السبت، 11 أكتوبر 2008

عندما دمعت عيناى احسست انننى ...محتاجك أوى




أنتى فين

محتاجك أوى

مش لاقى اللى اشكيله

مش لاقى اللى احكليه

مش لاقى اللى ابكيله

محتاجك أوى

ارمى حملى عليكى شوية

أخد منك من نبع الحنية

تداوى بحبك جروح فية


محتاجك أوى


أضحك شوية من قلبى

أتكلم برحتى مش أخبى

رغم المسافات كأنك جنبى

محتاجك أوى

دمى وأنفاسى بيندهوكى

مش مرتاحين بيعشقوكى

لو سبتيهم مش هيسبوكى


محتاجك أوى


بحبك فوق ما تتصورى

مهما بتعملى فى نظرى بتكبرى

لأنك فعلتى فوق ما تقدرى

محتاجك اوى

غيابك طال على روحى

وابتديت تنزف من تانى جروحى

اوعى تانى من روحى تروحى

محتاجك اوى

هناك 52 تعليقًا:

ماما أمولة يقول...

تحياتي

انا احترت في كلماتك مش عارفة انت بتوجه كلامك واحساسك لمين
لامك
لحبيبتك
رغم جمالها فاني تهت فيها
وصورة الطفل حيرتني اكتر
تقديري

كلام من جوه روح لكل روح يقول...

عزيزتى
ماما أمولة

أول حاجه الكلام ده لحبيبتى وأمى تستاهله وتستاهل اكتر منه الف مرة

بس انتى معكى حق علشان الصورة

والصورة حطيتها بصراحة علشان أكد الكلام انها بتدينى نفس حنان وحب الام

شكرا على وجودك وكلامك

تحياتى
سلام

تائهه بين الخيال والواقع يقول...

اصعب حاجه ان حنا نحتاج لحد وفي عز احتياجناليه منلقهوش جنبنا

كلماتك جميله
تحياتى ليك

الاخ الكبير يقول...

حقيقي موضوع جميل جدا و خصوصا انك عمال تقول

انا شايف انا شايف انا شايف

هو انت اسمك شايف و لا ايه

ايه كمية انا انا انا

اول مرة اشوف حد بيتكلم عن نفسه بالشكل ده

انت ممكن تدخل مسابقة الناس الاغبية اللي فاكرين نفسهم رايهم مهم و عمالين يتكلموا كلام عبيط زيهم

صدقني انت فعلا عبيط و برياله كمان

خليك انت كده في الانا بتاعتك و ياريت تنفعك في حاجه

سايب الدنيا كلها و ماسك في موضوع عبيط

ده طبعا عشان انت ماتقدرش تتكلم في حاجات اكبر من برامج المسابقات الغبية اللي زيك
انما مواضيع مهمة مستحيل لان واضح من تفكيرك انك مابتعرفش تفكر غير في التفاهات و اذا اتكلمت في حاجه يا اما الاخطاء الاملائية يتعمل عنها مجلدات عن جهلك بلغتك يا اما تكتب موضوع مش مفهوم انت عايز تقول منه ايه و تفضل تتوه و تروح يمين و شمال و في الاخر برضه بيكون اي كلام
خليك على اد تفكيرك الغبي و بس

شباب روش طحن يقول...

كل إنسان بيحتاج حد جنبه لكن المشكلة لما تكون متأكد إنك مهما ندهت علي حد محدش حيرد عليك يبقي الأحسن تسكت

غير معرف يقول...

حضره الاخ الكبير انت مش اخ كبير .... وانما انت حقير كبير عشان تتكلم عن انسان بالاحساس داه وبالرقه ديه ...............بالاسلوب السخيف اللي بتتكلم فيه ثم انت مين حضرتك عشان تقيم الناس وتتكلم عنهم بالاسلوب داه انت لارحت ولاجيت ومجرد زباله معندكش شغل غير انك تجرح الناس نصيحتي ليك زور طبيب نفساني يمكن يعالج غرورك.....

احساس لسه حى يقول...

عزيزتى
تائهه بين الخيال والواقع

معاكى حق فى ناس بنحتاجهم ومش معقول بنرضى باقل شئ بينا وبينهم

وهو وجودهم فى حياتنا بس

وحتى ده مش طيالينه

لازم اللى يحب حد ميسبهوش موجوع كده وهو عارف انه محتاجه يكون جنبه

بس نعمل ايه ساعات الظروف بتكون اكبر من اللى بيحب واللى بيحب هيسامع حبيبه لما يجى ويقوله غصب عنى

بس الاوجاع بتسيب اثر فى قلب الانسان

تحياتى
سلام

احساس لسه حى يقول...

الأخ الكبير

طبعا انت داخل تشتم

بس على العموم انت انسان جبان لانك مش داخل باسمك وانا عارف اى حد بيجى يشتمنى ميقدرش يخش باسمه لانه عارف هعمل فيه ايه

وكلامك بره الموضوع وهسيبه لان اى حد هيشوفه هيعرف اد ايه انت متغاظ منى وبتكرهنى

وجبان

احساس لسه حى يقول...

عزيزى
شباب روش طحن

اه من احساس لما تنده على حد وهو مش بيرد ةده بيوجع اوى

بس اللى يوجع اكتر انك مش عارف هو مش بيرد عليك ليه ده هيجننك

لانه هيكون وجع ممزوج بخوف على اللى بتنده عليه من غيابه

خوف لانك مش عارف هو ماله ومش بيرد ليه

وصعب تكون محتاج حد وتسكت

تحياتى
سلام

احساس لسه حى يقول...

عزيزى او عزيزتى
غير معروف

طبعا شكرا على كلامك واحساسك والمشكلة مش انه بيشتمنى المشكلة انه بيشتم وهو خايف يقول على شخصيته

انا بس اللى مزعلنى انه قايل الكلام ده فى البوست ده اللى فيه حاجات تخصنى وتهمنى ووجعانى شويه

بس عادى ممكن امسحه بس هسيبه واتنى اللى يخش يقرا البوست ما يقراش تعليقه

شكرا يا افندم

مع انى مبسوط منه لانه خلا حد يقول على الكلام الجميل ده

وانا مش عارف انا استحقه ولا لأ

شكرااااااااااا

سلام

كـــيــــــــارا يقول...

جااااااااااااااااامده جامده مش اي كلام يعني


جميله اوي واحساسها فعلا من القلب

دعاء مواجهات يقول...

انت لخصت فعلا

سبب مهم من اسباب الحب

الاحتياج فعلا

قبل اى حاجه تانيه

هو الاحتياج الغبى

تحياتى لكلماتك المعبرة


بيس

الاخ الكبير يقول...

ليه هو انت اسمك احساس لسه حي و لا حاجه يمكن بقى ده اسمك يا اذكى الناس انت الاسماء يدور عليها اللي زيك من بتوع المظاهر الغبية و بس اما الواقع بقى فأنت اللي بتعرف اسمك بتشديد العين مش اسمك هو اللي بيعرفك برضه بتشديد العين
اما بقى الجبن و اني مش بعلقك باسمي فدي حرية شخصية زي ما انت بتعلق باسم احساس لسه حي و لا بقية اسمائك بتوع المدونات انا كمان بعلق باسم الاخ الكبير عجبني يا سيدي انت مالك
و عن حكاية انك هاتعمل في اللي بيعلق و يشتمك حاجات فدي صدقني ماتقدرش تعمل اي حاجه حتى و ان علقت بكل تفاصيل حياتي اسمي و عنواني و رقم بطاقتي
لانك انت اجبن من انك حتى تفكر انك تعمل حاجه
صدقني انت لو كنت محترم انا كنت احترمتك لكن انت ماتقدرش تكون محترم و انت فاهم كويس اوي انا بتكلم عن ايه و ياريت بقى ماتتذاكاش و تسألني انا اقصد ايه عشان تعرف معنى كلامي لان المثل بيقول يا شاطر الحدق يفهم و انت عامل فيها شجيع اوي و بتهدد انك هاتعمل حاجات فشغل بقى الجمجمة و افهم انت بقصد ايه يا عم المخيف المرعب

اما بقى عن الاخ غير المعرف ده غريبة جدا انك ماقلتش عليه جبان و لا عليها انها جبانة مع ان حتى التعريف مش موجود لكن نقول ايه بقى واضح كده ان انت بتحب اللي يقولك برافو حتى و انت كنت غلطان و مش مهم بقى يقول اسمه و لا لأ المهم انك وقف في صفك ماتقدرش تقول له انت مين و لا اسمك ايه مش بقولك شجيع و مرعب

بنت مصريه يقول...

الله يا حسام
ايه القصيده الجميله دى
بجد تحفه
احييك واتمنى تنورنى

كلام من جوه روح لكل روح يقول...

عزيزتى
كيارا

متشكر يا افندم

هى من القلب والروح كمان

كل الكلام اللى عن الحب لازم يكون من القلب

نورتينى

سلام

كلام من جوه روح لكل روح يقول...

عزيزتى
دعاء مواجهات

اه الاحتياج سبب من اسباب الحب

احتياج الجسد والروح معا

وبالاتنين بيكون الاحساس حب

ومن غيرهم اكيد مش حب بجد

بس الاحتياج ساعات بيكون خوفا على الطرف التانى لانه بيحب برضوا

معاكى حق الاحتياج الغبيى ده متعب

بس بيعرفنا اد ايه احنا بنحب الاخر

وابعدى عن حب وشوفى احساسك بالاحتياج اليه

هتعرفى اد ايه بتحبيه

شكرا على وجودك

تحياتى

سلام

كلام من جوه روح لكل روح يقول...

الاخ الكبير

هرد عليك لان كلامك فارغ وغبى

انا لما بعلق باى اسم حتى لو مش اسمى اللى بعلق عنه بيعرف انا مين ويقدر يجى يرد عندى بدل التعليق الف

واى حد هيقراه برضوا هيعرف انى انا اللى علقت مش بيهمنى يعنى


اما انت بقه اللى بتيجى زى الحرامى الجبان
الاسم اللى اخترته ولا انا ولا اى حد يقدر يعرف مين اللى علقه واظن اللى يخاف حد يعرف رائيه

يا حاجه من اتنين

يا جبان وخايف من اللى بيتكلم عليه

يا جبان برضوا وخايف حد يشوف طريقة كلامه دى ومش عاوز يخسر حد


يعنى فى الحالتين جبان

ما اللى شبهك خايف ولا خايفة مش من انى اذيها بسلطتى لانى الحمد الله معنديش اى سلطة

الخوف من لسانى وكلامى اللى محدش يقدر يوقف قصادة بالذات الصنف الجبان اللى شبهك

وموضوع انى محترم او لا مش هتكلم فيه على الاقل انا محترم مع المحترم وقليل الادب مع قليل الادب

ومش عارف ايه فاهم كويس بصراحه مش فاهم وانا مش حدق مع اللى بيلفوا ويدورا زى الجبناء برضوا

اما الاخ الغير معروف فهو مش جبان لانه مشتمنيش هيخاف من ايه

بس فى ناس ودى حاجات متعرفهاش ناس بتعمل الخير فى السر ومش غرضها كلمة شكر من حد

لاكن يوم ما تحب تغلط فى حد هتواجهه باسمها وتقوله انا مين بس هى متعرفش اساسا مين اللى بتكلمه يبقا تقول اسمها ليه

لما تعرف اسمك وتعلنه هطالبها يا تهزقك باسمها يا بلاش
شوفت انا جدع ازاى

وعلى العموم برضوا خليك تاكل فى نفسك كده انا هعتبر هوا بيغلط فيه وبدوس عليه

كلام من جوه روح لكل روح يقول...

عزيزتى
بنت مصرية

القصيدة ايه كل ده مش للدرجه دى

دى خاطره بس واحساس خرجته فى كلام حلو

شكرا على كلامك الجميل

واتمنا احساسى دايمن يعجبك

وهزورك دايمن ان شاء الله

تحياتى

سلام

الاخ الكبير يقول...

برضه هاكررها لك تاني عادي يعني

انا سعيد جدا بأن دمك محروق و هاتموت و تعرف انا مين يا عم و انت مالك اسمي ايه خليك بس في الاحاسيس العالية و الجميلة بتاعتك اللي عمال توزعها على الناس دي و لا مواضيعك اللي مافيش زيها يا ابني انا بعلق عند كل الناس برضه بنفس اسمي اللي بعلق به هنا و برضه هم عارفين مين هو صاحب التعليق يعني زي ما انت بتعمل بالظبط مش ذنبي بقى ان اول مرة ادخل عندك و اعلق بنفس اسمي اللي المدونين اللي بعلق عندهم عارفينه الاقيك يا صاحب الفخامة مصمم انك تعرف اسمي ايه ده ايه التخلف ده و مش بقولك مش محترم اديك واضح عليك من بتوع اللسان الطويل يعني اللي مايعرفوش يعني ايه احترام و لا تربية
انا ابو مخ تخين انا بعلق عندك بنفس الاسم اللي بعلق به عن الكل مش حكاية جبن و لا حاجه من اللي في عقلك الغبي انكا بقى اني خايف من لسانك اللي انت عمال توصف فيه ده فمستحيل طبعا اخاف منك انت بالذات لان واضح من موضوعاتك ام احساس عالي و لا موضوع برنامج دقوا المزاهر اني بتعامل مع واحد مايقدرش حتى يدافع عن نفسه او فار عدى من جنبه و اذا كان على الشتيمة فده شيء عادي جدا العالم كله بيشتم في بعضه دلوقتي و كل واحد و له اسلوبه انما انا هاكلمك عن العالم ليه اذا كان انت اصلا مش حاسس و لا داري بيحصل ايه و عمال تتكلم في مواضيع هبلة صدقني انا لو كنت شوفت مواضيعك كويسة كنت اتناقشت معاك لكن انا لاقيت نفسي في مدونة تافهة و مواضيعها غريبة جدا فقلت لازم اقول راي و لاقيت ردك عليا بالشكل اللي بيحصل ده قلت بقى ده فعلا انسان غبي و تافهة زي ما موضوعاته بتقول
و تاني هاقلوك الشتيمة بقت شيء عادي دايما بيلجأ لها امثالك من اللي عايشين معانا ربنا يبعد عنا المتخلفين اللي زيك يا ابو لسان و كلام ماحدش يقدر يقف قصاده ايه الحكم و الاشعار دي بس

احساس لسه حى يقول...

الاخ الكبير
الشهير
يا راجل ياعيل

تصدق انت مسلى جدااااا
احلا من السودانى واللب

انا عاوز اعرف انت مين علشان اديك حقك فى التهزيق مش اكروتك زى ما بعمل واهزقك كده اى كلام

انا ممكن امسح تعليقاتك بس هسبها
بدل مفهتاش شتايم يعاقب عليها القانون خلاص اتكلم برحتك

يعنى انت اخ كبير لكل اللى بتعلق عندهم طب قولى شوية من اللى بتعلق عنده كده احسن مشوفتش اسمك قبل كده

بلاش اسمك سنك طيب بلاش سنك

انت متعود فى كل حياتك تكون مجهول كده للغير يعنى ولا ليك طعم ولا لون ولا ريحة


مش عارف انت مضايق ليه من موضوع دقوا المزاهر مع مع ان اللى دخلوا قالوا ان تحليلى مظبوط وتمام

او يكون انت من اللى دقوا المزاهر قول متكسفش ولا الموضوع جالك على جرح


وانا يا كتكوت رديت على كلامك اللى مكنش تعليق اساسا

كان وصلة ردع وقليت ادب

ما انت لو دخلت تعلق باحترام مكنتش رديت عليك كده

ومكنش الغير معرف قبل ما ارد عليك قال عليك مريض

وكمان اللى عاوز يقول رائيه ميروحش يلف على مدوناتى كلها يقوله لو كان محترم

على العموم انا هحاول اشوف تعليقاتك عند اى حد علشان اعرف التخلف اللى انت فيه اتجاهه ايه بالضبط

ولا انت معاهم معاهم وعليهم عليهم

ربنا يهديك ويشفيك

الاخ الكبير يقول...
أزال أحد مشرفي المدونة هذا التعليق.
PrInCeSS BeRy يقول...

الله الله الله بجد ما شاء الله تجنن لوهلة حسيت انها لحبيتك ولوهلة تانية حسيت انها للام بجد حميلة جداااااااااااااااا

وممكن يكون اللى اوحالى بدة الصورة بتاعت البيبى بس الكلمات جميلة لو للحبيبة يبقة ما اجمل الاحاسيس اللى هتوصلها ولو للام ما اجمل المعانى اللى ممكن توضح بيها احتياجك للام بحييك بجد

غير معرف يقول...

ياخ ياكبير ............. هو لو موضوعو مش عاجبك واسلوبو سخيف بتخش عندو ليه وتعلق عليه ليه ..... ولو نفرض انك خشيت صدفه مره مش معقول كل يوم تخش صدفه ولو مدونتو مش قد المقام ومش كويسه تخشلها اصلا ليه ........ بس اللي انا شفتوه انك تخش بس عشان تشتم ولو فيه مواضيع خاصه بينكم عايزه حل حلوها بينكم مش على الهوى قدام الناس ..... ومش بالاسلوب داه زي العيال واحد ياخذ والتاني يرد عيب بقى عليكو انت برضو ولاد بلد واحده دانتو كده بتقللو من اخلاق وادب المصريين هيفتكرو العرب ان المصريين كلهم كده بلاش حركات العيال واكبرو بقى وياريت متزعلوش من كلامي...... سلاااااااام

الوردة البيضا يقول...

السلام عليكم
كلماتك رقيقة وبسيطة ومعبرة، وتصميم المدونة أنيق للغاية.
تحياتي وشكرا على زيارتك الجميلة التي أرجو أن تتكرر

احساس لسه حى يقول...

الاخ الكبير

انت مش بتسمع الكلام وانا قوتلك مدونه واحده بس تخش فيها تعلق

وسبتلك تعليقك فيها

فى ناس هنا بتتاذى من كلامك وردى عليك

خليك محترم يا ريت

احساس لسه حى يقول...

عزيزتى
PrInCeSS BeRy

ايه كل ده ربنا يخليكى اسعدتنى باعجابك

هى لحبيبتى بس يمكن صورة حضن الام حسسيتك انها ممكن تكون لامى لاكن الحبيبة لازم تكون ام لحبيبها فى اوقات ضعفه

واحتياجه ليها


على العموم الام دى اغلى من اى شئ لانها بتدى كل شئ

شكرا على وجودك
تحياتى
سلام

احساس لسه حى يقول...

عزيزى
غير معروف

صدقى انا معرفش مين ده حتى لما بهاجم حد بروح باسمى وشخصيتى واهاجمه

يبقا اصفى ايه بينى وبينه وانا مش عارفه

انا قوتله خش تدوينه تانى علق فيها بس لاكن هو بيعلق فى كل مدوناتى مش عارف ماله متغاظ منى ليه كده


وعلى العموم معاك حق كفاية كده هو بس خلانى احب ارد عليه بس بصراحه باين ما صدق وعاوز يرت كتير ويعمله مواضيع وحوار

وانا همسح اى تعليق ليه هنا

سبتله مدونة انا مش موافق يعمل فيها اللى عوزه اصلها مدونة للخناق بقه

ومعلش ليه تعليق على كلامك

العرب واخلاق المصريين ايه

ما هما عارفيين ان فينا الكويس والوحش وتقريبا بقه الوحش اكتر

ومش فى مصر بس العالم كله بقه وحش اوى


ومش هرد عليه تانى علشان خاطرك بس يا ريت هو يبطل والمدونه اللى سيبله تعليقه عليها يعلق فيها برحته بقه

شكرا على النصيحة

نورتنى

سلام

احساس لسه حى يقول...

عزيزتى
الوردة البيضا

وعليكم السلام ورحمة الله وبركاته

شكرا على كلام الجميل الرقيق

ويا ريت الكلام كله يكون وصل لروحك وقلبك

وكل مدونة ليه بتصميم مختلف بحسه


وزيارتى ليكى ان شاء الله دايمن

نورتينى

سلام

الاخ الكبير يقول...
أزال أحد مشرفي المدونة هذا التعليق.
Sherif يقول...

هذه اول مرة ادخل مدونتك .. يعجبنى فيها بساطة تعبيرك عن المشاعر وتلقائيتها

ماهو جميل يدل عليه رواده .. واعتقد ان محبوك كثيرون .. وهذا يكفى ..

لايزيدك رأيى شيئا

!!! عارفة ... مش عارف ليه يقول...

الكلامات بسيطة وسهله
تعبر عن شعور داخلي

وفي التزام بالقافية رغم يسر المفردات وسلاستها

بصراحه هااايلة


تحياتي
وليد

غير معرف يقول...

عاشقه

ايه يا ستي مالك بس بقي حسام عمال يقولك محتاجك محتاجك وانتي ولا هنا بقولك ايه متهرجيش بقي انا لولا اني مرتبطه كنت حبته انا ههههههههههههه
بجد متسبيش قلب يحبك كدا بجد بجد الي يلاقي قلب بيحبه ويسبه ينجرح ويتعب ويتقتل من غيره وفي بعده يبقي عمرة ما قلبه دق اسمعيني صدقيني انتي متعرفيش يعني ايه قلب يحبك ويحتاجك ويدق بس عشانك ويعيش بس ليكي
في مشكله للاسف هنا مش عارفه ليه بس يا رب التعليق يوصل والمهم اكتر انه يوصلها

غير معرف يقول...

انا اسفه اوي مكنتش اقصد خد بالك على نفسك و متزعلش مني

R.R يقول...

جميل ان نشعر باحتياجنا للاخرين
انت حقا احساس لسه حى
ارجو ان يستمر نبضك ينبع بالحياه كما يجب ان تكون
تحياتى لك

كلام من جوه روح لكل روح يقول...

عزيزتى
غير معرفة

اسفة على ايه ومكنتيش تقصدى ايه

على العموم خدى بالك بعد كده وبلاش تعملى حاجه تزعلينى

لانى بزعل بجد ومن قلبى

ومسامحك اهو من غير ما اعرف عمليتى ايه زعلنى

اوعى لروحك

سلام

كلام من جوه روح لكل روح يقول...

عزيزتى
R.R

جميل ان نشعر باحتياجنا للاخرين

بس الاجمل اننا نلاقيهم لما نحتاج ليهم

مهم اوى نلاقيهم دايمن جنبنا

شكرا على كلامك الجميل

وربنا ينور طريقى ويريح قلبى

وقلبك يا جميل طبعا

تحياتى
سلام

كباريه يقول...

ما أجمل لحظات ضعفنا تجاه من نحب ونعشق؟

دعاء مواجهات يقول...

ياترى انت فين

وايه اخبارك

اتمنى يكون خير


تحياتى ومودتى

كلام من جوه روح لكل روح يقول...

عزيزتى
كباريه

ما اكثرها من الم عندما نحتاج من نحب

وما اصعبها من لحظات ضعف

نورتينى

سلام

كلام من جوه روح لكل روح يقول...

عزيزتى
دعاء مواجهات

يا افندم انا هنا ومعلش لو مقصر عندك

ودلوقتى رايح عندك

اقولك انا موجوده اهو

بس انتى بتخشى مدونه واحده ليه

هدعوكطى للتانيه كمان

شكرا على السؤال

تحياتى

سلام

dina يقول...

اول حاجة
جربت اطير بجناحى مطيرنيش قولت اقصه قلبى مطوعنيش فضلت عايش يا خسارة بجناح ميت والقلب حى نفسه مره يطير ويعيش

دى تجنن

البوست بقى بجد معدى اوى اوى اوىىىىىىىىىىىى و احساسه عالى جدا
تحياتى

احساس لسه حى يقول...

عزيزتى
dina

جربت اطير بجناحى مطيرنيش


قولت اقصه قلبى مطوعنيش



فضلت عايش يا خسارة بجناح ميت



والقلب حى نفسه مره يطير ويعيش


دى تقريبا اقرب حالة تمثلنى

وجواها حاجات انا اللى حاسس بيها اوى وعارف انا اقصد بيها ايه اوى

كويس انك حسيتى بيها

والبوست شئ حاسه وما زلت حاسه ومحتاجها اوى اوى

شكرا على كلامك

نورتينى يا قمر

سلاااااام

صفا يقول...

ياه بجد كلمات روعة جدا
لمستنى جدااا

احساس لسه حى يقول...

عزيزتى
صفا
انا لمسانى اكتر
وحاسس بيها اوى
بس الحمد الله
فى امل
وقدر
ومكتوب

نورتينى

سلام

أنين الروح يقول...

الكلمات دي وجعتني جوايا قوي برغم جمالها
والأغنية كملت

تسلم إيدك :)

Beram ElMasry يقول...

احساس لسه حى
تفتكر هيجى ازاى ومنين الولد الصاحى ده
لازم يجى ، من بيننا ونحن نصنعة ثم ندعمة ، ثم نؤمن به
كل عام وانتم في صحة وسلامة
والسلام عليكم

an.impossible.love يقول...

اصعب حاجه انك تبقى محتاج حد ومش يكون معاك او معاك ومش حاسس فيك
بجد مشكور كانك بتقول اللى جوايا

وردة البنفسج يقول...

ماذا اهديك فكلو ماعندي لديك ليسا عندي اغلا من روحي وروحي كاها بين ايديك الببببببببببببببببببببك

احساس لسه حى يقول...

أنين الروح

معلش ما احنا عايشين وبنشوف اوجاع كتيرة والاغنية اختاتها علشان الكلمات

شكرا

سلام

احساس لسه حى يقول...

عزيزى

بيرم المصرى

اكيد فى يوم هيجى

وهنفضل مستنينه

نورتنى يا افندم

وكل سنة وانت دايمن طيب

سلام

احساس لسه حى يقول...

an.impossible.love

اه اصعب شئ اننا نكون محتاجين شئ وهو مش موجود شئ حقيقى او فى خيالنا

وطبعا لو معايا ومش حاسس بيه هتوجع اكتر

انت باين جواك وجع كبير

ربنا يهدى روحك وقلبك

سلام

احساس لسه حى يقول...

عزيزتى

وردة البنفسج

شكرا على الكلام الجميل

والاهداء الحلو ده

المهم هو لمين فى الاساس

ربنا يريح قلبك

سلام

مدوناتى واللى فيها أتفضلوا (حسام)

يا ..... عالم