الجمعة، 29 يونيو 2007

اول الاوجاع......(اوجاع مدفونة)0








مولود فى شهر الربيع
وبرجى اصبح حمل
والحمل لازم يضيع
ماهو قلبه بيحب بهبل

يا رب انتا السميع
لو قلبى حاله ما اتعدل
بسهوله وبقسوه هبيع
واول الضحايا وديع
كلب كان اسمه حمل

هناك 22 تعليقًا:

خيرالدين يقول...

الف سلامه من الاوجاع
لو مجرد معايشه للحاله تبقى تمكن جميل منك

احساس لسه حى يقول...

عزيزى
الله يسلمك ويسلم كل موجوع
بس الوجع حاله عامه بقيت خلاص
سلام

غير معرف يقول...

جميله اوى الكلمات دى

يعنى زى مابيقولو كلام قليل اوجز فى
باطنة الكثير

وزى مابيقولو برضه السهل الممتنع لكن الممتع برضه

بس الاوجاع دى سهل التعاكل معاها

يعنى لو الانسان رجع لربه واقام الليل مرة واحده بصدق نيه انه يبعد عنه الاوجاع دى هتزول وكل مازادت اقامات الليل كا ماتفرج الهم وزالت الكربة لان التذلل والتضرع الى الله افضل شىء لابعاد الهموم او اى شىء دنيوى

وربنا يوفقك ياجميل

بس ماقولتلناش اسم الحمل ايه؟؟؟؟؟؟؟؟؟

احساس لسه حى يقول...

عزيزتى
شيماء
بس ساعات اللجوء الى الله بيوجع من اثمنا وخطيانا لما نفتكرها بس تصدقى حتى لو بيوجع وجع بمغفره وحسنه احلى من وجع من غير اى فائده
ياريت نقدر نهزم شيطانا ونرجع دايمن لربنا
سلاااااااااااااام

غير معرف يقول...

كلامك جميل اوىى يا حسام واحاسيسك اجمل واجمل يا رب يبعد عنك الاوجاع والاحزان ويوفقك


صديقتك للابد دنيا
دنيــــــــــــا الاحلام

غير معرف يقول...

الوجه اللى جوانا ده جه من ايه ياحسام ؟؟
من ظلم الناس لينا ولا من ظلمنا احنا لنفسنا ؟؟
انت عارف انا برد ولأول مرة ليه عشان اقولك حاجة واحدة بس ان فى احيانا ناس كتير بتبقى ظالمة اوي ولما يجي يوم عليها وتتظلم بتتألم اوي اوي وبتحس بطعم المر وساعتها بس بتقول يااااا قد كده انا ظلمت
استنى بقى الكارثة الأكبر تصدق ان فى ناس لما تتظلم تقول يارب انا عملت ايه عشان اتظلم وتألم كده وهيا تكون ظالمة امة لااله الاالله
اللي بسأله بقى ازاي ممكن يكون حدجرب طعم الظلم يقدر يظلم اوي ازاي حد جرب طعم الوجع يقدر يوجع حد تاني
بس بجد احنا نستاهل الألم يمكن ساعتها نبقى كويسين وربنا اكيد بدال خلانا نتوجع بيعلمنا اننا مانعرفش نوجع حد تاني

غير معرف يقول...

الوجع ( معلش الكلمة اتكتبت غلط )يمكن من كتر ماانا متأثرة اوي
هههه

gohayna يقول...

عارف

كلام جميل
موجز

معبر

جواه معاني وكلمات واحاسيس اكبر بكتير من حجم البحور

بجد انا بحب الشغل دا

ما قل ودل

بس انت دل علي كتير اوي اوي

تسلم ايدك

احساس لسه حى يقول...

عزيزتى
دنيا الاحلام
كلنا جوانا حاجات جميله واحاسيس حلوة انا بخرج اللى جوايا بالكلام احسن ما اخرجه بحاجه تانى وياريت الناس تخرج اللى جواها من غير ما تاذى حد
سلام

احساس لسه حى يقول...

Anonymous
الوجع اللى جوانا من ظلمنا لنفسنا لاننا ساعات بنتأثر بظلم الناس لينا والمفروض اللى يظلمنا ما نحسش بيه واللى يوجعنا اوى من قلبنا نرميه بس فى قلوب وسخه زى قلبى لما بتحب صعب ترمى واى وجع من ناس بيدوب فى حبها
اما اللى بيظلموا دايمن حتى لو اتظلموا عمرهم ما بيحسوا بشئ لان اللى بيظلم دايمن فى قلبه قسوه عمياه عن اى حقيقه واى ظلم يلاقيه بيقبله بظلم اكبر اما الكارثه ان اه كل اللى بيظلم بيقول ليه اتظلمت لان الظالم مش بيقول انا ظالم بيقول ده حقى وانا صح يبقا هيحس بطعم ايه بقه
اللى بيعرف يظلم ويوجع هيفضل يظلم ويوجع واللى ميعرفش مش هيعرف مهما شافوا الاتنين بس يوم ما انسان يتغير منهم بيتغير تغير كلى يعنى الظالم اوى يوم ما يتغير يبقا رؤف اوى وحنين واللى مش بيعرف يظلم يوم مايتغير يبقا قلبه ميت وقاسى اوى
اما من نحيت نستاهل صحيح احنا نستاهل الالم لاننا مهما بنعمل حاجات حلوه وبنكون كويسين بنعمل حاجات وحشه كتير
واللى بيحس اوى بيشوف كلمه تجرح انسان ده شئ وحش وزباله
يعنى صراخى ووجعى اد ما بيتعبنى بيفرحنى يمكن بوجعى ربنا يسمحنى عن حاجات كتير
طولت عليكى بس انتى اللى فتحتى فى جبهات كتيره
شكرا على اهتمامك ومرورك
سلام

غير معرف يقول...

ربنا يبعد عنك وعن الجميع الاوجاع

قول اميييييييين

تحياتي

احساس لسه حى يقول...

عزيزتى
gohayna
شكرا على كلامك بس ده احساس جوايا ممكن يكون قديم بس كان مدفون وخرجته
سلام

احساس لسه حى يقول...

عزيزتى
أيامنا الحلوة
أميين يارب العلمين
بس الاوجاع مكتوبه فى دنيتا وصعب انسانم يعيش من غير اوجاع
سلام

Noony يقول...

انت بتستخدم أسلوب
Proximity of Opposites
أو بمعنى آخر التضاد يظهر المعنى ويوضحه

ما قل ودل فعلاً
ربنا ما يجيب أوجاع أو أحزان أبداً

مبدع

:)
نوني

احساس لسه حى يقول...

عزيزتى
Noony
انا بستخدم اللى بحسه مش بحاول استخدم اى اسلوب غير اللى جوايا اطلعه بكلام بس مش لازم يكون موزون حتى
المهم يخرج حاله جوايا
كتير على مبدع
شكرا

shahy يقول...

عزيزي حسام
لفت نظري قوي اسم مدونتك
احساس لسة حي

ولما قريت البوستات بتاعتك قلبي وجعني مش عارفة لية

كلامك مليان احساس

سعيدة جدا بزيارتك
وان شاء الله مش هاتكون اخر مرة

تحياتي

Unknown يقول...
أزال المؤلف هذا التعليق.
احساس لسه حى يقول...

عزيزتى
shahy
شكرا على زيارتك وكلامك والاسم ده تذكير وترديد احسن انا بحس انى عاوز اموت احساسى فبرد على نفسى وبقول لا مش هقدر لانه لسه حى
سلام

محض روح يقول...

افضل افضل بقلب حمل
على اني اتحول لذئب
وافقد احساسي بنفسي
عمر مكانت الطيبه هبل

واحساسك لسه حي
تبقى لسه بشر

على فكره حلو اوي التضاد

على العموم ربنا معاك يافندم
ويجعلها اخر الاوجاع

احساس لسه حى يقول...

عزيزتى
محض روح
ما انا هفضل ومش هتغير لسببين ان مش بايدى اتغير لشئ رفضه وتانى شئ لانى عارف الدنيا قصيره وفات الكتير ما بقى
سلام

غير معرف يقول...

همس أم انين

حمل أليف أم وحش مندفع

يكسر يركل .. بشدة ولطف

فأختلطت لديه الفصول

ولكن بقي الربيع حيث الحمل الوديع

أيجاز يوازيه الاعجاز

كن كما تحب

عاشقة الحياة

قبلة الحياة يقول...

حروف منقوشه بيد مبدع وفنان

مش ممكن حمامة السلام في يوم وليله تتحول لصقر ينهش اللحم

ممكن نتألم ونتوجع ونلجأ لربنا ونصبر على اوجاعنا واكيد ربنا قادر يهدينا للصواب والخير

اخي دايما حروفك جذابه ونابعه من صدق مشاعرك واحساسك وتجاربك

مدوناتى واللى فيها أتفضلوا (حسام)

يا ..... عالم