متظلميش نفسك...........(قناعتى)0

كنت بكلم صديقه لسه خارجه من قصه حب فاشله ومعظم قصص الحب بتفشل دلوقتى مش علشان عيب فى الحب العيب فينا اننا بنفتكر انه حب بجد المهم بتقولى انا هرتبط بعد كده من غير حب هسيب بابا يختارلى المهم يكون كويس مش عارف ليه الانسان بيحزن لما يكتشف ان اللى بيحبه كان بيخدعه او انه مش بيحب بجد المفروض يفرح لان اكتشف الخدعه قبل اى ارتباط ومش معنى انه اتخدع مره انه هيتخدع تانى بالعكس التجربه بتفيد المراه فى حاجات كتير بس تتعلم منها وتفهمها كويس مش تفشل فى قصه حب تتجوز اى انسان وخلاص كده بتظلم نفسها وتظلم انسان تانى وكتبت دى يمكن ترجع عن اللى فى دماغها وتستنا تلاقى حب حقيقى

النهارده يوم فرحها
هتتجوز غيره علشان جرحها
هو غلط صحيح وخانها
كلام حبه دخان خنقها

لاكن يا حبى اتظلمتى مره
ليه تظلمى واحد تانى
خليكى مش مسجونه حره
استنى قلب صادق وحدانى

اه عطتيه كل حنانك
سرق منك احلا ايامك
اتارى احساسه بس كلام
مقدرش يقدر حلاوه احساسك

لاكن يا حبى اتظلمتى مره
ليه تظلمى واحد تانى
خليكى مش مسجونه حره
استنى قلب صادق وحدانى

بعد خيانته صحيح سبتيه
لاكن جرحه مش قادره تنسيه
مفيش حب دلوقتى رائيك
مش مهم مين هتتزوجيه

لاكن يا حبى اتظلمتى مره
ليه تظلمى واحد تانى
خليكى مش مسجونه حره
استنى قلب صادق وحدانى

فاكره ان احساسها مات
بتقول لروحها الوقت فات
مش عارفه ان جواها عشق
عاوز يدوب فى حضن سنوات

لاكن يا حبى اتظلمتى مره
ليه تظلمى واحد تانى
خليكى مش مسجونه حره
استنى قلب صادق وحدانى

ذنبه ايه الشخص التانى
هيقولك مره انتى رفضانى
ايوا عايش مع جسدك بس
بتكونى بعيده وانتى فى احضانى

لاكن يا حبى اتظلمتى مره
ليه تظلمى واحد تانى
خليكى مش مسجونه حره
استنى قلب صادق وحدانى

وترجعى تانى تشوفى الحكايه
هيدور على الاحساس بالخيانه
لان اللى بينكم مجرد بيت
عايشه فيه اروحكم عطشانه

لاكن يا حبى اتظلمتى مره
ليه تظلمى واحد تانى
خليكى مش مسجونه حره
استنى قلب صادق وحدانى

عاوز اسمع صوت قلبك
دنيتك بس مع اللى يحبك
العمر يجرى سبيه يجرى
استنى ثانيه حبيب بقربك
اوعى يا حبى تتظلمى مره
تيجى تظلمى واحد تانى
خليكى مش مسجونه حره
استنى قلب صادق وحدانى

اه على فكره البنت دى اللى تعبت نفسى وكتبتلها اتخطبت ورضت بخطيب .. على رائيها كويس ومحترم وهتحبه بعد الجواز الظاهر اللى كتبته محرك فيها اى شئ ولا وصلها شئ

احساس ناقص............(قناعتى)0

ايه فايده انى اكون جنب حبيبتى وهى مش معايا.... معايا جسد من غير روح... ليه فى ناس بترتبط من غير حب ليه ؟ الارتباط بقه دلوقتى تلاقى مصالح يا تكوين عائله يا تفريغ رغبه يا تكمله شكل اجتماعى بس ازاى طرف
يحب طرف ويستحمل عدم حب التانى؟ ليه كفايه اكون بحب انسان علشان اعيش معاه ....كفايه انى احب انسانه علشان ارتبط بيها.. الارتباط ممكن يكون حب من طرف واحد طرف يهدى مشاعرواحساس وطرف يخد بس يا اما اللى نحبه يحبنا ونرتبط بيه يا اما لو محبناش نرتبط بحد مش لازم نحبه ممكن نستحمل وجود حد فى حياتنا مش بنحبه وعايشين معاه لاكن لو بنحبه مش هنستحمل نعيش من غير ما يحبنا مفيش احلى من ان طرفين يحب بعض بنفس القوه
اى اختلال فى ميزان الحب بيسبب دربكه فيه وبالذات لو طرف بيحب وطرف لا.. دمار
الحب مش التقاء جسدين ابدا متعته هى التقاء روحين وقلبين

هيفدنى ايه
انك معايا بس قلبك مش معايا
ان هواك مش حاسه بيه اد هوايا

ان الدموع سهرانه تشكى
ان الشموع عماله تبكى
ده مش خضوع انا بس بحكى
حبيبى كفايه

هيفدنى ايه
انك معايا بس قلبك مش معايا
ان هواك مش حاسه بيه اد هوايا

خليك صريح عاوزك تسبنى سبنى متتعبنيش
هو الجريح مش من حقه برضوا يعيش
ده لو هواك كان حته منى
لو هفضل احبك غصب عنى
بطلب منك ارجوك تسبنى
حبيبى متعذبنيش

هيفدنى ايه
انك معايا بس قلبك مش معايا
ان هواك مش حاسه بيه اد هوايا

خليك صريح عاوزك تسبنى سبنى متتعبنيش
هو الجريح مش من حقه برضوا يعيش
ده لو هواك كان حته منى
وهفضل احبك غصب عنى
بطلب منك ارجوك تسبنى
حبيبى متعذبنيش

هيفدنى ايه
انك معايا بس قلبك مش معايا
ان هواك مش حاسه بيه اد هوايا

خليك صريح انتا فرحان بجد بالوداع
ما انتا شايف قلبك بسهوله باع
لاكن بقولك بكره تندم
مش كنت بغيرى تحلم
بكره بيه انا هتحلم
وتحس بضياع

هيفدنى ايه
انك معايا بس قلبك مش معايا
ان هواك مش حاسه بيه اد هوايا

اتمنا القلب الخالى لو لقا حب يفكر يحبه اصل الحب شئ صادق وجميل وصعب يتلاقا خالص

فراق................(قناعتى)0

الفراق كلمه ليها معانى كتير اوى فى فراق يسعد وفراق يالم فى فراق بمزاجنا وباختيارنا وفراق غصب عننا وحتى اللى باختيارنا ساعات بيكون هو الحل الوحيد يعنى اختيارنا مش اختيارنا لكن فراق الاحبه والعاشقين بيكون اسبابه ايه

ليه اتنين شافوا بعض عرفوا بعض حبوا بعض سنه واتنين وخمسه وسته ليه يسيبوا بعض وبسهوله يعنى سنين بيبنوا علاقه وفى يوم تنهد العلاقه دى ليه فى اول ما نبتدى قصه حب تعدى ونفوت العيوب وبعد كده العيوب دى هى اللى تخلينا نسيب بعض

ليه ما نقبلش حبيبنابعيوبهم ونعيش معاهم كده
ليه ما نقلش ان طعم السعاده لازم يكون ليها ثمن

المهم لحظه الفراق كل واحد منهم عاوز يحس انه مش غلطان علشان يرضى ضميره ولو انتا حكم بينهم مش هتعرف مين الغلطان
ليه ما نحولش نقبل اللى بنحبهم ونقبل عيوبهم ونعيش معاها
امال حب يعنى ايه فى ام ممكن ترمى ابنا لو مليان عيوب

ليه مشاعرنا مكنش قويه وتكون اقوى من اى عيوب واى كبرياء
ليه الحب ما يبقاش فيه التنازل اساس لمعناه بس اه لو طرف يتنازل وطرف لا دى المشكله حب من غير تنازل ولا تضحيه
حب يتمنا يا خد بس يبقا حب انانى
نرجع للفراق ومحاوله كل طرف يقول انا معايا الحق ويدور على اى خطأ ويعمل من الحبه قبه والكلمه البسيطه يكبرها وتبقى كبيسه لازم فراق الاحبه يتغير ولا جرح فيه ولا الم
مش كفايه فراق يعنى فراق بجنتله على راى العسل..

نهينا وكل ما فينا مسامح

على العموم الفراق ده فى راى اخر الحلول ومتاكد ان اللى بيفرقوا بمزاجهم وباختيارهم بيكون حبهم ناقص شئ
يا شويه ملح اقصد حنيه... ياتقيل بسمنه بلدى بالكبرياء الزياده والقسوه... ياناره اطفت بقله الكلام الحلو اللى فيه
يا الف حاجه تانيه

خرجت ادامى من الباب
قررنا نكون اصحاب
مش عارف مين الخسران
ولا عارف ايه الاسباب
خرجت وسبتنى اتذكر
ايام ما كان الحب بيكبر
اننا روح واحده فى جسدين
على زعلى مكنتش بتقدر
كان بينا كلام بالعين
مع بعض والناس مش حاسين
ونقول الكلمه مش مفهومه
لغه بينا احنا الفاهمين
نتخاصم بعد ثوانى نتصالح
ولا بينا اى كلام جارح
حتى لما قولنا فراق
نهينا وكل ما فينا مسامح
اهو حلم فى واقع مخنوق
الحب بقا فيه مسروق
نحسبها نلاقيه مش كفايه
دنيتنا خلاص بقيت سوق
نصيحه لكل العشاق
حكياتكم اخرها فراق
ولو كملت قصه حب
اهى ورقه ادمها كتير اوراق

صحيح الانسان بيمر دايمن مش بقصه حب واحده قليل اوى اللى يعيش بقصه حب واحده ياترى كلهم حب حقيقى ولا كل قصه ليها طعم ولا كلهم وهم والحب الحقيقى لسه مجاش

احساس موجوع.........(احساسى)0

أهم شئ فى الدنيا الحب هو كل حياتنا بيفرحنا كتير وبيوجعنا كتير انا هكتب وجعين هنا وجع حصلى انا ووجع عام بيحصل كتير ابدا باللى حصلى هى انسانه عرفتها كانت شبه مدمره قربتلها كتير وكان صعب تثق فى حد بس وثقت فيه بس للاسف كان عيبها مهما قربت ليها حسيت انك قريب اوى تلاقيها انها ممكن تبيعك بسهوله كانك شئ لم يكون فى حياتها شوفوا كتبت ايه عن اللى كنت اظن انها حب وهو ليس كذالك

مش قادر اضحك تانى
مش راضيه تروح احزانى
مش قادر انسا امراه
اذلتنى لما سكنت كيانى
ماذا افعل بقلبى الجريح
هل اخطاء لانه صريح
فبعد ان اصبح ملكك
ظهر وجهك القبيح
ماذا افعل هل يفيد البكاء
انتى داء ومعك الدواء
جعلتينى اكره نفسى
واكره ان يكون منك الشفاء
تذكرى ان الايام سوف تمر
وكما اسقيتنى ستشربين المر
فكما فعلتى وجرحتى احساسى
احساسك سيلاقى كثيرا شرا

بجد صعب اوى الانسان بعد ما يقرب لانسان ويديله مشاعره فجاءه يتطلب منه يبعد عنه كانه شئ لم يكون ان يسكن انسان كيانك بؤدى ذلك الى اذلالك وجرح كبريائك وكرامتك

اذلتنى لما سكنت كيانى

ماذا يفعل الانسان بشخص سكن كيانه يملكه ولما يملك يطلب البعاد او الفراق يكره الانسان مشاعره التى اذلته اللتى جرحته لاكن لماذا يكرها هو لم يخطئ اعطا حبا يعنى اعطا انسان هديه ولو رفض الانسان هديتك لاتحزن فقد خسر كثيرا فانت المفروض تعطيه نبته وتتركه يا اما تكبر بين يديه او تموت فان اماتها لم تخسر كثير لانه لا يستحقها اتركه يا خذ نبت غيرك ويرعها ويعطيها الحنان الذى رفض يعطيه لك وسنرى ماذا سيفعل به

فكما فعلتى وجرحتى احساسى
احساسك سيلاقى كثيرا شرا

فالجزاء من العمل وكما تدين تدان وكما تجرح قلبا اعطاك حب ستجرح من قلب تعطيه كل الحب

احساس مكتوب.......... (احساسى)0

انا لما جيت اكتب خواطر حبيت اكتبها بشكل جميل ولقيت ان الشكل الشعرى بيجذب وبيعجبنى ما انى صعب اكون شاعر ومش بقرا شعر كتير ومعرفش احفظ شعر وقولتى دلوقتى ليه مقراش اللى بكتبه واحاول اعرف كتبت ليه الكلام ده بسبب ايه شئ مسنى انا ولا حاجه وجعتنى ولا شئ سمعته اثر فيه ابتدى بحاجه بجد مش اثرت فيه حنقتنى ونفسى تنتهى من الدنيا هى الخيانه وانا بكره كل انواع الخيانه خيانه الاحباب والاصحاب والكلمه حتى والوعد اظن كل انسان بيكره الخيانه حتى لو خاين

يا امراه كيف تحبين
انسان خائن وترضين
ياتى اليكى من احضان عشيقته
تعطيه احضانك وتسكتين
يا امراه ما هذا الهوان
هل تعتبرين حبيبك انسان
فليس من الرجوله
ان يخون انسان انسان
يا امراه اين كرامتك
الخلاص هو حريتك
مهما كنتى تحبينه
لا تضحى بعزتك

دى كتبتها بعد ما كلمت كذا امراه ولقيتهم خاضعين لخيانه الرجل اللى تقول انا بحبه اوووووووى وفى الاخر بيرجعلى واللى تقول الاولاد لازم استحمل واللى تقول اخونه زى ما يخونى واللى تقول محتاجه ليه ماديا واللى واللى الف واللى بس ازاى بتقدرى

تعطيه احضانك وتسكتين

ازاى بتستحملى انا اقدر اقول ان المراه من اهم الاسباب فى زياده خيانات الرجال الرجل بيشوف صديقه يخون ومراته بتسكت يقول اعمل زيه ولو عرفت ارضيها واصلحها

مهما كنتى تحبينه
لا تضحى بعزتك

كتبت الكلام ده يمكن اى امراه لما تلاقى ان الخيانه اهانه لكرامتها واهانه لعزتها تفكر تترك الانسان اللى يخونها مهما كانت درجه محبتها ليه بالكلام ده

يا امراه ما هذا الهوان

وكمان

يا امراه اين كرامتك
لا تضحى بعزتك

اتمنا كلامى يكون عبر صح وراى واضح ومضبوط
وكمان مش راى ان من حق انسان يبعد عنن انسان ببس الخيانه راى كمان لو كمان خدعه وكان بوجه غير وجهه
يعنى الانسان يحبك على اساس اراء وتفكير وحنيه ودلع معين وبعد كده تلاقى الوجهه الحقيقى ليه ده مش غش وخداع ليه منكنش واضحين مع الناس اللى بنعرفهم وبالذات اللى بنحبهم ليه بنرسم شكل غير شكلنا

نشوف كتبت ايه

اتركيه رغم انكى تحبيه اتركيه
فليس هذا الشخص الذى كنتى تنتظريه
تذكرى فتى احلامك هل هو هذا الشخص
كان هو فتغير كل ما فيه
تذكرى كلماته التى قالها ليكى
تذكرى همساته نظراته تعلقه بيكى
جعلك تحبينه فى صوره غيره
واظهر حقيقته بعد ان ملكى
انتى الان تقدرين على السكوت
ستنتظرين احساسك ان يموت
فلم يموت احساس امراه ابدا
تموت هى واحساسها لا يموت
لا تضيعين عمرك فى الانتظار
الحياه قصيره اتخذى القرار
فاما ان تعيشيها كما تحبيناو ان تحيى فى النار

تكونى تحلمى بشخص وتلاقيه بعد كده شخص تانى يوجعك ويالمك الحلم يموت بالمفجاءه

تذكرى فتى احلامك هل هو هذا الشخص
كان هو فتغير كل ما فيه

تفضلى تستحملى وتستنى وتحولى لامتا المحاوله انا مع المحاوله بس مكنش بس لاماتت الاحساس

ستنتظرين احساسك ان يموت
فلم يموت احساس امراه ابدا
تموت هى واحساسها لا يموت

حولى واذا فشلتى متخفيش اتركيه هتحبى تانى اكيد هتلاقى القلب اللى مش هيخدع القلب اللى هيوريكى الوحش اللى فيه قبل الحلو وانتى يا تقبليه على عبله عبطه يا ترفضيه

الحياه قصيره اتخذى القرار
فاما ان تعيشيها كما تحبين
او ان تحيى فى النار

بلاش نضيع حياتنا مع انسان مش شايفين السعاده عنده ولا معاه الدنيا مش انسان بس واكيد فى غيره يستاهل اننا نحبه وهنعرف نحب بدل واضحين مع بعض
ونكمل وقت تانى

احساس أحلى من الأمومة!!!...........(قناعتى)0

طبعا انا بكتب الكلام ده وممكن محدش يقراه الا انا مش مشكلة
لان نصف الموجودات هتلاقى الكاتب راجل هتقول أخييييييه...ياااااااااااااااااع
وتقرف بقه ومتقراش والنصف التانى طبعا نفسهم حلوه بس هيقولوا ده راجل مش مثلى هيفهم احساسنا ازاى بس انا كلى امل ان واحده تقرى كلامى وتقول لنفسها اشوف الحمار ده بيقول ايه........
انا بس عاوز اسأل فى حد يبيع غالى ويشترى الرخيص
فى حد يقدر يقولى فى حاجه اقوى من حب الام وحنانها
بعد حب الله...اللى بيؤمنوا بالله طبعا
حد يقدر يرفض نعمه كبيره اووووووووى علشان شئ اقل منه بكتير
ازاى المثليه ترفض تعيش الامومه علشان خاطر مثليتها!!!!!!!
وحبها لانسانه مهما كانت الانسانه فيها
انا لو طبيعتى تحرمنى من شئ المفروض انه هيسعدنى ارفضها
طبعا اى امراه حتى لو مش ام تعرف الحب بين الام وبنتها بيكون اد ايه لا يساوى اى حب فى الدنيا فى راى..مش راى بس راى 99%من البشر
تعالى نجرب تجربه بس نظرى بتفكيرنا ونشوف ونسال نفسنا بعده......
لو امك جرحت حبيبتك تقدرى تزعلى منها اد ايه حتى لو جرحتها مش هتقدرى تزعلى منها ولو زعلتى هيكون زعل بسيط ووقتى ومن ورا القلب...صح
لو حبيبتك جرحت امك تفتكرى سهل تسمحيها لو بتعشقيها حتى.. مش هتعرفى تسمحيها أكيد واقلبى الموضوع واعكسيه لو الام مثليه وحب امك اكبر من حبك ليها الف مره وحبيبه امك زعلتك هتعمل ايه امك طبعا عارفه الرد.....صح
ممكن ذكيه وبتخدع نفسها بكلام وهمى تقول اعتبر نفسى عاقر بالذمه ده كلام
دى زى اللى فقعت عيونها وقالت اعتبر نفسى عميا...مجنونه اكيد اللى تعمل كده
لو انتى عاقر خلاص اراده ربنا لاكن طالما كويسه وسليمه يبقا احرم نفسى ليه....ليه....ليييييييييييييييييه معلش بتشنج وانا بقلها
واوعى تقولى اى واحده فيكم انها مش عاوزه تكون ام لو معزتشالامومه دلوقتى هتحتاجيها بعد سنه بعد خمسه بعد عشرين بس هتحتاجها ..هتحتاجيها مفير مفر لانها متعه ولذه وحياه تتعاش وعلاقه خاصه واوو..جميله بجد
بس اه تقريبا فى مشكله انتى متحبيش راجل يلمسك.متطقيش راجل يلمسك
ممكن الذكيه مش الاولانيه ذكيه تانيه ومعندهاش اخلاق اسف ده راى.. تقولى اشوف راجل شهم وجدع يتبرعلى انا وحبيبتى...شهم بجد بالذمه!!!!!
ويبقا عندنا طفلين منها ومنى ونبقا امهات وحبايب من غيررجل ما يلمسنا
مش هتكلم عن الشرع انا بكلم مثليات من اللى بيعبدوا النمل...
علشان متعتك وحريتك تحرمى طفل من انه يكون ليه اب
ده كائن صغير بلاش تخليه يتولد فى الكون غير بقيه الناس
خليه يعيش ويختار حياته من غير اى عوامل تضيقه
الاخلاق والمثاليه تفرض عليكى كده..هو المثليه ليها علاقه بالمثاليه حد يعرف
طيب الحل ايه نفكر شويه مع انى عارف بفكر لوحدى ومحدش معبر كلامى
بس هفكر واقول كام حل على ادى ................ يمكن الاقى
اول حل للى مش بتقرف من الرجاله وتقدر تستحمل يلمسها رجل
تتجوز وتجرب سنه اتنين المهم تجيب عيل حبيت تطلق تطلق وتشوف حبيبه ليها وتكمل حياتها بالطول والعرض زى ما هى عوزه
ده شئ مش اخلاقى تفتكرى ..مش عارف..يعنى احنا مش ملايكه.. لا اخلاقى لانها هتسيب الرجل لو مرتحتش معاه وده طبيعى اى واحده بتتجوز مش مرتاحه مع جوزها لازم تسيبه..يعنى التجربه محدش يعرف ممكن يحصل فيها ايه
طيب اللى بتقرف من الرجل هتعمل ايه دى مشكله تعمل ايه تعمل ايه
تعصر على نفسها لمونه اقصد عليه وتحاول تستحمل..... علشان فى حاجات رفضنها كتير فى حياتنا بنضطر نعملها علشان شئ اكبر..عملتى حاجه رفضاها من جواكى قبل كده...اكيد لو معملتيش يبقا يا بختك
اعتبريها تضحيه علشان.... مش علشان حد غيرك علشانك
انتى مش عندك استعداد تضحى بشئ علشان وطنك او اهلك او اصحابك
ضحى علشان نفسك.. اللى لازم تكون اغلى شئ عندك
وشوفى الامومه تسوى التضحيه دى ولا لا شوفى كده
بعقلك او بقلبك او باحساسك الامومه تسوى...أكيد تسوى
انا عارف انا مش هقدر عمرى احس باللى انتى بتحسى بيه
ولا المشاعر الجسديه والعاطفيه اللى جواكى
لاكن انا راى مفيش ادام كفه الامومه كفه اعلى منها دى كفه ملهاش وزن
فى ام بتتنازل عن شرفها علشان امومتها بيحصل كتير
مش ام واحده معظم البغايا امهات وعلشان اولادهم..بيعملوا كده وهما قرفانين
اسف لو اسلوب كلامى مش حلو ولا منظم مش مهم
ظبطيه فى دماغك انتى دوريه وشوفى مع نفسك
ومش هفكرك انتى بتحبى امك اد ايه مهما كانت قاسيه بتحبيها شوفى لو ليكى ابن يحبك كده زى حبك ليها ايه المتعه دى واو
وهى بتحبك اد ايه تفتكر حد يقدر يحبك زيها ولا مليون رجل ولا امره هيحبوكى نصف حبها دى حبها طبيعى زى لبنها مش صناعى زى حب اليومين دول بكلمه ينتهى ولا حتى بجرح... يموت ويتنــســا...