الاثنين، 5 مارس 2007

فراق................(قناعتى)0


الفراق كلمه ليها معانى كتير اوى فى فراق يسعد وفراق يالم فى فراق بمزاجنا وباختيارنا وفراق غصب عننا وحتى اللى باختيارنا ساعات بيكون هو الحل الوحيد يعنى اختيارنا مش اختيارنا لكن فراق الاحبه والعاشقين بيكون اسبابه ايه

ليه اتنين شافوا بعض عرفوا بعض حبوا بعض سنه واتنين وخمسه وسته ليه يسيبوا بعض وبسهوله يعنى سنين بيبنوا علاقه وفى يوم تنهد العلاقه دى ليه فى اول ما نبتدى قصه حب تعدى ونفوت العيوب وبعد كده العيوب دى هى اللى تخلينا نسيب بعض

ليه ما نقبلش حبيبنابعيوبهم ونعيش معاهم كده
ليه ما نقلش ان طعم السعاده لازم يكون ليها ثمن

المهم لحظه الفراق كل واحد منهم عاوز يحس انه مش غلطان علشان يرضى ضميره ولو انتا حكم بينهم مش هتعرف مين الغلطان
ليه ما نحولش نقبل اللى بنحبهم ونقبل عيوبهم ونعيش معاها
امال حب يعنى ايه فى ام ممكن ترمى ابنا لو مليان عيوب

ليه مشاعرنا مكنش قويه وتكون اقوى من اى عيوب واى كبرياء
ليه الحب ما يبقاش فيه التنازل اساس لمعناه بس اه لو طرف يتنازل وطرف لا دى المشكله حب من غير تنازل ولا تضحيه
حب يتمنا يا خد بس يبقا حب انانى
نرجع للفراق ومحاوله كل طرف يقول انا معايا الحق ويدور على اى خطأ ويعمل من الحبه قبه والكلمه البسيطه يكبرها وتبقى كبيسه لازم فراق الاحبه يتغير ولا جرح فيه ولا الم
مش كفايه فراق يعنى فراق بجنتله على راى العسل..



نهينا وكل ما فينا مسامح


على العموم الفراق ده فى راى اخر الحلول ومتاكد ان اللى بيفرقوا بمزاجهم وباختيارهم بيكون حبهم ناقص شئ
يا شويه ملح اقصد حنيه... ياتقيل بسمنه بلدى بالكبرياء الزياده والقسوه... ياناره اطفت بقله الكلام الحلو اللى فيه
يا الف حاجه تانيه


خرجت ادامى من الباب
قررنا نكون اصحاب
مش عارف مين الخسران
ولا عارف ايه الاسباب
خرجت وسبتنى اتذكر
ايام ما كان الحب بيكبر
اننا روح واحده فى جسدين
على زعلى مكنتش بتقدر
كان بينا كلام بالعين
مع بعض والناس مش حاسين
ونقول الكلمه مش مفهومه
لغه بينا احنا الفاهمين
نتخاصم بعد ثوانى نتصالح
ولا بينا اى كلام جارح
حتى لما قولنا فراق
نهينا وكل ما فينا مسامح
اهو حلم فى واقع مخنوق
الحب بقا فيه مسروق
نحسبها نلاقيه مش كفايه
دنيتنا خلاص بقيت سوق
نصيحه لكل العشاق
حكياتكم اخرها فراق
ولو كملت قصه حب
اهى ورقه ادمها كتير اوراق


صحيح الانسان بيمر دايمن مش بقصه حب واحده قليل اوى اللى يعيش بقصه حب واحده ياترى كلهم حب حقيقى ولا كل قصه ليها طعم ولا كلهم وهم والحب الحقيقى لسه مجاش

هناك 5 تعليقات:

محض روح يقول...

يسلام ايه البوست الجامد ده
ومبروك ياسيدى على النيو لوك ده انا دخلت وقولت انا دخلت فى حته غلط
لكن طلع صح الحمدالله
كتير بيكون فرقنا مش باختيرنا الزمن والظروف هما الى حكمو بالفراق ده
احنا معنداش اختيرات
وفعلا بيجى علينا فتره بنحس اننا مش حبين نكون غلط والجديد الى عندى بقى ولا كمان عيزن نحمل الى كنا بنحبهم الغلط
علشان اكيد احنا مكناش غلط يوم ماحبينا واخترنا
ومعاك جدا انه مفيش كبرياء فى الحب انته بتتساهل لكن بدون افراط او تفريط
معنى ماينفعش تيجى على نفسك على طول علشان خطر الطرف التانى يبقى كده انته بتظلم نفسك
................
وبعدين انا مش معاك تانى فى ان الى بيختارو الفراق بيكون حبهم ناقص على كلامك شويه ملح
بس لو انهم حولو ولاقو خلاص مفيش امل يبقى من الغباء انهم يكملو يعنى يختارو الفراق بايدهم بدل ميكون بايد غيرهم
على الاقل يفضلو فكرين لبعض انهم كانو بيحبو بعض بس الظروف ماسمحتش للحب ده انه يكمل
اما بخصوص ان الواحد بيعيش بقصه حب وحده او اكتر
مش عرفه بس اكيد ديما اول تجربه حب بيكون ليها بريق ممكن ميبقاش فى غيرها
وممكن برضه يبقى الى جى احسن بس لو فى استعداد
انه يتنازل عن احساسه ان الحب الى كان عيشه اسطوره مش هتتكرر


والبوست ده بقى لمس معايا على فكره
وتحياتى يافندم
:)

احساس لسه حى يقول...

عزيزتى
محض روح
والله المفروض تشكرى حد تانى غيرى لان النيولوك ده ذوق انسانه غاليه اوووووووووووى على قلبى
معاكى الفراق ساعات بيحمه حاجات تانى بس اغلبيه اللى بيتفرقوا بيكون لاسباب فى راى تافهه مش دى اللى تخلى اتنين يسيبوا بعض علشانها لو بيحبوا بعض بجد بجد اووووووووووى
اما الكبرياء فى الحب دمار ليه لازم اتساهل مع الناس كلها فى حاجات كتير يبقا اللى بحبه ما اتسهلش معاه فى كل شئ ما عدى الخطوط الحمر ويا ريت مكنش كتير بس التساهل زى ما بقلك لازم من الطرفين من طرف بس اللى بفترقوا باختيارهم ولقوا مفيش امل ويقدروا يستحملوا الفراق تفتكرى ده مش حب ناقص طيب قوليلى لو حصل مليوم خلاف بين ام وابنها تفتكرى ممكن يقرروا الفراق الابدى بينهم وبين بعض حبهم هيقدر يقرر كده مش هرد ردى انتى
يفترقوا ويفتكروا اللحظات الحلوه بس اللحظات اللى كانوا بيحبوا بعض فيها
لا الحب الاول لو مكملش مش بيكون حب حقيقى واكيد اى حب بعده لو كبير وقوى هتحسى بطعمه احلى وهتقولى لنفسك اللى كنت عيشاه مكنش حب هو بريقه بينطفى مع الحب الحقيقى اللى ممكن تحبى الف حب ومتلقهوش برضوا
ومش عارف اقول ايه بكلمه لمس معاكى ده شئ يسعدنى انك بتحسى باللى بحسه وبكتبه اتمنا دايمن يعجبك
سلاااااااااااااااام

غير معرف يقول...

صديقي العزيز
هبدأ من النهاية
مع الاسف .. انا من القلائل اللي مقتنعين ومؤمنين ان الحب مش بييجي للانسان الا مرة واحدة
طبعا اقصد الحب الحقيقي
مش الحب اللي بيكون مجرد اعجاب وقتي او انبهار بحد نشوفه اول مرة يدخل قلبنا ونحس بمشاعر جميلة ناحيته وقبل ما يفوت شهرين تلاتة بنكون اصلا ناسيين اسمه ونكتشف ان احنا من الاول مكناش بنحبه ، يعني ولا اهتمينا نقرب منه بصدق ولا دخلنا في تفاصيل حياته وقلبه ولا كان بيوجعنا فراقه ولا بيفرق معانا قربه اكتر من وقت جميل بنقضيه وانبهار مؤقت بشخصية ممكن لو قربنا منها نكتشف انها ابعد ما تكون عن انها حتى تنفع كصداقة
الحب الحقيقي
اللي بيقدر يواجه السنين
بيقدر يواجه العواصف
اللي يخلينا حتى لو احنا بعيد
ساكنين جوه بعض
مفيش فراق بين اتنين بيحبوا بعض يا حسام
لان اللي انا بحبها .. ساكنة قلبي وحياتي وروحي وعمري
لو ركزت في ملامحي وكلامي ودقات قلبي
هتلاقيها معايا وجوايا
يبقى ازاي يبقى فيه بينا فراق؟
الحب الحقيقي مينفعش فيه كل انسان يبرر انه مش غلطان عشان يبرر فراق
اللي بيحب حد يا حسام ميقدرش يستمر في الحياة منفصل عنه
الحب الحقيقي بيغير الانسان
الحب الحقيقي مش بيفوت العيوب ، لكن بيحتويها وبيغيرها بحبه ومثابرته وصبره اللي برضه اساسهم حبه
الحب الحقيقي فعلا اقوى من اي حاجة في الدنيا
ولو فيه فراق بين اتنين بيحبوا بعض حب حقيقي مكنتش تشوف ناس في عز شبابهم فقدوا احباءهم في موت مثلا ومع كده مبيقدروش يكونوا مع حد تاني ويفضلوا عايشين مع الشخص دا اللي بيكون برغم موته عايش جواهم وبيبقى جواهم امل حقيقي انهم يوما ما هيتجمعوا تا ني
الحب اقوى حتى من الموت
صديقي العزيز الفراق بجنتله
دا لو انا حب من طرف واحد
يبقى احترم نفسي والملم كرامتي اللي اكيد اتبعترت شوية كده مني
وامشي بجنتلة وشياكة واتمنى للي قدامي السعادة مع اي حد يختاره ويشوف انه يسعده
انا اقدر احارب عشان انسان انا بحبه وبيحبني وعايزين بعض .. اقدر احارب كل شيئ في الدنيا و حتى لو خسرت جوله او فشلت مرة هقف على رجلي تاني بقوة الحب وهكمل واواجه وتكفيني متعة وسعادة وجودي مع اللي بحبه
لكن مقدرش ابدا احارب انسان انا بحبه ومش بيحبني عشان يفضل معايا
الجنتلة هنا واااااااجب مش اختيار
ويا صديقي العزيز محدش بيعيش حد الوهم ، الوهم دا احنااللي بنعيشه باختيارنا واللي يعيش نفسه وهم هيجني ثماره
صدعتك بالكلام بس اصل الموضوع بجد مجرد كلمة.. فراق .. لكن ممكن يتكتب عنه كتب
ربنا يبعد عنك وجع البعاد
:)

احساس لسه حى يقول...

عزيزتى
Lava said...
عارفه يا جميل كل حب نمر بيه نفكره حب حقيقى بدل حسين انه حب ومتاكدين انه حب بالذات واحنا عايشين جوه التجربه بحلوها ومرها لاكن لما بتفشل تجربتنا نعرف نقيم انه كان ايه بالضبط حب ولا احتياج ولا راحه ولا عنب يعنى الكم بعد النجاح او الفشل الحكم العادل ومعاكى مفيش حب حقيقى بين اتنين يكون اخرته فراق لان لو فى شئ اقوى من الحب يبعدهم يبقا مكنش حب مفيش شئ اقوى من الحب اكيد بيكون فى خلل طرف حبه ناقص اقل ولازم اى انسان يحس بان اللى بيحبه مش بيحبه بقوه وبجد يبعد عنه يسيبه يلاقى اللى ممكن يحبه بجد ويدور هو كمان على حب متبادل تانى الجياه قصيره ولازم نعرف ان اللى بنحبه ده انسان مهما كان جميل فيه اجمل منه فى الاحساس طبعا والبعاد بادب وجنتله من غير تجريح وبسرعه بلاش نماطل فى شئ مفيش فايده فيه صدقينى كل شئ بيكون واضع فى اول العلاقه بس احنا بنكابر ونعافر بنحاول نمسك بخيط من الهوا
سلااااااااااااااااام

غير معرف يقول...

بص وياريت كلامى مش يوجع حدانا بحتقر الانسان اللى يسيب حببته من غير سبب لازم الفراق مش يبقى سهل علينا ومش ببساطه هاسيب حبيبتى عشان زعلاانين مع بعض شويه طيب وفين الحب والتسامح؟وليه تجرحها اصلالكن اوقات غصب عننا نقرران احنانفترق عشان بيكون ده الحل الوحيدبس بيكون الجرح والفراق صعب اولى على اللى بيحب بجدواتمنى ان مش فى حد بيحب حد بجد ويسيبه ياريت بجد وكفايه جروح

مدوناتى واللى فيها أتفضلوا (حسام)

يا ..... عالم