السبت، 14 مارس 2009

سبع صفحات تانى من ميت ذكرى فى أوراقى ..عناوينها عندى .عن ناس.. للأسف وحشانى اوى..



يا ريت قبل ما تشوفوا الذكريات دى


شوفوا السبعة اللى فاتوا

علشان كلهم فى درج واحد


8

فتحت أوراقى لقيت غلطه وكررتها


بتلوم الناس على حاجات ياما عملتها


كل دى أخطاء فى صفحة دنيتك


كان غصب عنك


كذبة وصدقتها


9


فتحت أوراقى أعد فى الأفراح


بكلمة محبة بالى يعيش مرتاح


أحلامى مش كبيره



أحلامى سهلة وبسيطه

مش عاوزأخدع حد

ولا حد يسبلى جراح

10

فتحت أوراقى أكتب حلم أمبارح

حبيبتى اللى عشقتها جتلى بلا ملامح

كانت كلها حنية

بتحس أوى بيه

حبى بقه درجه تانية

مبقاش شئ واضح

11

فتحت أوراقى حسيت أنى مجنون

محيرانى دنيتى مطحون مسجون

فى كل شئ وجع عاوزأعيش وحدى

نفسى أعيش على القمر



عاوزأعيش فى سكون


12


فتحت أوراقى لقيت أسامى كتير


كل الأسامى أدتنى شر وخير


بس اللى كسر فيه وجرحنى


لما الغالى على

يبقا معايا شرير

13

فتحت أوراقى ساعة الشتا أدفا

بردان انا من الشوق من اللهفه

بقرا كلامك الاقى روحى دفيت

بقيتى خلاص كفة



والدنيا دى كفة

14

فتحت أوراقى لقيت منى دمعة

فى ظلام ليلى محتاج حتى شمعة

عمر البكا ما بيمحى من القلب وجع

عمر الرياح ما تطفى



مدينه ولعة

هناك 17 تعليقًا:

فتافيت يقول...

طيب احجز بس واجي اقول اللي في نفسي

فتافيت يقول...

10
فتحت أوراقى أكتب حلم أمبارح
حبيبتى اللى عشقتها جتلى بلا ملامح
كانت كلها حنية
بتحس أوى بيه
حبى بقه درجه تانية
مبقاش شئ واضح

** ** ** ** **

12
فتحت أوراقى لقيت أسامى كتير
كل الأسامى أدتنى شر وخير
بس اللى كسر فيه وجرحنى
لما الغالى على يبقا معايا شرير


** ** ** ** **


والله العظيم حرام عليك.. اللي بتعملوا فينا ده

قلبي وجعني.. وقسم بالله
12 ديه.. دموعي نزلت منها

ارحم من في الارض ..

احساسك رائع بجد
ربنا يحفظه لك

والاغنية تجنن على فكرة
قالوا كتير الصبر جميل
بس عمري ما شوفت حلاوته

فتافيت يقول...

كمان كتير بنعشق؟؟؟؟؟
هو انت ليه كده بجد.. يعني حد مسلطك علينا

بجد ذوق يجنن في الاغاني

أحساس لسه حى...كلام من جوه روح لكل روح يقول...

عزيزتى
فتافيت

يا بنتى تحجزى ايه

المدونة فاضية ومهوية

من غير حجز

انتى اول واحده

نورتى

سلام

أحساس لسه حى...كلام من جوه روح لكل روح يقول...

عزيزتى
فتافيت

صدقينى كلهم مرتبطون ببعض

من اول ذكرى لاخر ذكرى من المية

يمكن ببيبعدوا عن بعض ساعات

بس مش هيبعدوا عن احساسى واللى جوايا

بس عارفه انا كان جوايا شئ عاوز اقوله فى 12

عارفه مطلع كله

اصلى بزعل من اى جرح ووجع من حد بعزه من جوايا بتصدم

بس ليه الدموع

الدموع متنزلش الا لشئ بيمس ذكرى

معلش كلها تجارب بتعلمنا

ربنا يرحمنا دنيا واخره ان شاء الله

الاغنية عجبانى اوى وحاسس انها بتعبر عن شئ جوايا وانا بحب محمد محى واغانيه

انتى كمان لسه مشوفتيش حلاوته

استنى الفرج برضوا علشان تعيشى


لتيت معلش بقه فرصه

تحياتى

سلام

أحساس لسه حى...كلام من جوه روح لكل روح يقول...

عزيزتى
فتافيت

كتير بنعشق والموضوع اللى نزلتها فيه

كان يمس قلبى اوى

والاغنية بتمس القلب

والفليم كمان بالذات منى زكى فيه


الاغانى اللى بحطها بختارها لسببين

يا علشان الموضوع اللى كتبه

يا علشان شئ حسه فى الموضوع محدش حسه

وفيه اغانى حلوة كتير بقدر اختار بينها


بس انتى دخلتى المدونة التانيه وسمعتى الاغنيه من غير تعليق على الموضوع

لييييه

نورتينى يا قمر

وصحيتى المدونة من غفوتها

بوجودك

سلام

فتافيت يقول...

طيب بما ان بقى المدونة مدونتنا والبوست بوستنا

يبقى اقولك ان اغنية شرين رغم كرهي لشيرن
من احلى الاغاني اللي سمعتها في حياتي
ويمكن كمان اكون عشتها بشكل او باخر

اصلا عندي شبه يقين ان كل واحد فينا عنده الحالات اللي بتتكلم عنها

كلنا عدينا بعشق وما طلناش او عشق وما قولناش

وهاتلي حكاية واحدة استمرت زي ما بدأت في الدنيا

ومين فينا معندهوش

عشق بيستناه ..

وعشق هو مستنيه

وعش بينسيه العشق اللي عشقه

ولا القلب اللي وصفته وهو جارح وظالم.. انه كان مجروح وبيطلع عقدته.. في الوقت انه جرحه لنا بيفكرنا بجرح عملانه لغيرنا

فظييييييييييييييييييييعة

يلا صدعتك بقى

احساس لسه حى يقول...

عزيزتى
فتافيت

طبعا المدونة مدونتك والبوست بقه بتاعك وهنزل بوست كمان يومين تلاته ويبقا البوست بتعليقاتك بس

كرهك لشرين ليه قوليلى

ده صوتها جميل واغانيها حلوة

ومعاكى حق الاغنيه دى من احلا الاغانى اللى ليها معنى وبتمس الواحد من جوه

لانها مش بتتكلم عن الحب زى الاغانى الكتير دى بتتكلم عن علاقات حقيقه بتحصل

الحب الواقعى اللى معظمه مش بيكمل

لاسباب كتيرة اوى

ومش كلنا يا فتافيت

فى ناس بتعشق وبنتول وبتطول

وفى ناس بترتبط من غير عشق وبتريح نفسها

واللى بيعشقول وبيحبوا بجد قليلين اوى فى الدنيا دى يا بنتى

اللى بليحبوا ككلام كتير

لاكن اللى بيحبوا بصدق ونضافه قليلين اوى وساعات القدر مش بيخليهم يعرفوا يتلاقوا هما وحبايبهم

واكيد عمر ما شئ بيفضل على حاله

بس فى حب بيكبر مع العشرة

وفى حب بيموت معاها

وكل من لم يقابل العشق

كان يتمنا يعشق ويتعشق

هى جميله لا فظيييييييييييييعه زى ما بتقولى

حبى شرين علشانها بقه

صدعتى مين

انا لتات اكتر منك

مش ملاحظه ما بصدق

بقولك صوت السكون مالى المدونه ما بيصدق ان حد يجى يكسره

وما احلا ان يكون الحد ده

بيقول كلام حلو زيك

مش بيضرب

يووووووووووووه

سلام بقه

دينا حامد يقول...

فتحت أوراقي لقيت أسامي كتير
كل الأسامي أدتني شر وخير
بس اللي كسر فيه وجرحني
لما الغالي علي يبقى معايا شرير

مش عارفة اقول ايه بصراحة كفاية كلامك هو قال كل اللي ممكن يتقال

تحياتي

احساس لسه حى يقول...

عزيزتى
دينا حامد

هو الغالى عليكى بيطلع معاكى شرير انتى كمان

دايمن الغالين شرهم بيوجعنا اوى

ولا انتى قولتى اللى اخترتيه يا دينا


تحياتى

سلام

معتز شاهين - باحث تربوي يقول...

أوراقك قد أيه جميله ومبدعة
الله ينور وانشر أوراقك

احساس لسه حى يقول...

عزيزى
معتو شاهين- باحث تربوى

اوراقى من حياتى

فيها الجميل واللى يوجع

وقليل منه يفرح

هنشرها أن شاء الله

نورتنى

سلام

رابطة مدونون من اجل فلسطين يقول...

المدونون والمدونات الاعزاء:

ان كنا لا نستطيع ان نشارك المقاومين باجسادنــا

فلا ننسي اننا نستطيع ان نشاركهم بايدينا والسنتنا

وذلـــك بنشـر القضيه الفلسطينيه فـــــي مدوناتنـا

ولذلـــــــك ندعــــو المــــدونين :-


لحضور اجتمـــــــاعاَ لمناقشة حملتنا بأيدينا ندفع الخطر

للدفاع عـــن المسجد الاقصـــــــي الشريف وقضية فلسطين


نشارك في عوده صلاح الدين فــــــي موقعه حطين

ونكون قد ساهمنا بنشر الوعي بيننا لمكر كــيد الغاصبين

وذلك في يوم الخميس الموافق 26 / 3 / 2009 م
فى تمام الساعة العاشرة مساءاً بتوقيت القاهرة

علي ايميل الرابطة :-


bloggersforpalestine@yahoo.com


وسننتظركم .......

لسماع ارائكم .......

ودعم جهودكم ........

نستمع الي كل ما هو جديد.

ونختــــــار كل ما هو مفيد.

ونحاول ان نحــــدث تجديد.

ولكم منا جزيل الشكر والتقدير.

الأمين العام للرابطة

رابطة مدونون من اجل فلسطين يقول...

ننتظركم اليوم الخميس فى الاجتماع لا تتاخروا لا تبخلوا علينا بما لديكم

احساس لسه حى يقول...

رابطة مدونون من اجل فلسطين

انا ضفت الاميل

ومستنى الساعه 10 يوم الخميس

ومهما هنعمل مش بندى فلسطين واهلها حقها


سلام

احساس لسه حى يقول...

رابطة مدونون من اجل فلسطين

انا موجود ومستنى يوم الخميس

سلام

اخبار مصر يقول...

مدونة رائعة اتمني زيارة موقعي
اخبار مكان
أخبار مصر و الشرق الأوسط و العالم مع تغطيات سياسية و رياضية واقتصادية

مدوناتى واللى فيها أتفضلوا (حسام)

يا ..... عالم