الاثنين، 5 مارس 2007

احساس ناقص............(قناعتى)0



ايه فايده انى اكون جنب حبيبتى وهى مش معايا.... معايا جسد من غير روح... ليه فى ناس بترتبط من غير حب ليه ؟ الارتباط بقه دلوقتى تلاقى مصالح يا تكوين عائله يا تفريغ رغبه يا تكمله شكل اجتماعى بس ازاى طرف
يحب طرف ويستحمل عدم حب التانى؟ ليه كفايه اكون بحب انسان علشان اعيش معاه ....كفايه انى احب انسانه علشان ارتبط بيها.. الارتباط ممكن يكون حب من طرف واحد طرف يهدى مشاعرواحساس وطرف يخد بس يا اما اللى نحبه يحبنا ونرتبط بيه يا اما لو محبناش نرتبط بحد مش لازم نحبه ممكن نستحمل وجود حد فى حياتنا مش بنحبه وعايشين معاه لاكن لو بنحبه مش هنستحمل نعيش من غير ما يحبنا مفيش احلى من ان طرفين يحب بعض بنفس القوه
اى اختلال فى ميزان الحب بيسبب دربكه فيه وبالذات لو طرف بيحب وطرف لا.. دمار
الحب مش التقاء جسدين ابدا متعته هى التقاء روحين وقلبين


هيفدنى ايه
انك معايا بس قلبك مش معايا
ان هواك مش حاسه بيه اد هوايا


ان الدموع سهرانه تشكى
ان الشموع عماله تبكى
ده مش خضوع انا بس بحكى
حبيبى كفايه


هيفدنى ايه
انك معايا بس قلبك مش معايا
ان هواك مش حاسه بيه اد هوايا


خليك صريح عاوزك تسبنى سبنى متتعبنيش
هو الجريح مش من حقه برضوا يعيش
ده لو هواك كان حته منى
لو هفضل احبك غصب عنى
بطلب منك ارجوك تسبنى
حبيبى متعذبنيش

هيفدنى ايه
انك معايا بس قلبك مش معايا
ان هواك مش حاسه بيه اد هوايا


خليك صريح عاوزك تسبنى سبنى متتعبنيش
هو الجريح مش من حقه برضوا يعيش
ده لو هواك كان حته منى
وهفضل احبك غصب عنى
بطلب منك ارجوك تسبنى
حبيبى متعذبنيش

هيفدنى ايه
انك معايا بس قلبك مش معايا
ان هواك مش حاسه بيه اد هوايا


خليك صريح انتا فرحان بجد بالوداع
ما انتا شايف قلبك بسهوله باع
لاكن بقولك بكره تندم
مش كنت بغيرى تحلم
بكره بيه انا هتحلم
وتحس بضياع

هيفدنى ايه
انك معايا بس قلبك مش معايا
ان هواك مش حاسه بيه اد هوايا


اتمنا القلب الخالى لو لقا حب يفكر يحبه اصل الحب شئ صادق وجميل وصعب يتلاقا خالص

هناك 9 تعليقات:

محض روح يقول...

معاك يافندم جدا فى البوست ده
هيفدنى ايه
انك معايا بس قلبك مش معايا
ان هواك مش حاسه بيه اد هوايا

ان الدموع سهرانه تشكى
ان الشموع عماله تبكى
ده مش خضوع انا بس بحكى
حبيبى كفايه
اصعب حاجه لما تحس ان الادامك مش بيفكر فيك زى مانته بتفكر فيه
بجد احساس قاتل لما تحس انك حبيت حد وهو مقدرش الحب ده او كمان ماحبكش
هيكون حاجه زى المسرحيه الى مفيهاش غير بطل واحد بيعمل كل الادوار من تمثيل لاخراج لديكور حتى الجمهو هو الى خد كرسيهم
وحب من النوع ده بجد احسن لصحبه ان ميكملهوش
علشان هيجى عليه فتره هيكره الطرف التانى هيحس انه بيستنزفه
تحياتى كمان مره
:))

احساس لسه حى يقول...

عزيزتى
محض روح
صحيح صعب الانسان يبقا بطل بيعمل كل شئ يفضل يدى وما يلقيش يقول الكلمه ما يسمعش صدى ليها مش لازم اكون جنب حبيبى بس ده مش كفايه بعاده عنى وهو بيحبنى اهون على من وجوده معايا من غير حبه
متشكرى قوى على زيترتك وكلامك

محض روح يقول...

فينك يافندم كل ديه غيبه
اوعى تكون هتعتزل الكتابه هنا
انا الت اطمن
فيه اليومين دول
عدوى فى المدونات
:)
اتمنى يكون سبب الانقطاع خير

غير معرف يقول...

عزيزي حسام
فعلا صعب الحب اللي بيكون من طرف واحد
بس ساعات البن ادم مننا بيحس بوحده فظيعه و اي حد يبتدي يمس اوتار قلبنا بننشد له بسهوله لاننا بنكون مهيئين نفسيا للقوع في الحب حتي و ان كان مش حب حقيقي ممكن يكون اهتمام زياده من الطرف التاني و مايكونش حب
طبعا انا معاك حبمن طرف واحد حب مش كامل لان صعب افضل احب و ادي و اللي قدامي بياخد و بس
الذ حاجه في الحب هو العطاء من نحيتين
بس مش دايما بنقابل الحب اللي من النوعيه دي
زي الصحاب تمام تكون مخلص و كويس معاهم و في وقت شده مثلا تلاقيهم بيدوك ضهرهم لانها كانت صداقه مش تمام من الاول مع ان لما بنبص لنفسنا بنلاقي اننا ماغلطناش فيهم بالعكس اديناهم من حبنا و ووقتنا كتير

غير معرف يقول...

صديقي العزيز
الانسان اللي يرتبط من غير حب هو اكيد انسان عمره ما عرف معنى الحب
فمش فارق معاه اصلا كله عنده زي بعضه
الانسان اللي عرف معنى الحب الحقيقي
ميقدرش يعيش مع انسان من غير حب
والحب هنا زي ما بتقول لااااااااااااازم يكون حب متباااادل دون اختلال في ميزان الحب
لو ارتبطت بانسانة بتحبني وانا مش بحبها يبقى بظلمها وبعذبها معايا دا اذا اصلا قدرت اتحمل وجودها في حياتي لاني من الناس اللي فكرة الارتباط عندهم معناها مسئولية والتزام واستمرارية وثقة و حاجات كتيرة تانية صعب اني اوقع نفسي فيها الا اذا كنت بجد بعشق اللي هرتبط بيها
ولو ارتبطت بانسانة انا بحبها وهي مش بتحبني ابقى بعذب نفسي وبرضه بعذبها لاني انسانة صعب حد يتحمل طباعي وجنوني الا لو بيحبني بصدق
بجد يا صديقي انت صادق جدا في وصفك للاحساس انه ناقص .. لانه لو مش حب متبادل باتزان هيبقى فعلا نااااقص جدا
وبعدين ايه لو قلب خالي لقى حب يفكر يحبه
طيب بعد اذن حضرتك .. ندوس على انهي زرار عشان نحب اللي بيحبنا ؟
طيب قول لو حبينا حد وبيحبنا بصدق نبطل عناد وبخل في مشاعرنا ومنضيعهوش منا
يعني دا لو بنحبه
لكن لو لأ
يبقى نستنى بقى لغاية لما نحب ونتحب واكيد هيحصل يوما ما
واخيرا انا ضد تماما كلامك ان لما حد يحب حد ويكون التاني مش بيحبه يقول هيندم وبكره يحلم بيه ويدور عليه ومش هيلقيه والكلام دا
مش ذنب اللي قدامنا انه مقدرش يحبنا ، زي ما اكيد مش ذنبنا اننا فيه ناس بتحبنا ومقدرناش نحبها
ونرجع للجنتلة .. هنا الواحد ينسحب ويترك الساحة لغيره ويفرح بفرح الانسان اللي بيحبه
اتمنى لك الحب والسعادة والاحساس الكامل

:)

احساس لسه حى يقول...

عزيزتى
اجندا حمرا
شوفى يا قمر الحب من طرف واحد ده احساس غبى من انسان يحب وهو عارف انه حبه احساس ومشاعر فى الهوى وحتته اننا مهيئين دى حجه لان احنا اللى بنهيئ نفسنا لان كل انسان قلبه خالى وفاضى مهيئ للحب بس فى انسان ذكى وبيعرف قيمه الحب ومش بيسيب مشاعره مداس لاى حد وناس تانيه ما بتصدق كلمه وتمسك فيها وتبنى عليها كلمات وحركات يعنى احنا اللى بنجيبه لنقسنا ونرجع نعيط ونتوجع
سلاااااااااااااااااااااام

احساس لسه حى يقول...

عزيزتى
Lava said...
مين قالك ان اللى بيرتبط من غير حب يبقا عمره ما حس بحب او انها مش فارقه معاه خدى بالك اللى بيرتبط من غير ممكن يكون انجرح من حب او مش لاقى حب زهق واتخنق وقرر يخوض التجربه كده يا صابت يا اتنين عور
اماندم الانسان اللى اتحب ومحبش اللى حبه ده اكيد يلبذات لو ملقاش حب لانه حرم نفسه من مشاعرر جميله كان بيخدها اهتمام وحب انا عارف انه مش ذنبه انه محبناش بس ذنبه ان معرفش يقدر مشاعرنا ويحس بينا اصل المشاعر دى زى الزخزغه ممكن حد يزغزغك ومتضحكيش ممكن بس لو انتى انسانه بارده وده اللى مش بيحب اللى بيحبه وقلبه فاشى مش بقول يعشقه بقول بيحبه بس وسلميلى على زمن مليان حب فشنك صوت بس
سلاااااااااااااااااااااام

Unknown يقول...

ابب

Unknown يقول...


ط
ب ينفع اكحي لكم حكايتي عايزة حد يسمعني ينفع

مدوناتى واللى فيها أتفضلوا (حسام)

يا ..... عالم