقول...

عزيزتى
سمية

ده مش اصعب حب بس ده حبب يوجع ويألم

بس لو الانتظار ده ليه اخر ونتيجة يبقا زى ما قولتى المر بيبقا ليه طعم حلو

بس لو بشوفه يمكن نقدر نستحمل لاكن افرضى انه بعيد عن العين هيعمل ايه احساسى وقلبى

شوفى يا سمية الحب جماله فى اندماج المحبيين مش فى تباعدهم عن بعض

ومهما كان فى خلاف او مشاكل وهما فى حضن بعض وجنب بعض هتهون المشاكل دى

لاكن لما يكونوا بعاد عن بعض اى مشكلة صغيرة بتكبر

وزى ما قولتى فى حب يخسف بأعصاب البنى ادم الارض ويحرق دمه

بس ده مش حب حقيقى

الحب الحقيقى اللى جرحه بيشفا بسرعة ومش بيفوت عليه ليل او اتنين

اوعى تدفنى شئ جواكى

اللى يدفن جوانا شئ جميل وذكرى حلوة

الذكرى الحلوة خليها بره كل شويه تمرى تبصى عليها وتفتكريها

بلس متعش جواكى

شكرا على مروك

اللى هيسعدنى دائما

سلام

كلام...للستات يقول...

الغالية
رشا

صح كلامك هو الوحيد اللى يقدر يخلينى سعيد او تعيس

الحب بالذات فى مراحله الاولى يعلقنا بين الجنة اللى بنحلم بيها والنار اللى بنخاف منها

الحب عندما يتملك مشاعرالانسان فهو سلطان يأمر فيطاع الأمر

انا لا اعرف قلبى واحساسى كاملا نحيت من احب الا لما يبعد او يغيب من احبه

لاكن الفشل فمعناه انه ليس حبا حقيقيا
فى شئ غلبت الحب وموتته

فاذا كان وجهه المظلم الغيرة فوجهه المشرق الحنية

واعلى من الكلام صدق الكلمة والاحساس بيها وبكل ما فيها

الدموع تأكد الحب والبسمات طبعا تنعشه

الحب بئر اذا شربت منه وقعت فيه

بصدق المشاعر سيكسبان وبكذبها سيخسران

الخيانة والخداع تخمد اى مشاعر

الحب يتغلغل القلب ويقف قليلا مع العقل

بالقلب نحب وبالقلب نكره وبالعقل نحجم الحب والكراهيه

روح المحب تعيش بروح من يحب

جميلة قوى اجمل الخطابات التى لا نكتبها لاكن نشعر بها بدون ان نراها

بذرة الحب تولد بنظرة او بكلمة او باحساس لاكنه يموت عندما نخدع فى الكلام والاحساس

من يحب يحب للابد اذا روعى هذا الحب

كلامك جميل يا رشا دائما احساسك عالى ورقيق

سلام

شهرزاد يقول...

مافيش اصعب من الفراق وان الانسان يخسر أحباءه لكن في أمور بتحصل رغما عن ارادتنا ولكن لها عند الله عز وجل حكمة لن نعرفها وقتها
وحتى ذلك الوقت لاتقطع الأمل أبداً
تحياتي

نهر الحب يقول...

الحب والتضحية والعذاب من اجل المحبوب
اشياء لا تحدث فى العمر الا مرة
ان حدثة لكن هل يستحق هذا المحبوب ؟؟؟
احيانا يكون مجرد سراب من وحى خيالنا
ونحن فقط من نتألم حين نفيق من هذا الخيال ونجد اننا كنا نحلم بشئ لا وجود له وهو اخلاص ووفاء المحبوب

بوست رائع
كل الاحترام

غير معرف يقول...

مساك الله بالخير
ابيات نابعه من القلب
صح لسانك واعتلي شانك
يعطيك العافيه وعساك ع القوه
دمت ودام نزف قلمك الراقي
هدى

احساس لسه حى يقول...

عزيزتى
شهرزاد

اكيد الفراق صعب بس فى فراق مجبرايين عليه وفراق مخيريين فيه

واللى مجبريين عليه اكيد زى ما قولتى يمكن لحكمة يعلمها الله عز وجل

واكيد الاايام بتوضح الفراق ده كان مصلحة لينا ولا كان سبب تعاستنا

وساعات لازم نقطع الامل لانه امل كاذب ومش حقيقى

تحياتى يا افندم

نورتينى

سلااام

احساس لسه حى يقول...

عزيزتى
نهر الحب

ميين قال انها تحدث مرة واحده

فى ناس لما بتحب بتعرف تحب بجد وتضحى بجد

بس المهم زى ما بتقولى يكون محبوب بجد مش سراب ووهم

بس المفروض نفرح عندما نكتشف الوهم اللى كنا عيشينه علشان يبقا لينا فرصة نحاول نلاقى حد يدينا مشاعر حقيقية مفهاش اى خداع

اكيد الاخلاص والوفاء موجوديين

بس نادر جدا بالذات من رجل لامراة

شكرا على كلامك

نورتينى

سلااام

احساس لسه حى يقول...

عزيزتى
هدى

مساء الفل عليكى

شكرا على كلامك واحساسك

ربنا يخليكى دايمن ليا

نورتينى

سلام

غير معرف يقول...

انت طلعت رقيق قوى
كلامك جميل بجد
ممتاز والله

مدوناتى واللى فيها أتفضلوا (حسام)

يا ..... عالم