السبت، 30 أغسطس 2008

حاجات .....ليها ولية وللدنيا ...بحبها ووحشانى .....أغنية ....صوررر


الاغنية

الاغنية كئيبه اوى بس حلوة وعجبانى


هى اه مقفله ومضلمة شويه بس مش لدرجة الضباب


هيطير ويعيش


جربت اطير بجناحى مطيرنيش


قولت اقصه قلبى مطوعنيش


فضلت عايش يا خسارة بجناح ميت


والقلب حى نفسه مره يطير ويعيش



ليـــها


قالولى نار البعد مسيرها تنطفى وتبرد


وانا مهما بعدت عنها نارى لا بتبرد


قالولى لو أشتدت الشمس مسيرها تغرب


وهى شمسى وعن عينى لابتغرب


قالولى لو جاء الربيع مسير الخريف يغضب


قلت الربيع ميبقاش ربيع الا معها للصبح للمغرب


جوايا


لما زهقت من الكلام كتبت كلام


اصالح بيه نفسى او ابدأ معها الخصام


اللى برايه مش زى اللى جوايه


واللى جواية أه وجراح وألام


بحبك


الف سبب خلونى أحبك


تعرفى منهم كام


قلبى يعرفهم كلهم


وقالى الالف دول كلهم


نقطة فى بحر حبك


لى انا


يا حس أيه يعجبك


الجاى ولا اللى فات


قلت اللى فات كان كله أهات


قالولى شوف اللى جاى


دموع وحزن وضى


وكل فرحة بعدها أى


قولت اختار الماضى


لقيت الاختيار فات



فرحة ناقصة


يا دنيا ليه أنا عايش فى مر


أيام تمر


مستنيها تعدى على حلوه


تعدى فرحه


بعدها شر


ليــــها


انتى حبى


ولا امى


ولا عشقى


انتى حضن


مدفى حضنى


انتى ميه


بتروى عطشى


انتى صورة


اشوفها ابكى


انتى عارفه انتى ايه


روحى قلبى


مستنى


ياليل ليه علينا مضلم


فين قمرك يعدى علينا ويسلم


الغيبه طالت ومحتاجين شعاع من نور


مستنين بعد يوم ولا حتى شهور


ليـــها


محتاجك اوى بحبك

هناك 17 تعليقًا:

مؤمنه يقول...

السلام عليكم ورحمة الله وبركاته
الكلام مش هيكفى تعليقى عليه
حلو اوى اوى اوى اوى
كل عام وانت بخير والى الله اقرب وفى طاعته ادوم
ورمضان كريم عليك وعلينا
والسلام عليكم ورحمة الله وبركاته

Ehab يقول...

الكلمات أكثر من رائعة بالفعل يا ...

انت اسمك ايه صحيح :) ؟؟

أيا كان اسمك فاسم (( احساس لسه حي )) يناسبك الى حد كبير :)

ليست مجاملة ان ظننت ذلك ..

عموما استمر وسعيد بالفعل اني تعرفت على مدونتك الثالثه ..

تقبل خالص احترامي وتقديري

كيكى عوووووو يقول...

عووووووووووووووووووووو انا جيت اتخديت
..............................
انا دوخت يا راجل
ههههههههههههههههههههه
بجد والله اختيارك بجد رائعة
اكتررررررررررررر
حاجة اثرت فى
الاغنية الى مختارها لنفسك
صدقنى

*لازال الاختيار ممكن..مادام يملكك الامل*
تحبااااااااااااااتى
كل سنة وانت بخير
عووووووووووووووووووووو

ahmed_k يقول...

ليه الغيبه دي كلها يا حسام
إنتى ناوي تنزل بوست واحد كل شهر ونص

عموما ربنا يوفقك
وكل عام وأنتم بخير

رمضان كريم

Hossam يقول...

اولا بجد حرام عليك
انا كنت هعيط.اختيارك رائع بجد بس برده غم
انت غمتنى غم بجد اما اشوفك ليك بوسة اد كدةةةةةةةةةةة
ثانيا مش طيقك
ايوة مش طيقك عشان مبقتش تيجى تزرنى ومش قلتلى كل سنة وانت طيب
كل سنة وانت طيب يا حسام على اسمى طبعا
سلام

Unknown يقول...

انا كنت هاعيط من كتر الاحساس اللي في الكلام يارب بس يكون احساس صادق مش اي كلام و خلاص
اصل ساعات في مدونين بيكتبوا اي كلام كده و خلاص خصوصا الاولاد منهم يعني عشان يتعرفوا على البنات و يعملوا نفسهم رومانسين و مافيش زيهم
و بصراحة في الاخر بيطلعوا لا يعرفوا حاجه عن الرومانسية و لا الحب و لا اي حاجه

احساس لسه حى يقول...

عزيزتى
مؤمنة

وعليكم السلام ورحمة الله وبركاته
كل رمضان وانتى بخير ورمضان كريم

أشكرك على كلامك الجميل
وبجد انا كاتب البوست ده وانا فى حالة متلغبطة اوى
وكويس انه وصلك حاجات منه وعجبك

واتمنى دائما اكون فى طاعة ربنا ويرحمنا جميعا ويغفرلنا

شكرا على وجودك نورتينى

وعليكم السلام ورحمة الله وبركاته
تحياتى
سلااااااااااااااااااام

احساس لسه حى يقول...

عزيزى
Ehab

الكلمات دى حاسس بيها اوى وجوه الكلمات حاجات مكتبتهاش لانها كتيرة اوى

وأسمى حسام واحساس لسه حى شئ اتمناه يكون معايا وجوايا

وأظن انك مش بتجامل أظن كدة اظن انك حاسس باللى بكتبه

انا سعيد ان مدونتى الثالثة عجبتك برضوا اتمنى دايمن اللى بكتبه يعجبك

وشكرا على كلامك ورائيك

كل رمضان وانت بخير وطيب

تحياتى

سلااااااااااااام

احساس لسه حى يقول...

عزيزتى
كيكى

أنتى دايمن تحبى تخضى كده وتعملى رعب ده احنا فى رمضان حتى

دوختى ليه بس المدونة عنوانها سهل واى حد ممكن يوديكى ليها بسهولة

الاختيارات من موضوعات سابقه حبيت احطهم تانى لانهم عجبنى اوى

اما الاغنية كلماتها جميلة وعجبانى من زمان ولقيت انى محتاج احطها

والله الأمل ده هو اللى مخلينا نقدر نعيش ونحلم اننا هنعيش بجد فى يوم وربنا يكرمنا ويرحمنا برحمته

وكل سنة وانتى طيبة ورمضان كريم

برضوا رعب تانى انتى مش شايفه حالتى خليكى حنينه وبلاش رعب تانى

نورتينى
ااااااااااااااااااااااام

احساس لسه حى يقول...

عزيزى
ahmed_k

معاك حق بغيب شوية فى تنزيل كل بوست بس ظروف وحالة نفسية ربنا يريح البال

ومعلش انا مأثر معاك ومع غيرك

كل سنة وانت طيب ورمضان كريم

نورتنى يا باشا
سلااااااااااااااااااااااااااام

احساس لسه حى يقول...

عزيزى
Hossam

شوف يمكن انا كمان كنت ببكى وانا بكتب حاجات فيه لانى انا عارف كل كلمة كتبها ليه وحاسس بايه وانا بكتبها

الاختيارات بعضها من موضوعات سابقه بس كل شئ فيها مسنى اوى

ومعلش انا غميتك من كام الف حاجه بتغمك فى دنيتنا بس مش هغمك دايمن ان شاء الله ربنا يريحنا ويفرحنا كلنا

اما يا جميل موضوع الزيارة فده غصب عنى ظروف وانا مأثر مع كل الناس

وكل سنة وانت طيب ورمضان كريم عليك وعلى المسلمين جميعا

نورتنى
سلااااااااااااااااااااااااااام

احساس لسه حى يقول...

عزيزتى
simple

انتى كمان كنتى هتبكى بس صدقينى الكلام معبرش على اللى جوايا كله لانى جوايا كتير واللى كتبه كتبه باحساس وصدق مش كلام وخلاص طبعا

اكيد فى ناس ومدونين بتكتب حاجات مش جواهم علشان تدى طبع عنهم معين بس دول اللى بيحولوا يعملوا علاقات مع المدونيين ويتعرفوا عليهم فلازم يخلوا صورتهم جميلة ورقيقه

واكيد لو اتخدعنا فى كلام حد لو قربنا منه هنعرف حقيقته والكلام بيبان صدقه وكذبة برضوا من حاجات صغيرة ممكن نلمحها فى كلام اللى ادامنا

وحاولى دايمن ما تثقيش فى حد بسهولة بالذات فى زمانا ده

على العموم انا يهمنى ومفرحتى احساسك بالكلام وانى قدرت اوصلك حاجه من الوجع اللى جوايا

كل سنة وانتى طيبة ورمضان كريم

نورتينى
سلاااااااااااااااااااااااااام

elsa7era يقول...

حسام
كيفك
اية الكلام الجامد دة
انا كل مقرا كلامك تصعب عليا نفسى وأقعد اعيط
اصلك اكتر واحد بيفكرنى بنفسى
وبعدين الكل بيقول ان الواحد ممكن ينسا الى حبة بس انا شيفة ان صعب ننسا ناس عشنا معاهم
افضل حب علشان تفضل تكتب
سلام

ahmed_k يقول...

أسأل الله
أن يعطيك أطيب ما في الدنيا محبة الله
وأن يريك أفضل ما في الجنه رؤية الله
وأن يجمعك بأفضل خلقه رسول الله
وأن ينفعك بأنفع الكتب كتاب الله
وكل عام وأنتم بخير
عيد سعيد

فراشة يقول...

السلام عليكم

خروج من شرنقة
لكنه خروج مؤقت

لا لأقرأ كلماتكم

بل فقط لأطمئن عليكم
و أرى أحوالكم

و أعايدكم


بالطرابلسي و بالليبي


عيدكم مبروك


و من العايدين الفايزين إن شاء الله



سلامي

أحساس لسه حى...كلام من جوه روح لكل روح يقول...

عزيزتى
elsa7era

كويس يا جميل ازيك

الكلام طالع من قلبى وحاسس بيه اوى

معلش كلنا فى كلام بيمس شئ فينا

وبيخلينا نبكى

اه محدش بيحب بجد يعرف ينسا اللى بيحبه

بحاول افضل احب واعيش بحب

نورتينى يا جميل

تحياتى
سلام

دينا حامد يقول...

البوست عجبني
واكتر جزء حسيته وحبيته فيه هو الجزء ده

ليــــها
انتي حبي
ولا امي
ولا عشقي
انتي حضن
مدفي حضني
انتي ميه
بتروي عطشي
انتي صورة
اشوفها ابكي
اني عارفه انتي ايه
روحي قلبي

تحياتي

مدوناتى واللى فيها أتفضلوا (حسام)

يا ..... عالم