الجمعة، 27 مارس 2009

صورتها وصوتها وكلامها ..اللى اتبقالى بعد طول ليلها...... 3 صفحات من ميت ذكرى



15

فتحت أوراقى عاوز ألاقى صورتها

كانت فرحانه بيه بترقص أبتسامتها

مسكت الصورة حضنتها وبوستها وكلمتها

أكيد ظلمانى دلوقتى بتقول خلاص نسيتها

16

فتحت أوراقى لما وحشنى صوتك

كنت بفهمك وبسمعك حتى فى سكوتك

دلوقتى مش فهمك ولا أنتى فهمانى

هغرق فى أحزانى ألحقى هاتى أيدك

17

فتحت أوراقى لقيت موبايلها

هو بتاعى أنا جواه رسايلها

ما ده اللى أتبقالى بعد طول ليلها

رسالة جوه موبيل وصورة واميلها

هناك 17 تعليقًا:

”*°•.˜”*°•..سونه..•°*”˜.•°*”˜ يقول...

السلام عليكم .
وااااااااااو
اول تعليق مع اول زياره
بما انى سعيده بهذه الزياره هروح اتفرج على باقى المدونه وارجع تانى

”*°•.˜”*°•..سونه..•°*”˜.•°*”˜ يقول...

يااااااا على الجمال
ماشاءالله بجد تعبيرك روعه
لا احد ينكر ان الذكريات بتاثر على الانسان بس كل ذكره وليها احساس يختلف
من يشعر بجرحه
من يشعر بالم
من يشعر بفرح وسعاده
من ومن
ومن ؟؟؟؟؟؟
لو كل واحد يحاول ان يجعل ذكرياته مصدر للسعاده يااااااا اكيد فى الوقت ده الذكريات تستاهل نحطفظ بيها
تحياتى وتقبل مرورى
((ســـونه)) .

فتــافيت (رحاب الخضري) يقول...

حلوووووووة اوي.. بجد
واحمد ربنا ان فضلك صورة ورسالة وايميل
انا اعرف ناس منعت عنهم كل حاجة لما بعدت

بقولك يا معلم.. انا مررت لك تاجي.. اجبااااااااااااري
يلا رووح خد الاسئلة وجاوب عليها
وهازعل والله لو ما اخدت التاج.. لان انت الوحيد اللي مررته له اجباااااااااري.. عالله تكسفني بقى

غير معرف يقول...

أحساس و بالفعل جميع كلماتك أحساس ,,

77
أكيد ظلمانى دلوقتى بتقول خلاص نسيتها
88

احيانا في البعد نشرع و كان الطرف الآخر قد نسينا و اننا لا نعني له الكثير ,,
و ما هذا الا شعور داخلنا بالتقصير ,,


كُن بخير ^^

دينا حامد يقول...

بجد روعه والله
كلام تحفه وعجبني كله جدا
الذكريات بتبقى اقوى من اي حاجة وبتمنعنا اوقات كتير من النسيان


تحياتي

rtrcbh يقول...

السلام عليكم ورحمه الله وبركاته

السادة الأفاضل زوار مدونتي الأعزاء ، أساتذتي الفضلاء ، إخوتي من المدونين والمدونات ،أصدقائي الأعزاء
تحية طيبة وبعد
أتشرف بدعوتكم اليوم إلى زيارة مدونتي ( مدونة ادم ويحيى ) وذلك بصفتكم أحد الشركاء الأساسين فيها بآرائكم وتعليقاتكم على موضوعاتها وزيارتكم لها
لحضور ندوة بعنوان

( ادم ويحيى ، تجربة تدوين )

اليوم هو استفتاء على تجربة تدوين

اليوم نعرف من هو أبو يحيى وادم وكذلك ادم ويحيى من هم ومن والدتهم

اليوم نعرف حقيقة هذه المدونة وما هي رسالتها الحقيقة وهدفها

اليوم رسالة اعتذار لكم عن بعض الأمور

اليوم رسالة شكر من كل قلبي على أمور أخرى

اليوم استفتاء حول منهج مدونة ادم ويحيى

اليوم هو رسالة منكم لي حول ما طالعتموه بيوم من الأيام بهذه المدونة
فأرجوا أن لا تبخلوا على بتعليقكم على هذه ألتدوينه
في انتظار زيارتكم
والسلام عليكم ورحمة الله وبركاته
د/أبو يحيى وادم

اقصوصه يقول...

احيانا اتمنى ان اتخلص من ذراكرتي

واتخلص من حنيني

واتخلص من نفسي اذا لزم

لكنها الحياه!

Hossam يقول...

احساس لسة حى
مش عايز اكدب واقول انى فهمت حاجة
الكلام كتييير مبهم؟
عل العموم كنت بطمن عليكىى
تحياتى صديقتى
سلام

احساس لسه حى يقول...

عزيزتى
”*°•.˜”*°•..سونه..•°*”˜.•°*”˜

وعليكم السلام ورحمة الله وبركاته

يا افندك مش مهم اول تعليق ولا اخر

المهم التعليق نفسه

والمدونة تحت امرك بس اوعى تتوهى فيها

تحياتى

سلام

احساس لسه حى يقول...

عزيزتى
”*°•.˜”*°•..سونه..•°*”˜.•°*”˜

التعبيرات بدل جاية من القلب بتكون حلوة دايمن الحمد الله عجباكى

والذكريات سر سعادة الانسان وسر شقاءه

وغصب عننا بنحتفظ بالذكريات اللى بتمس روحنا اوى سواء حلوة ولا وحشة

مش هنقدر ننسى الوحش ونفتكر بس الحلو

نورتينى يا سونة

سلااااااااااام

احساس لسه حى يقول...

عزيزتى
فتافيت

انا بحمد ربنا على كل شئ

بس المشكلة مش اللى ابقالى ايه

لان فى ناس بتعرف تنسى بسهولة وتعدى الذكريات بالحاضر

وناس تانى بافضل الذكريات ادام عينها بتطاردها وعمرها ما بتموت جواها

واللى يمنع يمنع برحته

لاكن اللى جوانا هيفضل جوانا طول عمرنا بدل احنا بنحس بجد

انا روحت يا قمر جاوبت على التاج مع انا مش بحب موضوع التاج ده اوى

بس علشان ذوقك وارتياحى لاسلوبك وكلامك مقدرش ازعلك ولا اكسفك

عارفة عندى مشكلة

انى مش بعرف ازعل ناس بكون بعزها مهما كان حجم معزتهم

مع ان فى ناس لازم تزعليها علشان بيزعلوكى

تحياتى

سلام

احساس لسه حى يقول...

عزيزتى
أسيرة اللوحة

الله يخليكى بس بلا غرور كلامك صح

كل الكلام احساس لانه من جوايا

أه فى ناس مش بتعرف اللى بيحبها ده بيحبها اد ايه وانها لما بتبعد عنه هيحصله وجع هيفضل معاه اد اية


ياريت كل طرف بيحب يفهم حبيبه اكتر وحتى لما نفترق نفترق بأتفاق

نورتينى

سلام

احساس لسه حى يقول...

عزيزتى
دينا حامد

شكرا يا جميل بعض ما عندكم

الحمد الله عجبك كله ما انى بحس ان مهما حد قراه وحس بيه مش هيعرف كل اللى فيه

اه الذكريات بتمنعنا من النسيان

بس مش كل الناس بتطاردها ذكريات

ولا كل الناس ذكرياتها بتمس روحها وقلبها اوى

ربنا يعوضنا دايمن ويريح قلبنا

تحياتى

سلام

احساس لسه حى يقول...

عزيزى
د/أبويحيى وادم

انا روحت المدونة وقولت رأى

على قدر ما تابعت عندك

تحياتى

سلام

احساس لسه حى يقول...

عزيزتى
اقصوصة

صح احيانا نتمنى التخلص من حاجات كتيرة فى دنيتنا


لاكن يا يكون احنا بنحاول نتخلص ومش عارفين

يا نكون احنا بنحب الذكريات دى ومش راضيين نتخلص منها

بس الحياة بنعشها بقه وربنا معانا

تحياتى

سلام

احساس لسه حى يقول...

عزيزى
Hossam

الكلام واضح يا حسام ايه اللى مش فاهمه

وانا دخلت عندك وقوالك ان اسمى حسام

ليه مش واخد بالك من كده

انا حسام

ذكر

اسكندرانى

نورتنى يا حسام

سلام

فاتن يقول...

سيرتك الذاتية هي أول اتصال لك مع صاحب العمل في المستقبل و ما يجب أن يتضمن نموذج سيرة ذاتية احترافية - عربي وانجليزي
تفاصيل الاتصال و التعليم و دورات تدريبية وبرامج دراسية و الخبرة الوظيفية من الأحدث إلى الأقدم و المهارات اللغوية و مهارات الحاسوب والمهارات الأخرى والشهادات ورخصة قيادة ان وجدت

مدوناتى واللى فيها أتفضلوا (حسام)

يا ..... عالم