الثلاثاء، 10 يوليو 2007

حب ولا عشق........(احساس بيجرى فى دمى)0



عاوز أقولك حاجه


ياريت تفهمينى


انتى بقيتى أحلى


حاجه فى عمرى وسنينى


أوعى تفكرى أن حبى حب عاشق


حبك أكتر من العشق بيدينى صدقينى


حاولت كتير أشيل حاجات ليكى جواية


كل ما اشيل يزيد ويكتر هواية

أحاول أنساكى ممكن بطول الفراق

ألاقى ببعدك بيزيد ليكى الأشتياق

عاوز أقولك حاجة

ياريت تفهمينى

أنتى بقيتى أحلى

حاجه فى عمرى وسنينى

أنتى مش عارفه أحساسى معاكى بيكون أيه

أحساسى مش قادر أوصفه ولا قادر لحد أحكيه

لو قولت بحبك بكون بضحك على نفسى

لو كان ده حب كان ممكن أقدر عليه

عاوز أقولك حاجه

ياريت تفهمينى

أنتى بقيتى أحلى

حاجه فى عمرى وسنينى

أوعى تقولى هيكون بينا يوم وداع

لما بتصور كده بحس بصداع بحس بضياع

بس مش خايف من اللى هتعمليه

أنتى ولا ترضى ليه الألم ولا الخداع

عاوز أقولك حاجه

ياريت تفهمينى

أنتى بقيتى أحلى

حاجه فى عمرى وسنينى

أنا عاوز أعمل معاكى اتفاق

أن الموت بينا بس يكون سبب الفراق

تقدرى توعدينى علشان تريحينى

أنا مريض بيكى وعدك هيكون الدواء

عاوز أقولك حاجه

ياريت تفهمينى

أنتى بقيتى أحلى

حاجه فى عمرى وسنينى

حملتك حمل فوق حمولك عارف

شيلتك همى اصل انا والله خايف

فهمانى وحسة فى أيه جواية

ولا اللى جوايه ده غلط ياحبيبى شايف

أوعى تفكرى أن حبى حب عاشق

حبك أكتر من العشق بيدينى صدقينى

هناك 22 تعليقًا:

محض روح يقول...

ممممممممممممم
ايه الرومانسيه ديه كلها
جميل اوي البوست

حاولت كتير أشيل حاجات ليكى جواية

كل ما اشيل يزيد ويكتر هواية
أحاول أنساكى ممكن بطول الفراق
ألاقى ببعدك بيزيد ليكى الأشتياق


الجزء ده حلو اوي
فعلا بيجي علينا وقت بنشيل حجات
علشان نحس بيها مع ناس بنحبهم


مستنيه الجزء التاني
حلو اللوك الجديد
بس مش عارفه كنت حبه الابيض هنا
على العموم التغير مطلوب

تحياتي يافندم

gohayna يقول...

يا سيدي علي الرزمانسيه الجميله دي

ايه دا

مختلفه عن مجموعه الاحاسيس الي قبلها

بجد ابدعت والله يا حسام

وبجد ربنا يهنيك يا سيدي

تسلم ايدك تححياتي

Hayam يقول...

ليه متوعدهاش انت؟
وتسيبلها حق الاختيار
وان سابتك ومشيت انت مش حتنهار
عشان حتعرف ان بحر الهوى غدار
وتعيش في الظلمة وسط النهار
ووقت متفوق يكون جرفك التيار
لبحر وشط تاني وتغير المسار
ووقتها بس حتحس ان حبك عمرو ماكان شعار ..
ودي قصة لكل الأعمار
مهما فات عليها زمن وتغيرت الأسماء والعناوين والخيارات
بتلف وترجع لنفس المشوار

linda يقول...

يابختها بهيك عضق وحب نادر بزمان الفراق والضياع


تحياتي ليك وليها

غير معرف يقول...

على فكرة كلام جامد اوى وحلو جدا ورومانسى مووووووووووووووت بامانة عجبنى اوى عمل رائع

غير معرف يقول...

جميله جميله جميله
فوق الوصف
منتهى الرقه والعذوبه

على فكره انا عامله تجمع بلوجرى جامد جدا بمناسبة نجاحى وتخرجى على خير
والتفاصيل على مدونتى الصغنونه..اللى من غير فذلكه

truelove يقول...

كلامات رقيقة واحساس عالي جدا للامام واتمني تنويرك في مدونتي

غير معرف يقول...

جميل جدا والبنت دى مش تستاهل ده كله وانت رومانسى جاد جدا جدا وكل المقاطع رومانسيه اوى
وحاول تنساها وهتلاقى احسن منها والى تستهلك

soso يقول...

اذيك ياحساااام
بجد كلامك حلو سعيدة انى عرفت مدونتك
حاسة انك من العائلة
اصلك موهوب
هههههههه
ربنا يكرمك

احساس لسه حى يقول...

عزيزتى
محض روح
شوية رومانسيه وشوية وجع كله جواية واللى معشتهوش شوفته وحسيت بيه
اما اللى بنشيله ساعات حاجات حلوه بنشلها علشان ننساهم من جمال حبهم لينا ومش قادرين نحبهم اكتر يا بنشيل من وحاشه اللى شوفناه منهم
سلام

احساس لسه حى يقول...

عزيزتى
gohayna
كتير على ابدعت دى انا مش حتى هاو انا بكتب حاجات حستها وبس
والاختلاف بيجى من اللخبطه اللى مليانى
شكرا وتحياتى
سلام

احساس لسه حى يقول...

عزيزتى
youma
جميل اللى بتكتبيه
وانا دايمن بمر عليكى اشوف ايه الجديد
بس احب اعرف رائيك
انتى كده هتخدى منى الجو خالص بشعرك وانا مش قد كده
سلام

احساس لسه حى يقول...

عزيزتى
linda
صحيح زمانا مليان فراق بين الاحبه بس يا ريت حبى اللى بتتكلمى عليه يكتمل لانى مش عارف اقول يا بختها الحلو ولا الوحش بيه
سلام

احساس لسه حى يقول...

عزيزتى
بافى
ياريت اكون بعرف اطلع كل اللى جوايا
مش عارف لحد دلوقتى
شكرا ليكى
سلام

احساس لسه حى يقول...

عزيزتى
وينكى
تلاته جميله بلاش الكرم الزايد ده كفاية جميلة واحده تفرحنى
ومن غيرها كفايه رائيك الصريح دايمن
انا مريت على مدونتك وهمر دايمن
سلام

احساس لسه حى يقول...

عزيزتى
truelove
يا ريت دايمن يعجبك كلامى ورائى
اتمنا اكون للامام فى الصالح يارب
بمر على مدونتك بس للاسف مش بنور انتى مش محتاجه نور على نورك
سلام

احساس لسه حى يقول...

عزيزتى
Anonymous
انتى فهمتى كلامى غلط دى تستاهل احسن منى بكتير وانا مش هنساها ولو فى احسن منها مش هشوفهم احسن منها
سلام

احساس لسه حى يقول...

عزيزتى
soso
الحمد الله انك عرفتى مدونتى علشان رائيك الجميل ده بس اى عائله تقصدى بس بدل عائله يبقا محبه والمحبه دايمن جوايا لاى انسان يعرف معنى المحبه
سلام

sally يقول...

first the name of the peom its too great.
secand u are different ur feeling and the way u saying ur feeling.
third continues like that and u will find ur self without pain.
its too great.

غير معرف يقول...

الله على الاحساس
اية دة يا بني وبتقول بكتب على قدي

احساسك رائع واسلوبك جميل

انا كتبتلك الكومنت في البوست دة عشان عجبني اوي

احساس لسه حى يقول...

عزيزتى
sally
انا اللى بكتبه بحسه يعنى مش بحدد بكتب ازاى وباى طريقه
شكرا على ردك
سلااااام

احساس لسه حى يقول...

عزيزتى
لولا
متشكر على الكلام ده واحساسى زى اى انسان بس يمكن بعرف اخرجه شويه بس برضوا على ادى خالص
بس ده عجبك الاولانى معجبكيش فرديتى هنا
ولا يهمك احسن الاداء المره الجيه
سلام

مدوناتى واللى فيها أتفضلوا (حسام)

يا ..... عالم