الخميس، 21 يونيو 2007

حبك أبدى..............(احساس بيجرى فى دمى)0





الحب احساس غريزى ولا احساس روحى





أحساس الحب بالروح أكتر ولا بالجسد





باين الحب ملهوش احساس محدد





لان كل بيحب بطريقته





اللى بيحب الجسد اكتر من الروح





واللى يحب الروح اكتر





واللى يحب الاتنين





واللى ميحبش خالص





ويعيش ومتفرقش معاه





واللى يقبل باذلاله علشان حبه





واللى كرامته فوق حبه





واللى يبيع حبه بسهوله





واللى يحارب علشان حبه





المهم اللى اقصد





كل حب بين اتنين وليه بصمته





اللى مش هتتكرر واللى مفيش تشابه بينها





وبين اى علاقه تانى





بس أكيد مش كل علاقه حب جميله





ومش معقول علاقه حب شفافه ونقيه





تتساوى بعلاقه حب مليانه خطيه





وفى ناس حبها ابدى





يعنى مهما نحب ونحب يفضل حبهم جوانا





انا مؤمن بان الانسان ممكن





يحب اكتر من حب





وكلهم حب حقيقى وكله ليه طعمه وحلاوته





ودى كتبتها لحبى الابدى





ممكن ما اضمهوش فى يوم





بس هيفضل جوايا





لان طعم حلاوته جوا روحى





وبتجرى فى دمى....... الى روحى








سأظل احبك ان طال انتظارى





فأنتى قدرى المكتوب وأنتى اختيارى





سأظل احبك مهما فرقتنا السنين والحدود





فحبك قبل ان اولد داخلى موجود





فأنتى حياتى وانفاسى على شهود





يا حلم ليلى وفرحت نهارى





سأظل احبك ان طال انتظارى





فأنتى قدرى المكتوب وأنتى اختيارى





سأظل اعيش على امل اللقاء





كأنى مريض ينتظر الشفاء





كأرض عطشانه تنتظر مطر السماء





بحبك أزدادت ارادتى واحتمالى





سأظل احبك ان طال انتظارى





فأنتى قدرى المكتوب وأنتى اختيارى





انا اعرف ان حبك شئ من الجنون





فالمشاعر الصادقه اصبحت كطائر مسجون





كلها عذاب مليئه بتلال من الشجون





لذتى تزداد كلما زادت اشواقى ونارى





سأظل احبك ان طال انتظارى





فأنتى قدرى المكتوب وأنتى اختيارى





سأظل احبك حتى لو لن نلتقى





فأروحنا تتقابل يوميا تحكى وتشتكى





ورغم اشتياقى لجسدك لاكنه اصغر لهفتى





يكفينى حبك فى قلبى واحه وسط الصحارى





سأظل احبك ان طال انتظارى





فأنتى قدرى المكتوب وأنتى اختيارى





سأظل احبك حتى لو احببت





لان بحبك عرفت كيف احب وتعلمت





فبهواكى سأحب ومن صفاتك اخترت





سوف يختار قلبى اختيارك مش اختيارى





سأظل احبك ان طال انتظارى





فأنتى قدرى المكتوب وأنتى اختيارى

هناك 12 تعليقًا:

منة الله يقول...

حسام

أدعوك للمشاركة في استطلاع راي

اكثر 10 مدونات تاثيرا في قرائها

عل مدونتك واحدة منهم

http://6ef.blogspot.com/

Heart Beat يقول...

عزيزي حسام...

اخيرا كتبت من جديد...موضوع رائع حسيت من كلامك اد ايه الحب ليه معنى حقيقي عندك.

اتمنى ان انت و اللي بتبحها تتلاقوا تاني في يوم من الايام

احساس لسه حى يقول...

عزيزتى
لوست لاف
انا كتبت وهكتب تانى حاجات كتير ان شاء الله بس يا ريت تعجبك
اما الحب ليه عندى معنى محدش هيقدره ولا هيعرفه الا انا لانى بحب بجد وبصدق والحب عندى ليه اتجهات كتيره مش حب حبيبه بس
حب الناس عندى كبير اللى اعرفهم واللى معرفهمش كمان حب الانسان لانه انسان بجد لما بيكون انسان
فهمانى
سلاااااااااام

احساس لسه حى يقول...

عزيزتى
منه الله
انا مش بخش مدونات كتيره اوى علشان اختار منهم 10
بس هشوف وافكر
سلااااااام

محض روح يقول...
أزال المؤلف هذا التعليق.
محض روح يقول...

مشاء الله ايه الرومانسيه ديه كلها

بص ياسيدي تسؤالتك
صعبه اوي
موضع حب الروح ولا حب الجسد موضع صعب ومتشابك
بس انا دائما على اقتناع ان حب الروح ابقى
يمكن ملمحنا بتتغير مع الزمان
ايد الزمان بتعبث بوجهنا
اكتر من تصورنا
بس عايزه اقولك حاجه
كل منا يعشق بطريقته
تختلف المسميات وتختلف الحالات
بس الاحساس واحد
مابيتغيرش
كل واحد بيحاول يوصل لحبه للمرتبه الي ترضيه
الي يحس بيها وفيها ان حبيبه بقى ليه صوره جواه
صوره متغيرتش ومتبدلتش
مهما فات الزمان
كتير بنعمل اوض مقفوله جوه قلبونا
بنهرب ليها علشان نفتكر احساس افتقدنا

وممكن الانسان يبحب اكتر من حد
وده شعور طبيعي احنا بنحب ناس كتير بس مش بنفس القدر
مسميات الحب بتختلف
فيه اخوه وفي صداقه وفي ابوه وفي عشق


وبخصوص الحب الابدي انا مؤمنه
ان في ناس استحاله يطلعو من جوة قلوبنا
مش علشان معرفناش نحس كلمه بحبك
وبس
لا علشان غيرو حجات كتير فينا
فاكل مابنبص لنفسنا بنفتكرهم

معلش طولت عليك
ماحضرتك ليك كتير مختفي

ربنا يديك الي انته عايزه

تحياتي يافندم

احساس لسه حى يقول...

عزيزتى
محض روح
حب الروح انه مش بيكون وراه مطلب امال اى حب تانى وراه مطلب لان الجسد وده مش عيب اننا نحب جسد وروح يبقا وراه مطلب غريزى وطبيعى
ومعاكى ان كله بيحب بطريقته بس الحب اللى مليان جمال لايقارن بالحب اللى مليان قبح المسمى واحد بس الشئ مختلف
صدقينى الاحساس مش واحد
حتى لو المحب رضا باللى مقسمله من حبيبه لو شئ بيوجع يبقا برضواالاحساس مش واحد جمال الشئ فى نقائه والحب لازم يكون نقى وانا بسمى اى علاقه حب تلوثت انها علاقه فقد وليست حب
ومعاكى ان فى حاجات بنفتكرها ونحسها بتخلى فى حب ابدى فى حياتنا نحب تانى ونتحب بس الحب اللى ميتنساش واللى مليان جمال ومفهوش اى جرح
اللى باللون الابيض
هو الحب الابدى
باى يا قمر

محض روح يقول...

انا مؤمنه انها دايره بتكلم بعضها
بس انا كان تعليقي على الناس الي بتحب الشكل الملامح وتتنسى الروح
وده بيكون حب ناقص

واكيد الاحساس
عمره ماهيكون واحد

وفعلا الحب الي بيعيش هو الحب النقي
الي عمره ماتلوث
بمساحات الكدب
والغش والخيانه

سلالالالام

احساس لسه حى يقول...

عزيزتى
محض روح
صحيح احلى حاجه فى الحب انه يكون نقى اى حب وتقريبا مش بيحصل ده الا مع حب الام والاب لاولادهم دايمن يكون بنقاء اما الاحباب صعب اوى تلاقى حب بنقاء من غير ما يلوث
سلام

غير معرف يقول...

حسام
احاسيس صاغتها اناملك بكل اتقان لتسجل لنا اروع الكلمات وتجسد الحب بكل صور العناء الذي اختلج فوهات صدرك-- حبك ياسيدي ليس ككل حب وكلماتك ليست ككل الكلمات ففيها من الروعه والرونق مايطفي عليها بريق الماس
اهنئك على دفئ احساسك لقد حركت مشاعرنا واوجعتها
سلمت يمناك دمت ودام نزف قلمك دائما
تحياتي وتقديري

bosha يقول...

كلامك روعه اوووووووووووووووي وكله احساس
وميرسي ليك انك خالتني اشارك برائ علي موضوعاتك الجامده

غير معرف يقول...

دلوقتى عرفت معنى ان الانسان يكون بيحب رغم انى كنت بستهزا بالناس اللى تقول انا بحب الشخص ده انت انسان رائع ورومانسى اوووووووووووووى يا حسام

مدوناتى واللى فيها أتفضلوا (حسام)

يا ..... عالم