الأربعاء، 12 أغسطس 2009

تانى رجعت لاوراقى...ليه مش عاوزه تخلص...3أوراق وجع



22
فتحت أوراقى ليه مش عاوزه تخلص


فيه أيه كلام باقى ...خلى الورق ملخص


كنت فاكر الورق هيريح روحى الحزينة


أتارى وجع الورق على روحى عمال يخلص


23

فتحت أوراقى أمبارح كان يوم ميلادى

مرت زى كل سنة يوم فى دنيتى عادى

يا ترى السنة اللى جية هتكون زى اللى فاتت

يا ترى يا حبيبتى حية ولا مشاعرى جواكى ماتت

يا ترى هعرف أصرخ ولا صريخى تانى هيفضل ساكت

يا ترى أيه مقسوملى مكتوبلى أيه السنادى


24


فتحت أوراقى لقيت تلات كلمات


فى الاه ما دى دراستى


دولاب مليان شهادات


كلمة فرح واحدة... كلمة أمل واحدة


أما الهموم متعدش... مكتوبة بالميات

هناك 29 تعليقًا:

غير معرف يقول...
أزال أحد مشرفي المدونة هذا التعليق.
غير معرف يقول...

راااااااااااائعه
وكتابتك تدل على ابداع
والا حساس
يارب تستمر في خطاك

ويبعد عنك الهم

كيــــــــــــارا يقول...

الله كلامك رغم قوته الا انه بسيط ووصل

كل سنه وانت طيب

ريمان ونوسه فى هاكونا مطاطا يقول...

انت لسه هنا؟


لا لا تعالى بسرعه عندنا


تيمون وبوبما عايزينك


كل ما تضحك اكتر كل تاكل بطاطا اكتر

هاكونا مطاطا

مش هتقدر تغمض عنيك

هاكونا مطاطا هديتنا لكل المدونين عشان نخرج من حاله النكد

هاكونا مطاطا تهييس للصبح

هاكونا مطاطا ... لااااا للملل


هاكونا مطاطا... قول لاء للهم

هاكونا مطاطا.... اوعى تزعل ابدااا

هاكونا مطاطا... ارمى الماضى ورا ضهرك


انسى الماضى اللى يغيظ


يلاااااااااا تعالى مستنى ايه

وياريت تضيف اللينك عندك
ومش هتندم ابدآ

مودتى

عاشقة الأحزان يقول...

كل سنه وانت طيب
وربنا يبلغنا الشهر الفضيل اللهم امين

عاشقة الأحزان يقول...

الله على رقة كلامك العذب بجد بيدخل القلب دون اسئذان

ربنا يسعدك يارب ويوفقك

دمت بكل خير

مودتى

ঔღঔ نـــوارة ঔღঔ يقول...

كلامك دائما راائع ومؤثر

عيش ايامك وانسى الي فات

كل سنة وانت طيب

:)

WhItE HeArT يقول...

كل سنة وانت طيب ورمضان كريم

غير معرف يقول...

اااااااااااااه ولا ااااااااااهات لو صرخنا باعلى صوتنا مش يفيد لانو اللي عاوزين يسمعو صراخنا مكتوبلهم ميسمعوش ال ااااااااه ويمكن يكون اجسن ليه ولينا ربنا يريج بالك وتنسى اهاتك يارب احساس رايع وكلمات اروع

احساس لسه حى يقول...

عزيزى
غير معروف

معلش اتاخرت فى الرد

وعيد سعيد يا رب على الجميع

شكرا على كلام

وربنا يبعد عن الجميع الهموم

تحياتى

سلام

احساس لسه حى يقول...

عزيزتى

كيارا

شكرا يا افندم وسعيد انه وصل بسلاسه وسهولة

وكل سنة وانتى طيبة وعيد سعيد

تحياتى

سلام

احساس لسه حى يقول...

عزيزتى

ريمان ونوسة فى هاكونا مطاطا

بروح والله والنكت قريتها بس الظروف

كل سنة وانتم طيبين وعيد سعيد ومبارك

وربنا يهدى ارواحنا وانفسنا ويريحها

سلام

احساس لسه حى يقول...

عزيزتى

عاشقة الاحزان


وانتى طيبة يا رب وعيد سعيد عليكى

معلش متاخرة بس الدنيا

سلام

احساس لسه حى يقول...

عزيزتى

عاشقة الاحزان

رقة كلامى من بعض رقة احساسك

ربنا يخليكى ويحميكى ويجبلك اللى يهنيكى

نورتينى

سلام

احساس لسه حى يقول...
أزال المؤلف هذا التعليق.
احساس لسه حى يقول...

عزيزتى

توارة

كل سنة وانتى طيبة وعيد سعيد يا رب

والواحد عايش حياته بس صعب حد ينسا ذكرياته

تحياتى

سلاااااااام

احساس لسه حى يقول...

عزيزى

WhItE HeArT

وانت طيب وعيد سعيد عليك وعلى المسلمين جميعا

نورتنى

سلام

احساس لسه حى يقول...

عزيزى

غير معروف

يمكن يسمعوا صراخنا اللى بيحبونا

او يحسوا بينا ويريحونا

وربنا يريح بال الناس كلها وميتوجعوش من حبايبهم

شكرا على كلام ونصحتك

محبتى

سلاااااااااااام

(green eyes) يقول...

الجرح جواك لسه بينزف بس أكيد الأيام بتداوي الجراح

كل سنة وانت طيب

أحساس لسه حى ...أنا مش موافق يقول...

عزيزتى

(green eyes)

الحنمد الله الجرح مبقاش ينزف بس الذكريات وشم على قلبى مش بيطلع

وربنا يعوض علينا بالخير

وانتى طيبة وشكرا على وجودك

واسف على عدم سؤال وانشغالى

سلام

ريمان يقول...

السلام عليكم

قد ايه كلماتك لمست قلوبنا


لاننا كلنا حاسين بيها اوى


ومش بقينا زى زمان بنفرح باعياد ميلادنا


تحياتى لكلماتك

أحساس لسه حى ...أنا مش موافق يقول...

عزيزتى

ريمان

وعليكم السلام ورحمة الله وبركاته

شكرا على اطرائك وكلامك

وبجد فى حاجات كتيرة اوى مبقناش نحس بيها غير عيد ميلادنا كمان

نورتينى

سلام

love يقول...
أزال أحد مشرفي المدونة هذا التعليق.
آيوشة يقول...

هو انا معلقتش على البوست ده قبل كده :(
كلمات جميلة جدا تسلم ايديك


فتحت أوراقى أمبارح كان يوم ميلادى

مرت زى كل سنة يوم فى دنيتى عادى

يا ترى السنة اللى جية هتكون زى اللى فاتت

يا ترى يا حبيبتى حية ولا مشاعرى جواكى ماتت

يا ترى هعرف أصرخ ولا صريخى تانى هيفضل ساكت


قوية جدا الجزئية دى :( دايما بحس الشعور ده يوم عيد ميلادى ان يوم عادى واقل من العادى كمان

احساس لسه حى يقول...

عزيزتى

ايوشة

تقريبا معلقتيش يمكن دخلتى وقرتيه ومعلقتيش

الاوراق كلها ليها شئ يمس جوايا

وورقة السنين والعمر من اكترهم وجع والم

سلام

(green eyes) يقول...

هي دي الحياه لحظات الم ولحظة فرح
بس السنه دي ان شاء الله تكون كلها عليك فرح
كل سنة وانت طيب

abhasoft يقول...

مشكوووور

naceryo يقول...

جيد جدا

naceryo يقول...

جيد جدا

مدوناتى واللى فيها أتفضلوا (حسام)

يا ..... عالم