الخميس، 13 سبتمبر 2007

ميهمنيش وداع...........(حب بلا انكسار)0

جميل الحب اوى


لما يكون بيعزنا


ويبقا مسمهوش حب


اللى فى يوم يذلنا


حتى لو سمناه حب





وداع يا حبيبى وداع


انا مش هقولها لا هقولها


وانا بفتكر حبى اللى ضاع


فى كلمه وداع


*

نسيت انتا نسيت ايام هنانا


نسيت والله شوقنا فى لقانا


نسيت حب فضل يكبر جوانا


اما انا عمرى ما هنسا


حبى اللى ضاع


فى كلمه وداع




بتحبنى كنت تقولها


كان لسانك سهل يقولها


اسمعها تدخل على طول فؤادى


اسمعها اتمنا تقولها تانى


بتحبنى بتحبنى ليه دلوقتى بياعها


*


انا بفتكر ايامى اللى عشتها فى هواك


وبفتكر احلام رسمتها وياك


وبفتكر اد ايه صدقت


انى هعيش عمرى كله فى سماك


فوقتنى لما بسهوله


بعتنى ودعتنى


ضيعت حبى بكلمه وداع


دلوقتى اعمل ايه بعد الوداع


هفكر فيك تانى


فى القلب اللى باع


*


(لازم وقفه مع النفس وتفكير)




*


لا لا كفايه على كده عذاب


خلاص احساسى اتولد من تانى شجاع


اخيرا يا دنيا هعرف اتخلص من قيودى


هروح لحبيبى ادافع عن وجودى


هسيبله ورقه مكتوب عليها


كلمه


مبقتيش انتا بس امالى وحدودى

هناك 56 تعليقًا:

Salma يقول...

عجبتني وقفه مع النفس

عجبني وقتها لما جت قبل البكا والحزن عالجرح اللي فات

مهما كان الحب مبين اتنين ومهما كانت علاقتهم لازم فيوم تكسرهم ظروفهم ويتحول الحب ده على اده جرح

فى القلب يقول...

أنا بستعجب جدا لأى حبيبين بيحبو بعض بصدق
الموضوع بينتهى ليه
ميحربو الظروف
أه و اللهى الظروف بتتحارب وبيتغلب عليها
للعايز
بس فيه محبين بيختارو الطريق السهل

أزاى أى بنت فى الدنيا تلاقى الحب الحقيقى من رجل حساس و تسيبه

دى مش قادره أستوعبها ألى الأن


عموما عجبنى موقف البطل هنا

أنه أخذ و قفه للتفكير لأنه بكده فعلا قوى ودى من سمات الرجوله

Unknown يقول...

حافكر فيك تانى فى القلب الى باع
مش البيت ده بس القصيدة كلها جميلة يا احساس
كل سنة و انت طيب :)

حواء يقول...

كل سنة وانت طيب رمضان كريم

R.O.U.R.O.U. يقول...

27sask ra23


bs ana msh 3rfa lih 3ndy yakeen be7aga 3'reba awy

2n 2l 7ob 2l 7a2y2y 3omra mabyede3


yup i'm sure :D

kalamk bgd to7fa kal 3ada

kol sana we 2nta tyb

شباب روش طحن يقول...

إحساس عالي أجمل ما فيه التدرج لو أنت ألي كاتب الكلمات دي أقدر اقول ان ده يعتبر أسلوب جديد في الشعر الرومانسي علي الأقل جديد عليا وليستمر الحب حتي لو ودعنا المحبوب


كل عام وأنت بخير

sahr يقول...

كل سنة وانت طيب
كلامك حلو اوي وبيوجع اوي اوي
بعد الوقفة مع النفس والتفكير هارجع اشتكي لربنا وهو يجيبلي حقي وفي نفس الوقت هارجع مع نفسي اقوى من هواه وهو خارج عن حياتي يعني خلاص انتهت هاعيش انا بجرحي اداويه وهو ربنا يعينه على نفسه والجرح اللي من بكرة هيجيله
تحياتي

ياسر مدني ...دينامو الإخوان يقول...

أدعوكم للمشاركه في فوازير رمضان اليوميه
عباره عن خلق وصحابي بطريقه شعريه للشاعر وليد الرفشي
وكل ليله سؤال ممكن تجاوبوا عليه خلال عشر أيام

يعني ممكن تلحقوا الفوازير اللي فاتتكوا

shahy يقول...

انا كنت جاية اشكرك على تعليقك الجميل ابو دم خفيف اللي علقتة عندي
لقيتك كاتب كلام كبيررررررر قوي


جميل الحب اوى




لما يكون بيعزنا



ويبقا مسمهوش حب



اللى فى يوم يذلنا



حتى لو سمناه حب

كلام مفيش بعدة كلام

حقيقي انا احترت في امرك
ساعات كتير بحس انك حزين وحبك ضايع منك

وساعات تانية بحس انك غرقان في الحب

مش عارفة

المهم اني فعلا بحس بكلامك جدا وبيدخل القلب على طول لانة دايما مليان احساس لسة حي قوي

تحياتي

sahr يقول...

السلام عليكم
كل سنة وانت طيب
متشكرة على زيارتك ومستنياك تغير رأيك وتشاركني في المسابقة
ورمضان كريم

šσяšαяαα يقول...

أسأل الله لكم فى شهر رمضان حسنات تتكاثر وذنوب تتناثر وهموم تتطاير وأن يجعل بسمتكم سعادة وصمتكم عبادة وخاتمتكم شهادة ورزقكم فى زيادة..أدعو الله أن يتقبل منا و منكم الصيام و القيام وصالح الأعمال

محض روح يقول...

بلا مجامله الحساس لسه حي
اكيد هعدي اقراء الي فات في يوم
كنت احبه اعدي اسلم وكل سنه وانتم طيبين
:)
رمضان كريم

NeRmeeN يقول...

كل سنة وانت طيب يا حسام ...وميرسى على مرورك عندى فى المدونة
ساعات فى وسط سطور اشعارك....بترزع كام جملة كده :ي بحس انها حقيقية اوى و بتاثر فيا جدا

وبناء على كلامك قبل كده ...انك قلت ان مش شرط انك تكون عشت الحاجات دى قبل كده...مجرد انت بتحط نفسك مكان اللى عايش الموضوع ...بس فعلا كلامك بيطلع معبر اوى ماشاء الله
عشان كده انا اتمنى اشوف اشعارك و تعبيراتك فى مواضيع تانية بجانب الرومانسى..نفسى اشوف تعبيراتك هتكون ازاى ؟؟
نفسى توصف حالة حد حاسس بالضياع و (التوهان) وانه مش عارفة فى ايه ولا هيعمل ايه ولا عمل ايه :ي

دى مجرد افكار مساعدة

تحياتى ليك يا شاعر يا كبييير

طارق هلال يقول...

مش عارف ليه حاسس انك ظالمها
يمكن رغم كلامك اللى بيحاكمها
الا ان قلبك لسه بيدافع عنها

يبقى كل الكلام ده بتقوله لقلبك
واللى مستنى يسمع صوتها مرة تانية

الموضوع مش هيتحل بالانتقام
الموضوع يتحل بأنك تبدأ تبنى عقلك ومشاعرك بعيد عن تجربتك اللى عدت
واللى مش هاتقدر تنساه ادفنه تحت انشغالات أخرى


ملحوظة أخيرة

برضه لسه مش باعرف أعيش احساسك بالكامل والسبب قلته قبل كده

عين ضيقة يقول...

كل سنة وانت طيب

البوست طويل جدا
والصور جميلة جدا


رمضان كرييييم

sahr يقول...

انا جايه اعزمك عندي في المدونه اتفضل شرفني

غير معرف يقول...

بيان هام جداااااااا
تابعوا أحداث الافطار الرمضانى الجامد جدا مع خالد الصاوى فى الساقيه
والتفاصيل على مدونتى الصغنونه
وماحدش يتأخر

Ert3ashat يقول...

جميل...الفكره نفسها حلوه...

استمر :)

البنت الشلبية يقول...

لازم وقفه مع النفس وتفكير)

عندك حق كتير بنحتاج نعمل وقفة مع النفس بس لما نقرر حاجة ياريت نعملها بجد وتبقى عندنا الشجاعة ننف> كل القرارات الى خدناها

فراشة يقول...

انت انسان كثلة من الاحساس
تحب
و تتألم لفراق الحبيب
بس الحب كده
يوم عشق و غرام
و يوم شوق و حرمان
الله يعينك

قلبى يهذى يقول...

السلام عليكم
جميــــــــل اوى الشعر دا
تسلم ايدك
-------------------------
بشكرك جدا على اهتمامك وسؤالك الدائم ربنا يكرمك
كانت ظروفى صعبه والحمد لله عدت على خير
ربنا يكرمك يارب

Unknown يقول...

ايه يا عم الاحساس ده كلو كلامك جميل اوي و احساسك عالي هاستنا الجديد

سهر الليالى يقول...

البوست حلو بجد تسلم ايدك والوفقه مع النفس ضروريه جدا فى الحاله دى فعلا ومن غير مجامله عجبنى اوى
تحياتى

Doaa Ebrahim Aaql يقول...

شايفه ان الموضوع مش محتاج تفكير
احب او لا احب
اتحمل او لا اتحمل

ده رأيي
***

موضوع جميل ياحسام

تحياتى

mthlykaweyy يقول...

هاى
ازيك عامل ايه
انا مثلى قوى قرات مقالك وعجبنى بجد
انت ذو عقليه وتفكير جميل

اسمحلى اعرفك بنفسى انا من المثليين العربولدت فى مجتمع ينبذ المثليين ويعاديهم ويكرهم على شىء ليس باديهم

فى جين ان كل العالم المتحضر اعترف بالمثليه

اكبر صريحين علميين فى العالم كله اعترفوا بعد الدرسات العلميه ان المثليه امر طبيعى والذى بهم معظم اطباء وعلماء العالم وذلك بعد الدرسات

بجانب الدرسات العلميه الحديثه التى اجريت على الحيونات والحشرات ايضا
ووجدت ان المثليه امر طبيعى وعادى

ولكن كما تعلم فى بلادنا الشيوخ هم علماء ويفسروا القرءان حسب ما هم مقتنعون به فاخلطوا بين اللواط والمثليه

والعلم اثبت اختلاف الهيوبلاتومس وهى المنطقه الموجوده للدماغ للمثليين عن المغايرين

العيب فى الشيوخ وليس فى الدين
كما سبق وان فسروا سابقا ايه فى القرءان على ان الارض بيضاويه وظلوا نصف قرن يعتقدون هذا وكل الناس تناضل من اجل رايهم الى ان اتى العلم واثبت انها كرويه

وبعدها ادركوا انهم اخطاوا

علاوه عن المجتمع الذى يمارس الكراهيه والنبذ ومعاده المثليين

انا فاكر كويس كل يوم
كنت بقعد بليل وافتكر اى حد قلى كلمه جرحتنى فى المدونه
وابكى طول الليل وكنت اشعر بالحزن جدا
بجد نفسنا كلنا نحب بعض بدون كراهبه او ضغينه

ما اردت ان اقوله لك اننا نمد ايدينا اليك بكل الحب والصداقه
واريد ان نكون اصدقائكم

انا هعطيك اميلى
h_h6497@yahoo.com

ممكن تضفنى وتكلمنى
هنتظرك

وعلى فكره بجد انت مدونتك حلوه وعجبانى
مووووووت جدا بجد انت تفكيرك جميل اوى جدا
سانتظرك تاتى مدونتى
وتضيف اميلى

هتوحشنى جدا
باى باى

28 سبتمبر, 2007 12:47 م

ملحوظه انتم كلكم مدعوون الى مدونتى لمن يريد ان يعرف ما هى المثليه

ومن يريد صداقتى فالاميل تركته فى الاعلى فليضيفه وبكلمنى على المسنجر
بس هستناك انت بالخصوص
باىباى

احساس لسه حى يقول...

عزيزتى
Lama
شوفى مهما كنتى بتحبى اوى لازم فى وقت تقولى لنفسك كفايه لازم اقف مع نفسى واراجع علاقتى
ساعة الحب بيخدنا بحلاوته ومنشوفش حاجات كتير بتوجعنا جواه
تحياتى
سلام

احساس لسه حى يقول...

عزيزتى
فى القلب
شوفى لو بيحبوا بعض بجد مش هيسيبوا بعض بالتاكيد حبهم ناقصوا شئ
وما اطنش ان البنت لما بتحب تتنازل عن حبها بسهوله الرجل ممكن فى حاجات مهمه عنده زى الحب
اللى بتسيب رجل بتحبه بيكون حبها نصف حب ربع حب
المراه حبها اكبر من الرجل بكتير دائما
على العمو انا كمان مش مستوعب اى حد يحب ويتحب ولاى سبب يسيب البلى بيحبه لان لو شئ مختلفين فيه يتفقوا على حاجه بينهم بقوة الحب
تحياتى يا قمر وسعيد بوجودك
سلام

احساس لسه حى يقول...

عزيزتى
عاليا حليم
اه هى بتسال نفسها وعقلها تفكر تانى فى القلب اللى باع المفروض العين بالعين واللى يبيع ينباع
شكرا على كلامك
وزيارتك وفطارك
سلام

احساس لسه حى يقول...

عزيزتى
bocycat
وانتى طيبه
بس انتى كنتى مستعجله اوى باين
كنتى اتمنا الاقى تعلق على البوست
سلام

احساس لسه حى يقول...

عزيزتى
R.O.U.R.O.U
كل سنه وانتى طيبه
الحب الحقيقى عمره ما بيضع صح
بس هو فين الحب الحقيقى
اظن مبقاش الحب الموجود حب حقيقى دلوقتى
كل الاحاسيس دلوقتى خادعه ومش حقيقيه
شكرا على وجودك
سلام

احساس لسه حى يقول...

عزيزى
شباب روش طحن
انا اللى كاتب الكلمات دى
وشكرا على كلامك الكبير ده
صحيح انا معاك لو ودعنا محبوب نستنا الحب الاكبر والاجمل
سلام

احساس لسه حى يقول...

عزيزتى
sahr
هو اى فراق او وداع بيوجع اوى
كلنا بنشضتكى لربنا
بس لازم نعمل اللى قال عليه ربنا اننا دايمن يكون عندنا امل فى بكره ورحمته
واى ضربه مهما توجعنا لازم برضوا تقوينا
ومعاكى حق اللى جرح انسان بكرهع هينجرح جرح اكبر من انسان تانى
تحياتى
سلام

احساس لسه حى يقول...

عزيزى
ياسر مدني ...دينامو الإخوان
شكرا على الزياره الدعائيه دى
تحياتى
سلام

احساس لسه حى يقول...

عزيزتى
shahy
انا دايمن بمر عليكى
شوفى اللى بيحب زى ما بيغرق فى الحب بيغرق دايمن فى اوجاعه
وانتى عارفه اوجاع الحب كتير ومتنوعه
مبقاش فى \شئ سهل فى البلد دى
حتى الحب بقه كله اشواك
وانتى دايمن بتسعدينى بكلامك
وتعليقك عندى مهم جدالسعاده روحى
تحياتى
سلام يا افندم

احساس لسه حى يقول...

عزيزتى
sahr
الزياره واجب
اما المسابقه صعب جدا
المره الجيه لو لينا عمر
سلام

احساس لسه حى يقول...

عزيزتى
ŞoŖśậŖấầ
يارب انتى وانا وكل المسلمين جميعا
احيكى
سلام

احساس لسه حى يقول...

عزيزتى
محض روح
ياب يخليكى ودايمن بخير مبحبش احط بوست جديد الا لما تعلقى
بس بضطر لما تغيبى
شكرا على كلامك ومرورك
سلام يا افندم
تحياتى

احساس لسه حى يقول...

عزيزتى
NeRmeeN
وانتى طيبه يارب دايمن
وشكرا على كلام الجميل الكريم معايا اوووووووووى
اما المواضيع اللى طلبتيها دى انا كاتب حاجات قريبه اسمها اوجاع مدفونه
اتمنا ترجعى تقريها والبوست الجاى برضوا بقيه الاوجاع
شكرا على نصحتك واهتمامك
تحياتى يا باشا
سلام

احساس لسه حى يقول...
أزال المؤلف هذا التعليق.
احساس لسه حى يقول...

عزيزى
Arabic ID
هو مش انتقام
ده صبر وزهق ووقفه مع النفس
اكيد محدش بيكون عارف مين الغلطان كله ليه احساسه ورائيه
وانا بحط راى ونظرتى
صعب تحس وتعيش احساسى بالكامل لان جوه الكلام كلام انا بس اللى هحسه
تحياتى
سلام

احساس لسه حى يقول...

عزيزتى
عين ضيقة
وانتى طيبه دائما
هو مش طويل بصراحه
بس رائيك فين
اتمنا رائيك دايمن تقوليه
حتى لو كان طويل
سلام

احساس لسه حى يقول...

عزيزتى
sahr
من غير عزومه دايمن همر
هحاول ان شاء الله دايمن
سلام

احساس لسه حى يقول...

عزيزتى
وينكى
شكرا على مرورك
والاعلان الهام
وصعب اجى خيرها فى غيرها
سلام

احساس لسه حى يقول...

عزيزى
Ert3ashat
الف6كره دى قديمه من الازل
تقصد العرض عجبك صح
شكرا على مرورك
سلام

احساس لسه حى يقول...

عزيزتى
البنت الشلبية
اهم من الوقفه اننا نكون ادها ساعات بنقف مع نفسنا ونعرف الصح ومنعملهوش
تحياتى سلام

احساس لسه حى يقول...

عزيزتى
butterfly
شكرا على كلام الجميل ده بس ياريت اوصل نصف اللى جوايا لان جوايا كتير
معاكى حق انتى وام كلثوب الحب كده
نار وعذاب و....ومن ده وده
تحياتى
سلام

احساس لسه حى يقول...

عزيزتى
قلبى يهذى
متشكر يا قمر على كلامك
السؤال واجب على بس الواجحب عليكى تردى على اللى بيسالوا عنك
بتعليق فى البلوج بتاعك
اتمنا اشوفه ردك قريبك
تحياتى
واتمنا تكونى بخير
سلام

احساس لسه حى يقول...

عزيزتى
EmY
بعض ما عندكم يا افندم
اتمنا الجديد يعجبك
هو القديم عجب
ده سؤال بس
تحياتى
سلام

احساس لسه حى يقول...

عزيزتى
سهر الليالى
شكرا على رائيك
وصح الوقفه دايمن فى كل شئ
اتمنا دائما يعجبك اللى بكتبه
شكرا على مرورك
سلام

احساس لسه حى يقول...

عزيزتى
princess dodo
ايه الحسم ده
يا ابيض ياغ اسود انتى متحبيش الرمادى
بس الاغلبيه ميعرفوش كده فى الحب
بس معاكى حق
شكرا على مرورك وبلاش الغيبه دى
سلام

احساس لسه حى يقول...

عزيزى
mthlykaweyy
الموضوع محسوم دينيا انا شايف كده
انا ضفتك عندىاحب اعرف منك الفرق بين اللواط والمثليه الذكورية
شكرا على مرورك
سلام

"Gay Boy" Weekly (Blogger Ricky) يقول...

كلام قوي ومؤثر، انا استغرب ليش اثنين بينهم هذا الكم من الحب والشوق ويفترقوا بالنهاية

الحب يعطيك اجمل احساس، وممكن يحطم فيك كل مافيك

احساس لسه حى يقول...

عزيزى
"Gay Boy" Weekly
اسباب كتيرة اوى تفرق بين الاحبة
واكبر الاسباب انهم مش بيحبوا بعض بجد
ساعات الحب بيكون احساسه كداب او وهمى
وساعات الظروف الماديه او اى سبب
بس اللى معندهمش اى ظروف تمنعهم من الارتباط وميرتبطوش
اكيد حبهم مش حقيقى
تحياتى يا افندم
سلاااااااااام

مشمش يقول...

مش عرفة اقولك اية بس الاولاني غلط وضيعك ولازم يستحمل والتاني ملوش ذنب تسيبة لية عشان حب قديم لازم تصمم وتسمع لعقلك مدام قلبك محتار

احساس لسه حى يقول...

عزيزتى
مشمش
اكيد اللى يضيع حب صادق يستحمل فراقه لانه ميستهلهوش

واكيد اى حب جديد لازم لو حقيقى لازم نديله فرصة يكبر

محدش بيسمع لعقله بس لازم قلبه يحركه شويه بس الجدع اللى يخلى قلبه يعمل الصح حتى لو كان هيسببله وجع

تحياتى
سلام

غير معرف يقول...

Sweet blog! I found it while searching on Yahoo News.
Do you have any suggestions on how to get listed in Yahoo News?
I've been trying for a while but I never seem to get there! Cheers

Take a look at my web-site - pc

مدوناتى واللى فيها أتفضلوا (حسام)

يا ..... عالم