الأربعاء، 25 يوليو 2007

انتهى المشوار..........(قرارات)0




ما أحلى ان نحب



لاكن الاهم والأحلى



من نحب









انتهى المشوار وآخدت القرار



مش هدوب تاني وسط التيار



أنا كان بأيدي أخدعك زي ما خدعتني



أرد اللي عملته فيه لما جرحتني



لكن النهارده مبقتش أنت تهمني



خلاص أنا زهقت اشرب تانى المرار



انتهى المشوار وأخدت القرار



مش هدوب تانى وسط التيار



افتكرت عيوني أد إيه منك بكيت



وروحي لما راحت للقمر اشتكت



لما عرفت أنت عملت إيه



ولا أي حيته جواك حسيت واتحركت



انتهى المشوار وأخدت القرار



مش هدوب تانى وسط التيار



انا كنت بس لعبة في ايديك



مهما تدوس وتدوس فاكرني مش هسيبك



بكره يا جرحي يجي الدور عليك



لما تحب أوى ويطلع مش حبيبك



انتهى المشوار واخدت القرار



مش هدوب تانى وسط التيار



عارف الاغاني اللي كتبتها كانت لمين



لانسان كان عايش في خيالي الحزين



صحيت من حلمي وعرفت انا فين



الدنيا مسرح واحنا فيها ممثلين



انتهى المشوار وأخدت القرار



مش هدوب تانى وسط التيار



عارف القرار ده مش قرارى



ده لما ناري خرجت كل مراري



وصعبت على نفسي من اللى جراري



وبعدى عنك مبقاش اختيارك ده اختياري



أنا كان بأيدي أخدعك زي ما خدعتني



أرد اللي عملته فيه لما جرحتني



لكن النهارده مبقتش أنت تهمني



خلاص أنا زهقت اشرب تانى المرار

هناك 50 تعليقًا:

klmat يقول...

اول تعليق
احمدك يارب
كلام جميل ومحسوس
والقرار حكيم
اللى يبعينا نبيعه
فكرتنى بأغنيه ام كلثوم اسأل روحك
تحياتى وسلامى

linda يقول...

قرار صعب

بهنيك على اتخاده


لي عودة قريبة

Unknown يقول...

قرار يكاد يكون مستحيل هو البعد عن الحبيب شجاع من يقدر علية

شيماء الجيزى يقول...

فعلا زى مقالوا بقيت الناس
القرار ده فعلا صعب

بس كويس انك كنت حكيم فيه
لانك محاولتش تخون او تقلد الى عملته

انت ببساطه احترمت كونك انسان وبتحس وليك مشاعر

وفضلت تبعد بكرامتك

انا بجد بهنيك على الكلام ده

تحياتى ليك

Ali يقول...

سلام احساس لسه حي

اهلا بك في دنياك الجديدة
هي حياتك وانت اللي بتعملها

غير معرف يقول...

الكبير كبيييير
جامده يا معلم
اه على فكره
حفلة ايامنا الحلوه يوم الجمعه27 يوليو الساعه8:30 بساقية الصاوى..قاعة الحكمه
اكبر تجمع بلوجرى اوعوا يفتكوا
Blogger Radio Station

محض روح يقول...
أزال المؤلف هذا التعليق.
محض روح يقول...

قرار النهايه من اصعب القرارات
ديما بن ماطل في النهايات
فاكر مره سبت عندي تعليق كان عجبني

احنا دايمن بنضعف ادام الحب
بس انا احب ان لو حب انتهى ومرتبطوش بيه يتنسا احسن يمكن اللى بعده احلى

وانا كان في كان ردي لزم يكون الانفصال بالتدريج صعب تبتر مره وحده
يمكن عشان تكون واثق
ومتحسش في يوم انك ظلمت حد
او ظلمت نفسك لما اخترت البعد
المرار والحزن دوامه كبيره لزم نحاول نخرج بدل ماتفضل تسحب من عمرنا

وطول ما الاحساس لسه حي
يبقى الامل في الخروج
كبير

تحياتي يا فندم

الدمعه يقول...

السلام عليكم

انا جيت ارد الزيارة بس معلش متأخر شويه
بس انا فعلا ندمانه اني مجتش من زمان
المهم انت احساسك عالي اوي واسلوبك جميل جدا

تعبير جميل عن تمرد المحب المخدوع
وظفت الكلمات في اماكنها

ما شاء الله
تقبل تحياتي

Ert3ashat يقول...

شعرك رائع
احساسك صادق
يمكن اكون كتبت حاجات قريبه منه
بس شعرك اجمل اكيد :)

عجبتني اوي ديه
ارف الاغاني اللي كتبتها كانت لمين



لانسان كان عايش في خيالي الحزين



صحيت من حلمي وعرفت انا فين



الدنيا مسرح واحنا فيها ممثلين

شمعة أمـــــل يقول...

كلامك حلو اوى وحساس
احييك على البوست الهايل ده

رينـــــــــــا يقول...

هو واضح من اسمك ماشاء الله ان الاحساس عالى اوى
اهنيك على اختيارك لاسمك اولا
بالنسبه للبوست
فنان ماشاء الله
لو اتعملت اغنيه هتكون جميله اوى
تقبل تحياتى

gohayna يقول...

ايه يا بني دا

كميه قسوه ومرار في كلامك رهيبه بصراحه

بس جميله جدا جدا برضه

اتمنالك حياه سعيده وقلب يفرح دايما ويكون علي طول مليان بحب سعيد وجديد وحياه مليانه وفاء ةاخلاص

قول امين بقي

تحياتي

Hadota ... حدوتة يقول...

احييك جدا على البوست دا
واحلى حاجة فيه قوته
وارادتك فى اتخا القرار
الحكاية دى ناس كتير بتعيش فيهال ومش بتقدر تاخد قرار

لازم تحب الاول بعقلك وبعد كده تسيب لقلبك العنان عشان قلبك ميتعبش

تحياااتى
:)

غير معرف يقول...

كلامك ياحسام قمه في الروعه والجمال
وبصراحه انك تسيب حبيبك دا بس قراره صعب وطبعا التنفيذ اصعب

mimi يقول...

وصعبت على نفسي من اللى جراري
الحتة دي عجبتني ووجعتني قوي
اتمنى تخرج من الحالة دي بسرعة علشان واضح ان قلبك مجروح
حدوتة بتقول حب بعقلك الاول كنت عايزة ارد بعد اذنك واقول لما القلب بيحب مش بيسأل العقل
الحب حالة مش ممكن العقل يكون له دور فيها
احييك على البوست وفعلا ينفع اغنية
تحياتي

ريـــانه يقول...
أزال أحد مشرفي المدونة هذا التعليق.
ريـــانه يقول...

احساسك عالي

أحسنت القرار

تحيتي لك

قلبى يهذى يقول...

ثبتك الله على قرارك ان كان فى صالحك

احساس لسه حى يقول...

عزيزتى
klmat
تفتكرى القرار كان قرار الكاتب ولا قرار المكتوب له الكلام
سلا

احساس لسه حى يقول...
أزال المؤلف هذا التعليق.
احساس لسه حى يقول...

عزيزتى
linda
مفيش قرار صعب لو كان الانسان مقتنع بية وحابب ينفذه
سلام

احساس لسه حى يقول...

عزيزتى
ايوية
لو كان حبيب بجد يبقا قرار غبى
الحبيب لا يبتعد عنة مهما حدث المهم يكون حبيب بجد مش زائف
سلاام

احساس لسه حى يقول...

عزيزتى
شيماء الجيزى
مش لازم يكون انا اللى احترمت القرار ده يمكن دعوه لللى محتاجين يعملوا القرار ده لازم يعملوه
هيتعبوا يمكن بس ده الصح
سلام

احساس لسه حى يقول...

عزيزى
Ali
دنيا زى ما هى ومش هتتغير
اللى بيتغير اللى حوليه فى دنيتى بس دنيتى مش هتتغير
سلاااااام

احساس لسه حى يقول...

عزيزتى
وينكى
ايه الجامده حددى القرار ولا المكتوب ولاأيه يا معلمة
ما تنسيش تقولى حصل ايه فى التجمع
بس انا سامح انكم هتترقبوا
سلاااام

احساس لسه حى يقول...

عزيزتى الغالية
محض روح
انا بس هقول شئ فى قرار الفراق ده
مفيش شئ اسمه تدريج
لان القرار ده المفروض ما يتاخدش الا بعد ما نحس بجد
انه الحل الاخير
ودايمن المراه والحزن مش على اللى راح على المشاعر الحلوه اللى اخدها اللى راح ومكنش يستحقها
سلام يا أفندم

احساس لسه حى يقول...

عزيزتى
الدمعه
وعليكم السلام ورحمة الله وبركاتة
رديتى الزياره ونورتى ومفيش شئ فاتك كله مكتوب وموجود ولسه جوايا حاجات كتيره يا رب تعجبك
شكرا على كلامك
ومفيش تمرد بيكون
دى انتفاضة وثوره
ممكن تعيش وتكمل وممكن تنهار وتموت
دايمن قرارتنا بتكون وقتية
سلام

احساس لسه حى يقول...

عزيزتى
Ert3ashat
انا شوفت اللى كتبتيه و انتى متواضعه اوى بسكويس انها عجبتك
اه الجمله دى اقصد بيها الخيال اللى بنحب بيه ومش بنكون حسين بالواقع
شكرا ليكى
سلام

احساس لسه حى يقول...

عزيزتى
شمعة أمـــــل
هو يمكن حلو لانى بجد بحس باللى بكتبة وجواه معانى كتير جوايا
سلاااام

احساس لسه حى يقول...

عزيزتى
رينـــــــــــا
الاسامى مش دايمن بتدل على اللى وراها
اتمنا يكون بجد لسه حى
لانى بخنونقه وبيخنقنى
واللى هيموت التانى مين معرفش
يمكن يحصل سلام
سلاااااام

احساس لسه حى يقول...

عزيزتى
gohayna
أمين....أمين يا رب العالمين
ممكن يكون جواها مراره لاكن قسوه لا
انا عارف نفسى لا اعرف القسوه
احب العدل فقط
سلاااااااام

احساس لسه حى يقول...

عزيزتى
Hadota .. حدوتة
القرارا سهله وتنفذها سهل لاكن استمرارية القرار دى القوة بجد
انا محبش اخد قرار وارجع فيه
علشان كده قراراتى متانيه وحاسمه
بس خدى بالك انا محبش
ودايمن بيحصل اللى مش بحبه ده
سلاااام

احساس لسه حى يقول...

عزيزتى
عبير
انا عمرى ما اسيب حبيبتى وروحى وعمرى
لاكن اسيب النسخة المزيفة منها
سلاااام

احساس لسه حى يقول...

عزيزتى
mimi
اه صعبت على نفسى كتير اوى
من حاجات كتير اوى
والحب مش اختيار قلب بس ولا عقل بس اختيار حاجات كتير عرفنها ومش عرفنها
اه مش بايدينا نختار من نحب
بس بايدينا نسيب من نظن اننا حبناه
سلام

احساس لسه حى يقول...

عزيزتى
ريـــانه
الله اعلم مش دائما عيونا بتشوف الصح
لاكنه قرار واللى ياخد قرار لازم يتحملة بكل ما بيه من اوجاع
سلااام

احساس لسه حى يقول...

عزيزتى
قلبى يهذى
ثبت الله كل انسان على قراره لو كان فى صالحة لاكن الثبات على القرار زى مارسك الجمر اذا كان قرار يخص القلب والا حساس
سلاااام

محض روح يقول...

كتير بيصعب علينا نفسنى
بس اكيد احنا وقتها كنا مبسوطين واحنا بندي مشاعر حلوه كتير من حب واهتمام
مبعنى احنا كنا حبين ده
ويمكن صعب حد يندم على شئ كان بيحب يعمله
حتى لو كانت النتيجه
مكنتش تستحق
فهمني يمكن من مبداء سعاده العطاء

ماتعترضش زي العاده
:)

تحياتي يافندم

حواء يقول...

قرار البعد ده اصعب قرار وبيجرح اوى بس يا ريت نقدر عليه ... تحياتى

احساس لسه حى يقول...

عزيزتى
محض روح
هعترض زى العادة
لان انا شايف ان اللى ياخد ميديش يبقا ميستحقش اى ذكرى حلوه حتى
اه كنا مبسوطين زى اللى بياخد مخدرات ومبسوط وهو بيعمل كده تفتكرى لما يفتكر هيكون مبسوط برضوا
انا شايف الندم هو الاصح
تحياتى يا افندم
ومش لازم نتفق دائما
ولا اتفقنا كده
سلام

احساس لسه حى يقول...

عزيزتى
bocycat
صح قرار صعب بس مين يقدر عليه
انا عن نفسى لو اخدته هقدر علية
بس هتوجع وانا صامد
سلام

Unknown يقول...

احيانا بناخد قرارات على ورق
اتمنى يكون قرار على ورق الحياه

احساسك هايل وتعبيرك فريد

بهنيك

Doaa Ebrahim Aaql يقول...

قرار منطقى
بنضطر ناخده حتى لو مش مقتنعين بيه

كلام جميل وصل لى بإحساسك الرائع

تحياتى

احساس لسه حى يقول...

عزيزى
احلام ضايعة
دائما ناخد القرارات على ورق
بس مع الحبايب بس
شكرا على كلامك
سلام

احساس لسه حى يقول...

عزيزتى
princess dodo
القرار ممكن يكون منتطقى بس فى الحب
مفهوش منطق الغى المنطق فى حاجات كتير وامور كتير بين اللى بيحوا بعض
سلام

كلام من القلب يقول...
أزال المؤلف هذا التعليق.
كلام من القلب يقول...

حسام باشا انااول مرة اعلق عندك بأسمي الجديد ده ويافرحتي بقى وانا بعلق على موضوع انت فاهم هو ايه بالنسبالي وطبعاانا ليا الشرف ان يكون الموضوع دهانااول واحدة شوفته وكان ليا،اعترف للناس انه لياانابقى ليا لوحدي وانك كتبته ليا
كلامك ده كان زمان بيوجعني بس كنت بكدب الأحساس ده دلوقتي حقولك خبر حلو اوي اني لما قريته دلوقتي احساسي اختلف تماما مابقتش حساه يمكن كنت زمان حساه عشان يستاهل دلوقتي الحد ده مبقاش ليه وجود جوايااصلا فالكلام بقى مجرد كلام حلو اوي اوي واحساسك حلو اوي فيه اكتر من كده لأ

احساس لسه حى يقول...

عزيزتى
كلام من القلب
تفتكرى لو كلام بياثر فينا بجد ممكن مع الزمن تاثيره يروح ولا احنا اللى بنحاول منحسش بيه لاننا لو بنحس نفس احساسنا اللى كنا عيشينه فى الاول هيأثر فينا بجد تانى وعاشر
لازم تسيحى انى كتبته ليكى
سلاااااااام

غير معرف يقول...

كلام جميل كله بيعبر عن معاناتى وكانى انا اللى بقوله وحقيقى القرار كان صعب مثل وصفك تمام
اهنيك على تعبيراتك واحساسك

احساس لسه حى يقول...

عزيزتى
أميره
يا قمر انا وانتى اتنين فى واد وانتى بتقوليه صح بس بطريقتك وباحساسك
انا عارف انتى فى مرحلة قرارات حاسمة
فكرىكويس قبل اى قرار
تحياتى يا افندم
سلام

مدوناتى واللى فيها أتفضلوا (حسام)

يا ..... عالم