السبت، 11 أبريل 2009

أوراقى لسه عنها عناوينها عندى كان من غير صور..... لاكن مع جرحك بحبك منك لله ...روحى




17 تانى

فتحت أوراقى لقيت موبايلها


هو بتاعى أنا جواه رسايلها


ما ده اللى أتبقالى بعد طول ليلها


رسالة جوه موبيل وصورة واميلها

18

فتحت أوراقى لغيت كلام جواها


مش عاوز أفتكر كل لحظاتى معاها


نفسى أهرب من شبح حبى اللى راح


نفسى أعصر قلبى وأتخلص من هواها

19

فتحت أوراقى أدور على أمل وحل


مكنتش أعرف أن الحب دايمن يذل


نشوط كل الى يضايقنا



أما الحبيب


يدوس ويفضل جوه عينينا



فوق الكل

20

فتحت أوراقى أفتكر حلمنا بأيه مع بعض


حلمنا ببيت على القمر ماهش قبلانا الارض


أه جمعنا الهوى لاكنه نفيس وضعيف


محتاج مخالب تهبش محتاح أنياب للعض

21

فتحت أوراقى ادور عليكى يا قلبى وروحى


ليه هجرانى وسيبه نزيف فى جروحى


كان ممكن بكلمة تبعدى



بوجع من غير جرح


لاكن مع جرحك بحبك



منك لله روحى

هناك 29 تعليقًا:

فتــافيت (رحاب الخضري) يقول...

حلوووو اوي يا حسام بجد

تحفة وعجبتني اوي اخر كلمة منك لله روحي

اه بس دايمن .. تتكتب دايما مش بالنون

هو انت ليه حزين كده؟؟
طول مانت فاكر مش هاتنسى ولو نسيت مش هاتعرف تفتكر تاني

جرب تنسى علشان ترتاح .. لكن كده عذاب بجد .. نصيحة مش اكتر

عيش حياتك وماتبصش للي راح .. ببساطة لانه راااااااااااااح ومش راجع

دور على حياة جديدة عشها بفرحها وجرحها وانسى اللي راح كله واستنى الجديد

اللي جاي احلى من اللي راح .. ربنا ما بيضيعش الحلو ابد .. ربنا بياخد ويخلف بالاحسن

احساس لسه حى يقول...

عزيزتى
فتافيت

شكرا يا افندم انتى الاجمل

وأكيد كلنا مننا لله ودى مش دعوة عليها دى ليها

دايمن ممكن تنكتب بالنون برضوا
وهى اصلها دائما وبينى وبينك انا لغتى العربية فيها اخطاء كتير كشعر

بس انا بكتب اللى حسه

ومش بقول انى شاعر ده احساسى يعنى عدى الاخطاء لو بسيطة خليكى جدعة

شوفى يا فتافيت انتى فى الشعر كام لحظة حزن بتمرى بيها ممكن يكون 10 او 50 او 100 لحظات خزن متنوعة

انا بقه لو بمر بميت لحظة حزن فى الشهر وده طبيعى فى رأى ممكن اكتب 10 حاجات منها وبعرضها

لان الحزن بيحفزنى اكتب عن الفرح

بس انا مش حزين اوى الحمد الله

بس هى لحظات حزن بخرجها بس ويمكن ده بيريحنى وبيخرج شئ من جوايا

اهو بوجع دماغكم وقلبكم بيه

ما انتى قولتى لو نسيت

وقولت قبل كده كتير انا عمرى ما بنسا اللى بحبهم ممكن ابعد بس منساش

اللى بحبهم دول الحب بكل انواعه

وصدقينى بحاول اتعايش مع اى عذاب
ومؤمن بحاجات بتريحنى

ان المكتوب مش هنغيره وان قدر ربنا أحسن شئ لينا والدنيا دى مهما طالت فى اهم منها الجنة والاخرة

بس يا ريتنى أعمل فى دنيتى ليها كويس اتمنى وبحاول بس محتاج احاول اكتر

وانا كل حياة جديدة الاقيها بعشها بس اهم من الجديد انى اكون فيها سعيد

السعادة الواحد بيدور عليها

سعادة الدنيا طبعا

واكيد ربنا بيدينا كتير اوى بس انتى عارفه الانسان طماع ومش بيملا عينه الا التراب والنفس امارة بالسوء

انا بعدت بالكلام شكلى

اقولك أشربى العصير

شكرا على وجودك بيسعدنى

تحياتى

غير معرف يقول...

بوست جميل جدااااا

مهما حاولنا ننسى الذكرايات بتطاردنا بكل مكان

بس مصيرك تنسى جرحك و تعيش قصة حب جديدة

ربنا يوفقك

dina يقول...

عاجبنى اوى جو الصراع النفسى دا....ليه بعدتى...و بعدين منك لله روحى ..و الرغبة فى النسيان مع الحنين بردو....و احلى حاجة بقى روح العصر ايميا و موبايل وحركات
بوست جميل بجد
تحياتى

فتــافيت (رحاب الخضري) يقول...

على اساس اني هاعمل معحم فتافيت الوجيز.. مانا برضو بتكلم عربي مكسر ههههههههههههههههه

فعلا الحزن بيكون احساسه اعلى في الكتابة
بس انا حسيت انك حزين .. علشان كده قولت اللي قولته

ومين قال انك بتوجع عقولنا او قلوبنا بالعكس

استمر يا سيدي امرنا لله.. قدرنا (وش بيطلع لسانه)

ربنا يسعد قلبك ويهنيك.. ويوفقنا جميعا

رابطة مدونون من اجل فلسطين يقول...

تتشرف كلا من رابطة مدونون من أجل فلسطين

والمبادرة النسائية لنصرة فلسطين بالاسكندرية

بدعوتكم لحضور المهرجان التضامنى مع ايتام غزة

وذلك يوم الجمعة القادم 17/4 بنادى المحامين بجليم بالاسكندرية

فى تمام الساعه 3.30
الاستفسار عن أي شئ يرجئ مراسلتنا على الايميل
bloggersforpalestine@yahoo.com
الامين العام للرابطة

احساس لسه حى يقول...

عزيزتى
ঔღঔ نـــوارة ঔღঔ

اكيد الذكريات اللى ليها مكانة فى قلبنا لازم تطاردنا الى ان يوجد الشخص اللى يكون اكبر من الذكريات دى

انا صعب انسى

لاكن ممكن اعيش قصة حب طول ما انا حى احتمال احب اكيد

ربنا يكرمك

تحياتى

سلام

احساس لسه حى يقول...

عزيزتى
dina

الصراع النفسى والحسى موجود فى قلوبنا وروحنا فى الحب وغير الحب

اما روح العصر القدر اللى كتبهالى

قدرى وقدر ناس كتير

شكرا على وجودك

سلام

احساس لسه حى يقول...

عزيزتى
فتافيت

على اساس انك ممكن تشوفى اخطاء لغوية عندى يا افندم

الحزن احساسه اعلى فى كل شئ

ومين مننا سعيد يا فتافيت انا حزين بقدر حزن المصريين مش اكتر ولا اقل

بس كل واحد وليه حزنه اللى مكتوبله

اكيد اى حد بيمر من لحظة فى ورقة وذكرى هيتوجع شوية

انا غصب عنى هستمر

بس علشان خاطرك

غيرت الاغنية

وهحاول يكون البوست الجاى وجع خفيف

مفهوش جرح

هحاول ان شاء الله

وربنا يكرمك ويهنيكى يا رب

نورتينى

سلام

احساس لسه حى يقول...

عزيزى
رابطة مدونون من اجل فلسطين

ان شاء الله هحاول احضر المهرجان

يا رب يكرمكم ويهدينا

تحياتى

سلام

حاجات جوايا يقول...

كلمات جميلة حقا
وجمالها فى صدق احساسها وواقعيتها
مش عارفة ليه مفيش حبيب مرتاح
ايه لزوم الحب اصلا لو كله شقا وآلالام وجراح وعذاب
الحب بهدلة فعلا

خالص ودى
سالى

احساس لسه حى يقول...

عزيزتى
حاجات جوايا

شكرا يا افندم وكلامك صح

الكلمات كلها صدق وواقع وحقيقه

بس مش كل الحب فيه الشقا والعذاب

فى حب اخره ارتباط ده صعب يحصل فيه شقا

واللى ميكملوش وكانوا بيحبوا بعض

اكيد كان الحب اللى بينهم ناقص ومش حقيقى

واحنا اللى بنختار ولازم نتحمل وجع اختيارنا

بس الوجع مؤلم اوى

الحب من غير لقا منتهى بهدله

نورتينى

سلاااااااااااام

دينا حامد يقول...

اصعب حاجة الذكريات
الواحد ممكن ينسى اي حاجة الا الذكريات بتبقى دائما موجودة علشان تنهش في القلوب
كلامك حزين جدا
باين انك من مجاريح الحب
بس نصيحتي حاول تنسى ولازم تنسى!

تحياتي

احساس لسه حى يقول...

عزيزتى
دينا حامد

اكيد الذكريات لما بتطارد انسان بيكون شئ صعب

ومش كل الناس ذكرياتها بتطاردها

الكلام حزين لذكريات يمكن حزينه

انا مش من مجاريح الحب

يمكن انا من مجاريح الزمن

يمكن مش من مجاريح خالص ومكبر المواضيع

اكيد انا عايش بس انسى صعب

انا مش بنسى حلاوة الدنيا ولا مرها

والحمد الله صابر وراضى

تحياتى

سلام

شيماء جمال(شيمو القمر) يقول...

بجد فكرتنى برباعيات صلاح جاهين
ازاى انا ما دخلتش المدونة ده من زمان
كلامك حلو قوى بجد

تشرفت بزيارتك مدونتى
تحياتى
شيمو القمر

أحساس لسه حى...كلام من جوه روح لكل روح يقول...

عزيزتى
شيماء جمال(شيمو القمر

صلاح جاهين مره واحده

شوفى اللى بكتبه هنا حاجات بحس بيها تمسنى بطريقه ما

وهى اقرب لخواطر اكتر منها شعرا

بس بها اخطاء شعريه كتير بس ده مش بيهمنى علشان انا بكتب اللى بحسه بس


ومعلش بقه كل تأخيره وفيها خيرة

وكل شئ بمعاد وقدر مكتوب

وانا مقصر فى زيارات المدونات وعلشان كده المدونيين الجدد صعب يعرفوا مدونتى

سعيد ان الكلام عجبك

واتمنى دايمن الكلام يعجبك هنا او فى اى مدونة من مدوناتى

نورتينى يا شيمو

واتمنى دايمن نتواصل

تحياتى

سلام

جوجو يقول...

السلام عليكم

كلامك معبر وجميل جدا

linda يقول...

وايه الفايدة؟

كل مرة بنتألم اكتر وبنموت ومش بنستفيد منهم فحاجة

أحساس لسه حى...كلام من جوه روح لكل روح يقول...

عزيزتى
جوجو

وعليكم السلام ورحمة الله وبركاته

الحمد الله انه عجبك

شكرا يا افندم

نورتينى

سلام

أحساس لسه حى...كلام من جوه روح لكل روح يقول...

عزيزتى
linda

أيه الفايدة

ما احنا مش بنفكر فى فايدة لما بنحس فى شئء نحية اى حد

كل اللى بيحصل اننا ينفكر اننا وصلنا اخيرا للبر

وان القلب هيرتاح من اللف على حضن يدفيه وانه لقاه

وصدقينى مهما كانت الذكرى مؤلمة

بس حلاوة الاحساس مش ممكن نستغنى عنه

وهنفضل ندور عليه

اللى هو الحب

تحياتى

سلام

حقى اهرتل يقول...

ده ايه

كتكوته يقول...

جميله بجد اوي كلماتك ومعبره
بتوصف بجد حاله اللي بيحب وافترق
ربنا يصبرك لو ده كان احساس حقيقي
بجد مبسوطه اني دخلت هنا بالصدفه

أحساس لسه حى...كلام من جوه روح لكل روح يقول...

عزيزى

حقى اهرتل

مش فاهم انت تقصد ايه

نوتنى

سلام

أحساس لسه حى...كلام من جوه روح لكل روح يقول...

عزيزتى

كتكوتة

شكرا يا افندم الكلام بيعبر عن حالة
وبوصف فيها ميت حالة بس الحب اللى بارز فيها والفراق اكتر معاكى حق

اكيد حقيقى على الاقل فيه كثير من الحقيقة

وانا سعيد ان الصدفة جبتك هنا وعقبال بقيت مدوناتى

تحياتى

سلام

♥نبع الغرام♥♪≈ يقول...

السلام عليكم
ايه ياقمر الغيبه دى يارب تكون بألف خير
طمنى عليك
انا جايه اطمن بس
ربنا يوفقك يارب
انوسه

WhItE HeArT يقول...

كل حاجة بتتنسي ياحسام

حاول انت هبس

وان شاء الله ربنا هيعوضك

عجبتني طريقة العرض جدا وطريقة التدرج في الكتابة

تحياتي

احساس لسه حى يقول...

عزيزتى
عاشقة الأحزان

دايمن بتكريمنى وتحرجينى بسؤالك عنى بس انا موجود ودايمن بتزل فى مدونه من بتوعى

بس يمكن مقصر شوية

ربنا يسهل فى حاجات كتير عاوز اكتبها

نورتينى يا قمر

سلااااام

احساس لسه حى يقول...

عزيزى
WhItE HeArT

كل شئ مش بيتنسا ومفيش حاجه بتتنسا

كل شئ بيفضل جوانا وبيفضل معانا

بس بنعيش وبنحاول نعيش ونقول ان راح ونسيناه

بس اللى جوه القلب مش بيتنسا

تحياتى

سلام

دردشة غرف رحيق, رحيق الاسلامية ,غرف رحيق الصوتية يقول...

دردشة غرف رحيق الاسلامية

www.roomra7ik.com

مدوناتى واللى فيها أتفضلوا (حسام)

يا ..... عالم